ହତ୍‌ତି 3:10 - New Testament in Pengo Parja Language

¹⁰ ଏପେଙ୍ଗ୍ ଦୁଃକ୍ କଷ୍ଟ ପାୟାଆତିହିଙ୍ଗ୍ ସାସ୍ ଆଜି ନା କାତାତିଙ୍ଗ୍ ମାନିକିଜି ସମ୍ବାଲି କିଜି ମାଚାଦେର୍, ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ୱିଜାର୍ ମାନାୟାରିଙ୍ଗ୍ ୱାନି ଗାଜା ପରିକ୍ଷାତାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଉଦାର୍ କିଦ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ନା ବଲ୍‌ ଇସାପ୍‌ରେ ଏପେଙ୍ଗ୍‌ ନା ସାସ୍‌ନି ବଚନ୍‌ ରାକ୍ୟା କିତାଦେର୍‌ନା, ଇଦାଂ କାଜିଂ ପୁର୍ତିନିକାରିଂ ପରିକ୍ୟା କିନି କାଜିଂ ସବୁ ଜଗତ୍‌ ଜପି ଇମ୍‌ଣି ପରିକ୍ୟା କାଡ଼୍‌ ୱାନାତ୍‌, ହେବେତାଂ ଆନ୍‌ ପା ମିଙ୍ଗେଙ୍ଗ୍‌ ରାକ୍ୟା କିଦ୍‌ନାଙ୍ଗ୍‌ ।

ହତ୍‌ତି 3:10 Iomraidhean Croise

ମାତିଉ 24:14

ଈଶ୍ୱର ମାନିରାଜି ବିଷୟରେ ହାର୍ଦିକାବୁର୍ ୱିଜୁ ମାନାୟ୍ ଜାତିର୍ କାଜିଙ୍ଗ୍ ସତ୍ ସାକି ଲେକେ ଇ ୱିଜୁ ପୁର୍ତିତାକେ ୱେଚ୍‌ନାକା ମାନାତ୍। ତାପାଚେ ହାଲ୍‌ଜି ଯୁଗ୍‌ଶେସ୍ ଆନାତ୍।

ମାତିଉ 26:41

ଆରେରଗ ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ କାସି ମାଞ୍ଜାଟ୍, ଆରେ ଏପେଙ୍ଗ୍ ଇନେସ୍‌କି ପରିକ୍ଷାତାକେ ପଡ଼ାଆଉଦେର୍‌ ହେଦାଙ୍ଗ୍ କାଜିଙ୍ଗ୍ ପାର୍ତାନା କିୟାଟ୍, ମି ଆତ୍ମା ସତ୍ କିଦେଙ୍ଗ୍ ଇଚା କିନାତ୍, ମାତର୍ ମି ଗାଗାଡ଼୍ ବାଡ଼୍‌କାସ୍ ହିଲେତ୍।”

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ମାର୍କ 14:9

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ପୁର୍ତିନି ୱିଜୁ ବାହାତାକେ ନା ହାର୍ଦିକାବୁର୍ ଶୁଣାୟ୍ କିନିହିଙ୍ଗ୍ ଇ କଗ୍‌ଲେ କିତି କାମାୟ୍‌ତିଙ୍ଗ୍ ପା ହେୱାର୍ ଶୁଣାୟ୍ କିନାର୍ ଆରେ ମାନ୍ତ ହେତୁକିନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:1

ହେପାଦ୍ନା ମହା ରାଜା କାଇସର୍ ଅଗଷ୍ଟସ୍ ରମିୟ ଦେସ୍‌ତାକେ ମାନି ମାନାୟାରିଙ୍ଗ୍ ତର୍‌ ଲେକାଇ କିଦେଙ୍ଗ୍ ଆଦେସ୍ ହିତାନ୍।

ଜହନ୍‌ 17:6

ଏଲେଙ୍ଗ୍ ପୁର୍ତିନି କେତ୍‌ଜାଣ୍ ମାନାୟାର୍ ନିଙ୍ଗେଙ୍ଗ୍ ପୁନ୍‌ଞ୍ଚାର୍‌ନା, ହେୱାର୍ ନି ଲକ୍ ମାଚାର୍, ଆରେ ଏନେଙ୍ଗ୍ ହେୱାରିଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା। ହେୱାର୍ ନି ହିକ୍ଷାତିଙ୍ଗ୍ ମାନିକିତାର୍‌ନା।

