ହତ୍‌ତି 21:8 - New Testament in Pengo Parja Language

⁸ ମାତର୍ ଇମ୍‌ଣାକାର୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାର୍‌ନା, ମାନାୟାରିଙ୍ଗ୍ ଟକାୟ୍ କିନାରା। ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍, କରାପ୍ କାମାୟ୍ କିନାର୍, ମାନାୟାରିଙ୍ଗ୍ ମାର୍ନେ ଅହ୍‌ନାର୍। ଦାରି କାମାୟ୍ କିନାର୍, ଯାଦୁ ମନ୍ତର୍ କିନାରା, ମୁର୍ତି ପୁଜା କିନାରା ଆରେ ମିଚ୍ ୱେଚ୍‌ନାରା। ହେୱାରିଙ୍ଗ୍ ଆନେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସି ହିନାଙ୍ଗ୍ ଇଦାଙ୍ଗ୍ ନେ ଦୁଇ ନମ୍ବର୍ ମାରାଣ୍।”

ସତ୍‌ ବଚନ୍‌ ପୁନି ନିୟମ୍‌

⁸ ମାତର୍‌ ଇମ୍‌ଣାକାର୍‌ ପାଣ୍ଡ୍ରାନାକାର୍‌, ପାର୍ତି କିୱାକାର୍‌, ଗିଣ୍‌ପ୍ରାଲ୍‌, ନାର୍‌ଅହ୍‌ନାକାନ୍‌, ଦାରିୟା, ଚୁଟ୍‌କିୟାର୍‌, ଆରି ପୁତ୍‌ଡ଼ା ପୁଜାକିନାକାନ୍‌, ହେୱାର୍‌ ଆରି ୱିଜ଼ାର୍‌ ମିଚ୍‌ କାତା ଇନାକାର୍‌ ନାଣି ଆରି ଗନ୍ଦକ୍‌ ଆହ୍‌ନି ହାମ୍‌ଦୁର୍‌ତ ବାଗ୍‌ ଅୟାନାର୍‌; ଇଦାଂ ନେ ରି ହାକି ।

ହତ୍‌ତି 21:8 Iomraidhean Croise

ମାତିଉ 10:28

ଇମ୍‌ଣାକାର୍ ଗାଗାଡ଼୍‌ତିଙ୍ଗ୍ ନଷ୍ଟ କିନାର୍ ହେୱାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ଇନେସ୍‌କି ମି ଜିବୁନ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ମାତର୍ ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ ଇ ରିଣ୍ଡେକାଙ୍ଗ୍ ପା ନରକ୍‌ନି ନାଣିତାକେ ନଷ୍ଟ କିଦେଙ୍ଗ୍ ଆଡ୍‌ନାନ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ମାତିଉ 25:25

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆଜି। ଆନେଙ୍ଗ୍ ହାଲ୍‌ଜି ମେଦ୍‌ନିତ ଏନେଙ୍ଗ୍ ହିତ୍‌ତି ରୁପା ଡାବୁଙ୍ଗ୍ ମୁଚ୍‌ଚାଙ୍ଗ୍। ହେୱାନ୍‌ ତାଙ୍ଗେଙ୍ଗ୍ ହିତି ହାଜାର୍ ରୁପା ଡାବୁଙ୍ଗ୍ ହିତାନ୍।’

ମାତିଉ 8:26

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ହେ ଅଲପ୍ ପାର୍ତି କିନାକାଦେର୍ ଏପେଙ୍ଗ୍ ଇନା କିଦେଙ୍ଗ୍ ଏଚେକ୍ ପାଣ୍ଡ୍ରା ଆନାଦେରା? ହେପାଦ୍ନା ଯୀଶୁ ନିଙ୍ଗ୍‌ଞ୍ଜି ଡ଼ୁଇ ଆରେ ଲଉଡ଼ିତିଙ୍ଗ୍ ଆଦେସ୍ ହିତାନ୍, ଆରେ ୱିଜୁ ତିର୍ ଆତାତ୍।

ମାର୍କ 9:44

ଇନେସ୍‌କି ନରକ୍‌ତାକେ ହେ ପିକୁଙ୍ଗ୍ ହେୱାନ୍ ଗାଗାଡ଼୍‌ତିଙ୍ଗ୍ ତିନ୍‌ଞ୍ଜି ମାନିକ୍, ଆରେ ନାଣିତାକେ ତା ଗାଗାଡ଼୍ କାଡ଼୍‍ଜି ମାନାତ୍ ହେ ନାଣି ଇନାୱେଡ଼ାଙ୍ଗ୍ ପା ହାଉତ୍।

