ହତ୍‌ତି 19:5 - New Testament in Pengo Parja Language

⁵ ତାପାଚେ ସିଙ୍ଗାସନତାଙ୍ଗ୍ ର ମାନାୟ୍ ଇଲେକେ ୱେଚ୍‌ଚି ମାଚାନ୍, “ତାଙ୍ଗେଙ୍ଗ୍ ସନ୍‌ମାନ୍ ହିନି ମାନାୟାର୍ ଗାଜା ହିରୁକାର୍ ପାତେକ୍ ଆରେ ତାଙ୍ଗେଙ୍ଗ୍ ହେବା କିନାକାରିଙ୍ଗ୍ ମା ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ସତ୍‌ ବଚନ୍‌ ପୁନି ନିୟମ୍‌

⁵ ହେ “ଏଚେକାଡ଼୍‌ଦ ଗାଦିତାଂ ର ସବଦ୍‌ ୱେନ୍ୟାତାତ୍‌ । ଏ ଇସ୍ୱର୍ତି ଆଡ଼ିୟାକାଦେର୍‌, ଏ ହେୱାନିଂ ପାଣ୍ଡ୍ରା ଆନାକାଦେର୍‌ ହାରୁ ଆରି ଗାଜା ମାନାୟାର୍‌, ହେୱାନ୍ତି ପାର୍ତାନା କିୟାଟ୍‌ ।”

ହତ୍‌ତି 19:5 Iomraidhean Croise

ହତ୍‌ତି 13:16

ହେ ପଶୁ ୱିଜୁ ଗାଜା ଆରେ, ହାଉକାର୍ ଆରେ ଗରିବ୍, ଚାକର୍ ଆରେ ଚାକର୍ ଆୱି ମାନାୟାର୍ ନିଦାଣ୍‌ତାକେ ନଇଲେ ତିନା କେଇଦ ର ଚିନା ଅଦେଙ୍ଗ୍ ଜବର୍ ଦସ୍ତ୍ କିନାତ୍।

ହତ୍‌ତି 16:17

ତାପାଚେ ସାତ୍ ନମ୍ବର୍ ଦୁତ୍ ତା ଗିନାତାକେ ମାନି ଈଶ୍ୱର ଦଣ୍ଡ୍‌ତିଙ୍ଗ୍ ବାଦାଡ଼୍‌ଜପି ମାହାଇ କିତାତ୍‌ ଆରେ ସରଗ୍‌ତାକେ ମାନି ମନ୍ଦିର୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ଚି ମାଚାନ୍, “ଇ ୱିଜୁ ସେସ୍ ଆତାତ୍।”

ହତ୍‌ତି 19:18

ହେବେ ରାଜାର୍‌ତି, ହେୱାର୍ ନେତାର୍, ବେସି ଶାକ୍ତିମାନି ସେନାର୍‌ତି, ଗଡ଼ାତିଙ୍ଗ୍, ଆରେ ଗଡ଼ାଙ୍ଗ୍ ଚାଲାଇ କିନାକାର୍, ହାଃତି ଗାଗାଡ଼୍‌ନି ଜାଇତିଙ୍ଗ୍ ୱାଜି ତିନାଟ୍। ଏପେଙ୍ଗ୍ ହେବେ ୱିଜୁ ମାନାୟାର୍ ହାଃତି ଗାଗାଡ଼୍‌ନି ଜାଇ, ଚାକର୍ ଆତି ମାନାୟାର୍ ଜାଇ କି ଚାକର୍ ଆୱିତି ମାନାୟାର୍ ଜାଇ, ଗାଜା କି ହିରୁ ୱିଜୁ ମାନାୟାର୍ ହାଃତି ଗାଗାଡ଼୍‌ନି ଜାଇତିଙ୍ଗ୍ ଚିଞ୍ଜେଙ୍ଗ୍ ଆଡ୍‌ନାଦେର୍।

ହତ୍‌ତି 20:12

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍‌ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍‌ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍‌ତିଙ୍ଗ୍ ଈଶ୍ୱର ବିଚାର୍ କିତାନ୍।

ହତ୍‌ତି 7:15

“ହେଦାଙ୍ଗ୍ କାଜିଙ୍ଗ୍ ହେୱାର୍ ଈଶ୍ୱର କୁଚ୍‌ଚି ସିଙ୍ଗାସନନି ଆଗେ ନିଲ୍‌ତାର୍‌ନା ଆରେ ୱେଡ଼ା ନାଣା ତା ମନ୍ଦିର୍‌ତାକେ ମାନ୍‌ଞ୍ଜି ତା ହେବା କିନାର୍। ଆରେ ହେ ସିଙ୍ଗାସନ ଜପି କୁଚ୍‌ଚି ଈଶ୍ୱର ହେୱାର୍ ହୁଦାଙ୍ଗ୍ ମାନ୍‌ଗାନାନ୍ ଆରେ ହେୱାରିଙ୍ଗ୍ ଉଦାର୍ କିନାନ୍।