ହତ୍‌ତି 3:3 - New Testament in Pengo Parja Language

³ ଲାଗିଙ୍ଗ୍ ଏପେଙ୍ଗ୍ ଆଗେ ୱେଚାକା ଏତୁକିୟାଟ୍ ଆରେ ପାର୍ତୁମ୍ ପାର୍ତି କିତିଲେକେ ପାର୍ତିକିୟାଟ୍। ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାନ୍‌ବାଦ୍‌ଲାୟ୍ କିଜି ନାବେ ୱାଡ, ଯଦି ଏପେଙ୍ଗ୍ ହେଲେକେ କିଉଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ଦେଙ୍ଗ୍ ତିପ୍‌କୁ ୱାନାଙ୍ଗ୍ ଇନେସ୍ ର ଚରେନ୍ ତିପ୍‌କୁ ଚର୍‌କିଦେଙ୍ଗ୍ ୱାନାନ୍।

ସତ୍‌ ବଚନ୍‌ ପୁନି ନିୟମ୍‌

³ ଲାଗିଂ ଇନେସ୍‌ବାର୍ତି ହିକ୍ୟା ପାୟା ତାଦେର୍ଣ୍ଣା ଆରି ୱେଚାଦେର୍ଣ୍ଣା, ହେଦାଂ ଏତୁ କିଜ଼ି ପାଲି କିୟାଟ୍‌ ଆରି ମାନ୍‌ବାଦ୍‌ଲାୟ୍‌ କିୟାଟ୍‌; ଜଦି ଜାଲ୍‌ଦି ଆୱିତିସ୍‌, ତା ଆତିସ୍‌ ଆପ୍‌ ଚର୍‌ ଲାକେ ୱାନାପ୍‌, ଆରେ ଇମ୍‌ଣି ସମୁତ ମି ଜପି ୱାଜ଼ି ଆର୍ଦାନାପ୍‌, ହେଦାଂ ଏପେଙ୍ଗ୍‌ ଇନେସ୍‌କିତିସ୍‌ପା ପୁଞ୍ଜେଙ୍ଗ୍‌ ଆଡୁଦେର୍‌;

ହତ୍‌ତି 3:3 Iomraidhean Croise

ମାତିଉ 25:13

ଲାଗିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ଏପେଙ୍ଗ୍ ହେ ଦିନ୍ ଇନାୱେଡ଼ାଙ୍ଗ୍ ଇ ଗଟ୍‌ନା ଏକିୱାନାତ୍ ହେଦାଙ୍ଗ୍ ଏପେଙ୍ଗ୍ ପୁନୁଦେର୍।”

ମାର୍କ 13:33

ମାତର୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି କାସିମାନାଟ୍! ଇନେସ୍‌କି ହେ ଦିନ୍ ଇନାୱେଡ଼ାଙ୍ଗ୍ ଇ ଗଟ୍‌ନା ଏକିୱାନାତ୍ ହେଦାଙ୍ଗ୍ ଏପେଙ୍ଗ୍ ପୁନୁଦେର୍।

ମାର୍କ 13:36

ଯଦି ହେୱାନ୍ ହେଦାପ୍ରେ ୱାଜି ଏକାନାନ୍, ମିଙ୍ଗେଙ୍ଗ୍ ହୁନ୍ଞ୍ଚି ଲଗାଙ୍ଗ୍ ଇନେସ୍‌କି ମିଙ୍ଗେଙ୍ଗ୍ ହୁଡ଼୍‍ଦୁନ୍, ଇଦାଙ୍ଗ୍ କାଜିଙ୍ଗ୍ ତା ୱାନି ହାଜ୍‌ଦିଙ୍ଗ୍ କାସିମାନାଟ୍।

୧ ଥେସଲନୀକିୟ 5:2

ଏଚେକାଡ଼୍‌ଦ ଆସେଙ୍ଗ୍ ଜାଗ୍ରତ୍ ଆଜି ମାନୁସ୍, ହେପାଦ୍ନା ର ଚରେନ୍ ମିକାଲିଙ୍ଗ୍ ୱାତିଲେକେ ମାପୃ ଯୀଶୁ ତିପ୍‌କୁ ପୁର୍ତିତାକେ ଆରେରଗ ୱାନାନ୍।

