ହତ୍‌ତି 2:17 - New Testament in Pengo Parja Language

¹⁷ ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା। ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଖ୍ରୀଷ୍ଟ କାଜିଙ୍ଗ୍ ଦରମ୍‌ଆଜି ମାନାର୍। ଆନେଙ୍ଗ୍ ହେୱାରିଙ୍ଗ୍ ଚିଞ୍ଜେଙ୍ଗ୍ ସରଗ୍‌ନି କେତେକ୍ ମାନ୍ନା ତର୍‌ଦି କାଦି ହିନାଙ୍ଗ୍, ହେଦାଙ୍ଗ୍ ଡ଼ୁକ୍‌ଚି ଇଡ଼୍‌ତାନ୍‌ନା ଆରେ ପା ଆନେଙ୍ଗ୍ ହେୱାରିଙ୍ଗ୍ ଡ଼ିଞ୍ଜ୍‌ନି କାଲ୍ ହିନାଙ୍ଗ୍ ଇମେତାକେ ହେୱାର୍ ପୁନି ତର୍‌ ଲେକାଆତାତ୍‌ନା। ଇନେର୍ ପା ହେ ତର୍‌ତିଙ୍ଗ୍ ବୁଜା ଆଦେଙ୍ଗ୍ ଆଡୁର୍, ମାତର୍ ଇନେର୍ ହେ ତର୍‌ ପାୟାଆତାର୍‌ନା ହେୱାର୍‌ ନେ ବୁଜା ଆନାର୍‌।

ସତ୍‌ ବଚନ୍‌ ପୁନି ନିୟମ୍‌

¹⁷ ମଣ୍ଡ୍‌ଲିକାଂ ଇସ୍ୱର୍‌ତି ଜିବୁନ୍‌ ଇନାକା ଇନାତା । “ଇନେରିଂ କିତୁଲ୍‌ ମାନାତ୍‌, ହେୱାନ୍‌ ହେଦାଂ ୱେନେନ୍‌ ।” ଇନେନ୍‌ ଜିତା ଆନାନ୍‌, ତାଙ୍ଗେଙ୍ଗ୍‌ ଆନ୍‌ ଡ଼ୁଗ୍‌ତି ମାନ୍ନା ହିନାଙ୍ଗ୍‌, ଆରେ ଇମ୍‌ଣି ତର୍‌ ଇଟ୍‌ନାକାନ୍‌ ପିସ୍ତି ବିନେନିକାନ୍‌ ଇନେନ୍‌ ପୁନୁନ୍, “ଏଲେଙ୍ଗ୍‌ ପୁନି ତର୍‌ ଲେକାତି ରଞ୍ଜି ଡ଼ିଞ୍ଜିନି କାଲ୍‌ ତାଙ୍ଗେଙ୍ଗ୍‌ ହିନାଙ୍ଗ୍‌ ।”

ହତ୍‌ତି 2:17 Iomraidhean Croise

ମାତିଉ 13:11

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ତା ରାଜିନି ପୁନ୍‌ୱିତି କାତାତିଙ୍ଗ୍ ପୁଞ୍ଜେଙ୍ଗ୍ ଏପେଙ୍ଗ୍ ସୁଯଗ୍ ଗାଟାଆତାଦେର୍‌ନା। ମାତର୍ ଇମ୍‌ଣାକାର୍ ଈଶ୍ୱରତିଙ୍ଗ୍ ପୁନୁୱାତାର୍‌ନା ହେୱାରିଙ୍ଗ୍ ସୁଯଗ୍ ଗଟାଆୱାତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ କାତା ୱେଚ୍‌ନିଲେକେ କିଜି ୱେଚ୍‌ଚାନାଙ୍ଗା।

ମାର୍କ 7:16

ଇମ୍‌ଣାକାଦେର୍ ୱେଚାଦେର୍ ହେଦାଙ୍ଗ୍ ବୁଜା ଆଦେଙ୍ଗ୍ ଚେସ୍‌ଟାକିୟାଟ୍।”

ଜହନ୍‌ 4:32

ମାତର୍ ଯୀଶୁ ୱେଚ୍‌ଚାନ୍, “ନା ଲାଗାୟ୍ ଇମ୍‌ଣି କାଦି ମାନାତ୍, ତା ବିଷୟରେ ଏପେଙ୍ଗ୍ ପୁନୁଦେରେ।”

