ହତ୍‌ତି 2:10 - New Testament in Pengo Parja Language

¹⁰ ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”

ସତ୍‌ ବଚନ୍‌ ପୁନି ନିୟମ୍‌

¹⁰ ଏପ୍‌ ଇମ୍‌ଣି ସବୁ ଦୁକ୍‌ବଗ୍‌ କିଦେଙ୍ଗ୍‌ ହାନାଦେରା, ହେ ସବୁତିଂ ପାଣ୍ଡ୍ରା ଆମାଟ୍‌; ହୁଡ଼ାଟ୍‌, ମି ପରିକ୍ୟା କାଜିଂ ସୟ୍‌ତାନ୍‌ ମି ବିତ୍ରେତାଂ ଇନେର୍‌ ଇନେରିଂ ଜଇଲ୍‌ ଇଞ୍ଜ ବାର୍ତି କିଦ୍‌ନାତ୍‌, ଆରେ ଏପେଙ୍ଗ୍‌ ଅଲପ୍‍ ଦିନ୍‌ କାଜିଂ ଦୁକ୍‌ବଗ୍‌ ଆଦ୍‌ନାତ୍‌ । ଏପେଙ୍ଗ୍‌ ହାନି ପାତେକ୍‌ ପାର୍ତିତ ମାନାଟ୍‌, ହେବେ ଆପ୍‌ ମିଙ୍ଗେଙ୍ଗ୍‌ ଜିବୁନ୍‌ବାର୍‌ତି ମୁକୁଟ୍‌ ହିଦ୍‌ନାପ୍‌ ।”

ହତ୍‌ତି 2:10 Iomraidhean Croise

ମାତିଉ 10:22

ଆରେ, ନାବେ ପାର୍ତି କିତିସ୍ ମିଙ୍ଗେଙ୍ଗ୍ ୱିଜାକାର୍ ଗିଣ୍ କିଦ୍‌ନାର୍, ମାତର୍ ଇମ୍‌ଣି ମାନାୟ୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍, ହେୱାନ୍ ରକ୍ଷା ପାୟା ଆନାନ୍।”

ମାତିଉ 10:28

ଇମ୍‌ଣାକାର୍ ଗାଗାଡ଼୍‌ତିଙ୍ଗ୍ ନଷ୍ଟ କିନାର୍ ହେୱାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ଇନେସ୍‌କି ମି ଜିବୁନ୍‌ତିଙ୍ଗ୍ ନଷ୍ଟ କିଦେଙ୍ଗ୍ ଆଡୁର୍। ମାତର୍ ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ ଇ ରିଣ୍ଡେକାଙ୍ଗ୍ ପା ନରକ୍‌ନି ନାଣିତାକେ ନଷ୍ଟ କିଦେଙ୍ଗ୍ ଆଡ୍‌ନାନ୍ ହେ ଈଶ୍ୱରତିଙ୍ଗ୍ ପାଣ୍ଡ୍ରାଆଡ।

ମାତିଉ 24:13

ମାତର୍ ଇମ୍‌ଣାକାର୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍। ହେୱାନ୍ ରକ୍ଷା ପାୟା ଆନାନ୍।

ମାର୍କ 13:13

ଆରେ, ନାବେ ପାର୍ତି କିତିସ୍ ମିଙ୍ଗେଙ୍ଗ୍ ୱିଜାକାର୍ ଜେକ ହୁଡ଼୍‍ଦାନାର୍, ମାତର୍ ଇମ୍‌ଣି ମାନାୟ୍ ନାବେ ହାରିହାରା ପାତେକ୍ ପାର୍ତି କିଜି ମାନାନ୍, ହେୱାନ୍ ରକ୍ଷା ପାୟା ଆନାନ୍।”

ମାର୍କ 8:35

ମାତର୍ ଇନେର୍ ପା ଜାର୍ ଜିବୁନ୍ ଉଦାର୍ କିଦେଙ୍ଗ୍ ମାନ୍ କିନାନ୍, ହେୱାନ୍ ହେଦାଙ୍ଗ୍ ଆରାଇ କିନାନ୍। ମାତର୍ ଇନେର୍ ପା ନା କାଜିଙ୍ଗ୍ ଆରେ ହାର୍ଦିକାବୁର୍ କାଜିଙ୍ଗ୍ ଜାର୍ ଜିବୁନ୍ ଆରାଇ କିନାନ୍, ହେୱାନ୍ ତା ଜିବୁନ୍ ରକ୍ଷା କିନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:12

