ହତ୍‌ତି 19:6 - New Testament in Pengo Parja Language

⁶ ତାପାଚେ ର ଗାଜା ଦଳ୍‌ନି ମାନାୟାର୍ ଆଲା ଆନିଲେକେ ସବଦ୍ ଆନେଙ୍ଗ୍ ୱେଚାଙ୍ଗ୍, ହେ ସବଦ୍ ର ଗାଜା ଜାରାଣ୍ ଏଜୁଙ୍ଗ୍ ସବଦ୍ ଲେକେ ମାଚାତ୍, ଆରେ ବାଦାଡ଼୍ ଗାର୍ଜାଆନିଲେକେ ସବଦ୍ ମାଚାତ୍। ହେୱାର୍ ୱେଚ୍‌ଚି ମାଚାର୍, “ୱାଡ ଆସେଙ୍ଗ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିନାସ୍, ଇନେସ୍‌କି ୱିଜୁ ଶାକ୍ତିମାନି ଈଶ୍ୱର ନେ ରାଜା।”

ସତ୍‌ ବଚନ୍‌ ପୁନି ନିୟମ୍‌

⁶ ହେ ସମୁତ ଆନେଙ୍ଗ୍‌ ୱେଚାଙ୍ଗ୍‌, ହାମ୍‌ଦୁର୍‌ ଗାର୍ଜାନାକା ଆରି ବିଞ୍ଜିଇଡ଼୍‌ନାକା ଲାହାଂ ମାନାୟାର୍‌ ସବଦ୍‌ ଲାକେ କେଡ଼ାଜ଼ି ୱାନାତା । ମାନାୟାର୍‌ ଆରେ ପାର୍ତାନା କିଜ଼ି ଇନାରା । “ଇସ୍ୱର୍‌ତି ତର୍‌ଦ କେର୍‌କଣ୍‌ କେରାଟ୍‌, ଇନେକିଦେଂକି ମା ମାପ୍ରୁ ୱିଜ଼ୁତିଂ ସାକ୍ତିକାଟାକାନ୍‌ ଇସ୍ୱର୍‌, ହେୱାନ୍‌ କେବଲ୍‌ ମା ରାଜା ।

ହତ୍‌ତି 19:6 Iomraidhean Croise

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ହତ୍‌ତି 1:15

ଆରେ ତା କାଲ୍‌ପାନା ନାଣିତାକେ ଦେସ୍ତି ପିତାଡ଼୍ ଲେକେ ଚମ୍‌କା ଆଜି ମାଚାତ୍ ଆରେ ଏଚେପାଦ୍ନା ହେୱାନ୍ ୱେଚ୍‌ଚାନ୍, ର ଗାଜା ଜାରାଣ୍ ଏଜୁଙ୍ଗ୍ ସବଦ୍ ଲେକେ ତା ସବଦ୍ ମାଚାତ୍।

ହତ୍‌ତି 1:8

ମା ମାପୃ ଈଶ୍ୱର ଇଲେକେ ୱେଚ୍‌ନାନା, “ଆନେଙ୍ଗ୍ ଆଲ୍‌ପା ଆରେ ଅମେଗା,” ଇ ଅର୍ତ ଆନେଙ୍ଗ୍ ଇ ୱିଜୁ ବିଷୟତିଙ୍ଗ୍ ଆରମ୍ କିତାଙ୍ଗ୍ ଆରେ ଆନେଙ୍ଗ୍ ୱିଜୁ ବିଷୟତିଙ୍ଗ୍ ସେସ୍ କିଦେଙ୍ଗ୍ ଆଡ୍‌ନାଙ୍ଗ୍। “ଆନେଙ୍ଗ୍ ନେ ୱିଜୁ ଶାକ୍ତିମାନି ଈଶ୍ୱରତଙ୍ଗ୍ ଇନେର୍ ଆଗେ ମାଚାନ୍, ନଙ୍ଗୟ୍ ମାନାନ୍ ଆରେ ପାଚେ ମାନାନ୍।”

ହତ୍‌ତି 12:10

ତାପାଚେ ସରଗ୍‌ତାକେ ଗାଜା କାଟ୍‌ତାଙ୍ଗ୍ ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍। ହେଦାଙ୍ଗ୍ ଇଲେକେ ମାଚାତ୍, “ନଙ୍ଗୟ୍ ମା ମାପୃ ଈଶ୍ୱର ତା ମାନାୟାରିଙ୍ଗ୍ ଉଦାର୍ କିନାନ୍‌, ନଙ୍ଗୟ୍ ମା ଈଶ୍ୱର ଜିତା ଆତାନ୍‌ନା। ନଙ୍ଗୟ୍ ହେୱାନ୍ ତା ଶାକ୍ତି ହୁଦାଙ୍ଗ୍ ରାଜା ଲେକେ ସାସନ୍ କିନାନ୍। ଆରେ ନଙ୍ଗୟ୍ ତା ଖ୍ରୀଷ୍ଟ ପୁର୍ତିନି ମାନାୟାର୍ ଜପି ତା ଅଦିକାର୍ ଚଚ୍‌ନାନ୍‌। ଇନେସ୍‌କି ଈଶ୍ୱର ଆଗେ ନିଲ୍‌ଚି ଇମ୍‌ଣି ଶୟତାନ୍ ମା ଟଣ୍ଡାର୍ ବିରୁଦ୍‌ତାକେ ଇଞ୍ଜି ମାଚାତ୍, ହେ ଶୟତାନ୍ ନଙ୍ଗୟ୍ ଈଶ୍ୱର ଆଗେ ହିଲେତ୍ ମାତର୍ ସରଗ୍‌ତାଙ୍ଗ୍ ପେସ୍ତାର୍।

