ହତ୍‌ତି 18:14 - New Testament in Pengo Parja Language

¹⁴ ୱିଜୁ ବେପାର୍ କିନାକାର୍ ହେ କଗ୍‌ଲେଙ୍ଗ୍ ୱେଚ୍‌ନାର୍, “ଏନେଙ୍ଗ୍ ଇଚାକିତି ୱିଜୁ ଜିନିଷ୍ ନଙ୍ଗୟ୍ ହିଲୁଦ୍‌ଦେ, ଏନେଙ୍ଗ୍ ଇଚାକିତି ହାର୍ ବାସ୍ନା ଜିନିଷ୍ ଆରେ ନି ଗାଗାଡ଼୍‌ତିଙ୍ଗ୍ ହଲି କିନି ୱିଜୁ ଜିନିଷ୍ ନଙ୍ଗୟ୍ ନଷ୍ଟ ଆତାତ୍‌ନା। ଆରେ ଏନେଙ୍ଗ୍ ହେ ୱିଜୁ ଜିନିଷ୍‌ତିଙ୍ଗ୍ ଆରେରଗ ପାୟା ଆଦେଙ୍ଗ୍ ଆଡୁୟ୍।”

ସତ୍‌ ବଚନ୍‌ ପୁନି ନିୟମ୍‌

¹⁴ ବେପାର୍‌ କିନାକାର୍‌ ତାଙ୍ଗ୍‌ ଇନାର୍‌ । ଆହାଂ ସବୁ ଲକୁ ହାର୍ଦି ନିତାଂ ଦେହା ଆତାତ୍‌ନ୍ନା, ଆରି ମି ଦନ୍‌ ସଂପତି ହଲ୍‌ନାକା ଆରେ ଆକାୟ୍‌ । ଏପେଙ୍ଗ୍‌ ହେୱାକାଂ ଆରେ ଇନାୱାଡ଼ାଂ ପାୟା ଆଉଦେର୍‌ ।

ହତ୍‌ତି 18:14 Iomraidhean Croise

ମାତିଉ 11:8

ହେଦାଙ୍ଗ୍ ଆୱିତିସ୍ ଏପେଙ୍ଗ୍ ଇନାକା ହୁଡ଼୍‌ଦେଙ୍ଗ୍ ହେବେ ହାଲ୍‌ଜି ମାଚାଦେର୍? ଇନାକା ଦାମ୍‌କିୟା ହାର୍ଦି ହେନ୍ଦ୍ରା ଉସ୍‌ପିତି ମାନାୟ୍‌ତିଙ୍ଗ୍ ହୁଡ଼୍‌ଦେଙ୍ଗ୍ ହାଲ୍‌ଜି ମାଚାଦେର୍? ହେଲେଗ୍‌ଦି ମାନାୟ୍‌ତିଙ୍ଗ୍ ଆକାୟ୍। ଇନେସ୍‌କି ଦାମ୍‌କିୟା ହାର୍ଦି ହେନ୍ଦ୍ରା ଉସ୍‌ପିତି ମାନାୟ୍ ରାଜାମାନି ବାହାତାକେ ମାନ୍‌ଗାନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:20

ମାତର୍ ଈଶ୍ୱର ହେୱାନିଙ୍ଗ୍ ୱେଚ୍‌ଚାନ୍, ‘ଏଡ଼େ ବକୁୱା ମାନାୟ୍! ନେଞ୍ଜେଙ୍ଗ୍ ମିକା ଏନେଙ୍ଗ୍ ହାଃତିସ୍। ଏନେଙ୍ଗ୍ ଇମ୍‌ଣି ଜିନିଷ୍ ହାର୍‌ଦାଙ୍ଗ୍ ଇଡ଼୍‌ତାୟ୍‌ନା, ହେଦାଙ୍ଗ୍ ଇନେସ୍ ଆନାତ୍? ଆରେ ହେଦାଙ୍ଗ୍ ଇନେର୍ ତିନାର୍?’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:25