୧ ତିମତି 6:20

ଏ ଟଣ୍ଡେନ୍ ତିମତି ନିଙ୍ଗେଙ୍ଗ୍ ଇନାକା ହିତ୍‌ତାର୍‌ନା, ହେଦାଙ୍ଗ୍‌ତିଙ୍ଗ୍ ରକ୍ଷା କିୟା। ଈଶ୍ୱରତିଙ୍ଗ୍ ପୁନ୍‌ୱି ଲକାର୍‌ତାଙ୍ଗ୍ ଆରେ ବେକାର୍ କାତା ୱେଚ୍‌ନାକାର୍‌ତାଙ୍ଗ୍ ଦେହା ଆଜି ମାନା।

୨ ତିମଥି 1:13

ଏପେଙ୍ଗ୍ ନାବେତାଙ୍ଗ୍ ଇମ୍‌ଣି ୱିଜୁ ସତ୍ ହିକ୍ଷା ୱେଚାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆସ୍ତି ଏପେଙ୍ଗ୍ ହେ ଅନୁସାରେ କିୟାଟ୍। ଯୀଶୁ ଖ୍ରୀଷ୍ଟତାକେ ରବେଆଜି ମାନି କାଜିଙ୍ଗ୍ ପାର୍ତି ଆରେ ଲାଡ୍‌ତିଙ୍ଗ୍ ଆସ୍ତି ମାନାଟ୍।

ଏବ୍ରି 2:1

ଇଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଇମ୍‌ଣି ସତ୍ କାତା ୱେଚାସ୍‌ନା ହେଦାଙ୍ଗ୍‌ତିଙ୍ଗ୍ ଆସେଙ୍ଗ୍ ଆଦିକ୍ ମାନ୍‌ଦିୟାନ୍ ହିନି ଦର୍‌କାର୍, ନଇଲେ ଆସେଙ୍ଗ୍ ହାଜି ବାଣା ଆୟିଆନାତ୍।

୨ ପିତର 1:13

ମା ମାପୃ ଯୀଶୁ ଖ୍ରୀଷ୍ଟ ନାଙ୍ଗେଙ୍ଗ୍ ପୁରା କିଲେର୍ ବାବ୍‌ରେ ୱେଚ୍‌ଚାତାନ୍‌ନା ଯେ, ଆନେଙ୍ଗ୍ ହାଃନାକା ଏକିୱାନାତା। ଲାଗିଙ୍ଗ୍ ଆନେଙ୍ଗ୍ ଜିବୁନ୍ ମାନିହିଙ୍ଗ୍, ମିଙ୍ଗେଙ୍ଗ୍ ଇ ୱିଜୁ ବିଷୟରେ ଏତୁ କିୟିକିଦ୍‌ନାକା, ଆନେଙ୍ଗ୍ ଟିକ୍ ଇଞ୍ଜି ବାବିକିନାଙ୍ଗା।

୨ ପିତର 3:1

ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ପୁଚି ବିଷୟତିଙ୍ଗ୍ ମାନ୍ତ ଏତୁକିନି କାଜିଙ୍ଗ୍ ଆରେ ମି ମାନ୍ତ ହାର୍ଦି ବାବ୍‌ନାତିଙ୍ଗ୍ ଜାଗାୟ୍ କିନି କାଜିଙ୍ଗ୍, ନଙ୍ଗୟ୍ ଆନେଙ୍ଗ୍ ମି ଲାଗାୟ୍ ଇ ରି ନମ୍ବର୍ ଚିଟି ଲେକିକିନାଙ୍ଗା।

