ହତ୍‌ତି 21:4 - New Testament in Pengo Parja Language

⁴ ହେୱାନ୍ ତା ମାନାୟାର୍ ୱିଜୁ ଦୁଃକ୍‌ତିଙ୍ଗ୍ ଦେହା କିନାନ୍, ଆରେ ହେୱାରିଙ୍ଗ୍ ଇନାୱେଡ଼ାଙ୍ଗ୍ ପା ମାରାଣ୍ ୱାଉତ୍, କି ଦୁଃକ୍ ପାୟା ଆଉର୍, କି ଆଡ଼୍‌ବୁର୍ କି ଇନାକା ନନାକା ପା ୱାଉତ୍। ଇନେସ୍‌କି ହେ ପାନି ପୁର୍ତି ଆରେ ହେବେନି ୱିଜୁ ଜିନିଷ୍ ୱିଜୁଦିନ୍ କାଜିଙ୍ଗ୍ ଡ଼ୁକ୍‌ତାତ୍‌ ଆରେ ଚନ୍‌ଞ୍ଜୁତ୍‌।”

ସତ୍‌ ବଚନ୍‌ ପୁନି ନିୟମ୍‌

⁴ ହେୱାର୍‌ କାଣ୍‌ଙ୍ଗାତାଂ ୱିଜ଼ୁ କାଣେଲ୍‌ ନେନ୍ଦାନାନ୍; ହାକି ଆରେ ଗିଟା ଆଉତ୍‌; ଦୁକ୍‌ କି ଆଡ଼୍‌ବାନାକା କି ନନାକା ଆରେ ଆଉତ୍‌; ଇନେକିଦେଂକି ଆଗେନି ବିସ୍ରେ ସବୁ ବୁଡ଼ା ଆତାତ୍‌ନ୍ନା ।

ହତ୍‌ତି 21:4 Iomraidhean Croise

ମାତିଉ 24:35

ବାଦାଡ଼୍ ଆରେ ପୁର୍ତି ବୁଡାଆନାତ୍ ହିନା, ମାତର୍ ନା କାତା ଅଲପ୍‌ପା ବୁଡା ଆଉତ୍।”

୧ କରନ୍ତିୟ 15:26

ଆରେ ହେୱାନ୍ ସେସ୍ ଶତୃ ମାରାଣ୍‌ତିଙ୍ଗ୍ ନଷ୍ଟ କିନାନ୍।

୧ କରନ୍ତିୟ 7:31

ମା କାଜିଙ୍ଗ୍ ଇ ପୁର୍ତିନି ୱିଜୁ ଜିନିଷ୍ ବେସି ମୁକ୍ୟ ଆକାୟ୍, ଇନାକା ୱିଜୁ ମା ତାକେ ମାନାତ୍ ଇନେସ୍‌କି ଇ ପୁର୍ତିନି ୱିଜୁ ଜିନିଷ୍ ବେସିଦିନ୍ ମାନୁତ୍।

୨ କରନ୍ତିୟ 5:17

ଲାଗିଙ୍ଗ୍ ଇ ଅର୍ତ ଇନାକା? ଯଦି ରୱାନ୍ ଖ୍ରୀଷ୍ଟାନ୍ ଆନାନ୍ ଲାଗିଙ୍ଗ୍ ହେୱାନ୍ ପୁନାକାନ୍ ଆନାନ୍ କି? ଆଁ ହେୱାର୍ ଆରେ ଆଗେଲେକେ ହାମାନ୍ ମାନ୍‌ଗୁର୍‌, ଇନେସ୍‌କି ଆଗେଲେକେ ଜିବୁନ୍ କାଟି କିନାକା ନଷ୍ଟ ଆତାତ୍‌ନା, ମାତର୍ ନଙ୍ଗୟ୍ ପୁନି ଜିବୁନ୍ କାଟି କିନାକା ଆରମ୍ ଆତାତ୍‌ନା।