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।

୨ ଥେସଲନୀକିୟ 2:9

ହେ ଅଦରମ୍‌ ମାନାୟ୍ ଶୟତାନନି ଶାକ୍ତିନି କାମାୟ୍ କିନାନ୍। ହେୱାନ୍ ୱିଜୁ ପର୍‌କାର୍ ଚାନିଆ କାମାୟ୍, ଚିନ୍ ଆରେ କାବା ଆନି କାମାୟ୍ କିନାନ୍, ଲାଗିଙ୍ଗ୍ ମାନାୟାର୍ ତାଙ୍ଗେଙ୍ଗ୍ ଈଶ୍ୱର ଇଞ୍ଜି ବାବିକିନାର୍।

୧ ତିମତି 4:2

ଇ ବୁଲ୍ ହିକ୍ଷା ବାଟ୍‌ପାଣ୍ ଆରେ ମିଚ୍‌ୱାର୍ ହିନାର୍, ଇନେସ୍‌କି ହେୱାର୍ ବୁଦି ହାଃନାତ୍।

ତୀତସ 1:16

ଇ ବୁଲ୍ ହିକ୍ଷାହିନି ମାଷ୍ଟେରାର୍ ଈଶ୍ୱରତିଙ୍ଗ୍ ପୁନାପ୍ ଇଞ୍ଜି ୱେଚ୍‌ନାର୍, ମାତର୍ ହେୱାର୍ କାମାୟ୍ ଚଚ୍‌ନାତ୍‌ ଯେ ହେୱାର୍ ହେୱାନିଙ୍ଗ୍ ପୁନୁର୍। ହେୱାର୍ ବେସି କରାପ୍ ଆରେ ଈଶ୍ୱରତିଙ୍ଗ୍ ମାନିକିଉର୍। ହେୱାର୍ ଅଲପ୍‌ପା ହାର୍ଦି କାମାୟ୍ କିଦେଙ୍ଗ୍ ଆଡୁର୍।

ଏବ୍ରି 12:24

ଏପେଙ୍ଗ୍ ଯୀଶୁ ଲାଗାୟ୍ ୱାତାଦେର୍‌ନା, ହେୱାନ୍ ଈଶ୍ୱର ଆରେ ମାନାୟ୍‌ବିତ୍ରେ ମାନି ପୁନି ପାର୍ମାଣ୍‌ନି ମାଦିଆଜି କାମାୟ୍ କିନାକାନ୍। ବାଦ୍‌ଲା ଅନି କାଜିଙ୍ଗ୍ କୁକ୍‌ନି ହେବଲନି ନେତେର୍ ବାଦୁଲ୍ କେମା ହିନି କାତା ୱେଚ୍‌ନି ଖ୍ରୀଷ୍ଟତି ତିର୍‌ତି ନେତେର୍ ଲାଗାୟ୍ ଏପେଙ୍ଗ୍ ୱାତାଦେର୍‌ନା।

ଏବ୍ରି 13:4

ଏପେଙ୍ଗ୍ ବିବାଆନି ଜିବୁନ୍‌ତିଙ୍ଗ୍ ସନ୍‌ମାନ୍ କିୟାଟ୍, ଆରେ ଏପେଙ୍ଗ୍ ବିବାଆତି ଜିବୁନ୍‌ତାକେ ଜାର୍-ଜାର୍ ପବିତ୍ର ଆଜି ମାନାଟ୍। ଇମ୍‌ଣାକାର୍ ଦାରୁଲା ଆରେ ଜେକନି ମାନାୟାରିଙ୍ଗ୍ ଆଦିକ୍ ଇଚା ଆନାର୍, ହେୱାରିଙ୍ଗ୍ ଈଶ୍ୱର ବିଚାର୍ କିନାନ୍।

