ହତ୍‌ତି 6:11 - New Testament in Pengo Parja Language

¹¹ ହେ ୱିଜାରିଙ୍ଗ୍ ରଞ୍ଜି-ରଞ୍ଜି ଡ଼ିଞ୍ଜ୍‌ନି ହେନ୍ଦ୍ରାଙ୍ଗ୍ ହିଜିମାଚାନ୍, ଆରେ “ହେୱାରିଙ୍ଗ୍ ୱେଚ୍‌ଚି ମାଚାନ୍ ଅଲପ୍‌ଦିନ୍ କାଡ। ଇନେସ୍‌କି ମିହୁଦାଙ୍ଗ୍ ମାହାଆଜି କାମାୟ୍ କିଜି ମାଚାକାର୍ ଆରେ ମି ପାର୍ତିନି ଟଣ୍ଡାର୍ ମିଙ୍ଗେଙ୍ଗ୍ ଅସ୍ତିତିଲେକେ ହେୱାରିଙ୍ଗ୍ ଅହ୍‌ୱାତାର୍‌ନା, ଏଚେପାଦ୍ନା ମି ଦଳ୍‌ନି ମାନାୟାରିଙ୍ଗ୍ ମାର୍ନେ ଅହ୍‌ନାର୍। ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ମାର୍ନେ ଅହ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹¹ ହେବେ ହେୱାର୍‌ତି ଜାଣ୍‌କେତି ରୱାନିଂ ଡ଼ିଞ୍ଜିନି ଆଙ୍ଗି ହିତାର୍‌, ଆରେ ହେୱାର୍‌ତି ଇମ୍‌ଣି ହାଙ୍ଗ୍‌ଦାକାନ୍‌ ଆରି ଟଣ୍ଡାର୍‌ ହେୱାର୍‌ ଲାକେ ପା ଟୁଣ୍‌ୟାନାର୍‌, ହେୱାର୍‌ତି ଗିଣ୍‌ନି ବାର୍ତି ଆୱି ପାତେକ୍‌ ଆରେ ଅଲପ୍‍ କାଡ଼୍‌ ପାତେକ୍‌ ଜମ୍‌ନି କାଜିଂ ହେୱାରିଂ ଇଚାନ୍‌ ।

ହତ୍‌ତି 6:11 Iomraidhean Croise

ମାତିଉ 10:21

ହେପାଦ୍ନା ଇମ୍‌ଣି ମାନାୟ୍ ନାଙ୍ଗେଙ୍ଗ୍ ପାର୍ତି କିଦୁର୍, ହେୱାନ୍ ନାଙ୍ଗେଙ୍ଗ୍ ପାର୍ତି କିଦ୍‌ନି ଟଣ୍ଡାରିଙ୍ଗ୍ ମାର୍ନେ ଅହିକିଦେଙ୍ଗ୍ ପାର୍ତିକିୱି ଟଣ୍ଡାହିର୍‌ତାକେ ଆହିକିନାର୍। ଆବାର୍‌ ପା ତା ହିମ୍‌ଣାକାଙ୍ଗ୍ ହେଲେକେ କିନାର୍। ଆରେ, ହିମ୍‌ଣାଙ୍ଗ୍ ଆବାଆୟାଙ୍ଗ୍‌ ବିରଦ୍‌ତାକେ ନିଙ୍ଗ୍‌ଞ୍ଜି ହେୱାରିଙ୍ଗ୍ ମାର୍ନେ ଅହ୍‌ନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:22

ମାତର୍ ଲାତ୍ରାହି କୁଲିୟାରିଙ୍ଗ୍ କୁକ୍‌ଚି ୱେଚ୍‌ଚାନ୍, ‘ବେଗି ହାଲାଟ୍, ହିମ୍‌ଣା କାଜିଙ୍ଗ୍ ହାର୍ଦି ହେନ୍ଦ୍ରାପାଟା ତାଡ। ତା ୱାଚ୍‌କାତାକେ ୱାତୁସ୍ ତୁଜି କିୟାଟ୍। ଆରେ ହାର୍ଦି ପାଣ୍ଡାଇଙ୍ଗ୍ ତୁଜି କିୟାଟ୍।