ମାତର୍ ଇ ୱିଜୁଗଟ୍‌ନା ଆୱି ଆଗେ, ମାନାୟାର୍ ମିଙ୍ଗେଙ୍ଗ୍ ଆସ୍ତାନାର୍। ଆରେ ଜଇଲ୍ ଇଞ୍ଜ ଗେସ୍ତାନାର୍ ଆରେ ମିଙ୍ଗେଙ୍ଗ୍ କଷ୍ଟ ହିଦ୍‌ନାର୍। ପାର୍ତାନା ଇଞ୍ଜ ମିଙ୍ଗେଙ୍ଗ୍ ବିଚାର୍ କିଦ୍‌ନାର୍ ଆରେ ରାଜା ଆରେ ସାସନ୍ କିନାକାନ୍ ମୁମ୍‌ଦ ହେଲାଇ କିଜି ହିଦ୍‌ନାର୍। ଇନେସ୍‌କି ଏପେଙ୍ଗ୍ ନା ପାଚେ ୱାନି କାଜିଙ୍ଗ୍ ମାନାୟାର୍ ମିଙ୍ଗେଙ୍ଗ୍ ଇଲେକେ ବାଉରା ଆଦ୍‌ନାର୍।

ଜହନ୍‌ 12:25

ଜାର୍ ଜିବୁନ୍‌ତିଙ୍ଗ୍ ଇନେର୍ ରକ୍ଷା କିଦେଙ୍ଗ୍ ମାନ୍ କିନାନ୍, ହେୱାନ୍ ହେଦାଙ୍ଗ୍ ହାରାଇ କିନାନ୍। ମାତର୍ ଇନେର୍ ତା ଜିବୁନ୍‌ତିଙ୍ଗ୍ ଆରାଇ କିନାନ୍, ହେୱାନ୍ ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ କିନାନା।

ଜହନ୍‌ 13:2

ହେନାଞ୍ଜ୍ ମିକାଲିଙ୍ଗ୍ ଯୀଶୁ ଆରେ ତା ଚେଲାହିର୍ ଚିଞ୍ଜେଙ୍ଗ୍ କୁଚ୍‌ଚି ମାଚାର୍। ହେପାଦ୍ନା ଶିମୋନ ମେହି ଇଷ୍କାରିତିୟ ଯିହୁଦା ଯୀଶୁଙ୍ଗ୍ ଶୟତାନ୍ କେଇଦ ଆହିକିଦେଙ୍ଗ୍ ମାନ୍ତ ବାବିକିଜି ମାଚାନ୍।

ଜହନ୍‌ 13:27

ଈଷ୍କାରିୟତ ଯିହୁଦା ରୁଟି ଅତିହିଙ୍ଗ୍ ତା ବିତ୍ରେ ଶୟତାନ୍ ହଟାତ୍। ଯୀଶୁ ଈଷ୍କାରିୟତିୟ ଯିହୁଦାଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ଇନାକା କିନି କାତା ହେଦାଙ୍ଗ୍ ବେଗି କିୟା।”

ପକ୍ୟାତାକା 20:24

ଈଶ୍ୱର ଇମ୍‌ଣି ଦୟା ଚଚ୍‌ଚାତାନ୍‌ନା ହେ ବିଷୟରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍, ମାପୃ ଯୀଶୁ ନାଙ୍ଗେଙ୍ଗ୍ ହିତ୍‌ତାନ୍‌ନା ଇ କାମାୟ୍‌ତିଙ୍ଗ୍ ପୁରା କିଜି ୱିହ୍‌ୱି ପାତେକ୍ ଆନେଙ୍ଗ୍ ନା ଜିବୁନ୍‌ତିଙ୍ଗ୍ କିଚି ମୁଲ୍ଯ ଆକାୟ୍ ଇଞ୍ଜି ବାବିକିନାଙ୍ଗା।