୧ ଯୋହନ 2:22

ଇମ୍‌ଣି ମାନାୟ୍ ଯୀଶୁ ନେ ଖ୍ରୀଷ୍ଟ ଇଞ୍ଜି ୱେଚୁନ୍, ହେୱାନ୍ ନେ ବେସି ମିଚ୍‌ୱା। ହେଲେଗ୍‌ଦି ମାନାୟ୍ ନେ ଖ୍ରୀଷ୍ଟଙ୍ଗ୍ ବିରଦ୍ କିନାର୍, ଇନେସ୍‌କି ହେୱାର୍ ଆବା ଈଶ୍ୱରତିଙ୍ଗ୍ ଆରେ ତା ମେହି ଯୀଶୁଙ୍ଗ୍ ଆହୁର୍।

୧ ଯୋହନ 3:15

ଇମ୍‌ଣି ମାନାୟ୍ ଜାର୍ ଟଣ୍ଡେନିଙ୍ଗ୍ ଗିଣ୍ କିନାନ୍, ହେୱାନ୍ ମାନାୟ୍ ମାରୁ। ଏପେଙ୍ଗ୍ ପୁଚାଦେର୍‌ନା ଯେ, ମାନାୟ୍ ଅସ୍ତାକାର୍‌ ୱିଜ୍‌ୱି ଜିବୁନ୍ ପାୟା ଆଉର୍।

୧ ଯୋହନ 5:10

ଇମ୍‌ଣି ମାନାୟ୍ ଈଶ୍ୱର ମେହି ଯୀଶୁତାକେ ପାର୍ତିକିନାନ୍। ଈଶ୍ୱର ହେୱାନିଙ୍ଗ୍ ଇନାକା ଚଚ୍‌ଚାନ୍‌ନା ହେ କାତାତିଙ୍ଗ୍ ସତ୍ ଇଞ୍ଜି ମାନି କିନାନ୍। ଇମ୍‌ଣି ମାନାୟ୍ ଈଶ୍ୱର ୱେଚ୍‌ଚି କାତାନି ସାକିତିଙ୍ଗ୍‌ ପାର୍ତି କିଉନ୍। ହେୱାନ୍ ଈଶ୍ୱରତିଙ୍ଗ୍ ମିଚ୍‌ୱା ଇଞ୍ଜି ୱେଚ୍‌ନାନ୍, ଇନେସ୍‌କି ଈଶ୍ୱର ତା ମେହି ବିଷୟରେ ଇମ୍‌ଣି ସାକି ହିତାନ୍‌ନା, ହେ କାତାତିଙ୍ଗ୍ ହେୱାର୍ ପାର୍ତି କିଉରା।

ହତ୍‌ତି 14:10

ଈଶ୍ୱର ହେୱାରିଙ୍ଗ୍ ବେସି ରିସା ଆନାନ୍ ଆରେ ହେୱାରିଙ୍ଗ୍ ଦଣ୍ଡ୍ ହିନାନ୍, ଆରେ ପା ଇଲେକେ କାମାୟ୍ କିନାକାରିଙ୍ଗ୍ ଈଶ୍ୱର ମେଣ୍ଢା ଇନେର୍‌କି ଯୀଶୁ ଆରେ ସରଗ୍‌ତାକେ ମାନି ପବିତ୍ର ଦୁତ୍‌କୁ ମୁମ୍‌ଦ ନାଣି ଆରେ ଗନ୍ଦକତାକେ ନରକ୍‌ତାକେ କାଡିକିନାତ୍‌।

ହତ୍‌ତି 19:20

ହେ ଯୁଜ୍‌ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍‌କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍‌ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍‌। ଆରେ ଇମ୍‌ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍‌ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍‌ତାକେ ପକାୟ୍ କିତାର୍।

ହତ୍‌ତି 2:11

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, “ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଖ୍ରୀଷ୍ଟ କାଜିଙ୍ଗ୍ ଦରମ୍‌ଆଜି ମାନାର୍। ହେୱାରିଙ୍ଗ୍ ଈଶ୍ୱର ସେସ୍ ବିଚାର୍‌କିନି ନାଞ୍ଜିଙ୍ଗ୍ ଦୁଇ ନମ୍ବର୍ ମାରାଣ୍ ଦଣ୍ଡ୍ ହିଉନ୍।”