ରୋମିୟ 1:8

ପାର୍ତୁମ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା ଇଞ୍ଜି ୱିଜୁ ନିପ୍‌ଣି ମାନାୟାର୍ ଇଞ୍ଜ୍‌ନାରା।

୧ କରନ୍ତିୟ 10:13

ମାତର୍ ଈଶ୍ୱର ଇନାକା ୱେଚ୍‌ଚାନ୍‌ନା ହେୱାନ୍ ହେଦାଙ୍ଗ୍ କିନାନ୍, ହେୱାନ୍ ଆସେଙ୍ଗ୍ ସମ୍ୱାଲି କିଦେଙ୍ଗ୍ ଆଡ୍‌ୱି ପରିକ୍ଷାତାକେ ମାଙ୍ଗେଙ୍ଗ୍ ପରିକ୍ଷା କିଦୁନ୍। ମାତର୍ ହେୱାନ୍ ମିଙ୍ଗେଙ୍ଗ୍ ହେ ପାପ୍ କାମାୟ୍‌ତାଙ୍ଗ୍ ଦେହା ମାଞ୍ଜେଙ୍ଗ୍ ଶାକ୍ତି ହିଦ୍‌ନାନ୍। ଇନେସ୍‌କି ଇଲେକେ ପାପ୍ କାମାୟ୍ କିନି ଇଚା ୱିଜାକାରିଙ୍ଗ୍ ଆନାତ୍, ଆରେ ହେୱିଜୁ ପାପ୍ କାମାୟ୍ କିୱି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉପାୟ୍ ହିଦ୍‌ନାନ୍।

ଏପିସିୟ 6:13

ଲାଗିଙ୍ଗ୍ ଈଶ୍ୱର ହିତ୍‌ତି ୱିଜୁ ନାଲି କାଣ୍ଡାଙ୍ଗ୍ ଆସ୍ତି ରେଡି ଆଜି ମାନାଟ୍। ଲାଗିଙ୍ଗ୍ ଏପେଙ୍ଗ୍ ଶୟ୍‌ତାନତିଙ୍ଗ୍ ବିରଦ୍ କିଦେଙ୍ଗ୍ ଆଡ୍‌ନାଦେର୍ ଆରେ ଏପେଙ୍ଗ୍ ଜିତାଆଜି ବାଡ଼୍‌କାସ୍ ଆଦେଙ୍ଗ୍ ଆଡ୍‌ନାଦେର୍।

୨ ତିମଥି 2:12

ଯଦି ଆସେଙ୍ଗ୍ ହେୱାନ୍ କାଜିଙ୍ଗ୍ ସାହାସ୍ ଆସ୍ତି କିନାସ୍, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ରାଜା ଲେକେ ଆଜି ସାସନ୍ କିନାସ୍। ଯଦି ଆସେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାସ୍, ଲାଗିଙ୍ଗ୍ ହେୱାନ୍ ପା ମାଙ୍ଗେଙ୍ଗ୍ ତା ମାନାୟ୍ ଇଞ୍ଜି ୱେଚୁନ୍।

ଜାକ୍‌ବ 3:12

ହେଲେକେ ଏ ନା ପାର୍ତିକିନି ଟଣ୍ଡାର୍‌କାଦେର୍, ତଗାମାର୍‌ତାଙ୍ଗ୍ ଜିତ୍ ପାଡ଼୍‌ ଆସ୍ତେଙ୍ଗ୍ ଆଡ୍‌ନାତ୍ କି? ଆରେ ଅଙ୍ଗୁର୍‍ହାସ୍‌ତାକେ ତଗାପାଡ଼୍‌ ଆସ୍ତେଙ୍ଗ୍ ଆଡ୍‌ନାତ୍ କି? ହେଲେକେ ଇମ୍‌ଣି ଜାରାଣ୍‌ତାକେ ହର୍ ଏଜୁଙ୍ଗ୍ ହତ୍‌ନିକା, ହେବେ ହୱାଦ୍ ଏଜୁଙ୍ଗ୍ ହତେଙ୍ଗ୍ ଆଡ଼୍‌ଦୁକ୍।