ପକ୍ୟାତାକା 21:13

ହେବେତାଙ୍ଗ୍ ପାଉଲ ୱେଚ୍‌ଚାନ୍, “ଏପେଙ୍ଗ୍ ଇନା କିଦେଙ୍ଗ୍ ଆଡ଼୍‌ବିସ୍‌ ମାନ୍ ବାଙ୍ଗାୟ୍ କିଦ୍‍ନାଦେରା? ଆନେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଯିରୁଶାଲାମ ସହର୍‌ତାକେ ଗାଚିଆଦେଙ୍ଗ୍ ଆରେ ହାଃଦେଙ୍ଗ୍ ପା ରେଡି ମାନାଙ୍ଗ୍।”

୧ କରନ୍ତିୟ 9:25

ଇମ୍‌ଣି ମାନାୟ୍ ହନ୍‌ନି କେଲ୍‌ତାକେ ମାହା ଆଦେଙ୍ଗ୍ ଇଚା କିନାର୍ ହେୱାର୍ ଜାର୍‌ତିଙ୍ଗ୍ କଣ୍ଟ୍ରୁଲ୍ କିନାକା ହିକାଆନି ଦର୍‌କାର୍। ହେୱାର୍ ବେସିଦିନ୍ ମାନ୍‌ୱି ପୁରଷ୍କାର୍ କାଜିଙ୍ଗ୍ ହନ୍‌ନାର୍, ମାତର୍ ଆପେଙ୍ଗ୍ ୱିଜୁଦିନ୍ ମାନି ପୁରଷ୍କାର୍ କାଜିଙ୍ଗ୍ ହନ୍‌ନାପା।

ଏପିସିୟ 2:2

ଇନେସ୍‌କି ହେପାଦ୍ନା ଏପେଙ୍ଗ୍ ଇ ପୁର୍ତିନି ମାନାୟାର୍ ହାଜ୍‌ଦିଙ୍ଗ୍ ତାଙ୍ଗ୍‌ଜି ମାଚାଦେର୍, ଆରେ ବାଦାଡ଼୍‌ନି କରାପ୍ ଆତ୍ମା କି ବୁତ୍ ଆତ୍ମାନି ନେତାନି ଆଦିକାର୍ ଶୟତାନନି କାତା ମାନିକିଜି ମାଚାଦେର୍। ଇ ଶୟତାନ ନଙ୍ଗୟ୍ ଈଶ୍ୱରତିଙ୍ଗ୍ ମାନିକିୱି ମାନାୟାରିଙ୍ଗ୍ କଣ୍ଟ୍ରୁଲ୍ କିଦ୍‌ନାତା।

ଏପିସିୟ 6:12

ଇନେସ୍‌କି ମା ଯୁଜ୍ ନେତେର୍ ଜେଇ ଇ ପୁର୍ତିନି ମାନାୟାର୍ କାଜିଙ୍ଗ୍ ଆକାୟ୍, ମାତର୍ ମାଜ୍‌ଗା ଜଗତ୍‌ନି ଶାକ୍ତି, ଆଦିକାର୍ ଆରେ ସାସନ୍ କିନାକାର୍ ବିରଦ୍‌ତାକେ ଆରେ ବାଦାଡ଼୍‌ନି କରାପ୍ ଆତ୍ମା ବିରଦ୍ କାଜିଙ୍ଗ୍।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।

୧ ପିତର 5:4

ଆରେ ଏଚେପାଦ୍ନା ଯୀଶୁ ଖ୍ରୀଷ୍ଟ ଆରେରଗ ୱାନାନ୍ ହେୱାନ୍ ମା ମୁକ୍ୟ କଡିଙ୍ଗ୍ ଗଡ଼ିୟାଲେକେ ହେୱାନ୍ ମିଙ୍ଗେଙ୍ଗ୍ ହଲ୍‌ନି ପୁରଷ୍କାର୍‌ଲେକେ ର ମୁକୁଟ୍ ହିଦ୍‌ନାନ୍, ଆରେ ତା ହଲ୍‌ନାକା ଇନାୱେଡ଼ାଙ୍ଗ୍ ପା ୱିଜୁତ୍। ଆରେ ହେୱାନ୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାନ୍।