ହତ୍‌ତି 2:2

ଆନେଙ୍ଗ୍ ମି ୱିଜୁ କାମାୟ୍‌ତିଙ୍ଗ୍ ପୁଚାଙ୍ଗ୍‌ନା। ଏପେଙ୍ଗ୍ ଜାଗ୍ରତ୍ ଆଜି ଦୁଃକ୍ କଷ୍ଟ ସମ୍ବାଲି କିଜି ନା କାମାୟ୍ କିନାଦେରା, ଇନେସ୍‌କି ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିଦ୍‍ନାଦେରା। ଆନେଙ୍ଗ୍ ଇଦାଙ୍ଗ୍ ପା ପୁଚାଙ୍ଗ୍‌ନା ଯେ, ଏପେଙ୍ଗ୍ କରାପ୍ ମାନାୟାର୍ କାମାୟ୍‌ତିଙ୍ଗ୍ ସମ୍ବାଲି କିଦେଙ୍ଗ୍ ଆଡୁଦେରା। ଇମ୍‌ଣି ମାନାୟାର୍ ଜାର୍‌ତିଙ୍ଗ୍ ବାଚିକିତି ଚେଲାଇଞ୍ଜି ୱେଚ୍‌ନାରା ମାତର୍ ସତ୍ ବାଚିକିତି ଚେଲା ଆକାୟ୍, ହେୱାର୍ ମିଚ୍ ୱେଚ୍‌ନାରା ଇଞ୍ଜି ଏପେଙ୍ଗ୍ ପୁନି କିନାଦେରା।

ହତ୍‌ତି 21:27

ମାତର୍ କରାପ୍ ମାନାୟାରିଙ୍ଗ୍ କି, ପାପ୍ କାମାୟ୍ କିନାକାରିଙ୍ଗ୍ କି, ମିଚ୍ ୱେଚ୍‌ନାକାର୍ ଆଏର୍, ଇଲେକେ ଗିଣ୍ କାମାୟ୍ କିନାକାରିଙ୍ଗ୍ ଇନାୱେଡ଼ାଙ୍ଗ୍ ପା ହେ ସହର୍‌ତାକେ ହାଞ୍ଜେଙ୍ଗ୍ ହିଉର୍। ଇଲେଗ୍‌ଦି ମାନାୟାର୍ ହେ ସହର୍‌ତାକେ ହାନାର୍ ଯେ, ଇନେର୍ ତର୍‌ ମେଣ୍ଢା ଇନେର୍‌କି ଯୀଶୁ ବହିତାକେ ଲେକାଆଜି ମାନ୍‌ଗାନାତ୍, ହେ ବହିତାକେ ଜିବୁନ୍ ମାନି ମାନାୟାର୍ ତର୍‌ ଲେକାଆତାତ୍‌ନା।

ହତ୍‌ତି 22:15

ମାତର୍ ନିକୁଡ଼୍‌ଲେକେ ଇମ୍‌ଣି ମାନାୟାର୍ କରାପ୍ କାମାୟ୍ କିନାର୍, ଯାଦୁ ମନ୍ତର୍ କିନାର୍, ଦାରି କାମାୟ୍ କିନାର୍, ମାନାୟାରିଙ୍ଗ୍ ଅହ୍‌ନାର୍, ମୁର୍ତି ପୁଜାକିଜି ମାନାର୍ ଆରେ ମିଚ୍ ୱେଚ୍‌ନି ମାନାୟାର୍ ସହର୍ ବାର୍ତ ମାନାର୍।

ହତ୍‌ତି 9:17

ଆନେଙ୍ଗ୍ ହୁଡ଼୍‌ତାଙ୍ଗ୍ ହେୱାର୍ ପିତାଡ଼୍‌ତାଙ୍ଗ୍ ରସ୍ତି ଆଙ୍ଗି ଆର୍ପି ମାଚାର୍, ହେ ପିତାଡ଼୍‌ତାଙ୍ଗ୍ ରସ୍ତି ଆଙ୍ଗି କଲର୍ ନାଣି ଲେକେ ରାତା, ନିଲି, ଗନ୍ଦକଲେକେ କଲର୍ ମାଚାତ୍। ହେ ଗଡ଼ାଙ୍ଗ୍ କାପ୍‌ଡ଼ା ସିଂହ ବୁର୍‌କା କାପ୍‌ଡ଼ାଲେକେ ମାଚାତ୍ ଆରେ ତା ୱେଇଦାଙ୍ଗ୍ ନାଣି, ଦୁଆଁ ଆରେ ଗନ୍ଦକ ହସିମାଚାତ୍।