ହତ୍‌ତି 2:12 - New Testament in Pengo Parja Language

¹² ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ପର୍ଗମ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ତାକେ ରିକଣ୍ଡାଙ୍ଗ୍ ଦାରା ମାନି କାଣ୍ଡା ମାନାତ୍।”

ସତ୍‌ ବଚନ୍‌ ପୁନି ନିୟମ୍‌

¹² “ପର୍ଗମ୍‌ ମଣ୍ଡ୍‌ଲିନି ଦୁତ୍‌ ଲାଗାଂ ଲେକିକିୟା ।” “ଇନେର୍‌ତି ତିପ୍‌ତିପା ରିଦାରା କାଣ୍ଡା ମାନାତ୍‌, ହେୱାନ୍‌ ଇଦାଂ ଇନାନ୍‌, ହେୱାନ୍ତି ଇ କାବୁର୍‌ ।

ହତ୍‌ତି 2:12 Iomraidhean Croise

ଏବ୍ରି 4:12

ଇନେସ୍‌କି ଈଶ୍ୱର କାତାତାକେ ଜିବୁନ୍ ଆରେ ଶାକ୍ତି ମାନାତ୍। ରିପଣ୍ଡାଙ୍ଗ୍ ଦାରା ମାନି ହୁରିତାଙ୍ଗ୍ ପା ଇଦାଙ୍ଗ୍ ଆଦିକ୍ ଦାରା ମାନାତ୍, ଆରେ ମାନ୍ ଆରେ ପାରାଣ୍, ଗାଟିଙ୍ଗ୍ ଆରେ ପେଣ୍‌ନି ରାସ୍‌ତିଙ୍ଗ୍ ଜେକ-ଜେକ କିଜି ବାଗ୍ କିନାତ୍। ଇଦାଙ୍ଗ୍ ମା ମାନ୍ତି ଚିନ୍ତା ଆରେ ବାବ୍‌ନାତିଙ୍ଗ୍ ଚଚ୍‌ଚାନାତ୍।

ହତ୍‌ତି 1:11

ହେଦାଙ୍ଗ୍ ଇଲେକେ ସବଦ୍ ଆତାତ୍, “ଏପେଙ୍ଗ୍ ଇନାକା ହୁଡ଼୍‌ନାଦେରା ହେଦାଙ୍ଗ୍ ର ସାସ୍ତର୍‌ତାକେ ଲେକିକିଜି ଇଟାଟ୍ ଆରେ ଏପିସ, ସ୍ମର୍ଣ୍ଣା, ପର୍ଗମ, ଥୁୟତିରା, ସାର୍ଦ୍ଦୀ, ଫିଲାଦେଲ୍‌ଫିଆ ଆରେ ଲାଅଦିକିଆ ଇ ସାତ୍‌ଗଟା ମଣ୍ଡ୍‌ଲିତାକେ ପକାଟ୍।”

ହତ୍‌ତି 1:16

ହେୱାନ୍ ତା ତିନି କେଇଦ ସାତ୍‌ଗଟା ହୁକାଙ୍ଗ୍ ଆସ୍ତି ମାଚାନ୍, ଆରେ ତା ୱେଇଦାଙ୍ଗ୍ ରିକଣ୍ଡାଙ୍ଗ୍ ଦାରା ମାନି ଯୁଜ୍ କିନି କାଣ୍ଡା ହସିମାଚାନ୍‌, ଆରେ ୱେଡ଼ା ବାର୍‌ଟାନି କାରାଲେକେ ତା ମୁମ୍ ଅଜଡ଼୍‌ଆଜି ମାଚାତ୍।

ହତ୍‌ତି 19:15

ତା ୱେଇଦାଙ୍ଗ୍ ବେସି ଦାରା ମାନି କାଣ୍ଡା ହସିମାଚାତ୍, ଆରେ ହେ କାଣ୍ଡା ସାଇଜତାଙ୍ଗ୍ ପୁର୍ତିନି ୱିଜୁ ଜାତିନି ମାନାୟାର୍ ହୁଦାଙ୍ଗ୍ ଯୁଜ୍ କିଜି ଆରାୟ୍ କିତାନ୍। ହେୱାନ୍ ହେୱାରିଙ୍ଗ୍ ଲୱା ବେଡ୍‌ଗା ହୁଦାଙ୍ଗ୍ ସାସନ୍ କିନାନ୍। ହେ ୱିଜୁ ଶାକ୍ତିମାନି ଈଶ୍ୱର ତା ଶାତ୍ରୁରିଙ୍ଗ୍ ଅଙ୍ଗୁର୍ କୁଣ୍ଡ୍‌ତାକେ ଅଙ୍ଗୁର୍ ରାସ୍‌ତିଙ୍ଗ୍ ଉସ୍ତିଲେକେ ହେୱାରିଙ୍ଗ୍ ପା ଦଣ୍ଡ୍ ହିନାନ୍।

ହତ୍‌ତି 19:21

ଆରେ ହେ ପଶୁ ୱିଜୁ ସେନାରିଙ୍ଗ୍ ଡ଼ିଞ୍ଜ୍‌ନି ଗଡ଼ା ଜପି କୁଚ୍‌ଚି ମାଚି ମାନାୟ୍ ତା ୱେଇଦାଙ୍ଗ୍ ହସିମାଚି ଦାରା କାଣ୍ଡା ହୁଦାଙ୍ଗ୍ ମାର୍ନେ ଅସ୍ତାନ୍‌। ଆରେ ବାଦାଡ଼୍‌ତାକେ ଉମ୍‌ନି ୱିଜୁ ପଟିଙ୍ଗ୍ ୱାଜି ହେୱାର୍ ହାଃତି ଗାଗାଡ଼୍‌ତିଙ୍ଗ୍ ପଟ ବାର୍ତି ଆନି ପାତେକ୍ ଚିଚିକ୍।

ହତ୍‌ତି 2:1

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଏପିସ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ନା ତିନି କେଇଦ ସାତ୍‌ଗଟା ହୁକାଙ୍ଗ୍ ଆସ୍ତାଙ୍ଗ୍‌ନା। ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ମାଦି ବୁଲା ଆନାଙ୍ଗା। ଇଦାଙ୍ଗ୍ ନେ ଆନେଙ୍ଗ୍ ୱେଚ୍‌ଚାନାଙ୍ଗା।

ହତ୍‌ତି 2:16

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଈଶ୍ୱରତାକେ ୱାଡ, ଯଦି ଏପେଙ୍ଗ୍ ହେଲେଗ୍‌ଦି କରାପ୍ କାମାୟ୍ କିନାକା ବନ୍ଦ୍ କିଉଦେର୍। ଲାଗିଙ୍ଗ୍ ଆନେଙ୍ଗ୍ ବେଗି ୱାନାଙ୍ଗ୍ ଆରେ ହେଲେକେ ମିଚ୍ ହିକ୍ଷାହିନି ମାନାୟାର୍ ବିରଦ୍‌ତାକେ ନା କାତାହୁଦାଙ୍ଗ୍ ଯୁଜ୍ କିନାଙ୍ଗ୍। ହେ ନା କାତା ରିକଣ୍ଡା ଦାରା ମାନି କାଣ୍ଡା ଲେକେ।