ହତ୍‌ତି 3:21 - New Testament in Pengo Parja Language

²¹ ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆନାର୍‌। ଇନେସ୍ ଆନେଙ୍ଗ୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତା ଆତାଙ୍ଗ୍ ଆରେ ନା ଆବା ହୁଦାଙ୍ଗ୍ ତା ସିଙ୍ଗାସନ୍‌ତାକେ କୁଚ୍‌ଚାଙ୍ଗ୍‌ନା ହେଲେକେ ଆନେଙ୍ଗ୍ ହେୱାରିଙ୍ଗ୍ ନା ସିଙ୍ଗାସନ୍‌ତାକେ କୁଚ୍‌ଚେଙ୍ଗ୍ ହିନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²¹ ଆନ୍‌ ଇନେସ୍‌ ଜିତା ଆଜ଼ି ନା ଆବା ଲାହାଙ୍ଗ୍‌ ତା ଗାଦିତ କୁଚ୍‌ଚାଙ୍ଗ୍‌ନା, ହେ ଲାକେ ହେୱାନ୍‌ ଜିତା ଆନାନ୍‌, ଆନ୍‌ ହେୱାନିଂ ନା ଲାହାଙ୍ଗ୍‌ ନା ଗାଦିତ କୁଚ୍‌ଚେଙ୍ଗ୍‌ ହିନାଙ୍ଗ୍‌ ।

ହତ୍‌ତି 3:21 Iomraidhean Croise

ମାତିଉ 19:28

ଯୀଶୁ ୱେଚ୍‌ଚାନ୍, “ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ପୁନି ଯୁଗ୍‌ଦ ଏଚେକାଡ଼୍‌ଦ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତା ଜୟ୍-ଜୟ୍ ପାୟାଆନି ସିଂହାସନ୍‌ତାକେ କୁଚ୍‌ନାନ୍, ହେପାଦ୍ନା ନା ବାରଜାଣ୍ ଚେଲାର୍ ପା ବାରଗଟା ସିଂହାସନ୍‌ତାକେ କୁଚ୍‌ଚି ଇସ୍ରାଏଲନି ବାରଗଟା କୁଟୁମ୍‌ନି ମାନାୟାରିଙ୍ଗ୍ ସାସନ୍ କିନାର୍।

ମାତିଉ 25:21

ମାଲିକ୍ ୱେଚ୍‌ଚାନ୍, ‘ବଡ଼ିଆ ଏନେଙ୍ଗ୍ ବେସି ହାର୍, ଆରେ ନିଙ୍ଗେଙ୍ଗ୍ ପାର୍ତି କିୟାଆନାତ୍। ଏନେଙ୍ଗ୍ ଉଣା ଡାବୁଙ୍ଗ୍‌ତାଙ୍ଗ୍ ହାର୍ଦି କାମାୟ୍ କିତାଇନା। ଲାଗିଙ୍ଗ୍ ଆନେଙ୍ଗ୍ ନିଙ୍ଗେଙ୍ଗ୍ ଗାଜା ବିଷୟରେ ଦାୟିତ୍‌ପ ହିଦ୍‌ନାଙ୍ଗ୍। ୱା ଆସେଙ୍ଗ୍ ୱାରି କିନାସ୍।’

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:30

ଇନେସ୍ ଲେକେ ଏପେଙ୍ଗ୍ ନା ରାଜିତାକେ ନା ହୁଦାଙ୍ଗ୍ ଟେବୁଲ୍ ଜପି ତିନାଦେରା, ଆରେ ଏପେଙ୍ଗ୍ ସିଂହାସନ୍ ଜପି କୁକ୍‌ଚି ଇସ୍ରାଏଲନି ବାରଗଟା କୁଟମ୍‌ନି ମାନାୟାରିଙ୍ଗ୍ ସାସନ୍ କିନାଦେର୍।

ଜହନ୍‌ 13:32

ଈଶ୍ୱର ଯଦି ତାବେଣ୍ଡାଙ୍ଗ୍ ଜୟ୍-ଜୟ୍ ପାୟା ଆନାନ୍, ଲାଗିଙ୍ଗ୍ ଈଶ୍ୱର ପା ହେୱାନିଙ୍ଗ୍ ଜୟ୍-ଜୟ୍ କିନାନ୍। ହେୱାନ୍ ହେୱାନିଙ୍ଗ୍ ବେଗି ଜୟ୍-ଜୟ୍ କିଦେଙ୍ଗ୍ ହାନାନା।”

ଜହନ୍‌ 16:33

ନାବେ ଏପେଙ୍ଗ୍ ଇନେସ୍ ଶାନ୍ତି ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁ କାତା ୱେଚ୍‌ଚାତାଙ୍ଗ୍‌ନା। ଇ ପୁର୍ତିତାକେ ଏପେଙ୍ଗ୍ କଷ୍ଟ ପାୟାଆନାଦେର୍। ଲାଗିଙ୍ଗ୍ ଶାସ୍ ଆଡୁ, ଆନେଙ୍ଗ୍ ପୁର୍ତିତିଙ୍ଗ୍ ଜିତା ଆତାଙ୍ଗ୍‌ନା।”

