ହତ୍‌ତି 22:10 - New Testament in Pengo Parja Language

¹⁰ ତାପାଚେ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, ଏପେଙ୍ଗ୍ ଲେକିକିତି ଇ ବହିନି ଈଶ୍ୱର କାତାତିଙ୍ଗ୍ ଡ଼ୁକ୍‌ଚି ଇଟ୍‌ମାଟ୍, ଇନେସ୍‌କି ଇ ୱିଜୁ ବିଷୟ ବେଗି ପୁରା ଆନାତ୍‌ଦେ।

ସତ୍‌ ବଚନ୍‌ ପୁନି ନିୟମ୍‌

¹⁰ ଆରେ ହେୱାନ୍‌ ନାଙ୍ଗେଙ୍ଗ୍‌ ଇଞ୍ଚାନ୍‌, ଏନେଙ୍ଗ୍‌ ଇ ପତିନି ବେଣ୍‌ବାକ୍‌ଣାୟ୍‌କିନାକା ସବୁ ଚିନ୍‌ ଇଡ୍‌ମାଟ୍‌, ଇନେକିଦେଂକି ସମୁ ଲାଗେ ।

ହତ୍‌ତି 22:10 Iomraidhean Croise

ମାତିଉ 10:27

ଆନେଙ୍ଗ୍ ମିଙ୍ଗେଙ୍ଗ୍ ଇମ୍‌ଣାକା ପା ଡ଼ୁକ୍‌ଚି ୱେଚ୍‌ଚାନାଙ୍ଗ୍, ହେ କାତାତିଙ୍ଗ୍ ମାନାୟ୍ ଗଉଲିତ ହାଲ୍‌ଜି ୱେଚାଟ୍। ଆରେ ଇମ୍‌ଣାକା ପା ଇଲ୍ ବିତ୍ରେ ୱେଚ୍‌ଚିତି କାତାତିଙ୍ଗ୍ ଏପେଙ୍ଗ୍ ଚାତ୍ ଜପି ହାଲ୍‌ଜି ମାନାୟାରିଙ୍ଗ୍ ୱେଚାଟ୍।

ରୋମିୟ 13:11

ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାନାଟ୍, ଇନେସ୍‌କି ଏଚେକାଡ଼୍‌ଦ ଈଶ୍ୱର ମାଙ୍ଗେଙ୍ଗ୍ ଇ କରାପ୍ ପୁର୍ତିତାଙ୍ଗ୍ ଉଦାର୍ କିଦ୍‌ନାନ୍, ହେ ଦିନ୍ ୱାତାତେ। ଏଚେପାଦ୍ନା ଆପେଙ୍ଗ୍ ପାର୍ତୁମ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ମାଚାପ୍, ହେଦାଙ୍ଗ୍ ନଙ୍ଗୟ୍ ଲାଗେ ୱାତାତେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇ ବିଷୟତିଙ୍ଗ୍ ବୁଜାଆଡ, ଆରେ ଏପେଙ୍ଗ୍ ହୁନ୍‌ଞ୍ଚିତାଙ୍ଗ୍ ନିଙ୍ଗାଟ୍ ଆରେ ଜାଗ୍ରତ୍ ଆଜି କାସିମାନାଟ୍।

ରୋମିୟ 13:12

ଆସେଙ୍ଗ୍ କରାପ୍ ପୁର୍ତିତାକେ ଜିନି ଦିନ୍ ର ରାତି ସେସ୍ ଆନିଲେକେ ସେସ୍ ଆନାତ୍‌ଦେ, ଆରେ ଖ୍ରୀଷ୍ଟ ଆରେରଗ ପୁର୍ତିତାକେ ୱାନିଦିନ୍ ଇକାୱାତାତେ। ଲାଗିଙ୍ଗ୍ ଆସେଙ୍ଗ୍ ମାଜାଗାତାକେ କିନି ୱିଜୁ କରାପ୍ କାମାୟ୍ ବନ୍ଦ୍ କିନି ଦର୍‌କାର୍, ଆରେ ର ସେନା ୱେଡ଼ାଲିଙ୍ଗ୍ ତା ଯୁଜ୍ କିନିହିଙ୍ଗ୍ ତା ଗାଗାଡ଼୍‌ତାକେ ଉସ୍‌ପାନାନ୍ ହେଲେକେ ଆସେଙ୍ଗ୍ କରାପ୍ କାମାୟ୍‌ତିଙ୍ଗ୍ ବନ୍ଦ୍ କିନି କାଜିଙ୍ଗ୍ ହାର୍ କାମାୟ୍ କିନି ଦର୍‌କାର୍।

