ହତ୍‌ତି 6:10 - New Testament in Pengo Parja Language

¹⁰ ହେୱାର୍ ଗାଜାକାଟ୍ କିଜି ଈଶ୍ୱରତିଙ୍ଗ୍ ୱେଚ୍‌ଚାର୍, “ହେ ପବିତ୍ର ଆରେ ସତ୍ ମାପୃ ଆରେ ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ ଇନାକିଦେଙ୍ଗ୍ ପୁର୍ତିତାକେ ମାନି କରାପ୍ ମାନାୟାରିଙ୍ଗ୍ ଦଣ୍ଡ୍ ହିଦେଙ୍ଗ୍ ବେସି ଲେଟ୍ କିନାୟା? ଆପେଙ୍ଗ୍ ନିଙ୍ଗେଙ୍ଗ୍ ଗୁୱାରି କିଦ୍‌ନାପା ମାଙ୍ଗେଙ୍ଗ୍ ମାର୍ନେ ଅସ୍ତାତାକାରିଙ୍ଗ୍ ଏନେଙ୍ଗ୍ ମାର୍ନେ ଅହା।”

ସତ୍‌ ବଚନ୍‌ ପୁନି ନିୟମ୍‌

¹⁰ ହେୱାର୍‌ ଗାଜା କାଟ୍‌ତାଂ କୁକ୍‌ଚି ଇଞ୍ଜି ମାଚାର୍‌, ହେୱାନ୍‌ ପୁଇପୁୟା ଆରି ହାତ୍‌ପା ମାପ୍ରୁ ଇସ୍ୱର୍‌ ଆରେ ଏଚେକ୍‌ କାଡ଼୍‌ ଏନ୍‌ ବିଚାର୍‌ କିୱାଦାଂ ପୁର୍ତିନିକାର୍‌ତାଂ ମା ନେତେର୍‌ନି ବାଦୁଲ୍‌ ଆଉୟ୍‌ ?

ହତ୍‌ତି 6:10 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:29

“ମାପୃ! ଏନେଙ୍ଗ୍ ଇମ୍‌ଣି ଆଦେସ୍ ନାଙ୍ଗେଙ୍ଗ୍ ହିଜି ମାଞ୍ଚାଇ ହେଦାଙ୍ଗ୍ ପୁରା କିତାଇ। ନଙ୍ଗୟ୍ ଆନେଙ୍ଗ୍ ଶାନ୍ତିରେ ହାଃଦେଙ୍ଗ୍ ଆଡ୍‌ନାଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:22

ଇନେସ୍‌କି ଇଶ୍ୱର୍ ଇପାଦ୍ନା ଯିରୁଶାଲାମ୍ ସହର୍ ନିକାରିଙ୍ଗ୍ ଦଣ୍ଡ୍ ହିନାନ୍। ଇ ଦଣ୍ଡ୍ କାଜିଙ୍ଗ୍ ଭବିଷ୍ଯତବକ୍ତା ଲେକିକିତି କାତା ପୁରାଆନାତ୍।

ରୋମିୟ 12:19

ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡାର୍‌କାଦେର୍, ଏପେଙ୍ଗ୍ ମି ବିରଦ୍‌ତାକେ କରାପ୍ କାମାୟ୍ କିଜିମାଚି ମାନାୟାର୍ ବିରଦ୍‌ତାକେ କିନି କାଜିଙ୍ଗ୍ ଉଲ୍‌ଟା ହେୱାର୍ ବିରଦ୍‌ତାକେ କରାପ୍ କାମାୟ୍ କିମାଟ୍, ମାତର୍ ଈଶ୍ୱର କାଜିଙ୍ଗ୍ ପିସ୍ତି ହିୟାଟ୍। ହେୱାନ୍ ମି କାଜିଙ୍ଗ୍ ହେୱାରିଙ୍ଗ୍ ଦଣ୍ଡ୍ ହିନାନ୍। ଇନେସ୍‌କି ଦରମ୍ ସାସ୍ତର୍‌ତାକେ ଲେକାଆତାତ୍‌ନା, ମାପୃ ଇନାନା, “ଆନେଙ୍ଗ୍ ମି କାଜିଙ୍ଗ୍ ବାଦ୍‌ଲାୟ୍ କିଦେଙ୍ଗ୍ ନା ଅଦିକାର୍ ମାନାତ୍। ହେୱାର୍ କିତି କାମାୟ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ ଦଣ୍ଡ୍ ହିନାଙ୍ଗ୍।