୧ ପିତର 4:12

ଏ ସାଙ୍ଗ କାଦେର୍, ଏପେଙ୍ଗ୍ ଖ୍ରୀଷ୍ଟ ଲକ୍ ଆତି କାଜିଙ୍ଗ୍ ଇ ଦୁଃକ୍ କଷ୍ଟ ପାୟାଆନାଦେରା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଚାନିଆ ଆମାଟ୍, ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା କି ଆକାୟ୍ ଇଞ୍ଜି ଇ ୱିଜୁ ଗଟାଆନାତା, ଏପେଙ୍ଗ୍ ଇଲେକେ ବାବିକିମାଟ୍ ଯେ ଆହା କିୱିତି ବିଷୟ ୱିଜୁ ଗଟାଆନାତା।

୨ ପିତର 2:9

ମାପୃ ନିଜେ ରକ୍ଷା ଆରେ ଦଣ୍ଡ୍ ହିନି ବିଷୟ କିଜିମାଚି କାଜିଙ୍ଗ୍, ହେୱାନିଙ୍ଗ୍ ପାଣ୍ଡ୍ରାଆଜି ଇମ୍‌ଣି ମାନାୟାର୍ ଦୁକ୍‌କଷ୍ଟ ପାୟାଆନାର୍‌ ହେୱାରିଙ୍ଗ୍ ରକ୍ଷା କିଦେଙ୍ଗ୍ ପୁଚାନ୍‌ନା। ଆରେ ହେୱାନ୍ କରାପ୍ କାମାୟ୍ କିନି ମାନାୟାରିଙ୍ଗ୍ ବିଚାର୍‌କିନି ଦିନ୍‌ତ ଦଣ୍ଡ୍ ହିଦେଙ୍ଗ୍ ପା ପୁନାନା।

ହତ୍‌ତି 1:9

ଆନେଙ୍ଗ୍ ଯୋହନ ମି ଟଣ୍ଡେନ୍‌ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍‌ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍‌ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍‌ଦି ଦ୍ୱିପ୍‌ତାକେ ବନ୍ଦିକିଜି ମାନ୍‌ଞ୍ଚାର୍।

ହତ୍‌ତି 11:10

ହେ ରିୟାର୍ ଭବିଷ୍ୟତବକ୍ତାର୍‌ ହାଃତିଲେ, ଇ ପୁର୍ତିନି ମାନାୟାର୍ ୱାରି କିନାର୍, ଆରେ ଜାର୍-ଜାର୍‌ତିଙ୍ଗ୍ ପୁରଷ୍କାର୍ ହିବା ଆନାର୍, ଇନେସ୍‌କି ଇ ରିୟାର୍ ଭବିଷ୍ୟତ୍‌ବକ୍ତାର୍ ପୁର୍ତିନି ମାନାୟାରିଙ୍ଗ୍ ବେସି ହରିଆଣ୍ କିଜି ମାଚାର୍।

ହତ୍‌ତି 13:10

ଇମ୍‌ଣି ମାନାୟାରିଙ୍ଗ୍ ଆଗେତାଙ୍ଗ୍ ଜଇଲ୍ ଇଞ୍ଜ ଇଡ଼୍‌ଦେଙ୍ଗ୍ ବାଚିକିତାର୍‌ନା। ହେୱାରିଙ୍ଗ୍ ବନ୍ଦିକିଜି ଜଇଲ୍ ଇଞ୍ଜ ଇଟ୍‌ନାର୍, ଆରେ ଇମ୍‌ଣି ମାନାୟାରିଙ୍ଗ୍ କାଣ୍ଡା ହୁଦାଙ୍ଗ୍ ମାର୍ନେ ଅସ୍ତେଙ୍ଗ୍ ବାଚି କିତାନ୍‌ନା ହେୱାରିଙ୍ଗ୍ କାଣ୍ଡା ହୁଦାଙ୍ଗ୍ ମାର୍ନେ ଅହ୍‌ନାର୍। ଲାଗିଙ୍ଗ୍ ଇମ୍‌ଣି ମାନାୟାର୍ ଈଶ୍ୱର ଲକ୍ ଆତାର୍‌ନା ହେୱାର୍ ଦୁଃକ୍ କଷ୍ଟ ସମ୍ବାଲି କିଜି ତାଙ୍ଗେଙ୍ଗ୍ ପାର୍ତି କିଜି ମାନି ଦର୍‌କାର୍।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 13:8

