ହତ୍‌ତି 22:9 - New Testament in Pengo Parja Language

⁹ ମାତର୍ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, “ଆକାୟ୍, ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଇ ଈଶ୍ୱର ସାସ୍ତର୍‌ତିଙ୍ଗ୍ ମାନିକିଜି ଭବିଷ୍ଯତବକ୍ତା ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନିକିନାତା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା।”

ସତ୍‌ ବଚନ୍‌ ପୁନି ନିୟମ୍‌

⁹ ମାତର୍‌ ହେୱାନ୍‌ ନାଙ୍ଗେଙ୍ଗ୍‌ ଇଞ୍ଚାନ୍‌, ଜାଗ୍ରତ୍‌, ଇଦାଂ କିମା, ଇନେକିଦେଂକି ଆନ୍‌ ନିଦାଂ, ନି ଟଣ୍ଡାର୍‌ ବେଣ୍‌ବାକ୍‌ଣାୟ୍‌କିନାକାର୍‌ତି ଆରି ଇ ପତିନି ବଚନ୍‌ ପାଲିକିନାକାର୍‌ତି ହାଙ୍ଗ୍‌ଦାକାନ୍‌; ଇସ୍ୱର୍‌ତିଂ ପାର୍ତାନା କିୟାଟ୍‌ ।

ହତ୍‌ତି 22:9 Iomraidhean Croise

ମାତିଉ 4:9

ଆରେ ଶୟତାନ ଯୀଶୁଙ୍ଗ୍ ୱେଚ୍‌ଚାତ୍, “ଏନେଙ୍ଗ୍ ଯଦି ନାଙ୍ଗେଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିତ୍‌ତିସ୍, ଆନେଙ୍ଗ୍ ଇୱିଜୁ ଦନ୍ ସମ୍ପତି ନିଙ୍ଗେଙ୍ଗ୍ ହିଦ୍‌ନାଙ୍ଗ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:7

ଯଦି ଏନେଙ୍ଗ୍ ନାଙ୍ଗେଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିତ୍‌ତିସ୍, ଲାଗିଙ୍ଗ୍ ଆନେଙ୍ଗ୍ ଇୱିଜୁ ନିଙ୍ଗେଙ୍ଗ୍ ହିଦ୍‌ନାଙ୍ଗ୍।”

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।

ହତ୍‌ତି 1:1

“ଈଶ୍ୱର ୱିଜୁ ଡ଼ୁକ୍‌ତି ବିଷୟତିଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ଚଚ୍‌ଚାନ୍ ହେ ୱିଜୁ ବିଷୟ ବେଗି ଗଟାଆନାତ୍, ଇନେସ୍‌କି ହେୱାନ୍ ତା ଦାସ୍‌ରିଙ୍ଗ୍ ପୁନିକିଦେଙ୍ଗ୍ ଆଡ୍‌ନାନ୍। ଲାଗିଙ୍ଗ୍ ଯୀଶୁ ତା ଦାସ୍ ଯୋହନତିଙ୍ଗ୍ ଇ ୱିଜୁ ବିଷୟ ଚଚ୍‌ନି କାଜିଙ୍ଗ୍ ହେୱାନ୍ ତା ଦୁତ୍‌ତିଙ୍ଗ୍ ପକ୍ତାତାନ୍।

ହତ୍‌ତି 1:11

ହେଦାଙ୍ଗ୍ ଇଲେକେ ସବଦ୍ ଆତାତ୍, “ଏପେଙ୍ଗ୍ ଇନାକା ହୁଡ଼୍‌ନାଦେରା ହେଦାଙ୍ଗ୍ ର ସାସ୍ତର୍‌ତାକେ ଲେକିକିଜି ଇଟାଟ୍ ଆରେ ଏପିସ, ସ୍ମର୍ଣ୍ଣା, ପର୍ଗମ, ଥୁୟତିରା, ସାର୍ଦ୍ଦୀ, ଫିଲାଦେଲ୍‌ଫିଆ ଆରେ ଲାଅଦିକିଆ ଇ ସାତ୍‌ଗଟା ମଣ୍ଡ୍‌ଲିତାକେ ପକାଟ୍।”

ହତ୍‌ତି 14:7

ହେୱାନ୍ ଇଲେକେ ଗାଜାକାଟ୍ କିଜି ୱେଚ୍‌ଚାନ୍ “ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ ଆରେ ହେୱାନିଙ୍ଗ୍ ଗୌରବ କିୟାଟ୍। ଇନେସ୍‌କି ହେୱାନ୍ ବିଚାର୍‌କିନି ବାହାତାକେ କୁଚ୍‌ଚି ବିଚାର୍‌କିନି ଦିନ୍ ୱାତାତେ। ଏପେଙ୍ଗ୍ ତାଙ୍ଗେଙ୍ଗ୍ ପୁଜା କିୟାଟ୍, ଇନେସ୍‌କି ହେୱାନ୍ ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ଜାରିଆ ଏଜୁଙ୍ଗ୍ ଉବ୍‌ଜାଇ କିତାନ୍‌ନା।”

ହତ୍‌ତି 15:4

ହେ ମାପୃ, ୱିଜୁ ଜାତିନି ମାନାୟାର୍ ନିଙ୍ଗେଙ୍ଗ୍ ପାଣ୍ଡ୍ରା ଆଦ୍‌ନାର୍, ଆରେ ୱିଜାର୍ ମାନାୟାର୍ ନିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାରା, ଇନେସ୍‌କି ଏନେଙ୍ଗ୍‍ନେ ରକାୟ୍ ପବିତ୍ର ଈଶ୍ୱର। ୱିଜୁ ଦେସ୍ତି ମାନାୟାର୍ ନି ଲାଗେ ୱାନାରା ଆରେ ନିଙ୍ଗେଙ୍ଗ୍ ପୁଜା କିଦ୍‌ନାରା, ଇନେସ୍‌କି ହେୱାର୍ ପୁଚାର୍‌ନା ନି କାମାୟ୍ ୱିଜୁ ଦରମ୍।”

