ହତ୍‌ତି 21:3 - New Testament in Pengo Parja Language

³ ଆରେ ସରଗ୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହୁଡ଼ା, ଈଶ୍ୱର ମନ୍ଦିର୍‌ ତା ମାନାୟାର୍‌ତାକେ ୱାନାନା, ହେୱାନ୍ ହେୱାର୍ ହୁଦାଙ୍ଗ୍ ମାନାନ୍ ଆରେ ହେୱାର୍ ତା ଲକ୍ ଆନାର୍। ଈଶ୍ୱର ନିଜେ ହେୱାର୍ ହୁଦାଙ୍ଗ୍ ମାନାନ୍।

ସତ୍‌ ବଚନ୍‌ ପୁନି ନିୟମ୍‌

³ ଆରେ ଆନେଙ୍ଗ୍‌ ଗାଦି ବିତ୍ରେତାଂ ର ଗାଜା ସବଦ୍‌ ଇଦାଂ ଇନାକା ୱେଚାଙ୍ଗ୍‌, ହୁଡ଼ାଟ୍‌, ମାନାୟାର୍‌ ବିତ୍ରେ ଇସ୍ୱର୍ତି ବାହାକିନାକା ମାନାତ୍‌, ହେୱାନ୍‌ ହେୱାର୍‌ ଲାହାଙ୍ଗ୍‌ ବାହାକିନାନ୍‌, ଆରେ ହେୱାର୍‌ ଇସ୍ୱର୍‌ ଲକୁ ଆନାର୍‌ ଆରେ ଇସ୍ୱର୍‌ ନିଜେ ହେୱାର୍‌ ଲାହାଂ ମାନ୍‌ଗାନାନ୍‌,

ହତ୍‌ତି 21:3 Iomraidhean Croise

ଜହନ୍‌ 1:14

ହେ ବେଣ୍ ମାନାୟ୍ ରୁପ୍ ଆତାତ୍, ଆରେ ମା ହୁଦାଙ୍ଗ୍ ବାହାକିତାତ୍‌। ହେୱାନ୍ ଦୟା ଆରେ ସତ୍ ବିଷୟ ବାର୍ତି ମାଚାତ୍। ଆବା ଈଶ୍ୱର ର ମେହିତାକେ ଇନେସ୍ ଲେକେ ଗୌରବ ମାନାତ୍, ହେଲେକେ ଗୌରବ ଆପେଙ୍ଗ୍ ହୁଡ଼୍‌ତାପ୍।

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

୨ କରନ୍ତିୟ 6:16

ହେଲେକେ ଈଶ୍ୱର ମନ୍ଦିର୍‌ତାକେ ମୁର୍ତିତିଙ୍ଗ୍ ଇଟ୍‌ୟା ଆଉତ୍, ଇନେସ୍‌କି ହେଦାଙ୍ଗ୍ ଟିକ୍ ଆକାୟ୍। ଈଶ୍ୱର ୱେଚ୍‌ଚାନ୍ ଆସେଙ୍ଗ୍ ଜିବୁନ୍ ମାନି ଈଶ୍ୱର ମନ୍ଦିର୍‌, “ଆନେଙ୍ଗ୍ ଇ ମାନାୟାର୍ ହୁଦାଙ୍ଗ୍ ମାହାଆଜି ମାନାଙ୍ଗ୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନାଲକ୍ ଆଦ୍‌ନାର୍।

୨ କରନ୍ତିୟ 6:18

ୱିଜୁ ଶାକ୍ତିମାନି ଈଶ୍ୱର ଇଲେକେ ଇନାତା ଯେ, ଆନେଙ୍ଗ୍ ମି ଆବା ଆନାଙ୍ଗ୍ ଆରେ ଏପେଙ୍ଗ୍ ନା ହିମ୍‌ଣାଙ୍ଗ୍ ଆନାଦେର୍।”

