ହତ୍‌ତି 17:14 - New Testament in Pengo Parja Language

¹⁴ ହେ ୱିଜାର୍ ରାଜାର୍ ମାହାଆଜି ମେଣ୍ଢା ଇନେର୍‌କି ଯୀଶୁ ହୁଦାଙ୍ଗ୍ ଯୁଜ୍ କିନାର୍। ମାତର୍ ହେ ମେଣ୍ଢା ଇନେର୍‌କି ଯୀଶୁ ଆରେ ହେୱାନ୍ ହିର୍‌ବାତାକାର୍, ତା ବାଚିକିତି ମାନାୟାର୍, ଆରେ ତା ଦରମ୍ ମାନାୟାର୍ ହୁଦାଙ୍ଗ୍ ମାହାଆଜି ହେୱାରିଙ୍ଗ୍ ଆରାୟ୍ କିତାର୍, ଇନେସ୍‌କି ହେୱାନ୍ ନେ ୱିଜୁ ମାପୃତାଙ୍ଗ୍ ମାପୃ ଆରେ ୱିଜୁ ରାଜାର୍‌ତାଙ୍ଗ୍ ରାଜା।

ସତ୍‌ ବଚନ୍‌ ପୁନି ନିୟମ୍‌

¹⁴ ହେୱାର୍‌ ମେଣ୍ଡାହିମ୍‌ଣା ବିରୁଦ୍‌ତ ଜୁଜ୍‌ କିତାର୍‌, ଆରେ ମେଣ୍ଡାହିମ୍‌ଣା ହେୱାରିଂ ଜିତା ଆନାତ୍‌, ଇନେକିଦେଂକି ହେୱାନ୍‌ ମାପ୍ରୁତି ମାପ୍ରୁ ଆରି ରାଜାର୍‌ତି ରାଜା ଆରେ ଇମ୍‌ଣାକାର୍‌ ହେୱାନ୍‌ ଲାହାଂ ମାନାର୍‌, ହେୱାର୍‌ କୁକ୍ୟାତାକାର୍‌, ବାଚିକିୟାତାକାର୍‌, ଆରି ପାର୍ତିନିକାର୍‌ ମାନାୟାର୍‌ ପା ଜିଣା ଆନାର୍‌ । ଇନେକିଦେଂକି ହେୱାନ୍‌ ମାପ୍ରୁର୍‌ତି ମାପ୍ରୁ ଆରି ରାଜାତାଂ ରାଜା ।”

ହତ୍‌ତି 17:14 Iomraidhean Croise

ମାତିଉ 22:14

ପାଚେ ଯୀଶୁ କାତା ୱେଚ୍‌ଚି ୱିସ୍ତି ପାଚେ ୱେଚ୍‌ଚାନ୍, “ବେସିହେନି ୱାତାର୍‌ନା। ମାତର୍ ଅଲପ୍ ହେନି ବାଚିକିତାକାର୍‌।”

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ମାତିଉ 28:18

ଲାଗିଙ୍ଗ୍ ଯୀଶୁ ହେୱାର୍ ଲାଗାୟ୍ ୱାଜି ହେୱାରିଙ୍ଗ୍ ୱେଚ୍‌ଚାନ୍, “ସରଗ୍ ଆରେ ପୁର୍ତିନି ୱିଜୁ ଆଦିକାର୍ ଈଶ୍ୱର ନାଙ୍ଗେଙ୍ଗ୍ ହିତ୍‌ତାନ୍‌ନା।

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ରୋମିୟ 1:6

ରୋମ ଦେସ୍‌ତାକେ ମାନି ପାର୍ତିକିନି ମାନାୟ୍ କାଦେର୍ ପା ତା ବାଚିକିତି ମାନାୟାର୍ ହୁଦାଙ୍ଗ୍ ମାହାୟ୍ କିତ୍‌ତାନ୍‌ନା, ଈଶ୍ୱର ଇମ୍‌ଣି ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟନି ଲକ୍ ଆନି କାଜିଙ୍ଗ୍ ବାଚି କିତ୍‌ତାନ୍‌ନା।

