ହତ୍‌ତି 4:6 - New Testament in Pengo Parja Language

⁶ ଆରେ ପା ହେ ସିଙ୍ଗାସନ ଆଗେ ହାମ୍‌ଦୁର୍ ଲେକେ ଅହାର୍ ମେଦ୍‌ନି ମାଚାତ୍। ହେଦାଙ୍ଗ୍ କାଚ୍‌ଲେକେ କିଲେର୍ ମାଚାତ୍ ଆରେ ହେ ଗାଜା ସିଙ୍ଗାସନ ହେ ଚବିଶ୍ ଗଟା ସିଙ୍ଗାସନ ମାଦି ମାଚାତ୍। ହେ ସିଙ୍ଗାସନ ଚାରିଗଟା ଗିନାକାଙ୍ଗ୍ ଚାରିଗଟା ଜିବୁନ୍ ମାନି ପଶୁ ମାଚିକ୍ ଆରେ ହେୱାରିଙ୍ଗ୍ ଗାଗାଡ଼୍ ବାର୍ତି କାଣ୍‌କୁ ମାଚିକ୍।

ସତ୍‌ ବଚନ୍‌ ପୁନି ନିୟମ୍‌

⁶ ଗାଦି ମୁମ୍‌ଦ କାଚ୍‌ ଲାକେ ନିର୍‌ମଲ୍‌ ର ହାମ୍‌ଦୁର୍‌ । ଗାଦି ଚାର୍‌ବେଣ୍‌ତାଂ ମାଦି ଚାର୍‌ ପାରାଣିଂ, ହେୱାର୍‌ତି ଆଗେ ଆରି ପାଚେ କାଣ୍‌କୁତ ବାର୍ତି ମାଚାତ୍‌ ।

ହତ୍‌ତି 4:6 Iomraidhean Croise

ହତ୍‌ତି 14:3

ହେ ୧, ୪୪,୦୦୦ ମାନାୟାର୍, ଈଶ୍ୱର ସିଂହାସନ୍, ଚାରିଗଟା ଜିବୁନ୍ ମାନି ପଶୁ ଆରେ ୨୪ ଜାଣ୍ ପ୍ରାଚିନାର୍ ମୁମ୍‌ଦ ନିଲ୍‌ଚି ମାଚାର୍। ହେୱାର୍ ନେ ହେ ମାନାୟାର୍ ଇମ୍‌ଣାକାରିଙ୍ଗ୍ ଈଶ୍ୱର ପୁର୍ତିନି ମାନାୟାର୍‌ତାଙ୍ଗ୍ ଉଦାର୍ କିତାନ୍‌ନା। ହେୱାର୍ ରଞ୍ଜି ପୁନି କେର୍‌କଣ୍ କେର୍‌ଜି ମାଚାର୍ ହେ କେର୍‌କଣ୍‌ତିଙ୍ଗ୍ ଇନେର୍ ପା ହିକାଆଦେଙ୍ଗ୍ ଆଡୁର୍।

ହତ୍‌ତି 15:2

ତାପାଚେ ଆନେଙ୍ଗ୍ ରଞ୍ଜାଙ୍ଗ୍ ନାଣିତାକେ ମାହାଆତି କାଚ୍‌ଲେଗ୍‌ଦି ହାମ୍‌ଦୁର୍‌ତିଙ୍ଗ୍ ହୁଡ଼୍‌ତାଙ୍ଗ୍। ଆରେ ପା ଆନେଙ୍ଗ୍ ହେ ପଶୁତିଙ୍ଗ୍ ଆରାୟ୍ କିଜି ଜିତାଆତାକାଙ୍ଗ୍‌, ତା ମୁର୍ତିତିଙ୍ଗ୍ ପୁଜା କିୱିତି ମାନାୟାରିଙ୍ଗ୍ ଆରେ ତା ତର୍‌ଦିଙ୍ଗ୍ ଆରେ ଚିନ୍‌ତିଙ୍ଗ୍ ଅୱିତି ମାନାୟାରିଙ୍ଗ୍ ହେ କାଚ୍‌ଲେଗ୍‌ଦି ହାମ୍‌ଦୁର୍ କାଣ୍ଡିତ ନିଲ୍‌ତାକା ହୁଡ଼୍‌ତାଙ୍ଗ୍। ହେୱାର୍ ଈଶ୍ୱର ହିତି ଡୁଡୁଙ୍ଗା ଆସ୍ତି ମାଚାର୍।