୨ ପିତର 3:10

ଖ୍ରୀଷ୍ଟ ହାତ୍‌ପା ଆରେରଗ ୱାନାନ୍। ଚର୍ ଇନେସ୍ ଇନେର୍ ପୁନ୍‌ୱିହିଙ୍ଗ୍ ହେଦାପ୍ରେ ୱାଜି ମାନାନ୍, ହେଲେକେ ମାପୃ ପା ହେଦାପ୍ରେ ୱାନାନ୍। ହେ ସମୟ୍‌ତ ବାଦାଡ଼୍‌ତାକେ ଗାଜା ଶବଦ୍ ଆନାତ୍, ଆରେ ବାଦାଡ଼୍ ଅଲପ୍‌ପା ଚଞ୍ଜ୍‌ଜୁତ୍। ସରଗ୍‌ତାକେ ମାନି ୱିଜୁ ଜିନିଷ୍, ୱେଡ଼ା, ଲେଞ୍ଜ୍ ଆରେ ହୁକାକାଙ୍ଗ୍ ଈଶ୍ୱର ପୁରାପୁରି ବାବ୍‌ରେ ନାଣିତାକେ କାଡି କିନାନ୍। ହେ ଦିନ୍ ମାନାୟାର୍ ଇ ପୁର୍ତିତାକେ ମାନିହିଙ୍ଗ୍ କିଜିମାଚି ୱିଜୁ ବିଷୟ ଈଶ୍ୱର ଚଚ୍‍ନାନ୍ ଆରେ ହେୱାରିଙ୍ଗ୍ ହେୱାନ୍ ବିଚାର୍ କିନାନ୍।

ହତ୍‌ତି 16:15

“ହେ ଶୟତାନ୍ ଆତ୍ମାଙ୍ଗ୍ ୱିଜୁ ଦେସ୍‌କୁକାଙ୍ଗ୍ ସାସନ୍ କିନି ମାନାୟାର୍ ଆରେ ତା ସେନାରିଙ୍ଗ୍ ଏବ୍ରୀ ବାଷାତାଙ୍ଗ୍ ଇନି ଆର୍ମାଗିଡନ୍ ତର୍‌ନି ବାହାତାକେ ରୁଣ୍ଡାୟ୍ କିତାର୍। ହେଦାଙ୍ଗ୍ କାଜିଙ୍ଗ୍ ମାପୃ ଯୀଶୁ ଇଲେକେ ୱେଚ୍‌ଚି ମାଚାନ୍ ନା ଇ ବେଣ୍‌ତିଙ୍ଗ୍ ୱେନାଟ୍। ଆନେଙ୍ଗ୍ ତିପ୍‌କୁ ର ଚରେନ୍ ୱାନିଲେକେ ୱାନାଙ୍ଗା। ଲାଗିଙ୍ଗ୍ ଇମ୍‌ଣି ମାନାୟାର୍ ଆନେଙ୍ଗ୍ ୱାନିହିଙ୍ଗ୍ ଚେତ୍‌ନା ମାନାଙ୍ଗାନାର୍ ଆରେ ତା ହେନ୍ଦ୍ରାତିଙ୍ଗ୍ ଜାଗ୍ରତ୍ କିଜି ଇଡ଼୍‌ଜି ମାନାର୍ ହେୱାର୍ ଆଶ୍ରିବାଦ୍ ପାୟାଆନାର୍‌। ହେୱାର୍ ନାଗ୍‌ଡ଼ା ମାନ୍‌ଗୁର୍‌ ଆରେ ହେୱାର୍ ବେସିହେନି ମାନାୟାର୍‌ତାକେ ହାଚିସ୍ ପା ଇନେର୍ ପା ହେୱାରିଙ୍ଗ୍ ଲାଜ୍ କିଦେଙ୍ଗ୍ ଆଡୁର୍।”

ହତ୍‌ତି 2:25

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱାନି ପାତେକ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ପାର୍ତି କିଜି ମାନାଟ୍।

