ହତ୍‌ତି 2:23 - New Testament in Pengo Parja Language

²³ ଆନେଙ୍ଗ୍ ତା ହିକ୍ଷାତିଙ୍ଗ୍ ମାନି କିନାକାରିଙ୍ଗ୍ ମାର୍ନେ ଅହ୍‌ନାଙ୍ଗ୍, ଲାଗିଙ୍ଗ୍ ୱିଜୁ ମଣ୍ଡ୍‌ଲିନି ମାନାୟାର୍ ପୁନାର୍ ଯେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ୱିଜାର୍ ମାନ୍ତି ବାବ୍‌ନାତିଙ୍ଗ୍ ଆରେ ଚିନ୍ତାତିଙ୍ଗ୍ ପୁନି ମାନାୟ୍। ଆରେ ଆନେଙ୍ଗ୍ ମି ଜାର୍-ଜାର୍ କାମାୟ୍ ଅନୁସାରେ ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

²³ ହେଦେଲ୍‌ ପାଚେହାନାକାରିଂ ପା ଟୁଣାଙ୍ଗ୍‌ । ତା ଆତିସ୍‌, ମଣ୍ଡ୍‌ଲିଂ ୱିଜ଼ାର୍‌ ପୁଞ୍ଜେଙ୍ଗ୍‌ ଆଡ୍‌ନାର୍‌ ଜେ; ଆନ୍‌ ୱାସ୍କିପୁନାକାଂ, ମାନାୟ୍‌ନି ୱିଜ଼ୁ ଚିନ୍ତା ଆରି ଦାରି ପୁଞ୍ଜେଙ୍ଗ୍‌ ଆଡ୍‌ନାଙ୍ଗ୍‌ । ଏପେଙ୍ଗ୍‌ ଜାଣ୍‌କେ ଇନା ଇନାକା କିତାଦେର୍ଣ୍ଣା, ହେ ଇସାବ୍‌ରେ ଆନ୍‌ ମିଂ ପାତିପାଡ଼୍‌ ହିଦ୍‌ନାଙ୍ଗ୍‌ ।”

ହତ୍‌ତି 2:23 Iomraidhean Croise

ମାତିଉ 16:27

ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଜାର୍ ଆବା ଗୌରବ ହୁଦାଙ୍ଗ୍ ଜାର୍ ଦୁତ୍‌କୁ ହୁଦାଙ୍ଗ୍ ୱାନାନ୍। ଆରେ ହେପାଦ୍ନା ଯୀଶୁ ୱିଜୁ ମାନାୟାରିଙ୍ଗ୍ ତା କିତି କାମାୟ୍‌ତାଙ୍ଗ୍ ପାଡ଼୍‌ ହିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:15

ଯୀଶୁ ପାରୁସିଦଳ୍‍‌ତିଙ୍ଗ୍ ୱେଚ୍‌ଚାନ୍, “ମାନାୟାର୍ ମୁମ୍‌ଦ ଏପେଙ୍ଗ୍ ଜାର୍‌ତିଙ୍ଗ୍ ବଲ୍‍ବଲାୟ୍ ଆନାଦେରା। ମାତର୍ ମି ଗରବ୍‌ତାକେ ଇନାକା ୱିଜୁ ମାନାତ୍ ଈଶ୍ୱରନେ ପୁନାନ୍। ଇମ୍‌ଣିୱିଜୁ ବିଷୟତିଙ୍ଗ୍ ମାନାୟାର୍ ବେସି ସନ୍‌ମାନ୍ କିନାର୍, ହେଦାଙ୍ଗ୍ ଈଶ୍ୱର କାଣ୍‍କୁକାଙ୍ଗ୍ ଗିଣ୍‌ନି ବିଷୟ।

ଜହନ୍‌ 21:17

ଆରେ ତିନ୍‌ହଟ୍ ହେୱାନ୍ ହେୱାନିଙ୍ଗ୍ ୱେନ୍‌ବାତାନ୍, “ଯୋହନ ମେହି ଶିମୋନ, ଏନେଙ୍ଗ୍ ନାଙ୍ଗେଙ୍ଗ୍ ଲାଡ୍ କିଦ୍‌ନାୟା କି?” ପିତର ଦୁକ୍ ଆତାନ୍, ଇନେସ୍‌କି ଯୀଶୁ ହେୱାନିଙ୍ଗ୍ ତିନ୍‌ହଟ୍ ହେ ବେଣ୍ ୱେନ୍‌ବାତାନ୍, “ନାଙ୍ଗେଙ୍ଗ୍ ଲାଡ୍ କିଦ୍‌ନାୟା କି?” ପିତର ୱେଚ୍‌ଚାନ୍, “ମାପୃ, ଏନେଙ୍ଗ୍ ୱିଜୁ ବିଷୟ ପୁଚାଇନା। ଆନେଙ୍ଗ୍ ନିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଇଞ୍ଜି ଏନେଙ୍ଗ୍ ପୁଚାଇନା।” ଯୀଶୁ ପିତରତିଙ୍ଗ୍ ୱେଚ୍‌ଚାନ୍, “ନା ମେଣ୍ଢାକାଙ୍ଗ୍ ଚିଚ୍‌ପା।