ହତ୍‌ତି 15:7

ଆରେ ତାପାଚେ ଚାରିଗଟା ଜିବୁନ୍ ମାନି ପଶୁ ବିତ୍ରେତାଙ୍ଗ୍ ର ପଶୁ ହେ ସାତ୍‌ଗଟା ଦୁତ୍‌କୁକାଙ୍ଗ୍ ହନାତାଙ୍ଗ୍ ରସ୍ତି ସାତ୍‌ଗଟା ଗିନା ହିତାତ୍‌, ଆରେ ହେ ଗିନାତାକେ ୱିଜୁଦିନ୍ ମାନି ଈଶ୍ୱର ଦଣ୍ଡ୍ ମାଚାତ୍।

ହତ୍‌ତି 19:4

ତାପାଚେ ଚବିଶ୍ ଜାଣ୍ ପ୍ରାଚିନ୍‌ ଆରେ ଚାରିଗଟା ଜିବୁନ୍ ମାନି ପଶୁ ସିଙ୍ଗାସନ୍‌ତାକେ କୁଚ୍‌ଚି ଈଶ୍ୱରତିଙ୍ଗ୍ ଜୱାର୍‌କିଜି ୱେଚ୍‌ଚାର୍ “ଆମେନ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ହତ୍‌ତି 21:11

ହେ ସହର୍‌ତାକେ ଈଶ୍ୱର ଗୌରବ ବାର୍ତିଆଜି ମାଚାତ୍, ଆରେ ହେଦାଙ୍ଗ୍ ବେସି ଦାମ୍‌ଦି କାଲ୍ ଆରେ କାଚ୍ ଗିଲାସ୍‌ଲେକେ ଚମ୍‌କା ଆଜି ମାଚାତ୍।

ହତ୍‌ତି 21:18

ହେ ସହର୍‌ନି ବାଉଣ୍ଡ୍ରି ବେସି ଦାମ୍‌ଦି କାଲ୍‌କୁତାଙ୍ଗ୍ ରହ୍‌ୟା ଆଜିମାଚାତ୍, ଆରେ, ହେ ସହର୍ କିଲେର୍ କାଚ୍ ଗିଲାସ୍‌ଲେକେ ଅର୍ଜିନାଲ୍ ହନାତାଙ୍ଗ୍ ରହ୍‌ୟା ଆଜିମାଚାତ୍।

ହତ୍‌ତି 21:21

ହେ ସହର୍‌ନି ବାରଗଟା ଗେଟ୍ ମତିତାଙ୍ଗ୍ ରହ୍‌ୟା ଆଜି ମାଚାତ୍, ୱିଜୁ ଗେଟ୍ ରଞ୍ଜି ମତି ହୁଦାଙ୍ଗ୍ ରହ୍‌ୟା ଆଜିମାଚାତ୍, ଆରେ ସହର୍‌ନି ମୁଡ଼୍‌ଦି ଗେଟ୍ କିଲେର୍ କାଚ୍ ଗିଲାସ୍‌ଲେକେ ଅର୍ଜିନାଲ୍ ହନା ହୁଦାଙ୍ଗ୍ ରହ୍‌ୟା ଆଜି ମାଚାତ୍।

ହତ୍‌ତି 22:1

ତାପାଚେ ହେ ଦୁତ୍ ନାଙ୍ଗେଙ୍ଗ୍ ର ନାଗୁଡ଼୍ ଚଚ୍‌ଚାତାତ୍‌, ହେ ନାଗୁଡ଼୍‌ନି ଏଜୁଙ୍ଗ୍ ଉଟିସ୍ ଜିବୁନ୍ ଗାଟାଆଦ୍‍ନାତ୍ ଆରେ ହେ ଏଜୁଙ୍ଗ୍ କାଚ୍ ଗିଲାସ୍‌ଲେକେ କିଲେର୍ ମାଚିକ୍। ହେ ନାଗୁଡ଼୍ ଈଶ୍ୱର ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନତାଙ୍ଗ୍ ୱାଜି ମାଚାତ୍।

ହତ୍‌ତି 4:4

ହେ ସିଙ୍ଗାସନ ଚାରିବେଣ୍‌ତାଙ୍ଗ୍ ଚବିଶ୍ ଗଟା ସିଙ୍ଗାସନ ମାଚିକ୍, ଆରେ ହେ ଚବିଶ୍ ଗଟା ସିଙ୍ଗାସନ୍‌ତାକେ ଚବିଶ୍ ଜାଣ୍ ପ୍ରାଚିନାର୍ ଡ଼ିଞ୍ଜ୍‌ନି ହେନ୍ଦ୍ରାଙ୍ଗ୍ ଉସ୍‍ପି କୁଚ୍‌ଚି ମାଚାର୍। ହେୱାର୍ କାପ୍‌ଡ଼ାତ ହନାତାଙ୍ଗ୍ ରସ୍ତି ମୁକୁଟ୍ ମାଚାତ୍।