୨ ଥେସଲନୀକିୟ 2:3

ଇନେସ୍‌କି ଇନେର୍‌ପା ମିଙ୍ଗେଙ୍ଗ୍ ଟକାୟ୍ କିଦୁର୍ ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍ ଯେ, ମାପୃ ଯୀଶୁ ୱାୱି ଆଗେ ବେସିହେନି ମାନାୟାର୍ ଈଶ୍ୱରତିଙ୍ଗ୍ ବିରଦ୍ କିନାର୍। ଆରେ ହେ ବିନାସ୍ କିନି ମେହି ଅଦରମ୍‌ନି ମାନାୟ୍ ଚଞ୍ଜିଆ ଆନାନ୍, ହେଲେକେ ଆୱି ପାତେକ୍ ମାପୃ ଯୀଶୁ ପୁର୍ତିତାକେ ୱାଉନ୍।

୧ ପିତର 4:7

ଇ ପୁର୍ତି ବେଗି ସେସ୍ ଆନାତ୍‌ଦେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ପାର୍ତାନା କିଜି ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍।

ହତ୍‌ତି 1:11

ହେଦାଙ୍ଗ୍ ଇଲେକେ ସବଦ୍ ଆତାତ୍, “ଏପେଙ୍ଗ୍ ଇନାକା ହୁଡ଼୍‌ନାଦେରା ହେଦାଙ୍ଗ୍ ର ସାସ୍ତର୍‌ତାକେ ଲେକିକିଜି ଇଟାଟ୍ ଆରେ ଏପିସ, ସ୍ମର୍ଣ୍ଣା, ପର୍ଗମ, ଥୁୟତିରା, ସାର୍ଦ୍ଦୀ, ଫିଲାଦେଲ୍‌ଫିଆ ଆରେ ଲାଅଦିକିଆ ଇ ସାତ୍‌ଗଟା ମଣ୍ଡ୍‌ଲିତାକେ ପକାଟ୍।”

ହତ୍‌ତି 1:3

ଏଚେଜାଣ୍ ଇ ଈଶ୍ୱର କାତାତିଙ୍ଗ୍ ଜେକନିକାର୍ ଆଗେ ପଡ଼ିକିନାର୍‌। ହେୱାର୍‌ ଆଶ୍ରିବାଦ୍ ପାୟାଆନାର୍‌ ୱିଜୁ ୱେନାକାରିଙ୍ଗ୍ ଆରେ ମାନି କିନାକାରିଙ୍ଗ୍ ଈଶ୍ୱର ହେ ୱିଜାରିଙ୍ଗ୍ ଆଶ୍ରିବାଦ୍ କିନାନ୍, ଇନେସ୍‌କି ଇ ୱିଜୁ ବିଷୟ ବେଗି ଗଟାଆନାତ୍।

ହତ୍‌ତି 10:4

ଏଚେପାଦ୍ନା ହେ ସାତ୍‌ଗଟା ବାଦାଡ଼ିଙ୍ଗ୍ ଉତର୍ ହିତିକ୍ ହେପାଦ୍ନା ଆନେଙ୍ଗ୍ ବହିତାକେ ଲେକିକିଦେଙ୍ଗ୍ ଜାଗ୍ରତ୍ ଆଜି ମାଚାଙ୍ଗ୍। ମାତର୍ ସରଗ୍‌ତାଙ୍ଗ୍ ଇନେର୍ ରକାନ୍ ନାଙ୍ଗେଙ୍ଗ୍ ହିର୍‌ବାଆତ୍‌ତାନ୍, “ସାତ୍‌ଗଟା ବାଦାଡ଼ିଙ୍ଗ୍ ୱେଚ୍‌ଚିତି କାତାତିଙ୍ଗ୍ ଡ଼ୁକ୍‌ଚି ଇଟା। ହେଦାଙ୍ଗ୍ ଏନେଙ୍ଗ୍ ଲେକି କିମା।”

ହତ୍‌ତି 22:16

“ଆନେଙ୍ଗ୍ ଯୀଶୁ, ୱିଜୁ ମଣ୍ଡ୍‌ଲିକାଙ୍ଗ୍ ଇ କାବୁର୍ ଶୁଣାୟ୍ କିଦେଙ୍ଗ୍ ଆନେଙ୍ଗ୍ ନା ଦୁତ୍‌କୁକାଙ୍ଗ୍‌ ପକ୍ତାତାଙ୍ଗ୍‌ନା। ଆନେଙ୍ଗ୍ ଦାଉଦ ରାଜା ମୁଡ଼୍ ଚିରାନି କୁଟୁମ୍‌ତାଙ୍ଗ୍ ଜନମ୍ ଆତାଙ୍ଗ୍‌ନା, ଆରେ ତା ରାଜ୍ ଗାଦିତାକେ କୁଚ୍‌ଚେଙ୍ଗ୍ ନା ଅଦିକାର୍ ମାନାତ୍। ଆନେଙ୍ଗ୍ ନେ ଅଜଡ଼୍ ହୁକା।”