୨ ତିମଥି 2:12

ଯଦି ଆସେଙ୍ଗ୍ ହେୱାନ୍ କାଜିଙ୍ଗ୍ ସାହାସ୍ ଆସ୍ତି କିନାସ୍, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ରାଜା ଲେକେ ଆଜି ସାସନ୍ କିନାସ୍। ଯଦି ଆସେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାସ୍, ଲାଗିଙ୍ଗ୍ ହେୱାନ୍ ପା ମାଙ୍ଗେଙ୍ଗ୍ ତା ମାନାୟ୍ ଇଞ୍ଜି ୱେଚୁନ୍।

ହତ୍‌ତି 1:6

ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ର କୁଟମ୍‌ନି ମାନାୟାର୍ ଆଜି ତା ଲାତ୍ରାହି ଈଶ୍ୱରତିଙ୍ଗ୍ ହେବା କିନି ପୁଜାରି ଆତାସ୍‌ନା ହେୱାନ୍ ସନ୍‌ମାନ୍ ଆରେ ଶାକ୍ତି ୱିଜୁଦିନ୍ ପାୟା ଆଏନ୍। ଆମେନ୍।

ହତ୍‌ତି 12:11

ମା ପାର୍ତିକିନି ଟଣ୍ଡାର୍ ମେଣ୍ଢା ଇନେର୍‌କି ଯୀଶୁ ନେତେର୍ ଶାକ୍ତି ହୁଦାଙ୍ଗ୍, ଇନେର୍ ହେୱାର୍ ପାପ୍ କାଜିଙ୍ଗ୍ ହାଃଜି ମାଚାନ୍, ହେ ଶୟତାନ୍‌ତିଙ୍ଗ୍ ଆରାୟ୍ କିତାର୍। ହେୱାର୍ ତାଙ୍ଗେଙ୍ଗ୍ ଆରାୟ୍ କିତାର୍ ଇନେସ୍‌କି ହେୱାର୍ ଦୁଃକ୍ କଷ୍ଟ ପାୟାଆଜି ହାଃତିସ୍ ପା ହେ ମେଣ୍ଢା ଇନେର୍‌କି ଯୀଶୁଙ୍ଗ୍ ନେ ମା ମାପୃ ଇଞ୍ଜି ୱେଚ୍‌ଚି ମାଚାର୍।

ହତ୍‌ତି 17:14

ହେ ୱିଜାର୍ ରାଜାର୍ ମାହାଆଜି ମେଣ୍ଢା ଇନେର୍‌କି ଯୀଶୁ ହୁଦାଙ୍ଗ୍ ଯୁଜ୍ କିନାର୍। ମାତର୍ ହେ ମେଣ୍ଢା ଇନେର୍‌କି ଯୀଶୁ ଆରେ ହେୱାନ୍ ହିର୍‌ବାତାକାର୍, ତା ବାଚିକିତି ମାନାୟାର୍, ଆରେ ତା ଦରମ୍ ମାନାୟାର୍ ହୁଦାଙ୍ଗ୍ ମାହାଆଜି ହେୱାରିଙ୍ଗ୍ ଆରାୟ୍ କିତାର୍, ଇନେସ୍‌କି ହେୱାନ୍ ନେ ୱିଜୁ ମାପୃତାଙ୍ଗ୍ ମାପୃ ଆରେ ୱିଜୁ ରାଜାର୍‌ତାଙ୍ଗ୍ ରାଜା।

ହତ୍‌ତି 2:7

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଈଶ୍ୱର କାଜିଙ୍ଗ୍ ଦରମ୍‌ଆଜି ମାନାର୍, ଆନେଙ୍ଗ୍ ହେୱାରିଙ୍ଗ୍ ଜିବୁନ୍‌ହିନି ମାର୍‌ତି ପାଡ଼୍‌ ଚିଞ୍ଜେଙ୍ଗ୍ ହିନାଙ୍ଗ୍, ହେଦାଙ୍ଗ୍ ଈଶ୍ୱର ବଗିଚା ସରଗ୍‌ତାକେ ଗାଜା ଆନାତା।”