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 13:2

ହେ ପଶୁ ଚିତା ବୁର୍‌କା ଲେକେ ଚନ୍‌ଞ୍ଜି ମାଚାତ୍, ମାତର୍ ତାଙ୍ଗେଙ୍ଗ୍ ବାଲୁଲେକେ ପାନାଙ୍ଗ୍ ମାଚିକ୍ ଆରେ ତା ୱେଇ ସିଂହ ବୁର୍‌କା ଲେକେ ମାଚାତ୍। ହେ ପଶୁତିଙ୍ଗ୍ ହେ ଗାଜା ରାଚ୍ ଶୟତାନ୍ ତା ଜାର୍ ଶାକ୍ତିତିଙ୍ଗ୍, ତା ସିଙ୍ଗାସନ୍‌ତିଙ୍ଗ୍, ଆରେ ଗାଜା ଅଦିକାର୍ ହେ ପୁଶୁତିଙ୍ଗ୍‌ ହିତାତ୍।

ହତ୍‌ତି 13:7

ହେ ପଶୁତିଙ୍ଗ୍ ଈଶ୍ୱର ପବିତ୍ର ମାନାୟାର୍ ବିରୁଦ୍‌ତାକେ ଯୁଜ୍ କିଜି ଆରାୟ୍ କିଦେଙ୍ଗ୍ ଅଦିକାର୍ ହିଜି ମାଚାର୍। ଆରେ ପା ହେ ପଶୁତିଙ୍ଗ୍ ୱିଜୁ ଦେସ୍ତି ମାନାୟାରିଙ୍ଗ୍, ୱିଜୁ ଜାତିନି ମାନାୟାରିଙ୍ଗ୍, ୱିଜୁ ବାଷାନି ମାନାୟାରିଙ୍ଗ୍ ସାସନ୍ କିନି ଅଦିକାର୍ ହିଜି ମାଚାର୍।

ହତ୍‌ତି 17:14

ହେ ୱିଜାର୍ ରାଜାର୍ ମାହାଆଜି ମେଣ୍ଢା ଇନେର୍‌କି ଯୀଶୁ ହୁଦାଙ୍ଗ୍ ଯୁଜ୍ କିନାର୍। ମାତର୍ ହେ ମେଣ୍ଢା ଇନେର୍‌କି ଯୀଶୁ ଆରେ ହେୱାନ୍ ହିର୍‌ବାତାକାର୍, ତା ବାଚିକିତି ମାନାୟାର୍, ଆରେ ତା ଦରମ୍ ମାନାୟାର୍ ହୁଦାଙ୍ଗ୍ ମାହାଆଜି ହେୱାରିଙ୍ଗ୍ ଆରାୟ୍ କିତାର୍, ଇନେସ୍‌କି ହେୱାନ୍ ନେ ୱିଜୁ ମାପୃତାଙ୍ଗ୍ ମାପୃ ଆରେ ୱିଜୁ ରାଜାର୍‌ତାଙ୍ଗ୍ ରାଜା।

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।

ହତ୍‌ତି 2:9

“ଆନେଙ୍ଗ୍ ପୁଚାଙ୍ଗ୍‌ନା ଯେ, ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା ଆରେ ଏପେଙ୍ଗ୍ ଗରିବ୍। ମାତର୍ ଏପେଙ୍ଗ୍ ଗରବ୍‌ତାକେ ହାଉକାର୍। ଆନେଙ୍ଗ୍ ପୁଚାଙ୍ଗ୍‌ନା ଯେ, ଇମ୍‌ଣି ଯିହୁଦି ଜାତିନି ମାନାୟାର୍ ଜାର୍‌ତିଙ୍ଗ୍ ଈଶ୍ୱର ବାଚି କିତ୍‌ତି ମାନାୟ୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ଆକାୟ୍। ହେୱାର୍ ମି ବିରଦ୍‌ତାକେ କରାପ୍ କାତା ଇନାରା, ଇନେସ୍‌କି ହେୱାର୍ ଶୟତାନ ଦଳ୍‌ନି ମାନାୟାର୍।