ହତ୍‌ତି 5:11

ଲାଗିଙ୍ଗ୍ ଆନେଙ୍ଗ୍ ଆରେରଗ ହୁଡ଼୍‌ତାଙ୍ଗ୍, ତିପ୍‌କୁ କଟି-କଟି ଦୁତ୍‌କୁ ବେଣ୍ ୱେଚାଙ୍ଗ୍, ହେୱାରିଙ୍ଗ୍ ଗାଣାକିୟା ଆଉତ୍। ହେୱାର୍ ଚାରିଗଟା ଜିବୁନ୍ ମାନି ପଶୁ ଆରେ ଚବିଶ୍ ଜାଣ୍ ପ୍ରାଚିନାର୍ ଚାରିବେଣ୍‌ତାଙ୍ଗ୍ ମୁକ୍‌ତିଲେକେ ରାଜା ସିଙ୍ଗାସନନି ଚାରିବେଣ୍‌ତାଙ୍ଗ୍ ମୁକ୍‍ଚି ମାଚିକ୍।

ହତ୍‌ତି 5:14

ଆରେ ଚାରିଗଟା ଜିବୁନ୍ ମାନି ପଶୁ ୱେଚ୍‌ଚାର, “ଆମେନ୍,” ଆରେ, ଚବିଶ୍ ଜାଣ୍ ପ୍ରାଚିନ୍‌ନାର୍ ମେଣ୍ଡାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍ ଆରେ ଈଶ୍ୱରତିଙ୍ଗ୍ ଆରେ ମେଣ୍ଢା ଇନେର୍‌କି ଯୀଶୁଙ୍ଗ୍ ପୁଜା କିତାର୍।

ହତ୍‌ତି 5:6

ଲାଗିଙ୍ଗ୍ ଆନେଙ୍ଗ୍ ହୁଡ଼୍‌ତାଙ୍ଗ୍, ର ମେଣ୍ଢା ଇନେର୍‌କି ଯୀଶୁ ସିଙ୍ଗାସନ କଚଣ୍‌ତାକେ ଆରେ ଚାରିଗଟା ଜିବୁନ୍ ମାନି ପଶୁ, ଆରେ ଚବିଶ୍ ଜାଣ୍ ପ୍ରାଚିନାର୍ ମାଦି ନିଲ୍‌ଚି ମାଚାନ୍। ହେ ମେଣ୍ଢା ଗଡ଼ିୟା ଗାଗାଡ଼୍‌ତାକେ ଆଗେ ମାର୍ନେ ଅସ୍ତି ଚିନାଙ୍ଗ୍ ମାନିକ୍, ହେୱାନ୍ ନଙ୍ଗୟ୍ ଆରେରଗ ଜିବୁନ୍ ଆତାନ୍‌ନା। ତାବେ ସାତ୍‌ଗଟା କମଙ୍ଗ୍ ଆରେ ସାତ୍‌ଗଟା କାଣ୍‌କୁ ମାନିକ୍, ହେଦାଙ୍ଗ୍ ଈଶ୍ୱରତି ସାତ୍ ଗୁଣ୍‌ନି ଆତ୍ମା ପୁର୍ତିନି ୱିଜୁ ବାହାକାଙ୍ଗ୍ ପକ୍ତାନ୍‌ନା।

ହତ୍‌ତି 5:8

ଏଚେପାଦ୍ନା ହେୱାନ୍ ସାସ୍ତର୍‌ତିଙ୍ଗ୍ ଅତାନ୍‌, ହେପାଦ୍ନା ହେ ଚାରିଗଟା ଜିବୁନ୍ ମାନି ପଶୁ ଆରେ ଚବିଶ୍ ଜାଣ୍ ପ୍ରାଚିନାର୍ ମେଣ୍ଢା ଇନେର୍‌କି ଯୀଶୁ ଆଗେ ମେଣ୍ଢାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍। ୱିଜାର୍ ପ୍ରାଚିନାର୍‌ ମରି ଆରେ ହନାତାଙ୍ଗ୍ ରସ୍ତି ଦୁପ୍‌ନି ମାନି ଗିନାଙ୍ଗ୍ ଆସ୍ତି ମାଚାର୍ ହେ ଦୁପ୍‌ନି ଅର୍ତ ଈଶ୍ୱର ଲକ୍‌ନି ପାର୍ତାନା।