ହତ୍‌ତି 20:4

ତାପାଚେ ବେସି ଜବର୍ ସିଙ୍ଗାସନକୁ ହୁଡ଼୍‌ତାଙ୍ଗ୍, ଆରେ ହେ ସିଙ୍ଗାସନ୍‌ତାକେ କୁଚ୍‌ଚି ମାଚି ମାନାୟାରିଙ୍ଗ୍ ବିଚାର୍‌କିନି ଅଦିକାର୍ ହିଜି ମାନାନ୍, ଆରେ ପା କେତେକ୍ ହାଃତି ମାନାୟାର୍ ଆତ୍ମାକାଙ୍ଗ୍ ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାରିଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ଚି କାଜିଙ୍ଗ୍ ଆରେ ଈଶ୍ୱର କାତାତିଙ୍ଗ୍ ଶୁଣାୟ୍ କିତି କାଜିଙ୍ଗ୍ ହେୱାରିଙ୍ଗ୍ ହାକ୍‌ତ ହଣ୍‌ଜି ମାର୍ନେ ଅସ୍ତି ମାଚାର୍। ଆରେ ହେ ପଶୁତିଙ୍ଗ୍ କି ତା ମୁର୍ତିତିଙ୍ଗ୍ ପୁଜା କିୱିତି ମାନାୟାର୍ କି ତା ଚିନାତିଙ୍ଗ୍ କେଇଦ କି ନିଦାଣ୍‌ତାକେ ଅୱିତି ଆତ୍ମାଙ୍ଗ୍ ହେବେ ମାନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ଆରେରଗ ଜିବୁନ୍ ଆତାର୍ ଆରେ ଖ୍ରୀଷ୍ଟ ହୁଦାଙ୍ଗ୍ ହାଜାର୍ ବାର୍ହୁ ପାତେକ୍ ସାସନ୍ କିତାର୍।

ହତ୍‌ତି 20:6

ଇମ୍‌ଣି ମାନାୟାର୍ ପାର୍ତୁମ୍ ହାଃତିତାଙ୍ଗ୍ ଆରେରଗ ଜିବୁନ୍ ଆନାର୍। ହେୱାର୍ ପବିତ୍ର ଆରେ ଆଶ୍ରିବାଦ୍ ପାୟା ଆତାକାର୍, ହେୱାର୍ ଆରେରଗ ହାଃଉର୍। ମାତର୍ ହେୱାର୍ ଈଶ୍ୱର ଆରେ ଖ୍ରୀଷ୍ଟଙ୍ଗ୍ ପୁଜାରିର୍ ଆନାର୍, ଆରେ ହେୱାର୍ ହୁଦାଙ୍ଗ୍ ମାହାଆଜି ହାଜାର୍ ବାର୍ହୁ ସାସନ୍ କିନାର୍।

ହତ୍‌ତି 5:10

ଆରେ, ଏନେଙ୍ଗ୍ ହେୱାରିଙ୍ଗ୍ ରାଜା ଆରେ ମା ମାପୃ ଈଶ୍ୱରତିଙ୍ଗ୍ ପୁଜା କିଦେଙ୍ଗ୍ ପୁଜାରି କିତାୟ୍‍ନା। ହେୱାର୍ ରାଜାର୍‌ଲେକେ ପୁର୍ତିତାକେ ସାସନ୍ କିନାର୍।”

ହତ୍‌ତି 6:2

ହେପାଦ୍ନା ଆନେଙ୍ଗ୍ ର ଡ଼ିଞ୍ଜ୍‌ନି ଗଡ଼ା ହୁଡ଼୍‌ତାଙ୍ଗ୍ ଆରେ ହେ ଗଡ଼ା ଜପି ଦୁମ୍‌ତି ମାନାୟ୍ କେଇଦ ରଞ୍ଜାଙ୍ଗ୍ ଗିନା ମାଚାତ୍ ଆରେ ହେୱାନ୍ କାପ୍‌ଡ଼ାତ ର ମୁକୁଟ୍ ମାଚାତ୍। ହେୱାନ୍ ସରଗ୍‌ତାଙ୍ଗ୍ ପୁର୍ତିତାକେ ୱାତାନ୍ ଇନେର୍ ଆଗେ ଜିତାଆଜି ମାଚାନ୍, ଆରେ ନଙ୍ଗୟ୍ ପା ହେୱାନ୍ ଜିତାଆନାନ୍।

ହତ୍‌ତି 7:17

ଇନେସ୍‌କି ମେଣ୍ଢା ଗଡ଼ିୟା ଇନେସ୍ ତା ମେଣ୍ଢାକାଙ୍ଗ୍ ଉଦାର୍ କିନାନ୍ ହେଲେକେ ହେ ସିଙ୍ଗାସନ ଆଗେ ନିଲ୍‌ତି ମେଣ୍ଢା ଇନେର୍‌କି ଯୀଶୁ ହେୱାରିଙ୍ଗ୍ ଉଦାର୍ କିନାନ୍‌। ହେୱାନ୍ ହେୱାରିଙ୍ଗ୍ କିଲେର୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାନ୍ ଇମ୍‌ଣି ଏଜୁଙ୍ଗ୍ ମାନାୟାରିଙ୍ଗ୍ ଜିବୁନ୍ ହିନାତ୍। ଆରେ ଈଶ୍ୱର ହେୱାର୍ କାଣ୍‌କୁନି ୱିଜୁ କାଣେଲିଙ୍ଗ୍ ନେନ୍ଦ୍‌ନାନ୍।”