୧ ଥେସଲନୀକିୟ 3:11

ଆପେଙ୍ଗ୍ ମିତାକେ ବେଗି ୱାଦେଙ୍ଗ୍ ମା ଆବା ଈଶ୍ୱର ଆରେ ମାପୃ ଯୀଶୁ ମାଙ୍ଗେଙ୍ଗ୍ ସାଇଜ କିଦେର୍।

ଏବ୍ରି 11:16

ମାତର୍ ହେୱାର୍ ରଞ୍ଜାଙ୍ଗ୍ ହାର୍ଦି ଦେସ୍‌ତିଙ୍ଗ୍ ଦାସ୍ତି ମାଚାର୍, ଇଦାଙ୍ଗ୍‌ନି ଅର୍ତ ହେୱାର୍ ସରଗ୍‌ତାକେ ମାନି ଦେସ୍‌ତିଙ୍ଗ୍ ଦାସ୍ତି ମାଚାର୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାର୍ ଈଶ୍ୱର ଇଞ୍ଜି ୱେଚ୍‌ନି କାଜିଙ୍ଗ୍ ଲାଜା ଆୱାଦାଙ୍ଗ୍ ମାଚାନ୍, ଆରେ ହେୱାନ୍ ହେୱାର୍ କାଜିଙ୍ଗ୍ ରଞ୍ଜାଙ୍ଗ୍ ସହର୍ ସରଗ୍‌ତାକେ ରସ୍ତାନ୍‌ନା।

ଏବ୍ରି 8:10

ଆରେ ମାପୃ ୱେଚ୍‌ଚାନ୍, ସମୟ୍ ୱାନାତ୍ ଆନେଙ୍ଗ୍ ଇସ୍ରାଏଲନି ଲାତ୍ରା ହୁଦାଙ୍ଗ୍ ପୁନି ପାର୍ମାଣ୍ ରହ୍‌ନାଙ୍ଗ୍। ହେଦାଙ୍ଗ୍ ଇଦାଙ୍ଗ୍, ଆନେଙ୍ଗ୍ ହେୱାର୍ ମାନ୍ତ ନା ନିୟମ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ବୁଜା ଆନାର୍। ଆନେଙ୍ଗ୍ ହେୱାର୍ ଗରବ୍‌ତାକେ ନା ନିୟମ୍ ଲେକିକିନାଙ୍ଗ୍, ଲାଗିଙ୍ଗ୍ ହେୱାର୍ ହେଦାଙ୍ଗ୍ ମାନିକିନାର୍। ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍, ଆରେ ହେୱାର୍ ନାଲକ୍ ଆନାର୍।

ଏବ୍ରି 8:2

ସରଗ୍‌ତାକେ ମାନି ସତ୍ ପୁଟ୍ କୁଡ଼ିଆନି ସତ୍ ପବିତ୍ର ବାହାତାକେ ମା ପ୍ରଦାନ୍ ମୁଡ଼୍‌ଦି ପୁଜାରି ହେବା କିନାନା। ମାନାୟ୍ ଇଦାଙ୍ଗ୍ ରହ୍‌ୱାତାର୍‌ନା, ମାତର୍ ଈଶ୍ୱର ରସ୍ତାନ୍‌ନା।

ହତ୍‌ତି 10:4

ଏଚେପାଦ୍ନା ହେ ସାତ୍‌ଗଟା ବାଦାଡ଼ିଙ୍ଗ୍ ଉତର୍ ହିତିକ୍ ହେପାଦ୍ନା ଆନେଙ୍ଗ୍ ବହିତାକେ ଲେକିକିଦେଙ୍ଗ୍ ଜାଗ୍ରତ୍ ଆଜି ମାଚାଙ୍ଗ୍। ମାତର୍ ସରଗ୍‌ତାଙ୍ଗ୍ ଇନେର୍ ରକାନ୍ ନାଙ୍ଗେଙ୍ଗ୍ ହିର୍‌ବାଆତ୍‌ତାନ୍, “ସାତ୍‌ଗଟା ବାଦାଡ଼ିଙ୍ଗ୍ ୱେଚ୍‌ଚିତି କାତାତିଙ୍ଗ୍ ଡ଼ୁକ୍‌ଚି ଇଟା। ହେଦାଙ୍ଗ୍ ଏନେଙ୍ଗ୍ ଲେକି କିମା।”

ହତ୍‌ତି 10:8

ତାପାଚେ ସରଗ୍‌ତାଙ୍ଗ୍ ଆରେରଗ ନାଙ୍ଗେଙ୍ଗ୍ ହିର୍‌ବିସ୍ ୱେଚ୍‌ଚାତାର୍, “ହାଲା ଆରେ ହେ ଦୁତ୍ ଆସ୍ତିମାଚି ସାସ୍ତର୍‌ତିଙ୍ଗ୍ ଅୱା ଇମ୍‌ଣି ଦୁତ୍ ହାମ୍‌ଦୁର୍ ଆରେ ମେଦ୍‌ନିତ ନିଲ୍‌ତାତ୍‌ନା।