ଜହନ୍‌ 16:2

ମିଙ୍ଗେଙ୍ଗ୍ ମାନାୟାର୍ ହେୱାର୍ ପାର୍ତାନା ଇଞ୍ଜାଙ୍ଗ୍ ହପ୍ତାନାର୍। ଆଁ, ହେଲେକେ ସମୟ୍ ୱାନାତା, ଏଚେପାଦ୍ନା ମାନାୟାର୍ ବାବିକିନାର୍ ଯେ, ମିଙ୍ଗେଙ୍ଗ୍ ଆହ୍‌ନି କାଜିଙ୍ଗ୍ ହେୱାର୍ ଈଶ୍ୱରତିଙ୍ଗ୍ ହେବାକିନାରା।

ପକ୍ୟାତାକା 20:24

ଈଶ୍ୱର ଇମ୍‌ଣି ଦୟା ଚଚ୍‌ଚାତାନ୍‌ନା ହେ ବିଷୟରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍, ମାପୃ ଯୀଶୁ ନାଙ୍ଗେଙ୍ଗ୍ ହିତ୍‌ତାନ୍‌ନା ଇ କାମାୟ୍‌ତିଙ୍ଗ୍ ପୁରା କିଜି ୱିହ୍‌ୱି ପାତେକ୍ ଆନେଙ୍ଗ୍ ନା ଜିବୁନ୍‌ତିଙ୍ଗ୍ କିଚି ମୁଲ୍ଯ ଆକାୟ୍ ଇଞ୍ଜି ବାବିକିନାଙ୍ଗା।

୨ ଥେସଲନୀକିୟ 1:7

ହେପାଦ୍ନା ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନି ମାନାୟାରିଙ୍ଗ୍ ଈଶ୍ୱର ହେଲେକେ ନେ ହେୱାରିଙ୍ଗ୍ ଦୁଃକ୍ କଷ୍ଟ ହିନାନ୍। ଆରେ ଏପେଙ୍ଗ୍ ଦୁଃକ୍ କଷ୍ଟ ପାୟାଆଜି ମାଚି କାଜିଙ୍ଗ୍ ହେୱାନ୍ ମା ହୁଦାଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଦ୍‌ନାନା, ଇଦାଙ୍ଗ୍ ନେ ଈଶ୍ୱରତି ନ୍ୟାୟ୍ ବିଚାର୍।

୨ ତିମଥି 4:7

ଜୁଜ୍ କିନିତାକେ ମାନି ସେନା ଇନେସ୍ ଜୁଜ୍‌କିଜି ମାନାନ୍, ହେଲେକେ ଆନେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ବେସି କଷ୍ଟ କିନାଙ୍ଗା। ଆନେଙ୍ଗ୍ ହନ୍‌ନି ଲାଇନ୍ ୱିସ୍ତାଙ୍ଗେ, ଆନେଙ୍ଗ୍ ପାର୍ତିତିଙ୍ଗ୍ ଆସ୍ତି ଇଡ଼୍‌ତାଙ୍ଗ୍‌ନା।

ଏବ୍ରି 11:40

ଇନେସ୍‌କି ଈଶ୍ୱର ହେୱାର୍ କାଜିଙ୍ଗ୍ ଆପ୍‌କା ଗାଜା ଯଜ୍‌ନା କିୱାଦାଙ୍ଗ୍ ମାଚାନ୍, ମାତର୍ ମା କାଜିଙ୍ଗ୍ ପା ହେ ଯଜ୍‌ନା କିଜି ମାଚାନ୍। ମା ହୁଦାଙ୍ଗ୍ ହେୱାରିଙ୍ଗ୍ ଈଶ୍ୱର ପୁରା ଟିକ୍ କିଦେଙ୍ଗ୍ ଇଚାକିଜି ମାଚାନ୍‌।