ମାତର୍ ଅବ୍ରାହାମ୍‌ ୱେଚ୍‌ଚାନ୍, ‘ଏ ହିମ୍‌ଣା, ଏନେଙ୍ଗ୍ ଏଚେପାଦ୍ନା ଜିଜି ମାଚାଇ ହେପାଦ୍ନାନି କାତା ଅଲପ୍ ମାନ୍ତ ଏତ୍‌କିୟା। ନି ଜିବୁନ୍‌ତ ୱିଜୁ ବିଷୟ ପାୟାଆତାଇନା। ମାତର୍ ଲାଜର୍‌ କାଜିଙ୍ଗ୍ ୱିଜୁ କରାପ୍ ଜିନିଷ୍ ଗଟାଆତାତ୍‌ନା। ନଙ୍ଗୟ୍ ହେୱାନ୍ ଆରାମ୍‌ସେ ମାନାନା ଆରେ ଏନେଙ୍ଗ୍ କଷ୍ଟ ପାୟାଆନାୟା।

୧ କରନ୍ତିୟ 10:6

ଇ ୱିଜୁଗଟ୍‌ନା ମାଙ୍ଗେଙ୍ଗ୍ ସାବ୍‌ଦାନ୍ କିଦ୍‌ନି କାଜିଙ୍ଗ୍ ଗଟାଆତାତ୍‌ନା, ଲାଗିଙ୍ଗ୍ ଆସେଙ୍ଗ୍ ହେୱାର୍ କିତିଲେକେ କରାପ୍ ଚିନ୍ତା କିଉସ୍।

ଜାକ୍‌ବ 4:2

ଏପେଙ୍ଗ୍ ବେସି ଇଚା କିଜି ମାନାଦେର୍, ମାତର୍ ଏଚେପାଦ୍ନା ଏପେଙ୍ଗ୍ ପାୟା ଆଉଦେର୍, ଲାଗିଙ୍ଗ୍ ଏପେଙ୍ଗ୍ ଆକାର୍ ଆଜି ମାନାୟାରିଙ୍ଗ୍ ମାର୍ନେ ଅସ୍ତେଙ୍ଗ୍ କାନାଦେରା। ଏପେଙ୍ଗ୍ ଜେକନି ଜିନିଷ୍‌ତିଙ୍ଗ୍ ଆକାର୍ ଆନାଦେରା, ମାତର୍ ଏଚେପାଦ୍ନା ଏପେଙ୍ଗ୍ ହେଦାଙ୍ଗ୍ ପାୟା ଆଦେଙ୍ଗ୍ ଆଡୁଦେର୍ ଲାଗିଙ୍ଗ୍ ଏପେଙ୍ଗ୍ ଜୁକ୍ତି ଆରେ ମାଡ୍‌ଗଲ୍ ଆନାଦେରା। ମିଙ୍ଗେଙ୍ଗ୍ ଇନାକା ଦର୍‌କାର୍ ହେଦାଙ୍ଗ୍ ଗାଟାଆଦୁତା, ଇନେସ୍‌କି ଈଶ୍ୱରତିଙ୍ଗ୍ ହେଦାଙ୍ଗ୍ ଏନୁଦେରା ହେଦାଙ୍ଗ୍ କାଜିଙ୍ଗ୍ ହେଦାଙ୍ଗ୍ ଗାଟାଆଦୁତା।

ହତ୍‌ତି 18:13

ଆରେ ଡାଲ୍‌ଚିନି, ମସ୍ଲା ସାମାନ୍, ଦୁପ୍, ବାସ୍ନା ଚିକାଣ୍, ବାସ୍ନା ସେଣ୍ଟ୍, ଅଙ୍ଗୁର୍ ରାସ୍‌ନି କାଲିଙ୍ଗ୍, ଚିକାଣ୍, ମଇଦା, ଗହମ୍‌, କଡିଙ୍ଗ୍, ମେଣ୍ଢା, ଗଡ଼ା, ରତ, ହଲିଆ ଆରେ ମାନାୟାର୍ ଜିବୁନ୍।

ହତ୍‌ତି 18:15

ଇମ୍‌ଣି ବେପ୍‌ରିଆର୍ ତାଙ୍ଗେଙ୍ଗ୍ ୱିଜୁ ଜିନିଷ୍ ପସି ମାଚାର୍, ହେୱାର୍ ଦେହା ନିଲ୍‌ଚି ଦୁଃକ୍ ଆଜି ଆଡ଼୍‌ବି ମାଚାର୍।