ହତ୍‌ତି 17:6 - New Testament in Pengo Parja Language

⁶ ଆନେଙ୍ଗ୍ ହୁଡ଼୍‌ଜି ମାଚାଙ୍ଗ୍ ଯେ, ହେ କଗ୍‌ଲେଙ୍ଗ୍ କାଲିଙ୍ଗ୍ ଉଣିଲେକେ ଈଶ୍ୱର ପବିତ୍ର ମାନାୟାର୍ ନେତେର୍‌ତିଙ୍ଗ୍ ଉଣ୍‌ଜି ମାଚାତ୍। ଇମ୍‌ଣି ମାନାୟାରିଙ୍ଗ୍ ଯୀଶୁ କାଜିଙ୍ଗ୍ ମାର୍ନେ ଅସ୍ତି ମାଚାର୍, ଇନେସ୍‌କି ହେୱାର୍ ଖ୍ରୀଷ୍ଟ କାତା ମାନିକିଜି ମାଚାର୍। ଆରେ ହେ କଗ୍‌ଲେଙ୍ଗ୍ ହୁଡ଼୍‌ଜି ଆନେଙ୍ଗ୍ ଚାନିଆ ଆତାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

⁶ ଆନ୍‌ ଆରେ ହୁଡ଼୍‌ତାଂ, ହେ କଗ୍‌ଲେହିମ୍‌ଣାତିଂ ପୁଇପୁୟା ସାଦୁର୍‌ତି ଆରି ଜିସୁତି ସାକିର୍‌ କାଜିଂ ପାର୍ତି କିନାକାନ୍‌ ମାନ୍‌ଜି ହାଜ଼ି ମାନି ମାନାୟାର୍‌ତି ନେତେର୍‌ ଉଣ୍‌ଜି ହଜ୍‌ଜି ମାଚାତ୍‌ । ତାଙ୍ଗେଙ୍ଗ୍‌ ହୁଡ଼୍‌ଜି ଆନ୍‌ କାବା ଆତାଙ୍ଗ୍‌ ।

ହତ୍‌ତି 17:6 Iomraidhean Croise

ଜହନ୍‌ 2:10

ହେୱାନ୍ ବରଙ୍ଗ୍ ୱେଚ୍‌ଚାନ୍, “ୱିଜାକାର୍ ପାର୍ତୁମ୍ ହାର୍ଦି ଅଙ୍ଗୁର୍ ରାସ୍ ଉଣ୍ଡେଙ୍ଗ୍ ହିଦ୍‌ନାର୍। ଆରେ ମାନାୟାରିଙ୍ଗ୍ ମାନ୍ ବାଙ୍ଗାଆତିସ୍‌ ମାମୁଲ୍ ଅଙ୍ଗୁର୍ ରାସ୍ ହିନାଦେର୍। ମାତର୍ ଏପେଙ୍ଗ୍ ନଙ୍ଗୟ୍ ପାତେକ୍ ହାର୍ଦି ଅଙ୍ଗୁର୍ ରାସ୍ ଇଡ଼୍‌ତାଦେର୍‌ନା।”

ପକ୍ୟାତାକା 22:20

ଆରେ ଏଚେପାଦ୍ନା ନି ସାକି ସ୍ତିପାନତିଙ୍ଗ୍ ମାର୍ନେ ଅସ୍ତି ମାଚାର୍, ଆନେଙ୍ଗ୍ ପା ହେୱାର୍ ସପଟ୍ ଆଜି ହେବେ ନିଲ୍‌ଚି ମାଚାଙ୍ଗ୍। ଆରେ ହେୱାନିଙ୍ଗ୍ ଅହ୍‌ନି ମାନାୟାର୍ ହେନ୍ଦ୍ରାପାଟାତିଙ୍ଗ୍ ଆନେଙ୍ଗ୍ କାସି ମାଚାଙ୍ଗ୍।’