୨ କରନ୍ତିୟ 6:17

ହେଦାଙ୍ଗ୍ କାଜିଙ୍ଗ୍ ମାପୃ ୱେଚ୍‌ଚାତ୍, ଏପେଙ୍ଗ୍ ହେୱାର୍‌ତାଙ୍ଗ୍ ହସି ୱାଡ, ଇମ୍‌ଣି ମାନାୟାର୍ ଈଶ୍ୱରତିଙ୍ଗ୍ ମାନି କିଉରା। ଏପେଙ୍ଗ୍ ହେୱାର୍ କିନି ମୁର୍ତି ପୁଜାତାଙ୍ଗ୍‌ କରାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଆରେ ଆନେଙ୍ଗ୍ ମିଙ୍ଗେଙ୍ଗ୍ ଆସ୍ତାନାଙ୍ଗ୍‌।

ଏବ୍ରି 12:27

ଇଦାଙ୍ଗ୍‌ନି ଅର୍ତ ଯେ ୱିଜ୍‌ୱିଦିନ୍ ପାତେକ୍ ମାନି ଜିନିଷ୍ ଇନେସ୍ ଇଡ଼୍‌ଦେଙ୍ଗ୍ ଆନାତ୍, ଇଦାଙ୍ଗ୍ କାଜିଙ୍ଗ୍ ପୁର୍ତିତାକେ ରହିୟାଆତି ୱିଜୁ ଜିନିଷ୍ କମ୍ପାୟ୍ କିଜି ଦେହା କିୟାଆନାତ୍।

୨ ପିତର 3:10

ଖ୍ରୀଷ୍ଟ ହାତ୍‌ପା ଆରେରଗ ୱାନାନ୍। ଚର୍ ଇନେସ୍ ଇନେର୍ ପୁନ୍‌ୱିହିଙ୍ଗ୍ ହେଦାପ୍ରେ ୱାଜି ମାନାନ୍, ହେଲେକେ ମାପୃ ପା ହେଦାପ୍ରେ ୱାନାନ୍। ହେ ସମୟ୍‌ତ ବାଦାଡ଼୍‌ତାକେ ଗାଜା ଶବଦ୍ ଆନାତ୍, ଆରେ ବାଦାଡ଼୍ ଅଲପ୍‌ପା ଚଞ୍ଜ୍‌ଜୁତ୍। ସରଗ୍‌ତାକେ ମାନି ୱିଜୁ ଜିନିଷ୍, ୱେଡ଼ା, ଲେଞ୍ଜ୍ ଆରେ ହୁକାକାଙ୍ଗ୍ ଈଶ୍ୱର ପୁରାପୁରି ବାବ୍‌ରେ ନାଣିତାକେ କାଡି କିନାନ୍। ହେ ଦିନ୍ ମାନାୟାର୍ ଇ ପୁର୍ତିତାକେ ମାନିହିଙ୍ଗ୍ କିଜିମାଚି ୱିଜୁ ବିଷୟ ଈଶ୍ୱର ଚଚ୍‍ନାନ୍ ଆରେ ହେୱାରିଙ୍ଗ୍ ହେୱାନ୍ ବିଚାର୍ କିନାନ୍।

୧ ଯୋହନ 2:17

ପୁର୍ତି ଆରେ ଜଗତ୍‌ନି ଜିନିଷ୍ ପାୟାଆନି ଆହା ଅଲପ୍‌ଦିନ୍ କାଜିଙ୍ଗ୍। ମାତର୍ ଇମ୍‌ଣି ମାନାୟ୍ ଆବା ଈଶ୍ୱର କାତାତିଙ୍ଗ୍ ମାନି କିନାନ୍, ହେୱାନ୍ ୱିଜୁଦିନ୍ ଜିଜି ମାନାନ୍।