ହତ୍‌ତି 14:2

ଆରେ, ଆନେଙ୍ଗ୍ ସରଗ୍‌ତାକେ ର ସବଦ୍ ୱେଚାଙ୍ଗ୍ ଯେ, ହେଦାଙ୍ଗ୍ ର ଗାଜା ଜାରାଣ୍ ଏଜୁଙ୍ଗ୍ ଆର୍ଜି ଗାର୍ଜା ଆତିଲେକେ କି ବାଦାଡ଼୍ ଗାର୍ଜା ଆତିଲେକେ ସବଦ୍ ଆତାତ୍। ଆରେ ପା ବେସିହେନି ମାନାୟାର୍ ରମାଟ୍ ଡୁଡୁଙ୍ଗା ଇସ୍ତିସ୍ ସବଦ୍ ଆନାତ୍ ହେଲେକେ ସବଦ୍ ଆତାତ୍।

ହତ୍‌ତି 19:1

ତାପାଚେ ବେସିହେନି ମାନାୟାର୍ ସରଗ୍‌ତାକେ ଗାଜାକାଟ୍ କିଜି ୱେଚ୍‌ନାକା ୱେଚାଙ୍ଗ୍, ହେୱାର୍ ୱେଚ୍‌ଚି ମାଚାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍। ଇନେସ୍‌କି ଈଶ୍ୱର ଉଦାର୍ କିଦ୍‌ନାନ୍, ହେୱାନ୍ ଗୌରବ ପାୟାଆନି ଜଗ୍ୟ ଆରେ ହେୱାନ୍ ୱିଜୁତାଙ୍ଗ୍ ଶାକ୍ତି କାଟାକାନ୍।

ହତ୍‌ତି 19:4

ତାପାଚେ ଚବିଶ୍ ଜାଣ୍ ପ୍ରାଚିନ୍‌ ଆରେ ଚାରିଗଟା ଜିବୁନ୍ ମାନି ପଶୁ ସିଙ୍ଗାସନ୍‌ତାକେ କୁଚ୍‌ଚି ଈଶ୍ୱରତିଙ୍ଗ୍ ଜୱାର୍‌କିଜି ୱେଚ୍‌ଚାର୍ “ଆମେନ୍ ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ହତ୍‌ତି 21:22

ହେ ସହର୍‌ତାକେ ରଞ୍ଜାଙ୍ଗ୍ ପା ମନ୍ଦିର୍‌ ହୁଡ଼୍‌ୱାତାଙ୍ଗ୍, ଇନେସ୍‌କି ମାପୃ ୱିଜୁ ଶାକ୍ତିମାନି ଈଶ୍ୱର ଆରେ ତା ମେଣ୍ଢା ଇନେର୍‌କି ଯୀଶୁ ନେ ହେୱାର୍ ମନ୍ଦିର୍‌ ମାଚାର୍।

ହତ୍‌ତି 4:5

ଆରେ ହେ ସିଙ୍ଗାସନତାଙ୍ଗ୍ ବିଜ୍‌ଲି, ବାରବିନି ବେଣ୍ ଆରେ ବାଦାଡ଼୍ ଗାର୍ଜାନ୍ ଆନି ସବଦ୍ ୱାଜି ମାଚାତ୍। ହେ ସିଙ୍ଗାସନ ଆଗେ ସାତ୍‌ଗଟା କାଚାଆନି ବଇଟାଙ୍ଗ୍ ମାଚିକ୍। ଇ ସାତ୍‌ଗଟା ବଇଟାଙ୍ଗ୍ ନେ ଈଶ୍ୱରତି ସାତ୍ ଗୁଣ୍‌ନି ଆତ୍ମା।

ହତ୍‌ତି 6:1

ଆରେ ଆନେଙ୍ଗ୍ ହୁଡ଼୍‌ତାଙ୍ଗ୍ ହେ ମେଣ୍ଢା ଇନେର୍‌କି ଯୀଶୁ ସାତ୍‌ଗଟା ସିଲ୍‌କୁତାଙ୍ଗ୍ ହେ ହୁରିପିୟା ଆତି ବହିତାଙ୍ଗ୍ ପାର୍ତୁମ୍ ସିଲ୍ ରିକ୍‌ତାନ୍‌। ଲାଗିଙ୍ଗ୍ ହେବେ ମାଚି ଚାରିଗଟା ଜିବୁନ୍ ମାନି ପଶୁଙ୍ଗ୍ ବିତ୍ରେତାଙ୍ଗ୍ ର ପଶୁ ଗାଜାକାଟ୍ କିଜି ୱେଚ୍‌ଚାତ୍, “ୱା।” ଆନେଙ୍ଗ୍ ହେଦାଙ୍ଗ୍ ୱେଚାଙ୍ଗ୍ ତା ବେଣ୍ ବିଜ୍‌ଲି ଇଡ଼୍‌ତିଲେକେ ମାଚାତ୍।

ହତ୍‌ତି 8:5

ତାପାଚେ ହେ ଦୁତ୍ ଦୁପ୍‌ନି ଆହିକିନି ଗିନାତାକେ ସରଗ୍‌ନି ବେଦିତାକେ ମାନି ନାଣିତିଙ୍ଗ୍ ବାର୍ତି କିତାତ୍ ଆରେ ପୁର୍ତି ଜପି ତୁସିହିତାତ୍। ହେଦାପ୍ରେ ବାଦାଡ଼୍ ଗାର୍ଜା ଆଜି ବିଜ୍‌ଲି ଇଡ଼୍‌ତାତ୍‌ ଆରେ ବୟାଙ୍କାର୍ ବୁମିକମ୍ପ୍ ଆତାତ୍।