ହତ୍‌ତି 17:8 - New Testament in Pengo Parja Language

⁸ ନଙ୍ଗୟ୍ ଏନେଙ୍ଗ୍ ଇମ୍‌ଣି ପଶୁତିଙ୍ଗ୍ ହୁଡ଼୍‌ତାୟ୍‌ନା, ହେଦାଙ୍ଗ୍ ଆଗେ ଜିବୁନ୍ ମାଚାତ୍, ଆରେ ନଙ୍ଗୟ୍ ହେ ପଶୁ ହାଃତାତ୍‌ନା। ମାତର୍ ହେ ପଶୁ ପାତାଳ୍‌ ବିତ୍ରେତାଙ୍ଗ୍ ବେଗି ୱାନାତ୍ ଆରେ ଈଶ୍ୱର ତାଙ୍ଗେଙ୍ଗ୍ ପୁରାପୁରି ବାବ୍‌ରେ ବିନାସ୍ କିନାନ୍। ଇମ୍‌ଣି ମାନାୟାର୍ ଇ ପୁର୍ତିତାକେ ମାନାରା, ଇନେର୍ ତର୍‌ ପୁର୍ତି ଉବ୍‌ଜା ଆୱି ଆଗେ ଜିବୁନ୍ ମାନି ବହିତାକେ ଲେକାଆୱାତାତ୍‌ନା, ହେୱାର୍ ହେ ପଶୁତିଙ୍ଗ୍ ହୁଡ଼୍‌ଜି ଚାନିଆ ଆନାର୍। ଇନେସ୍‌କି ହେ ପଶୁ ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ମାନ୍‌ଗାନାତ୍।

ସତ୍‌ ବଚନ୍‌ ପୁନି ନିୟମ୍‌

⁸ ହେଦାଂ ଇମ୍‌ଣି ପସୁ ଦିନେକ୍‌ ଜିଜ଼ି ମାଚାତ୍‌; ନଙ୍ଗ୍‌ୟ୍‌ ଆରେ ଜିୱାତାତ୍‌ନା, ହେଦାଂ ପାତାଲ୍‌ କୁଣ୍ଡ୍‌ତାଂ ନିଙ୍ଗ୍‌ଜି ନସ୍ଟ ଆନାତ୍‌ । ହେବେ ପୁର୍ତିତ ମାନାକାର୍‌ ଏଚେକ୍‌ ମାନାୟାର୍‌ ତର୍‌ ଜଗତ୍‌ନି ଆରାମ୍‌ତାଂ ଜିବୁନ୍‌ ପତିତ ଲେକାଆୱାତାତ୍‌ନା, ହେୱାର୍‌ ଏଚେକାଡ଼୍‌ଦ ହେ ପସୁତିଂ ହୁଡ଼୍‌ନାର୍‌ ଜେ ହେଦାଂ ମାଚାତ୍‌, ନଙ୍ଗୟ୍‌ ଆକାୟ୍‌ ଆରି ପାଚେ ୱାନାତ୍‌, ହେ ଏଚେକାଡ଼୍‌ଦ ହେୱାର୍‌ କାବା ଆନାର୍‌ ।

ହତ୍‌ତି 17:8 Iomraidhean Croise

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:20

ଆଁ ବୁତ୍ଆତ୍ମା ମି କାତାତିଙ୍ଗ୍ ମାନିକିନିକା ଇଞ୍ଜି ୱାରି ଆମାଟ୍। ମାତର୍ ମି ତର୍‌ ସରଗ୍‌ଜପି ଲେକାଆତାତ୍‌ନା ଲାଗିଙ୍ଗ୍ ୱାରି ଆଡୁ।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:31

ହେୱାନ୍ ଯୀଶୁଙ୍ଗ୍ ଗୁୱାରି କିଜି ୱେଚ୍‌ଚାନ୍, ଇ ବାହାତାଙ୍ଗ୍ ପାତାଳ୍‌ତାକେ ମାଙ୍ଗେଙ୍ଗ୍ ପକ୍ତାମା।