ହତ୍‌ତି 2:5

ଏପେଙ୍ଗ୍ ଏତୁକିୟାଟ୍ ଆଗେ ନାଙ୍ଗେଙ୍ଗ୍ ଇନେସ୍ ଲାଡ୍‌କିଜି ମାନ୍‌ଞ୍ଚାଦେର୍, ମାତର୍ ନଙ୍ଗୟ୍ ଏପେଙ୍ଗ୍ ହେଲେକେ ଲାଡ୍ ନାଙ୍ଗେଙ୍ଗ୍ କିଦୁଦେରା। ଲାଗିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ ବାଦ୍‌ଲାୟ୍ କିୟାଟ୍ ଆରେ ଆଗେ ଇନେସ୍ ନାଙ୍ଗେଙ୍ଗ୍ ଲାଡ୍‌କିଜି ମାନ୍‌ଞ୍ଚାଦେର୍ ହେଲେକେ ନାଙ୍ଗେଙ୍ଗ୍ ଲାଡ୍ କିଦ୍‌ନାକା ଆରମ୍ କିୟାଟ୍। ଯଦି ଏପେଙ୍ଗ୍ ପାପ୍ କାମାୟ୍ କିନାକା ବନ୍ଦ୍ କିଉଦେର୍ ଲାଗିଙ୍ଗ୍ ଆନେଙ୍ଗ୍ ୱାତିସ୍ ମି ମଣ୍ଡ୍‌ଲିତାଙ୍ଗ୍ ବଇଟା ଇଟ୍‌ନାକା ଗୁଚାୟ୍ କିନାଙ୍ଗ୍।

ହତ୍‌ତି 22:7

ହୁଡ଼ାଟ୍, ଆନେଙ୍ଗ୍ ବେଗି ୱାନାଙ୍ଗା, ଇ ବହିତାକେ ଲେକାଆଜି ମାଚି ଈଶ୍ୱର କାତା ଇନେର୍ ମାନି କିନାନ୍ ଈଶ୍ୱର ତାଙ୍ଗେଙ୍ଗ୍ ଆଶ୍ରିବାଦ୍ କିନାନ୍।”

ହତ୍‌ତି 3:11

ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତି କିଜି ମାଞ୍ଜାଟ୍, ଆରେ ଇନେର୍ ପା ମି ପୁରଷ୍କାର୍‌ନି ମୁକୁଟ୍ ଜେଲ୍‌ଜି ଅଦେଙ୍ଗ୍ ଆଡୁର୍।

ହତ୍‌ତି 3:19

ଆନେଙ୍ଗ୍ ଇନେରିଙ୍ଗ୍ ଲାଡ୍ କିନାଙ୍ଗା ତାଙ୍ଗେଙ୍ଗ୍ ହିକାୟ୍ କିନାଙ୍ଗ୍ ଆରେ ଦନ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହାର୍ଦି ମାନାୟାର୍ ଆନାର୍। ଲାଗିଙ୍ଗ୍ ଏପେଙ୍ଗ୍ ହାର୍ କାମାୟ୍ କିୟାଟ୍ ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍।”

ହତ୍‌ତି 3:2

ହେଦାଙ୍ଗ୍ କାଜିଙ୍ଗ୍, ଏପେଙ୍ଗ୍ ହୁନ୍‌ଞ୍ଚିତାଙ୍ଗ୍ ନିଙ୍ଗାଟ୍। ଆରେ ନାଙ୍ଗେଙ୍ଗ୍ ଆଦିକ୍ ପାର୍ତି କିଦାଟ୍ ଇନେସ୍‌କି ଏପେଙ୍ଗ୍ କେତ୍‌ଜାଣ୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାଦେର୍‌ନା, ଲାଗିଙ୍ଗ୍ ମିତାକେ ମାନି ଖ୍ରୀଷ୍ଟାନ୍ ଗୁଣ୍ ପୁରାପୁରି ବାବ୍‌ରେ ମିବେତାଙ୍ଗ୍ ଦେହା ହାଲୁତ୍‌। ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ମିଙ୍ଗେଙ୍ଗ୍ ବେସି ଖ୍ରୀଷ୍ଟାନ୍ ଗୁଣ୍ ଦର୍‌କାର୍ ମାନାତ୍, ଏପେଙ୍ଗ୍ ଈଶ୍ୱରତିଙ୍ଗ୍ ୱାରିଆ ଆନିଲେକେ କାମାୟ୍ କିଉଦେରା।