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”

ହତ୍‌ତି 22:10

ତାପାଚେ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, ଏପେଙ୍ଗ୍ ଲେକିକିତି ଇ ବହିନି ଈଶ୍ୱର କାତାତିଙ୍ଗ୍ ଡ଼ୁକ୍‌ଚି ଇଟ୍‌ମାଟ୍, ଇନେସ୍‌କି ଇ ୱିଜୁ ବିଷୟ ବେଗି ପୁରା ଆନାତ୍‌ଦେ।

ହତ୍‌ତି 22:18

ଆନେଙ୍ଗ୍ ଯୋହନ, ଇମ୍‌ଣି ମାନାୟାର୍ ଆନେଙ୍ଗ୍ ଲେକିକିତି ବହିନି ଈଶ୍ୱର କାତାତିଙ୍ଗ୍ ୱେନାରା, ଇମ୍‌ଣାକା ନଙ୍ଗୟ୍ ଗଟାଆନାତା ଆରେ ପାଚେ ଗଟାଆନାତ୍ ଆନେଙ୍ଗ୍ ହେୱାରିଙ୍ଗ୍ ସାବ୍‌ଦାନ୍ କିନାଙ୍ଗା। ଯଦି ହେୱାର୍ ଇ ଈଶ୍ୱର କାତାତାକେ ତା କାତା ମାହାୟ୍ କିଜି ୱେଚ୍‌ନାର୍, ଲାଗିଙ୍ଗ୍ ଈଶ୍ୱର ପା ଦଣ୍ଡ୍ ପାୟାଆନି ମାନାୟାର୍ ହୁଦାଙ୍ଗ୍ ହେୱାରିଙ୍ଗ୍ ମାହାୟ୍ କିନାନ୍‌। ହେୱାନ୍ ହେୱାରିଙ୍ଗ୍ ଇ ବହିତାକେ ଲେକାଆତି ଦଣ୍ଡ୍ ୱିଜୁ ହିନାନ୍।

ହତ୍‌ତି 22:7

ହୁଡ଼ାଟ୍, ଆନେଙ୍ଗ୍ ବେଗି ୱାନାଙ୍ଗା, ଇ ବହିତାକେ ଲେକାଆଜି ମାଚି ଈଶ୍ୱର କାତା ଇନେର୍ ମାନି କିନାନ୍ ଈଶ୍ୱର ତାଙ୍ଗେଙ୍ଗ୍ ଆଶ୍ରିବାଦ୍ କିନାନ୍।”

ହତ୍‌ତି 4:10

ଆରେ ହେପାଦ୍ନା ହେ ଚବିଶ୍ ଜାଣ୍ ପ୍ରାଚିନାର୍ ଇନେର୍ ୱିଜୁଦିନ୍ ସିଙ୍ଗାସନ୍‌ତାକେ କୁଚ୍‌ଚାନ୍‌ନା, ହେୱାନିଙ୍ଗ୍ ହେୱାର୍ ମେଣ୍ଢାକୁନ୍ଦିକିଜି ପୁଜାକିଜି ମାଚାର୍। ଆରେ ହେୱାର୍ କାପ୍‌ଡ଼ାନି ମୁକୁଟ୍ କୁତ୍‌ତି ହେ ସିଙ୍ଗାସନ ଆଗେ ଇଡ଼୍‌ଜି ୱେଚ୍‌ଚି ମାଚାର୍,

ହତ୍‌ତି 9:20

ମାତର୍ ଇମ୍‌ଣି ମାନାୟାର୍ ନାଣି, ଦୁଆଁ ଆରେ ଗନ୍ଦକ କାଜିଙ୍ଗ୍ ହାଃୱାତାର୍‌ନା। ହେୱାର୍ ପା ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି କରାପ୍ କାମାୟ୍ କିନାକା ବନ୍ଦ୍ କିୱାତାର୍‌ନା। ହେୱାର୍ ମାନାୟାରିଙ୍ଗ୍ ମାର୍ନେ ଆହ୍‌ନିତାଙ୍ଗ୍, ମାନାୟାରିଙ୍ଗ୍ ପାଙ୍ଗାଣ୍ କିନାକା, ଦାରି କାମାୟ୍ କିନିତାଙ୍ଗ୍, ଚରି କିନିତାଙ୍ଗ୍ ମାନ୍‌ବାଦ୍‌ଲାୟ୍ କିୱାତାର୍‌ନା। ଆରେ ହେୱାର୍ ଜାର୍ କେଇଦାଙ୍ଗ୍ ହନା, ରୁପା, ପିତାଡ଼୍, କାଲ୍ ଆରେ ମାର୍‌ତାଙ୍ଗ୍ ରସ୍ତି ମୁର୍ତିଙ୍ଗ୍ ଇନେର୍‌କି ଶୟତାନତିଙ୍ଗ୍ ପୁଜା କିନାକା ବନ୍ଦ୍ କିୱାତାର୍‌ନା ଇମ୍‌ଣି ମୁର୍ତିଙ୍ଗ୍ ହୁଡ଼୍‌ଦେଙ୍ଗ୍ ଆଡୁକ୍, ୱେଞ୍ଜେଙ୍ଗ୍ ଆଡୁକ୍, କି ତାଙ୍ଗ୍‌ଦେଙ୍ଗ୍ ଆଡୁକ୍।