ଆରେ ପୁର୍ତିନି ୱିଜାର୍ ମାନାୟାର୍ ହେ ପଶୁତିଙ୍ଗ୍ ପୁଜା କିତାର୍, ମାତର୍ ମେଣ୍ଢା ଇନେର୍‌କି ଯୀଶୁ ଜିବୁନ୍ ପାୟାଆନି ମାନାୟାର୍ ତର୍‌ ଲେକାଆତି ବହିତାକେ ଇମ୍‌ଣାକାର୍ ତର୍‌ ଲେକାଆଜି ମାଚାତ୍ ହେୱାର୍ ନେ ହେ ପଶୁତିଙ୍ଗ୍ ପୁଜା କିୱାତାର୍‌ନା। ହେ ମେଣ୍ଢା ଇନେର୍‌କି ଯୀଶୁ ନେ ପୁର୍ତି ଉବ୍‌ଜା ଆନିତାଙ୍ଗ୍ ହେୱାର୍ କାଜିଙ୍ଗ୍ ହାଃଜି ମାଚାନ୍।

ହତ୍‌ତି 14:12

ହେଦାଙ୍ଗ୍ କାଜିଙ୍ଗ୍ ଈଶ୍ୱର ୱିଜୁ ମାନାୟାରିଙ୍ଗ୍ ଇଲେକେ ଦୁଃକ୍ କଷ୍ଟ ୱାତିସ୍ ପା ସାସ୍ ଆଜି ମାନି ଦର୍‌କାର୍। ଈଶ୍ୱର ହେୱାରିଙ୍ଗ୍ ଇମ୍‌ଣି ଆଦେସ୍ ହିତିସ୍ ପା ହେ ଆଦେସ୍‌ତିଙ୍ଗ୍ ମାନିକିନି ଦର୍‌କାର୍ ଆରେ ଯୀଶୁଙ୍ଗ୍ ପାର୍ତି କିନାକା ବନ୍ଦ୍ କିୱି ଦର୍‌କାର୍।”

ହତ୍‌ତି 14:6

ତାପାଚେ ଆରେ ରଞ୍ଜି ଦୁତ୍ ବାଦାଡ଼୍‌ତାକେ ଉମ୍‌ଜି ବୁଲା ଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାନ୍ ପୁର୍ତିନି ୱିଜୁ ଦେସ୍ତି ମାନାୟାର୍, ୱିଜୁ ଜାତିନି ମାନାୟାରିଙ୍ଗ୍ ଆରେ ୱିଜୁ ବାଷାନି ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ୱିଜୁଦିନ୍ ମାନି ହାର୍ଦିକାବୁର୍‌ତିଙ୍ଗ୍ ଆସ୍ତି ମାଚାନ୍।

ହତ୍‌ତି 16:14

ଇ ଶୟତାନ୍‌ନି ଆତ୍ମାକାଙ୍ଗ୍ ଚାନିଆ କାମାୟ୍ କିନି ଶାକ୍ତି ମାଚାତ୍, ଆରେ ହେୱାର୍ ପୁର୍ତିନି ୱିଜୁ ଦେସ୍‌ତିଙ୍ଗ୍ ସାସନ୍ କିନି ମାନାୟାରିଙ୍ଗ୍ ମାପୃ ୱିଜୁ ଶାକ୍ତିମାନି ଈଶ୍ୱର ବିଚାର୍‌କିନି ନାଞ୍ଜିଙ୍ଗ୍ ରୁଣ୍ଡାୟ୍ କିତାର୍। ହେୱାର୍ ଈଶ୍ୱର ବିରଦ୍‌ତାକେ ଯୁଜ୍ କିଦେଙ୍ଗ୍ ରୁଣ୍ଡାଆଜି ମାଚାର୍।

ହତ୍‌ତି 17:2

ଆରେ ପୁର୍ତିନି ସାସନ୍ କିନାକାର୍ ହେ ସହର୍ ହୁଦାଙ୍ଗ୍ ଦାରି କାମାୟ୍ କିତିଲେକେ ରୱାଣ୍‌ ଇଡ଼୍‌ଜି ମାଚାର୍, ଆରେ ପୁର୍ତିନି ମାନାୟାର୍ ଅଙ୍ଗୁର୍ ରାସ୍‌ନି କାଲିଙ୍ଗ୍ ଉଟି ମାନାୟ୍ ଲେକେ ହେୱାର୍ ହୁଦାଙ୍ଗ୍ ମାହାଆଜି ପାପ୍ କାମାୟ୍ କିଜି ମାଚାର୍।”