ଜହନ୍‌ 4:16

ଯୀଶୁ ହେଦେଲିଙ୍ଗ୍ ୱେଚ୍‌ଚାନ୍, “ହାଲା, ନି ଡକ୍ରାଦିଙ୍ଗ୍ କୁକ୍‌ଚି ଇବେ ତାସିୱା।”

ପକ୍ୟାତାକା 1:24

ହେୱାର୍ ଇଲେକେ ପାର୍ତାନା କିତାର୍, “ଏ ମାନ୍ତି କାତା ପୁନି ମାପୃ, ଯିହୁଦା ବାଚିକିତି ଚେଲା ପାଦ୍ ପିସ୍ତି, ଇମ୍‌ଣି ବାହାତାକେ ହାନିକାତା ହେୱାନ୍ ହାଲ୍‌ୱାଦାଙ୍ଗ୍ ହାଃତାନ୍ ହେ ବାହାତାକେ ହାଞ୍ଜେଙ୍ଗ୍, ତା ବାଦୁଲ୍‌ରେ ଇ ରିୟାର୍ ବିତ୍ରେତାଙ୍ଗ୍ ଇନେରିଙ୍ଗ୍ ବାଚିକିତାୟ୍‌ନା, ମାଙ୍ଗେଙ୍ଗ୍ ୱେଚ୍‌ଚା।”

ରୋମିୟ 14:12

ଆଁ ଆପେଙ୍ଗ୍ ୱିଜାକାପ୍ ଈଶ୍ୱର ଆଗେ ଜାର୍-ଜାର୍ ଇସାବ୍ ହିୟାଆନାତ୍।

ରୋମିୟ 8:27

ଆରେ, ଆବା ଈଶ୍ୱର ୱିଜାକାର୍ ଗରବ୍‌ତିଙ୍ଗ୍ ପୁଚାନ୍‌ନା, ଲାଗିଙ୍ଗ୍ ହେ ପବିତ୍ର ଆତ୍ମାନି କାତାତିଙ୍ଗ୍ ବୁଜା ଆନାନା, ଇନେସ୍‌କି ଈଶ୍ୱର ଜାର୍ ଇଚା ଅନୁସାରେ ହାମାନ୍ ଆଜି ମାନି କାଜିଙ୍ଗ୍ ପବିତ୍ର ଆତ୍ମା ମା କାଜିଙ୍ଗ୍ ତାତାକେ ଗୁୱାରି କିନାତା।

୨ କରନ୍ତିୟ 5:10

ଇନେସ୍‌କି ଆସେଙ୍ଗ୍ ବିଚାର୍ ଆନି କାଜିଙ୍ଗ୍ ଯୀଶୁ ଖ୍ରୀଷ୍ଟ ବିଚାର୍‌କିନି ବାହାତାକେ ନିଲ୍‌ୟା ଆନାତ୍, ଆସେଙ୍ଗ୍ ଇନାକା ମା ଗାଗାଡ଼୍‌ତାକେ କିଜି ମାନାସ୍ ହେୱାନ୍ ମାଙ୍ଗେଙ୍ଗ୍ ମା ହାର୍ ଆରେ କରାପ୍ କାମାୟ୍ କାଜିଙ୍ଗ୍ ପୁରଷ୍କାର୍ ହିଦ୍‌ନାନ୍।

ଗାଲାତିୟ 6:5

ଇନେସ୍‌କି ୱିଜାକାର୍ ମାନାୟ୍ ଜାର୍ ବ୍ଯବହାର୍ କାଜିଙ୍ଗ୍ ନିଜେ ଦାୟି ମାନ୍‍ଙ୍ଗାନାର୍।

ଏବ୍ରି 4:13

ଈଶ୍ୱର କାଣ୍‍କୁକାଙ୍ଗ୍ ଇମ୍‌ଣି ମାନାୟ୍ ପା ଡ଼ୁଗ୍‌ୱାତାର୍‌ନା। ଇନେସ୍‌କି ତା କାଣ୍‍କୁକାଙ୍ଗ୍ ୱିଜୁ ବିଷୟ ଚଞ୍ଜି ଆନାତ୍। ଆରେ ତା ମୁମ୍‌ଦ ମାଙ୍ଗେଙ୍ଗ୍ ୱିଜୁ କାତା ୱେଚ୍‌ଚେଙ୍ଗ୍ ଆନାତ୍ ଇନାକା ମା ଜିବୁନ୍ ମାନିହିଙ୍ଗ୍ କିତାସ୍‌ନା।

