ହତ୍‌ତି 18:24 - New Testament in Pengo Parja Language

²⁴ ଈଶ୍ୱର ହେ ସହର୍‌ତିଙ୍ଗ୍ ଦଣ୍ଡ୍ ହିତାନ୍ ଭବିଷ୍ଯତବକ୍ତାରିଙ୍ଗ୍, ଈଶ୍ୱର ଲକ୍‌ତିଙ୍ଗ୍ ଆରେ ପୁର୍ତିନି ବିନ୍-ବିନ୍ ବାହାନି ମାନାୟାରିଙ୍ଗ୍ ପା ମାର୍ନେ ଅସ୍ତି ନେତେର୍ ଚଚ୍‌ଚି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

²⁴ ଆରେ ଇ ଗାଡ଼୍‌ଦ ପୁର୍ତିନି ହେନି ବେଣ୍‌ବାକ୍‌ଣାୟ୍‌କିନାକାର୍‌ ଆରି ପୁଇପୁୟା ସାଦୁର୍‌ତି ନେତେର୍‌ ବଡ଼ାଜ଼ି ମାଚାତ୍‌ । ଇ ସବୁ ପାପ୍‌ କାଜିଂ ହେଦେଲ୍‌ ସାସ୍ତି ଦାଣ୍ଡ୍‌ ପାୟାତାନ୍ନା ।

ହତ୍‌ତି 18:24 Iomraidhean Croise

ମାତିଉ 23:27

ଏ ପାଟ୍‌କାର୍ ପଣ୍ଡିତ୍‌ ଆରେ ପାରୁସିଦଳ୍‍? ମିଙ୍ଗେଙ୍ଗ୍ ଦିକ! ଏପେଙ୍ଗ୍ ୱିଜୁ ଡ଼ିଞ୍ଜ୍‌ନି ରଙ୍ଗ୍‌ତାଙ୍ଗ୍ ଦୁଗେର୍ ଲେକେ। ଇ ଦୁଗେର୍ ବିତ୍ରେ ହାଃତି ଲକାର୍‌ତି ପେକୁଙ୍ଗ୍ ମାନ୍‌ଗିନିକ୍। ୱିଜୁ ପର୍‌କାର୍ ବାନ୍ୟା ଜିନିଷ୍ ତା ବିତ୍ରେ ମାନ୍‌ଗିନିକ୍।

ମାତିଉ 23:35

ଲାଗିଙ୍ଗ୍ ଦରମ୍ ମାନାୟ୍ ହେବଲତାଙ୍ଗ୍ ଆରମ୍ କିଜି ବେରିକିୟ ମେହି ଯିକରିୟ ପାତେକ୍ ଇ ପୁର୍ତିତାକେ ହାର୍ଦି ମାନାୟ୍‌ତିଙ୍ଗ୍ ମାର୍ନେ ଅସ୍ତାର୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦସି ଇନିୟା ଆନାଦେର୍। ବେରିକିୟ ମେହି ଜିକରିୟତିଙ୍ଗ୍ ଈଶ୍ୱର ମାନି ମନ୍ଦିର୍‌ ଆରେ ବେଦିତାକେ ଏପେଙ୍ଗ୍ ଅସ୍ତି ମାଚାଦେର୍।

ପକ୍ୟାତାକା 7:52

ମି ଆକଦାଦିର୍ ଭବିଷ୍ଯତବକ୍ତାରିଙ୍ଗ୍ ଦୁକ୍‌କଷ୍ଟ ହିଜି ମାଚାର୍। ଦରମ୍ ରକ୍ଷା କିଦ୍‌ନି ମାନାୟ୍ ୱାନାନ୍ ଇଞ୍ଜି ଇମ୍‌ଣାକାର୍ ଆଗେ ୱେଚ୍‌ଚି ମାଚାର୍ ହେୱାରିଙ୍ଗ୍ ପା ମି ଆକଦାଦିର୍ ମାର୍ନେ ଅସ୍ତାର୍। ନଙ୍ଗୟ୍ ଏପେଙ୍ଗ୍ ହେ ଦରମ୍ ଖ୍ରୀଷ୍ଟଙ୍ଗ୍ ଶତ୍ରୁ କେଇଦ ଆହିକିଜି ମାର୍ନେ ଅସ୍ତାଦେର୍।