ହତ୍‌ତି 6:1

ଆରେ ଆନେଙ୍ଗ୍ ହୁଡ଼୍‌ତାଙ୍ଗ୍ ହେ ମେଣ୍ଢା ଇନେର୍‌କି ଯୀଶୁ ସାତ୍‌ଗଟା ସିଲ୍‌କୁତାଙ୍ଗ୍ ହେ ହୁରିପିୟା ଆତି ବହିତାଙ୍ଗ୍ ପାର୍ତୁମ୍ ସିଲ୍ ରିକ୍‌ତାନ୍‌। ଲାଗିଙ୍ଗ୍ ହେବେ ମାଚି ଚାରିଗଟା ଜିବୁନ୍ ମାନି ପଶୁଙ୍ଗ୍ ବିତ୍ରେତାଙ୍ଗ୍ ର ପଶୁ ଗାଜାକାଟ୍ କିଜି ୱେଚ୍‌ଚାତ୍, “ୱା।” ଆନେଙ୍ଗ୍ ହେଦାଙ୍ଗ୍ ୱେଚାଙ୍ଗ୍ ତା ବେଣ୍ ବିଜ୍‌ଲି ଇଡ଼୍‌ତିଲେକେ ମାଚାତ୍।

ହତ୍‌ତି 6:6

ଆରେ ହେ ଚାରିଗଟା ଜିବୁନ୍ ମାନି ପଶୁ ବିତ୍ରେତାଙ୍ଗ୍ ର ପଶୁ ୱେଚ୍‌ଚିଲେକେ ହେ ଗଡ଼ାତାକେ କୁଚ୍‌ଚାକାନିଙ୍ଗ୍ ୱେଚ୍‌ଚାକା ଆନେଙ୍ଗ୍ ୱେଚାଙ୍ଗ୍, “ର କେଜି ପେରିଙ୍ଗ୍ ନଇଲେ ତିନ୍ କେଜି ଗହମ୍‌ କଡ଼୍‍ଦେଙ୍ଗ୍ ରଦିନ୍‌ତି ହାଜ୍ରି ଡାବୁଙ୍ଗ୍ ଆନିକ୍। ମାତର୍ ଚିକାଣ୍ ଆରେ ଅଙ୍ଗୁର୍ ରାସ୍‌ନି ଦାମ୍ ହାମାନ୍ ମାନାଙ୍ଗାନାତ୍‌।”

ହତ୍‌ତି 7:11

ତାପାଚେ ସିଙ୍ଗାସନ ଚାରିବେଣ୍‌ତାଙ୍ଗ୍ କୁଚ୍‌ଚି ମାଚି ଚବିଶ୍ ଜାଣ୍ ପ୍ରାଚିନାର୍ ଆରେ ଚାରିଗଟା ଜିବୁନ୍ ମାନି ପଶୁ ଆରେ ନିଲ୍‌ଚିମାଚି ୱିଜୁ ଦୁତ୍‌କୁ ସିଙ୍ଗାସନ ଆଗେ ଈଶ୍ୱରତିଙ୍ଗ୍ ସନ୍‌ମାନ୍ ହିନି କାଜିଙ୍ଗ୍ ମେଣ୍ଢାକୁନ୍ଦିକିଜି ମୁଣ୍ଡିଆ ଇଡ଼୍‌ଜି ପୁଜା କିତାର୍।

ହତ୍‌ତି 7:17

ଇନେସ୍‌କି ମେଣ୍ଢା ଗଡ଼ିୟା ଇନେସ୍ ତା ମେଣ୍ଢାକାଙ୍ଗ୍ ଉଦାର୍ କିନାନ୍ ହେଲେକେ ହେ ସିଙ୍ଗାସନ ଆଗେ ନିଲ୍‌ତି ମେଣ୍ଢା ଇନେର୍‌କି ଯୀଶୁ ହେୱାରିଙ୍ଗ୍ ଉଦାର୍ କିନାନ୍‌। ହେୱାନ୍ ହେୱାରିଙ୍ଗ୍ କିଲେର୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାନ୍ ଇମ୍‌ଣି ଏଜୁଙ୍ଗ୍ ମାନାୟାରିଙ୍ଗ୍ ଜିବୁନ୍ ହିନାତ୍। ଆରେ ଈଶ୍ୱର ହେୱାର୍ କାଣ୍‌କୁନି ୱିଜୁ କାଣେଲିଙ୍ଗ୍ ନେନ୍ଦ୍‌ନାନ୍।”