ହତ୍‌ତି 22:18

ଆନେଙ୍ଗ୍ ଯୋହନ, ଇମ୍‌ଣି ମାନାୟାର୍ ଆନେଙ୍ଗ୍ ଲେକିକିତି ବହିନି ଈଶ୍ୱର କାତାତିଙ୍ଗ୍ ୱେନାରା, ଇମ୍‌ଣାକା ନଙ୍ଗୟ୍ ଗଟାଆନାତା ଆରେ ପାଚେ ଗଟାଆନାତ୍ ଆନେଙ୍ଗ୍ ହେୱାରିଙ୍ଗ୍ ସାବ୍‌ଦାନ୍ କିନାଙ୍ଗା। ଯଦି ହେୱାର୍ ଇ ଈଶ୍ୱର କାତାତାକେ ତା କାତା ମାହାୟ୍ କିଜି ୱେଚ୍‌ନାର୍, ଲାଗିଙ୍ଗ୍ ଈଶ୍ୱର ପା ଦଣ୍ଡ୍ ପାୟାଆନି ମାନାୟାର୍ ହୁଦାଙ୍ଗ୍ ହେୱାରିଙ୍ଗ୍ ମାହାୟ୍ କିନାନ୍‌। ହେୱାନ୍ ହେୱାରିଙ୍ଗ୍ ଇ ବହିତାକେ ଲେକାଆତି ଦଣ୍ଡ୍ ୱିଜୁ ହିନାନ୍।

ହତ୍‌ତି 22:20

ଯୀଶୁ ନିଜେ ଇ ୱିଜୁ ବିଷୟ କାଜିଙ୍ଗ୍ ସାକି ହିଜି ୱେଚ୍‌ନାନା, “ଆଁ, ଆନେଙ୍ଗ୍ ବେଗି ୱାନାଙ୍ଗା। ଆନେଙ୍ଗ୍ ଯୋହନ ଉତର୍ ହିତାଙ୍ଗ୍, ଆମେନ୍! ମାପୃ ଯୀଶୁ ଏନେଙ୍ଗ୍ ବେଗି ୱା।”

ହତ୍‌ତି 22:7

ହୁଡ଼ାଟ୍, ଆନେଙ୍ଗ୍ ବେଗି ୱାନାଙ୍ଗା, ଇ ବହିତାକେ ଲେକାଆଜି ମାଚି ଈଶ୍ୱର କାତା ଇନେର୍ ମାନି କିନାନ୍ ଈଶ୍ୱର ତାଙ୍ଗେଙ୍ଗ୍ ଆଶ୍ରିବାଦ୍ କିନାନ୍।”

ହତ୍‌ତି 22:9

ମାତର୍ ହେ ଦୁତ୍ ନାଙ୍ଗେଙ୍ଗ୍ ଆରେରଗ ୱେଚ୍‌ଚାତାତ୍, “ଆକାୟ୍, ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଇ ଈଶ୍ୱର ସାସ୍ତର୍‌ତିଙ୍ଗ୍ ମାନିକିଜି ଭବିଷ୍ଯତବକ୍ତା ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନିକିନାତା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା।”

ହତ୍‌ତି 5:1

ଆରେ ହେ ସିଙ୍ଗାସନ୍‌ତାକେ କୁଚ୍‌ଚି ମାନାୟ୍ ତିନି କେଇଦ ର ସାସ୍ତର୍ ଆସ୍ତାକା ଆନେଙ୍ଗ୍ ହୁଡ଼୍‌ତାଙ୍ଗ୍ ହେବେ ରିକଣ୍ଡାଙ୍ଗ୍ ଲେକାଆଜି ମାଚାତ୍। ହେ ବହି ହୁରିପିୟା ଆଜିମାଚାତ୍, ଆରେ ହେ ସାସ୍ତର୍‌ତିଙ୍ଗ୍ ସାତ୍ ବାନି ସିଲ୍ ହୁଦାଙ୍ଗ୍ ସିଲ୍ ଇଡ଼୍‌ଜି ମାଚାର୍।