ହତ୍‌ତି 20:13

ହେପାଦ୍ନା ହାମ୍‌ଦୁର୍‌ତାକେ ହାଃତାକାର୍ ଆରେ ପାତାଳ୍‌ତାକେ ମାଚି ମାନାୟାର୍ ନିଙ୍ଗ୍‌ଞ୍ଜି ୱାତାର୍। ହେୱାରିଙ୍ଗ୍ ତା କାମାୟ୍ ଅନୁସାରେ ଈଶ୍ୱର ବିଚାର୍ କିତାନ୍।

ହତ୍‌ତି 20:14

ତାପାଚେ ଇମ୍‌ଣି ମାନାୟାର୍ ତର୍‌ ହେ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାଦାଙ୍ଗ୍ ମାଚିସ୍ ଈଶ୍ୱର ହେୱାରିଙ୍ଗ୍ ପାତାଳ୍‌ନି ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାନ୍‌। ଇନେସ୍‌କି ଇମ୍‌ଣି ମାନାୟାର୍ ତର୍‌ ଜିବୁନ୍ ମାନି ମାନାୟାର୍ ବହିତାକେ ଲେକାଆୱାତାତ୍‌ନା, ହେୱାରିଙ୍ଗ୍ ନାଣି ଆହ୍‌ନି କୁଣ୍ଡ୍‌ତାକେ ତୁସିହିତାନ୍‌ନା। ଇ ନାଣି ଆହ୍‌ନି କୁଣ୍ଡ୍‌ତାକେ ଦଣ୍ଡ୍ ପାୟାଆନାକା ନେ ଦୁଇ ନମ୍ବର୍ ମାରାଣ୍।

ହତ୍‌ତି 21:1

ତାପାଚେ ଆନେଙ୍ଗ୍ ପୁନି ବାଦାଡ଼୍ ଆରେ ପୁନି ପୁର୍ତି ହୁଡ଼୍‌ତାଙ୍ଗ୍, ଇନେସ୍‌କି ପାନି ସରଗ୍ ଆରେ ପାନି ପୁର୍ତି ଡ଼ୁକ୍‌ତାତ୍‌ ଆରେ ହାମ୍‌ଦୁର୍ ପା ଚଞ୍ଜ୍‌ଞ୍ଜାୱାତାତ୍‌ଦେ।

ହତ୍‌ତି 22:3

ହେ ସହର୍‌ନି ୱିଜୁ ଜିନିଷ୍ ଜପି ଆରେ ୱିଜାର୍ ମାନାୟାର୍ ଜପି ଈଶ୍ୱରତି ଅବିଶାପ୍ ମାନ୍‌ଗୁତ୍। ଇନେସ୍‌କି ହେ ସହର୍‌ତାକେ ଈଶ୍ୱରତି ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନ ମାନ୍‌ଗାନାତ୍ ଆରେ ଈଶ୍ୱର ଦାସ୍‌କୁ ତା ପୁଜାକିଜି ମାନାର୍।

ହତ୍‌ତି 7:17

ଇନେସ୍‌କି ମେଣ୍ଢା ଗଡ଼ିୟା ଇନେସ୍ ତା ମେଣ୍ଢାକାଙ୍ଗ୍ ଉଦାର୍ କିନାନ୍ ହେଲେକେ ହେ ସିଙ୍ଗାସନ ଆଗେ ନିଲ୍‌ତି ମେଣ୍ଢା ଇନେର୍‌କି ଯୀଶୁ ହେୱାରିଙ୍ଗ୍ ଉଦାର୍ କିନାନ୍‌। ହେୱାନ୍ ହେୱାରିଙ୍ଗ୍ କିଲେର୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାନ୍ ଇମ୍‌ଣି ଏଜୁଙ୍ଗ୍ ମାନାୟାରିଙ୍ଗ୍ ଜିବୁନ୍ ହିନାତ୍। ଆରେ ଈଶ୍ୱର ହେୱାର୍ କାଣ୍‌କୁନି ୱିଜୁ କାଣେଲିଙ୍ଗ୍ ନେନ୍ଦ୍‌ନାନ୍।”