୧ କରନ୍ତିୟ 2:14

ମାତର୍ ବିନ୍‌ଜାତିନି ମାନାୟାର୍ ଇ ସତ୍ ବିଷୟତିଙ୍ଗ୍ ଈଶ୍ୱର ଆତ୍ମାତାଙ୍ଗ୍‌ ବୁଜା ଆଦେଙ୍ଗ୍ ଆଡୁର୍। ହେଦାଙ୍ଗ୍ ହେୱାର୍ କାଜିଙ୍ଗ୍ ବେକାର୍ ଆନାତ୍, ଇନେସ୍‌କି ଇମ୍‌ଣି ମାନାୟ୍‌ତିଙ୍ଗ୍ ପବିତ୍ର ଆତ୍ମା ମାନାତ୍ ହେୱାନ୍‌ନେ ଈଶ୍ୱର ବିଷୟରେ ବୁଜା ଆଦେଙ୍ଗ୍ ପବିତ୍ର ଆତ୍ମା ସାଇଜ କିନାତ୍।

କଲସିୟ 3:3

ଇନେସ୍‌କି ମି ପାପ୍‌ନି ଗୁଣ୍ ହାଃତାତ୍‌ନା, ଆରେ ମି ଜିବୁନ୍ ଖ୍ରୀଷ୍ଟ ହୁଦାଙ୍ଗ୍ ଈଶ୍ୱରତାକେ ଡ଼ୁକ୍‌ତାତ୍‌ନା।

ହତ୍‌ତି 14:3

ହେ ୧, ୪୪,୦୦୦ ମାନାୟାର୍, ଈଶ୍ୱର ସିଂହାସନ୍, ଚାରିଗଟା ଜିବୁନ୍ ମାନି ପଶୁ ଆରେ ୨୪ ଜାଣ୍ ପ୍ରାଚିନାର୍ ମୁମ୍‌ଦ ନିଲ୍‌ଚି ମାଚାର୍। ହେୱାର୍ ନେ ହେ ମାନାୟାର୍ ଇମ୍‌ଣାକାରିଙ୍ଗ୍ ଈଶ୍ୱର ପୁର୍ତିନି ମାନାୟାର୍‌ତାଙ୍ଗ୍ ଉଦାର୍ କିତାନ୍‌ନା। ହେୱାର୍ ରଞ୍ଜି ପୁନି କେର୍‌କଣ୍ କେର୍‌ଜି ମାଚାର୍ ହେ କେର୍‌କଣ୍‌ତିଙ୍ଗ୍ ଇନେର୍ ପା ହିକାଆଦେଙ୍ଗ୍ ଆଡୁର୍।

ହତ୍‌ତି 19:16

ତା ହେନ୍ଦ୍ରାତାକେ ଆରେ ତା କୁଟାତ ରାଜା ବିତ୍ରେ ରାଜା ଆରେ ମାପୃ ବିତ୍ରେ ମାପୃ ଇଞ୍ଜି ଲେକାଆଜି ମାଚାତ୍।

ହତ୍‌ତି 2:11

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, “ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଖ୍ରୀଷ୍ଟ କାଜିଙ୍ଗ୍ ଦରମ୍‌ଆଜି ମାନାର୍। ହେୱାରିଙ୍ଗ୍ ଈଶ୍ୱର ସେସ୍ ବିଚାର୍‌କିନି ନାଞ୍ଜିଙ୍ଗ୍ ଦୁଇ ନମ୍ବର୍ ମାରାଣ୍ ଦଣ୍ଡ୍ ହିଉନ୍।”

ହତ୍‌ତି 2:7

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍। ଇମ୍‌ଣି ମାନାୟାର୍ କରାପ୍ କାମାୟ୍ କିଉର୍ ଆରେ ଈଶ୍ୱର କାଜିଙ୍ଗ୍ ଦରମ୍‌ଆଜି ମାନାର୍, ଆନେଙ୍ଗ୍ ହେୱାରିଙ୍ଗ୍ ଜିବୁନ୍‌ହିନି ମାର୍‌ତି ପାଡ଼୍‌ ଚିଞ୍ଜେଙ୍ଗ୍ ହିନାଙ୍ଗ୍, ହେଦାଙ୍ଗ୍ ଈଶ୍ୱର ବଗିଚା ସରଗ୍‌ତାକେ ଗାଜା ଆନାତା।”

ହତ୍‌ତି 3:22

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍।

ହତ୍‌ତି 3:6

ଇମ୍‌ଣି ମାନାୟାର୍ ନା କାତାତିଙ୍ଗ୍ ବୁଜା ଆଦେଙ୍ଗ୍ ଇଚା କିନାରା, ପବିତ୍ର ଆତ୍ମା ମଣ୍ଡ୍‌ଲିନି ମାନାୟାରିଙ୍ଗ୍ ୱେଚ୍‌ଚି ବିଷୟତିଙ୍ଗ୍ ହେୱାର୍ ଜାଗ୍ରତ୍ ଆଜି ୱେନି ଦର୍‌କାର୍।