ଏବ୍ରି 12:24

ଏପେଙ୍ଗ୍ ଯୀଶୁ ଲାଗାୟ୍ ୱାତାଦେର୍‌ନା, ହେୱାନ୍ ଈଶ୍ୱର ଆରେ ମାନାୟ୍‌ବିତ୍ରେ ମାନି ପୁନି ପାର୍ମାଣ୍‌ନି ମାଦିଆଜି କାମାୟ୍ କିନାକାନ୍। ବାଦ୍‌ଲା ଅନି କାଜିଙ୍ଗ୍ କୁକ୍‌ନି ହେବଲନି ନେତେର୍ ବାଦୁଲ୍ କେମା ହିନି କାତା ୱେଚ୍‌ନି ଖ୍ରୀଷ୍ଟତି ତିର୍‌ତି ନେତେର୍ ଲାଗାୟ୍ ଏପେଙ୍ଗ୍ ୱାତାଦେର୍‌ନା।

୨ ପିତର 2:1

ଇସ୍ରାଏଲ ଦେସ୍‌ତାକେ ଇନେସ୍ ଆଗେ ବୁଲ୍ ଭବିଷ୍ଯତବକ୍ତାର୍ ଚଞ୍ଜିଆଆଜି ମାଚାର୍, ହେଲେକେ ବୁଲ୍ ହିକ୍ଷାହିନି ମାଷ୍ଟେରାର୍ ମି ବିତ୍ରେ ଚଞ୍ଜିୟା ଆନାର୍। ହେୱାର୍ ମିଚ୍ ହିକ୍ଷା ହିନାର୍, ଲାଗିଙ୍ଗ୍ ମାନାୟାର୍ ଖ୍ରୀଷ୍ଟତାକେ ପାର୍ତି କିନାକା ବନ୍ଦ୍ କିନାର୍। ଇ ବୁଲ୍ ହିକ୍ଷାହିନି ମାଷ୍ଟେରାର୍ ଖ୍ରୀଷ୍ଟଙ୍ଗ୍ ହେୱାର୍ ମାଷ୍ଟେର୍ ଇଞ୍ଜି ମାନିକିଉର୍, ଆରେ ଖ୍ରୀଷ୍ଟ ହେୱାରିଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି କିତ୍‌ତାନ୍‌ନା ଇଞ୍ଜି ପା ଆହୁର୍। ହେୱାର୍ ଇଲେକେ ନିଜେତିଙ୍ଗ୍ ନିଜେ ହେଦାପ୍ରେ ନଷ୍ଟ ଗଟାଇକିୟା ଆନାର୍।

ହତ୍‌ତି 11:18

ବିନ୍‌ଜାତିନି ମାନାୟାର୍ ନିଙ୍ଗେଙ୍ଗ୍ ରିସାଆଜି ମାନ୍‌ଞ୍ଚାର୍। ମାତର୍ ଏନେଙ୍ଗ୍ ହାଃତାକାରିଙ୍ଗ୍ ବିଚାର୍ କିନାକା, ଆରେ ନି ଦାସ୍ ଭବିଷ୍ଯତବକ୍ତାରିଙ୍ଗ୍, ଦରମ୍ ମାନାୟାରିଙ୍ଗ୍, ନିଙ୍ଗେଙ୍ଗ୍ ପାଣ୍ଡ୍ରାଆଜି ପାପ୍ କାମାୟ୍ କିୱାକାରିଙ୍ଗ୍ ଗାଜା ହିରୁ ୱିଜାରିଙ୍ଗ୍, ପୁରଷ୍କାର୍ ହିନି ଦିନ୍ ୱାତାତେ। ଆରେ ପୁର୍ତିତିଙ୍ଗ୍ ବିନାସ୍ କିନି ମାନାୟାରିଙ୍ଗ୍ ଏନେଙ୍ଗ୍ ବିନାସ୍ କିନାୟ୍।