ଜହନ୍‌ 17:24

ଏ ଆବା ଈଶ୍ୱର, ଏନେଙ୍ଗ୍ ନାଙ୍ଗେଙ୍ଗ୍ ଇମ୍‌ଣି ମାନାୟାରିଙ୍ଗ୍ ହିତ୍‌ତାଇନା, ଆନେଙ୍ଗ୍ ଇଚା କିନାଙ୍ଗ୍, ଆନେଙ୍ଗ୍ ମାନି ୱିଜୁ ବାହାତାକେ ହେୱାର୍ ନା ହୁଦାଙ୍ଗ୍ ମାନେର୍। ଆନେଙ୍ଗ୍ ଇଚା କିନାଙ୍ଗ୍, ହେୱାର୍ ନା ଅଜଡ଼୍ ହୁଡ଼େର୍। ଇ ଅଜଡ଼୍ ଏନେଙ୍ଗ୍ ନାଙ୍ଗେଙ୍ଗ୍ ହିତ୍‌ତାଇନା, ଇନେସ୍‌କି ଏନେଙ୍ଗ୍ ପୁର୍ତି ରହ୍‌ୱିତି ଆଗେ ନାଙ୍ଗେଙ୍ଗ୍ ଲାଡ୍ କିତ୍‌ତାୟ୍।

ପକ୍ୟାତାକା 15:18

ଈଶ୍ୱର ପୁର୍ତି ଆରମ୍‌ତାଙ୍ଗ୍ ଇ କାତା ୱେଚ୍‌ଚାତାନ୍‌ନା।’

ଏପିସିୟ 1:4

ଇଦାଙ୍ଗ୍‌ନି ଅର୍ତ ଇନେସ୍ ଆସେଙ୍ଗ୍ ଈଶ୍ୱର ମୁମ୍‌ଦ ପବିତ୍ର ଆରେ ଦସି ଆଉସ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ପୁର୍ତିତିଙ୍ଗ୍ ଉବ୍‌ଜାଇ କିୱି ଆଗେ, ଖ୍ରୀଷ୍ଟ କାଜିଙ୍ଗ୍ ମାଙ୍ଗେଙ୍ଗ୍ ବାଚି କିତ୍‌ତାନ୍‌ନା।

ତୀତସ 1:2

ଇ ଲେକେ ଆତିସ୍ ହେୱାର୍ ଈଶ୍ୱର ହୁଦାଙ୍ଗ୍ ୱିଜ୍‌ୱି ଜିବୁନ୍ ମାଞ୍ଜେଙ୍ଗ୍ ଆହା କିତାର୍‌ନା। ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ ୱେଚୁନ୍, ହେୱାନ୍ ପୁର୍ତିତିଙ୍ଗ୍ ରହ୍‌ନି ଆଗେ ଇଦାଙ୍ଗ୍ ପାର୍ମାଣ୍ କିତାନ୍‌ନା ଯେ ତା ମାନାୟାର୍ ୱିଜ୍‌ୱି ଜିବୁନ୍ ପାତେକ୍ ମାନ୍‌ଗାନାର୍।

୧ ପିତର 1:20

ପୁର୍ତି ଉବ୍‌ଜା ଆୱି ଆଗେ ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ବାଚିକିଜି ମାଚାନ୍। ମାତର୍ ଇ ପୁର୍ତି ସେସ୍‌ଆନି ନାଞ୍ଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ୱାତାନ୍।

ହତ୍‌ତି 11:7

ଏଚେପାଦ୍ନା ହେ ରିଣ୍ଡାଙ୍ଗ୍ ସାକି ଈଶ୍ୱର କାତାତିଙ୍ଗ୍ ଶୁଣାୟ୍ କିନାକା ୱିଜ୍‌ନାତ୍, ପାତାଳ୍‌ କୁଣ୍ଡ୍‌ତାଙ୍ଗ୍ ରଞ୍ଜି ରାନ୍‍ତି ପଶୁ ହସି ୱାନାତ୍। ହେ ପଶୁ ତା ହୁଦାଙ୍ଗ୍ ଯୁଜ୍ କିଜି ଆରାୟ୍ କିନାତ୍ ଆରେ ହେ ରିଣ୍ଡାଙ୍ଗ୍ ସାକିକାଙ୍ଗ୍ ମାର୍ନେ ଆହ୍‌ନାତ୍।