୧ ପିତର 1:17

ଈଶ୍ୱର ୱିଜାକାର୍ କିତି କାମାୟ୍‌ତିଙ୍ଗ୍ ପୁନାନା, ଆରେ ହେୱାନ୍ ୱିଜାରିଙ୍ଗ୍ ହାମାନ୍ ବିଚାର୍ କିନାନ୍। ଏପେଙ୍ଗ୍ ଏଚେପାଦ୍ନା ଈଶ୍ୱରତିଙ୍ଗ୍ ଆବା ଇଞ୍ଜି ପାର୍ତାନା କିନାଦେରା, ହେପାଦ୍ନା ଏପେଙ୍ଗ୍ ଇ ପୁର୍ତିତାକେ ବିନ୍ ଦେସ୍‌ତାକେ ମାନିଲେକେ ଈଶ୍ୱରତିଙ୍ଗ୍ ପାଣ୍ଡ୍ରାଆଜି ଜିବୁନ୍ କାଟିକିନି ଦର୍‌କାର୍।

ହତ୍‌ତି 2:11

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, “ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଖ୍ରୀଷ୍ଟ କାଜିଙ୍ଗ୍ ଦରମ୍‌ଆଜି ମାନାର୍। ହେୱାରିଙ୍ଗ୍ ଈଶ୍ୱର ସେସ୍ ବିଚାର୍‌କିନି ନାଞ୍ଜିଙ୍ଗ୍ ଦୁଇ ନମ୍ବର୍ ମାରାଣ୍ ଦଣ୍ଡ୍ ହିଉନ୍।”

ହତ୍‌ତି 2:7

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଈଶ୍ୱର କାଜିଙ୍ଗ୍ ଦରମ୍‌ଆଜି ମାନାର୍, ଆନେଙ୍ଗ୍ ହେୱାରିଙ୍ଗ୍ ଜିବୁନ୍‌ହିନି ମାର୍‌ତି ପାଡ଼୍‌ ଚିଞ୍ଜେଙ୍ଗ୍ ହିନାଙ୍ଗ୍, ହେଦାଙ୍ଗ୍ ଈଶ୍ୱର ବଗିଚା ସରଗ୍‌ତାକେ ଗାଜା ଆନାତା।”

ହତ୍‌ତି 20:12

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍‌ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍‌ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍‌ତିଙ୍ଗ୍ ଈଶ୍ୱର ବିଚାର୍ କିତାନ୍।

ହତ୍‌ତି 20:13

ହେପାଦ୍ନା ହାମ୍‌ଦୁର୍‌ତାକେ ହାଃତାକାର୍ ଆରେ ପାତାଳ୍‌ତାକେ ମାଚି ମାନାୟାର୍ ନିଙ୍ଗ୍‌ଞ୍ଜି ୱାତାର୍। ହେୱାରିଙ୍ଗ୍ ତା କାମାୟ୍ ଅନୁସାରେ ଈଶ୍ୱର ବିଚାର୍ କିତାନ୍।

ହତ୍‌ତି 22:12

“ତାପାଚେ ମାପୃ ଯୀଶୁ ୱେଚ୍‌ଚାନ୍‌, ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ୱିଜାର୍ ମାନାୟାର୍ କାମାୟ୍ ଅନୁସାରେ ଆନେଙ୍ଗ୍ ହେୱାରିଙ୍ଗ୍ ପୁରଷ୍କାର୍ ଆୱିତିସ୍ ଦଣ୍ଡ୍ ହିନାଙ୍ଗ୍।”

ହତ୍‌ତି 6:8

ହେଦାପ୍ରେ ର ଚାର୍‌ୱା କଲର୍‌ନି ଗଡ଼ା ବାର୍ତ ୱାନାକା ହୁଡ଼୍‌ତାଙ୍ଗ୍। ଆରେ ହେ ଗଡ଼ାତାକେ କୁଚ୍‌ଚି ମାଚି ମାନାୟ୍ ତର୍‌ ମାରାଣ୍ ମାଚାତ୍, ଆରେ ତାପାଚେ-ପାଚେ ମାରାଣ୍‌ନି ପାତାଳ୍‌ ହାଲ୍‌ଜି ମାଚାତ୍। ଆରେ ପୁର୍ତିନି ଚାରି ବାଗ୍‌ତାଙ୍ଗ୍ ର ବାଗ୍‌ନି ମାନାୟାରିଙ୍ଗ୍ ମାର୍ନେ ଅସ୍ତେଙ୍ଗ୍ ଅଦିକାର୍ ପାୟାଆଜି ମାଚାର୍, ହେୱାର୍ କାଣ୍ଡା, କାତାର୍, ବେମାର୍ ଆରେ ପୁର୍ତିନି ରାନ୍‍ତି ପଶୁଙ୍ଗ୍ ହୁଦାଙ୍ଗ୍ ମାର୍ନେ ଅସ୍ତେଙ୍ଗ୍ ଅଦିକାର୍ ହିତାନ୍‌ନା।