ହତ୍‌ତି 18:20

ଏ ସରଗ୍‌ତାକେ ମାନି ମାନାୟାର୍ ହେ ସହର୍ ବିନାସ୍‌ଆତି କାଜିଙ୍ଗ୍ ୱାରିୟା ଆଡ। ହେ ସାଦୁ ମାନାୟ୍ କାଦେର୍, ଏ ବାଚିକିତି ଚେଲା କାଦେର୍, ଇ ଭବିଷ୍ଯତବକ୍ତା ୱାରି କିୟାଟ୍, ଇନେସ୍‌କି ବାବିଲନ୍‌ ସହର୍‌ନି ମାନାୟାର୍ ମି ବିରଦ୍‌ତାଙ୍ଗ୍ କିଜିମାଚି ପାପ୍ କାଜିଙ୍ଗ୍ ଈଶ୍ୱର ହେ ସହର୍‌ତିଙ୍ଗ୍ ବିନାସ୍ କିତାନ୍।

ହତ୍‌ତି 18:24

ଈଶ୍ୱର ହେ ସହର୍‌ତିଙ୍ଗ୍ ଦଣ୍ଡ୍ ହିତାନ୍ ଭବିଷ୍ଯତବକ୍ତାରିଙ୍ଗ୍, ଈଶ୍ୱର ଲକ୍‌ତିଙ୍ଗ୍ ଆରେ ପୁର୍ତିନି ବିନ୍-ବିନ୍ ବାହାନି ମାନାୟାରିଙ୍ଗ୍ ପା ମାର୍ନେ ଅସ୍ତି ନେତେର୍ ଚଚ୍‌ଚି ମାଚାର୍।

ହତ୍‌ତି 19:2

ଇନେସ୍‌କି ହେୱାନ୍ ସତ୍ ବିଚାର୍ କିନାନ୍ ହେୱାନ୍ ଗାଜା ଦାରି କାମାୟ୍ କିନି କଗ୍‌ଲେଙ୍ଗ୍ ମାର୍ନେ ଅସ୍ତାର୍, ଇନେସ୍‌କି ପୁର୍ତିନି ୱିଜାର୍ ମାନାୟାରିଙ୍ଗ୍ ପାପ୍ କାମାୟ୍ କିଜି ମାଚାର୍। ହେ ସହର୍‌ନି ମାନାୟାର୍ ଈଶ୍ୱରନି ମାନାୟାରିଙ୍ଗ୍ ପା ହେ ସହର୍‌ତିଙ୍ଗ୍ ବିନାସ୍ କିତାନ୍। ହେଦାଙ୍ଗ୍ କାଜିଙ୍ଗ୍ ହେ ସହର୍‌ନି ମାନାୟାରିଙ୍ଗ୍ ପା ଈଶ୍ୱର ବିନାସ୍ କିତାନ୍।

ହତ୍‌ତି 3:10

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିହିଙ୍ଗ୍ ସାସ୍ ଆଜି ନା କାତାତିଙ୍ଗ୍ ମାନିକିଜି ସମ୍ବାଲି କିଜି ମାଚାଦେର୍, ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ୱିଜାର୍ ମାନାୟାରିଙ୍ଗ୍ ୱାନି ଗାଜା ପରିକ୍ଷାତାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଉଦାର୍ କିଦ୍‌ନାଙ୍ଗ୍।

ହତ୍‌ତି 3:7

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଫିଲାଦେଲ୍‌ଫିଆ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌, ଇନେର୍ ପବିତ୍ର ଆରେ ସତ୍ ଆରେ ଇନେର୍‌ତାକେ ଦାଉଦ ରାଜାତି କୁଚିକାଡିଙ୍ଗ୍ ମାନିକ୍। ଆନେଙ୍ଗ୍ ଏଚେକାଡ଼୍‌ଦ ହେ କୁଚିକାଡିଙ୍ଗ୍‌ତାଙ୍ଗ୍ ର କାପାଟ୍ ଜେନାଙ୍ଗ୍ ହେଦାଙ୍ଗ୍ ଇନେର୍ ପା ଗେସ୍ତେଙ୍ଗ୍ ଆଡୁର୍, ଆରେ ଆନେଙ୍ଗ୍ ଏଚେପାଦ୍ନା ହେ କୁଚିକାଡି ସାଇଜତାଙ୍ଗ୍ ହେ କାପାଟ୍ ଗେହ୍‌ନାଙ୍ଗ୍‌ ଇନେର୍ ପା ଜେତେଙ୍ଗ୍ ଆଡୁର୍।