ହତ୍‌ତି 17:11

ଆରେ, ଇମ୍‌ଣି ପଶୁ ଆଗେ ଜିବୁନ୍ ମାଚାତ୍ ଆରେ ନଙ୍ଗୟ୍ ହାଃତାତ୍‌ନା ହେ ସାତ୍‌ଜାଣ୍ ରାଜାର୍‌ତାଙ୍ଗ୍ ଇୱାନ୍‌ନେ ଆଟ୍ ନମ୍ବର୍ ରାଜା। ଆରେ ବେସି ଆଗେ ହାଃନାନ୍।

ହତ୍‌ତି 17:2

ଆରେ ପୁର୍ତିନି ସାସନ୍ କିନାକାର୍ ହେ ସହର୍ ହୁଦାଙ୍ଗ୍ ଦାରି କାମାୟ୍ କିତିଲେକେ ରୱାଣ୍‌ ଇଡ଼୍‌ଜି ମାଚାର୍, ଆରେ ପୁର୍ତିନି ମାନାୟାର୍ ଅଙ୍ଗୁର୍ ରାସ୍‌ନି କାଲିଙ୍ଗ୍ ଉଟି ମାନାୟ୍ ଲେକେ ହେୱାର୍ ହୁଦାଙ୍ଗ୍ ମାହାଆଜି ପାପ୍ କାମାୟ୍ କିଜି ମାଚାର୍।”

ହତ୍‌ତି 20:10

ଲାଗିଙ୍ଗ୍ ଶୟତାନ ଇନେର୍‌କି ମାନାୟାରିଙ୍ଗ୍ ଟକାୟ୍ କିଜି ମାଚାତ୍, ତାଙ୍ଗେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାର୍। ଇମେତାକେ ପାର୍ତୁମ୍ ପଶୁତିଙ୍ଗ୍, ଆରେ ଦୁଇ ନମ୍ବର୍ ପଶୁତିଙ୍ଗ୍ ଇନେର୍‌କି ମିଚ୍ ୱେଚ୍‌ନି ଭବିଷ୍ଯତବକ୍ତାଙ୍ଗ୍ ତୁସିହିନାର୍। ହେବେ ହେୱାର୍ ୱେଡ଼ା ନାଣା ୱିଜୁଦିନ୍ ଦୁଃକ୍ କଷ୍ଟ ପାୟା ଆନିକ୍।

ହତ୍‌ତି 20:12

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍‌ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍‌ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍‌ତିଙ୍ଗ୍ ଈଶ୍ୱର ବିଚାର୍ କିତାନ୍।

ହତ୍‌ତି 3:10

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିହିଙ୍ଗ୍ ସାସ୍ ଆଜି ନା କାତାତିଙ୍ଗ୍ ମାନିକିଜି ସମ୍ବାଲି କିଜି ମାଚାଦେର୍, ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ୱିଜାର୍ ମାନାୟାରିଙ୍ଗ୍ ୱାନି ଗାଜା ପରିକ୍ଷାତାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଉଦାର୍ କିଦ୍‌ନାଙ୍ଗ୍।

ହତ୍‌ତି 3:5

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିନାର୍ ହେୱାର୍ ପା ହେୱାର୍ ଲେକେ ଡ଼ିଞ୍ଜ୍‌ନି ହେନ୍ଦ୍ରା ଉସ୍‌ପାନାର୍‌। ହେୱାର୍ ତର୍‌ ୱିଜ୍‌ୱି ଜିବୁନ୍ ପାୟାଆନି ମାନାୟାର୍ ବହିତାକେ ଈଶ୍ୱର ଲେକିକିତାନ୍‌ନା, ଆରେ ଆନେଙ୍ଗ୍ ହେୱାର୍ ତର୍‌ଦିଙ୍ଗ୍ ହେ ବହିତାକେ ଲେକିକିତାକା ଲିବାୟ୍ କିଉଙ୍ଗ୍‌। ଆନେଙ୍ଗ୍ ନା ଆବା ଆଗେ ଆରେ ଦୁତ୍‌କୁ ଆଗେ ୱେଚ୍‌ନାଙ୍ଗ୍ ଇୱାର୍ ନାଲକ୍।