ରୋମିୟ 8:30

ହେୱାନ୍ ହେୱାରିଙ୍ଗ୍ ଆଗେ ବାଚିକିଜି ମାଚିଲେ ତାବେ ହାଞ୍ଜେଙ୍ଗ୍ ହେୱାରିଙ୍ଗ୍ ହିର୍‌ବାତାନ୍‌ନା, ଏଚେଜାଣ୍‌ତିଙ୍ଗ୍ ହିର୍‌ବାଆତ୍‌ତାନ୍‌ନା ହେୱାରିଙ୍ଗ୍ ତା ଆଗେ ଦରମ୍ ମାନାୟ୍ କିତାନ୍, ଆରେ ହେୱାନ୍ ତା ଗୌରବ ପା ହିନି କାଜିଙ୍ଗ୍ ପାର୍ମାଣ୍ କିତାନ୍‌ନା।

ରୋମିୟ 8:37

ମା କାଜିଙ୍ଗ୍ ଇ ୱିଜୁ କରାପ୍ ଜିନିଷ୍ ଗଟା ଆତିସ୍‌ପା ଖ୍ରୀଷ୍ଟ କାଜିଙ୍ଗ୍ ଆସେଙ୍ଗ୍ ଜିତା ଆନାସ୍‌, ଇନେସ୍‌କି ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍‌ନାନା।

୧ କରନ୍ତିୟ 15:24

ତାପାଚେ ଈଶ୍ୱର ବିରଦ୍ କିଜି ମାନି ୱିଜୁ କରାପ୍ ଶାକ୍ତି, ଆଦିକାର୍ ଆରେ ସାସନ୍ କିନି ବିଷୟତିଙ୍ଗ୍ ନଷ୍ଟ କିନାନ୍, ଆରେ ଖ୍ରୀଷ୍ଟ ତା ଆବା ଈଶ୍ୱରତିଙ୍ଗ୍ ପୁରାପୁରି ସାସନ୍ କିଦେଙ୍ଗ୍ ଇ ପୁର୍ତିତିଙ୍ଗ୍ ତା କେଇଦ ହିନାନ୍। ହେପାଦ୍ନା ପୁର୍ତି ସେସ୍ ଆନାତ୍।

୧ ତିମତି 6:15

ଈଶ୍ୱର ନେ ରକାନ୍ ରାଜା ଆରେ ହେୱାନିଙ୍ଗ୍ ସନ୍‌ମାନ୍ ହିନି ଦର୍‌କାର୍, ଇନେସ୍‌କି ହେୱାନ୍ ରାଜା ଲକାର୍ ରାଜା ଆରେ ମାପୃ ଲକାର୍ ମାପୃ।

୨ ତିମଥି 2:4

ରକାନ୍ ସେନାଦଳ୍‌ନି କାମାୟ୍ କିନିହିଙ୍ଗ୍ ହେୱାନ୍ ଜେକ ଆରେ ର କାମାୟ୍ କିଉନ୍। ଇନେସ୍‌କି ହେୱାନ୍ ତା ଗାଜା ଅପିସର୍‌ତିଙ୍ଗ୍ ୱାରି କିୟିକିଦେଙ୍ଗ୍ ଇଚାକିନାନ୍।

୧ ପିତର 2:9

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍‌ତାନ୍‌ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍‌ଲେକେ ତା ହେବା କିଦେଙ୍ଗ୍ ବାଚି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ମାଜ୍‌ଗା ଲେଗ୍‌ଦି ପାପ୍‌ତାଙ୍ଗ୍ ବିନେ କିତାନ୍‌ନା ଆରେ ଚାନିଆଆନି କାମାୟ୍‌ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍‌ତାକେ ତାହି ୱାତ୍‌ତାନ୍‌ନା।

ହତ୍‌ତି 1:5

ଆରେ, ଯୀଶୁ ଖ୍ରୀଷ୍ଟତାଙ୍ଗ୍ ଇନେର୍‌କି ଈଶ୍ୱର କାତାତିଙ୍ଗ୍ ସାକି ହିନାନା ଆରେ ତା କାତାତିଙ୍ଗ୍ ପାର୍ତି କିୟାଆନାତ୍, ହେୱାନ୍‌ ନେ ପାର୍ତୁମ୍ ମାରାଣ୍‌ତାଙ୍ଗ୍ ଜିବୁନ୍ ଆତାନ୍‌ନା ଆରେ ପୁର୍ତିନି ୱିଜୁ ରାଜାରିଙ୍ଗ୍ ସାସନ୍ କିନି ମାନାୟ୍ ଆତାନ୍‌ନା। ହେୱାନ୍ ମାଙ୍ଗେଙ୍ଗ୍ ଲାଡ୍ କିଦ୍‌ନାନା। ହେୱାନ୍ ମା କାଜିଙ୍ଗ୍ ଜାର୍ ନେତେର୍ ବଡ଼ାଇ କିଜି ହାଃତାନ୍ ଆରେ ଆସେଙ୍ଗ୍ କିତି ପାପ୍‌ନି ଦଣ୍ଡ୍‌ତିଙ୍ଗ୍ କେମା କିତାନ୍‌ନା।