ହତ୍‌ତି 12:11

ମା ପାର୍ତିକିନି ଟଣ୍ଡାର୍ ମେଣ୍ଢା ଇନେର୍‌କି ଯୀଶୁ ନେତେର୍ ଶାକ୍ତି ହୁଦାଙ୍ଗ୍, ଇନେର୍ ହେୱାର୍ ପାପ୍ କାଜିଙ୍ଗ୍ ହାଃଜି ମାଚାନ୍, ହେ ଶୟତାନ୍‌ତିଙ୍ଗ୍ ଆରାୟ୍ କିତାର୍। ହେୱାର୍ ତାଙ୍ଗେଙ୍ଗ୍ ଆରାୟ୍ କିତାର୍ ଇନେସ୍‌କି ହେୱାର୍ ଦୁଃକ୍ କଷ୍ଟ ପାୟାଆଜି ହାଃତିସ୍ ପା ହେ ମେଣ୍ଢା ଇନେର୍‌କି ଯୀଶୁଙ୍ଗ୍ ନେ ମା ମାପୃ ଇଞ୍ଜି ୱେଚ୍‌ଚି ମାଚାର୍।

ହତ୍‌ତି 13:15

ହେ ଦୁଇ ନମ୍ବର୍ ପଶୁତିଙ୍ଗ୍ ପାର୍ତୁମ୍ ପଶୁ ମୁର୍ତିତିଙ୍ଗ୍ ଜିବୁନ୍ କିନି ଅଦିକାର୍ ଈଶ୍ୱର ହିଜିମାଚାନ୍। ଲାଗିଙ୍ଗ୍ ହେ ମୁର୍ତି ବେଣ୍‌କିଦେଙ୍ଗ୍ ଆଡ଼୍‍ତାତ୍ ଆରେ ହେ ମୁର୍ତି ୱିଜାର୍ ମାନାୟାରିଙ୍ଗ୍ ଆଦେସ୍ ହିନାତ୍ ଯେ, ତାଙ୍ଗେଙ୍ଗ୍ ପୁଜା କିୱି ମାନାୟାରିଙ୍ଗ୍ ମାର୍ନେ ଅହାଟ୍।

ହତ୍‌ତି 13:7

ହେ ପଶୁତିଙ୍ଗ୍ ଈଶ୍ୱର ପବିତ୍ର ମାନାୟାର୍ ବିରୁଦ୍‌ତାକେ ଯୁଜ୍ କିଜି ଆରାୟ୍ କିଦେଙ୍ଗ୍ ଅଦିକାର୍ ହିଜି ମାଚାର୍। ଆରେ ପା ହେ ପଶୁତିଙ୍ଗ୍ ୱିଜୁ ଦେସ୍ତି ମାନାୟାରିଙ୍ଗ୍, ୱିଜୁ ଜାତିନି ମାନାୟାରିଙ୍ଗ୍, ୱିଜୁ ବାଷାନି ମାନାୟାରିଙ୍ଗ୍ ସାସନ୍ କିନି ଅଦିକାର୍ ହିଜି ମାଚାର୍।

ହତ୍‌ତି 16:6

ଇନେସ୍‌କି ନି ପବିତ୍ର ମାନାୟାରିଙ୍ଗ୍ ଆରେ ନି ଭବିଷ୍ଯତବକ୍ତାରିଙ୍ଗ୍ ମାର୍ନେ ଅସ୍ତି ମାଚାର୍, ଆରେ ହେୱାର୍ ନେତେର୍ ପୁର୍ତିତାକେ ୱାକ୍‌ୟା ଆଜିମାଚାତ୍। ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନଙ୍ଗୟ୍ ହେୱାର୍ ଉଣି ଏଜୁକାଙ୍ଗ୍ ନେତେର୍ କିନାୟ୍ ଆରେ ହେଦାଙ୍ଗ୍ ନେ ହେୱାର୍‌ତି ପୁରଷ୍କାର୍।”

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।