ଏବ୍ରି 12:23

ସରଗ୍‌ତାକେ ଲେକାଆତି ଈଶ୍ୱରତି ପାର୍ତୁମ୍ ଜନମ୍ ଆତି ମଣ୍ଡ୍‌ଲି ଲାଗାୟ୍ ୱାତାଦେର୍‌ନା। ସରଗ୍‌ତାକେ ହେୱାର୍ ଆତ୍ମାନି ଦରମ୍ ମାନାୟ୍ ଆରେ ହେୱାର୍ ନଙ୍ଗୟ୍ ପୁରା ଟିକ୍ ଆତାର୍‌ନା, ଆରେ ଏପେଙ୍ଗ୍ ହେୱାର୍ ଲାଗାୟ୍ ୱାତାଦେର୍‌ନା। ୱିଜାକାରିଙ୍ଗ୍ ବିଚାର୍ କିଦ୍‌ନି ଈଶ୍ୱର ଲାଗାୟ୍ ଏପେଙ୍ଗ୍ ୱାତାଦେର୍‌ନା।

ଏବ୍ରି 4:10

ଈଶ୍ୱର ଇନେସ୍ ଜାର୍ କାମାୟ୍‌ତାଙ୍ଗ୍ ଜମ୍‌ତାନ୍, ହେଲେକେ ଇମ୍‌ଣି ମାନାୟ୍ ଈଶ୍ୱର ଜମ୍‌ନି ବାହାତାକେ ହାଚାନ୍‌ନା, ହେୱାନ୍ ତା ଜାର୍ କାମାୟ୍‌ତାଙ୍ଗ୍ ଜମ୍‌ନାନ୍।

ହତ୍‌ତି 10:6

ଆରେ ହେୱାନ୍ ୱିଜୁଦିନ୍ ଜିବୁନ୍ ମାନି ଈଶ୍ୱର, ଇନେର୍ ସରଗ୍ ଆରେ ହେବେ ମାନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା। ଇନେର୍ ପୁର୍ତି ଆରେ ପୁର୍ତିନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା ଆରେ ଇନେର୍ ହାମ୍‌ଦୁର୍ ଆରେ ହେବେ ମାନି ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା ତା ତର୍‍ଦାଙ୍ଗ୍ ରାଣ୍ କିଜି ୱେଚ୍‌ଚାନ୍, “ଈଶ୍ୱର ଆରେ ଲେଟ୍ କିଉନ୍।

ହତ୍‌ତି 13:15

ହେ ଦୁଇ ନମ୍ବର୍ ପଶୁତିଙ୍ଗ୍ ପାର୍ତୁମ୍ ପଶୁ ମୁର୍ତିତିଙ୍ଗ୍ ଜିବୁନ୍ କିନି ଅଦିକାର୍ ଈଶ୍ୱର ହିଜିମାଚାନ୍। ଲାଗିଙ୍ଗ୍ ହେ ମୁର୍ତି ବେଣ୍‌କିଦେଙ୍ଗ୍ ଆଡ଼୍‍ତାତ୍ ଆରେ ହେ ମୁର୍ତି ୱିଜାର୍ ମାନାୟାରିଙ୍ଗ୍ ଆଦେସ୍ ହିନାତ୍ ଯେ, ତାଙ୍ଗେଙ୍ଗ୍ ପୁଜା କିୱି ମାନାୟାରିଙ୍ଗ୍ ମାର୍ନେ ଅହାଟ୍।

ହତ୍‌ତି 14:13

ତାପାଚେ ସରଗ୍‌ତାକେ ଆରେ ରକାନ୍ ୱେଚ୍‌ଚାକା ଆନେଙ୍ଗ୍ ୱେଚାଙ୍ଗ୍, “ଇ ୱିଜୁ ବିଷୟତିଙ୍ଗ୍ ଲେକିକିୟାଟ୍। ‌ନଙ୍ଗୟ୍‌ତାଙ୍ଗ୍ ଇମ୍‌ଣି ମାନାୟାର୍ ମାପୃଙ୍ଗ୍ ପାର୍ତି କିଜି ହାଃନାର୍ ହେ ମାନାୟ୍ ଦନ୍ୟ, ଲାଗିଙ୍ଗ୍ ଆଁ, ଟିକ୍ କାତା ଇଞ୍ଜି ପବିତ୍ର ଆତ୍ମା ୱେଚ୍‌ଚାତ୍। ହେୱାର୍ ଦନ୍ୟ ଆନାର୍, ଇନେସ୍‌କି ହେୱାର୍ ତା କଷ୍ଟତାଙ୍ଗ୍ ଶାନ୍ତି ପାୟାଆନାର୍‌। ଆରେ ହେୱାର୍ ହାର୍ କାମାୟ୍ କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ପୁରଷ୍କାର୍ ହିନାନ୍।”