ହତ୍‌ତି 17:8

ନଙ୍ଗୟ୍ ଏନେଙ୍ଗ୍ ଇମ୍‌ଣି ପଶୁତିଙ୍ଗ୍ ହୁଡ଼୍‌ତାୟ୍‌ନା, ହେଦାଙ୍ଗ୍ ଆଗେ ଜିବୁନ୍ ମାଚାତ୍, ଆରେ ନଙ୍ଗୟ୍ ହେ ପଶୁ ହାଃତାତ୍‌ନା। ମାତର୍ ହେ ପଶୁ ପାତାଳ୍‌ ବିତ୍ରେତାଙ୍ଗ୍ ବେଗି ୱାନାତ୍ ଆରେ ଈଶ୍ୱର ତାଙ୍ଗେଙ୍ଗ୍ ପୁରାପୁରି ବାବ୍‌ରେ ବିନାସ୍ କିନାନ୍। ଇମ୍‌ଣି ମାନାୟାର୍ ଇ ପୁର୍ତିତାକେ ମାନାରା, ଇନେର୍ ତର୍‌ ପୁର୍ତି ଉବ୍‌ଜା ଆୱି ଆଗେ ଜିବୁନ୍ ମାନି ବହିତାକେ ଲେକାଆୱାତାତ୍‌ନା, ହେୱାର୍ ହେ ପଶୁତିଙ୍ଗ୍ ହୁଡ଼୍‌ଜି ଚାନିଆ ଆନାର୍। ଇନେସ୍‌କି ହେ ପଶୁ ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ମାନ୍‌ଗାନାତ୍।

ହତ୍‌ତି 2:10

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”

ହତ୍‌ତି 3:8

ଆନେଙ୍ଗ୍ ପୁଚାଙ୍ଗ୍‌ନା ଯେ, ମିଙ୍ଗେଙ୍ଗ୍ ଅଲପ୍ ଶାକ୍ତି ମାନାତ୍। ମାତର୍ ଏପେଙ୍ଗ୍ ନା କାତାତିଙ୍ଗ୍ ପାର୍ତି କିତାଦେର୍‌ନା ଆରେ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ମୁନା କିୱାତାଦେର୍‍ନା, ଲାଗିଙ୍ଗ୍ ମି କାଜିଙ୍ଗ୍ ର କାପାଟ୍ ଜେତାଙ୍ଗ୍‌ନା ହେଦାଙ୍ଗ୍ ଇନେର୍ ଗେସ୍ତେଙ୍ଗ୍ ଆଡୁର୍।

ହତ୍‌ତି 6:10

ହେୱାର୍ ଗାଜାକାଟ୍ କିଜି ଈଶ୍ୱରତିଙ୍ଗ୍ ୱେଚ୍‌ଚାର୍, “ହେ ପବିତ୍ର ଆରେ ସତ୍ ମାପୃ ଆରେ ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ ଇନାକିଦେଙ୍ଗ୍ ପୁର୍ତିତାକେ ମାନି କରାପ୍ ମାନାୟାରିଙ୍ଗ୍ ଦଣ୍ଡ୍ ହିଦେଙ୍ଗ୍ ବେସି ଲେଟ୍ କିନାୟା? ଆପେଙ୍ଗ୍ ନିଙ୍ଗେଙ୍ଗ୍ ଗୁୱାରି କିଦ୍‌ନାପା ମାଙ୍ଗେଙ୍ଗ୍ ମାର୍ନେ ଅସ୍ତାତାକାରିଙ୍ଗ୍ ଏନେଙ୍ଗ୍ ମାର୍ନେ ଅହା।”

ହତ୍‌ତି 8:13

ତାପାଚେ ଆନେଙ୍ଗ୍ ଆରେରଗ ହୁଡ଼୍‌ତିହିଙ୍ଗ୍, ବାଦାଡ଼୍‌ତାକେ ର ମୁକ୍‌ରି ଗାଜାକାଟ୍ କିଜି ଉମ୍‌ଜି-ଉମ୍‌ଜି ୱେଚ୍‌ଚି ମାଚାକା ଆନେଙ୍ଗ୍ ୱେଚାଙ୍ଗ୍। ହେଦାଙ୍ଗ୍ ଇଲେକେ ୱେଚ୍‌ଚି ମାଚାତ୍, “ହାୟ୍! କି ବୟାଙ୍କାର୍! ଜେକନି ତିନ୍‌ଗଟା ଦୁତ୍ ମରି ତୁବ୍‌ତିସ୍ ପୁର୍ତିନି ମାନାୟାର୍ ଅବସ୍ତା କେତେ ବୟାଙ୍କାର୍ ଆନାତ୍!”