୧ ଥେସଲନୀକିୟ 2:15

ହେ ଯିହୁଦି ଜାତିନି ମାନାୟାର୍ ମାପୃ ଯୀଶୁଙ୍ଗ୍, ଆରେ ଭବିଷ୍ଯତବକ୍ତାରିଙ୍ଗ୍ ପା ମାର୍ନେ ଅସ୍ତି ମାଚାର୍, ନଙ୍ଗୟ୍ ହେୱାର୍ ମାଙ୍ଗେଙ୍ଗ୍ ପା ଦୁଃକ୍ କଷ୍ଟ ହିଜି ପେସ୍‌ଦାତାର୍‌। ହେୱାର୍ ଈଶ୍ୱରତିଙ୍ଗ୍ ରିସା କିତିଲେକେ କାମାୟ୍ କିତାର୍, ଆରେ ୱିଜାର୍ ମାନାୟାରିଙ୍ଗ୍ ବିରଦ୍ କିତାର୍।

ହତ୍‌ତି 11:7

ଏଚେପାଦ୍ନା ହେ ରିଣ୍ଡାଙ୍ଗ୍ ସାକି ଈଶ୍ୱର କାତାତିଙ୍ଗ୍ ଶୁଣାୟ୍ କିନାକା ୱିଜ୍‌ନାତ୍, ପାତାଳ୍‌ କୁଣ୍ଡ୍‌ତାଙ୍ଗ୍ ରଞ୍ଜି ରାନ୍‍ତି ପଶୁ ହସି ୱାନାତ୍। ହେ ପଶୁ ତା ହୁଦାଙ୍ଗ୍ ଯୁଜ୍ କିଜି ଆରାୟ୍ କିନାତ୍ ଆରେ ହେ ରିଣ୍ଡାଙ୍ଗ୍ ସାକିକାଙ୍ଗ୍ ମାର୍ନେ ଆହ୍‌ନାତ୍।

ହତ୍‌ତି 16:6

ଇନେସ୍‌କି ନି ପବିତ୍ର ମାନାୟାରିଙ୍ଗ୍ ଆରେ ନି ଭବିଷ୍ଯତବକ୍ତାରିଙ୍ଗ୍ ମାର୍ନେ ଅସ୍ତି ମାଚାର୍, ଆରେ ହେୱାର୍ ନେତେର୍ ପୁର୍ତିତାକେ ୱାକ୍‌ୟା ଆଜିମାଚାତ୍। ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନଙ୍ଗୟ୍ ହେୱାର୍ ଉଣି ଏଜୁକାଙ୍ଗ୍ ନେତେର୍ କିନାୟ୍ ଆରେ ହେଦାଙ୍ଗ୍ ନେ ହେୱାର୍‌ତି ପୁରଷ୍କାର୍।”

ହତ୍‌ତି 17:6

ଆନେଙ୍ଗ୍ ହୁଡ଼୍‌ଜି ମାଚାଙ୍ଗ୍ ଯେ, ହେ କଗ୍‌ଲେଙ୍ଗ୍ କାଲିଙ୍ଗ୍ ଉଣିଲେକେ ଈଶ୍ୱର ପବିତ୍ର ମାନାୟାର୍ ନେତେର୍‌ତିଙ୍ଗ୍ ଉଣ୍‌ଜି ମାଚାତ୍। ଇମ୍‌ଣି ମାନାୟାରିଙ୍ଗ୍ ଯୀଶୁ କାଜିଙ୍ଗ୍ ମାର୍ନେ ଅସ୍ତି ମାଚାର୍, ଇନେସ୍‌କି ହେୱାର୍ ଖ୍ରୀଷ୍ଟ କାତା ମାନିକିଜି ମାଚାର୍। ଆରେ ହେ କଗ୍‌ଲେଙ୍ଗ୍ ହୁଡ଼୍‌ଜି ଆନେଙ୍ଗ୍ ଚାନିଆ ଆତାଙ୍ଗ୍।

ହତ୍‌ତି 19:2

ଇନେସ୍‌କି ହେୱାନ୍ ସତ୍ ବିଚାର୍ କିନାନ୍ ହେୱାନ୍ ଗାଜା ଦାରି କାମାୟ୍ କିନି କଗ୍‌ଲେଙ୍ଗ୍ ମାର୍ନେ ଅସ୍ତାର୍, ଇନେସ୍‌କି ପୁର୍ତିନି ୱିଜାର୍ ମାନାୟାରିଙ୍ଗ୍ ପାପ୍ କାମାୟ୍ କିଜି ମାଚାର୍। ହେ ସହର୍‌ନି ମାନାୟାର୍ ଈଶ୍ୱରନି ମାନାୟାରିଙ୍ଗ୍ ପା ହେ ସହର୍‌ତିଙ୍ଗ୍ ବିନାସ୍ କିତାନ୍। ହେଦାଙ୍ଗ୍ କାଜିଙ୍ଗ୍ ହେ ସହର୍‌ନି ମାନାୟାରିଙ୍ଗ୍ ପା ଈଶ୍ୱର ବିନାସ୍ କିତାନ୍।