ହତ୍‌ତି 17:6

ଆନେଙ୍ଗ୍ ହୁଡ଼୍‌ଜି ମାଚାଙ୍ଗ୍ ଯେ, ହେ କଗ୍‌ଲେଙ୍ଗ୍ କାଲିଙ୍ଗ୍ ଉଣିଲେକେ ଈଶ୍ୱର ପବିତ୍ର ମାନାୟାର୍ ନେତେର୍‌ତିଙ୍ଗ୍ ଉଣ୍‌ଜି ମାଚାତ୍। ଇମ୍‌ଣି ମାନାୟାରିଙ୍ଗ୍ ଯୀଶୁ କାଜିଙ୍ଗ୍ ମାର୍ନେ ଅସ୍ତି ମାଚାର୍, ଇନେସ୍‌କି ହେୱାର୍ ଖ୍ରୀଷ୍ଟ କାତା ମାନିକିଜି ମାଚାର୍। ଆରେ ହେ କଗ୍‌ଲେଙ୍ଗ୍ ହୁଡ଼୍‌ଜି ଆନେଙ୍ଗ୍ ଚାନିଆ ଆତାଙ୍ଗ୍।

ହତ୍‌ତି 7:14

ଆନେଙ୍ଗ୍ ତାଙ୍ଗେଙ୍ଗ୍ ୱେଚ୍‌ଚାଙ୍ଗ୍, “ମାପୃ ଆନେଙ୍ଗ୍ ପୁନ୍‌ୱାତାଙ୍ଗ୍‌ନା ମାତର୍ ଏନେଙ୍ଗ୍ ପୁଚାୟ୍‌ନା।” ଲାଗିଙ୍ଗ୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, “ଇୱାର୍‍ନେ ହେ ମାନାୟ୍ ଇମ୍‌ଣି ମାନାୟାର୍ ହେ ଗାଜା ଦୁଃକ୍ କଷ୍ଟ ୱେଡ଼ାଙ୍ଗ୍ ଦୁଃକ୍ କଷ୍ଟ ପାୟାଆଜି ହାଃଜି ମାଚାନ୍। ହେୱାର୍ ନଙ୍ଗୟ୍ ତା ହେନ୍ଦ୍ରାତିଙ୍ଗ୍ ମେଣ୍ଢା ଇନେର୍‌କି ଯୀଶୁ ନେତେର୍‌ତାଙ୍ଗ୍ ନୁସ୍‌ଦି ଡ଼ିଚ୍‌ଚାର୍‌ନା। ତା ସତ୍ ହେୱାର୍ ୱିଜୁ ପାପ୍‌ତିଙ୍ଗ୍ ନୁସ୍ତାତ୍‌ନା।”

ହତ୍‌ତି 7:9

ତାପାଚେ ଗାଣାକିୟା ଆଉତ୍ ଏଲେଙ୍ଗ୍ ର ଗାଜା ଦଳ୍‌ନି ମାନାୟାର୍ ଈଶ୍ୱର ସିଙ୍ଗାସନ ଆଗେ ଆରେ ମେଣ୍ଢା ଇନେର୍‌କି ଯୀଶୁ ଆଗେ ନିଲ୍‌ତାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ୱିଜୁ ଜାତିନି, କୁଟୁମ୍, ଦେସ୍ ଆରେ ୱିଜୁ ବାଷାନି ମାନାୟାର୍ ୱାଜିମାଚାର୍, ହେୱାର୍ ଡ଼ିଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାର୍ ଆରେ ହେୱାର୍ କେଇଦ କାଜ୍‌ରି କେନ୍ଦାଙ୍ଗ୍ ଆସ୍ତି ମାଚାର୍।