ହତ୍‌ତି 11:7

ଏଚେପାଦ୍ନା ହେ ରିଣ୍ଡାଙ୍ଗ୍ ସାକି ଈଶ୍ୱର କାତାତିଙ୍ଗ୍ ଶୁଣାୟ୍ କିନାକା ୱିଜ୍‌ନାତ୍, ପାତାଳ୍‌ କୁଣ୍ଡ୍‌ତାଙ୍ଗ୍ ରଞ୍ଜି ରାନ୍‍ତି ପଶୁ ହସି ୱାନାତ୍। ହେ ପଶୁ ତା ହୁଦାଙ୍ଗ୍ ଯୁଜ୍ କିଜି ଆରାୟ୍ କିନାତ୍ ଆରେ ହେ ରିଣ୍ଡାଙ୍ଗ୍ ସାକିକାଙ୍ଗ୍ ମାର୍ନେ ଆହ୍‌ନାତ୍।

ହତ୍‌ତି 16:14

ଇ ଶୟତାନ୍‌ନି ଆତ୍ମାକାଙ୍ଗ୍ ଚାନିଆ କାମାୟ୍ କିନି ଶାକ୍ତି ମାଚାତ୍, ଆରେ ହେୱାର୍ ପୁର୍ତିନି ୱିଜୁ ଦେସ୍‌ତିଙ୍ଗ୍ ସାସନ୍ କିନି ମାନାୟାରିଙ୍ଗ୍ ମାପୃ ୱିଜୁ ଶାକ୍ତିମାନି ଈଶ୍ୱର ବିଚାର୍‌କିନି ନାଞ୍ଜିଙ୍ଗ୍ ରୁଣ୍ଡାୟ୍ କିତାର୍। ହେୱାର୍ ଈଶ୍ୱର ବିରଦ୍‌ତାକେ ଯୁଜ୍ କିଦେଙ୍ଗ୍ ରୁଣ୍ଡାଆଜି ମାଚାର୍।

ହତ୍‌ତି 2:10

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଦୁଃକ୍ କଷ୍ଟ ପାୟାଆନାପା ଇଞ୍ଜି ପାଣ୍ଡ୍ରା ଆମାଟ୍। ମି ବିତ୍ରେତାଙ୍ଗ୍ କେତ୍‌ଜାଣ୍‌ତିଙ୍ଗ୍ ଶୟତାନ୍ ବନ୍ଦିକିଜି ଜଇଲ୍ ଇଞ୍ଜ ଇଡ଼୍‌ଦାନାତ୍ ଆରେ ମିଙ୍ଗେଙ୍ଗ୍ ପରିକ୍ଷା କିଦ୍‌ନାତ୍। ଏପେଙ୍ଗ୍ ଦଶ୍‌ଦିନ୍ ପାତେକ୍ ବେସି ଦୁଃକ୍ କଷ୍ଟ ପାୟାଆନାଦେର୍। ମାତର୍ ଯଦି ହେୱାନ୍ ମିଙ୍ଗେଙ୍ଗ୍ ମାର୍ନେ ଅସ୍ତିତିସ୍ ପା ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିମାଟ୍, ଇନେସ୍‌କି ଏପେଙ୍ଗ୍ ଜିତାଆତି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱିଜୁଦିନ୍ ମାନି ଜିବୁନ୍ ପୁରଷ୍କାର୍ ହିଦ୍‌ନାଙ୍ଗ୍।”

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।

ହତ୍‌ତି 3:21

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆନାର୍‌। ଇନେସ୍ ଆନେଙ୍ଗ୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତା ଆତାଙ୍ଗ୍ ଆରେ ନା ଆବା ହୁଦାଙ୍ଗ୍ ତା ସିଙ୍ଗାସନ୍‌ତାକେ କୁଚ୍‌ଚାଙ୍ଗ୍‌ନା ହେଲେକେ ଆନେଙ୍ଗ୍ ହେୱାରିଙ୍ଗ୍ ନା ସିଙ୍ଗାସନ୍‌ତାକେ କୁଚ୍‌ଚେଙ୍ଗ୍ ହିନାଙ୍ଗ୍।