ହତ୍‌ତି 12:10

ତାପାଚେ ସରଗ୍‌ତାକେ ଗାଜା କାଟ୍‌ତାଙ୍ଗ୍ ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। ହେଦାଙ୍ଗ୍ ଇଲେକେ ମାଚାତ୍, “ନଙ୍ଗୟ୍ ମା ମାପୃ ଈଶ୍ୱର ତା ମାନାୟାରିଙ୍ଗ୍ ଉଦାର୍ କିନାନ୍‌, ନଙ୍ଗୟ୍ ମା ଈଶ୍ୱର ଜିତା ଆତାନ୍‌ନା। ନଙ୍ଗୟ୍ ହେୱାନ୍ ତା ଶାକ୍ତି ହୁଦାଙ୍ଗ୍ ରାଜା ଲେକେ ସାସନ୍ କିନାନ୍। ଆରେ ନଙ୍ଗୟ୍ ତା ଖ୍ରୀଷ୍ଟ ପୁର୍ତିନି ମାନାୟାର୍ ଜପି ତା ଅଦିକାର୍ ଚଚ୍‌ନାନ୍‌। ଇନେସ୍‌କି ଈଶ୍ୱର ଆଗେ ନିଲ୍‌ଚି ଇମ୍‌ଣି ଶୟତାନ୍ ମା ଟଣ୍ଡାର୍ ବିରୁଦ୍‌ତାକେ ଇଞ୍ଜି ମାଚାତ୍, ହେ ଶୟତାନ୍ ନଙ୍ଗୟ୍ ଈଶ୍ୱର ଆଗେ ହିଲେତ୍ ମାତର୍ ସରଗ୍‌ତାଙ୍ଗ୍ ପେସ୍ତାର୍।

ହତ୍‌ତି 21:7

ଇମ୍‌ଣି ମାନାୟାର୍ ଶୟତାନତିଙ୍ଗ୍ ଆରାୟ୍ କିଜି ଜିତାଆଜି ମାନାର୍, ହେୱାର୍ ଇ ୱିଜୁ ଆଶ୍ରିବାଦ୍‌ତିଙ୍ଗ୍ ପାୟାଆନାର୍‌, ଆନେଙ୍ଗ୍ ହେୱାର୍ ଈଶ୍ୱର ଆନାଙ୍ଗ୍ ଆରେ ହେୱାର୍ ନା ହିମ୍‌ଣାୱାକ୍‌ଡ଼ା ଆନାର୍।

ହତ୍‌ତି 22:3

ହେ ସହର୍‌ନି ୱିଜୁ ଜିନିଷ୍ ଜପି ଆରେ ୱିଜାର୍ ମାନାୟାର୍ ଜପି ଈଶ୍ୱରତି ଅବିଶାପ୍ ମାନ୍‌ଗୁତ୍। ଇନେସ୍‌କି ହେ ସହର୍‌ତାକେ ଈଶ୍ୱରତି ଆରେ ମେଣ୍ଢା ଇନେର୍‌କି ଯୀଶୁ ସିଙ୍ଗାସନ ମାନ୍‌ଗାନାତ୍ ଆରେ ଈଶ୍ୱର ଦାସ୍‌କୁ ତା ପୁଜାକିଜି ମାନାର୍।

ହତ୍‌ତି 7:15

“ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱର କୁଚ୍‌ଚି ସିଙ୍ଗାସନନି ଆଗେ ନିଲ୍‌ତାର୍‌ନା ଆରେ ୱେଡ଼ା ନାଣା ତା ମନ୍ଦିର୍‌ତାକେ ମାନ୍‌ଞ୍ଜି ତା ହେବା କିନାର୍। ଆରେ ହେ ସିଙ୍ଗାସନ ଜପି କୁଚ୍‌ଚି ଈଶ୍ୱର ହେୱାର୍ ହୁଦାଙ୍ଗ୍ ମାନ୍‌ଗାନାନ୍ ଆରେ ହେୱାରିଙ୍ଗ୍ ଉଦାର୍ କିନାନ୍।