ହତ୍‌ତି 15:2 - New Testament in Pengo Parja Language

² ତାପାଚେ ଆନେଙ୍ଗ୍ ରଞ୍ଜାଙ୍ଗ୍ ନାଣିତାକେ ମାହାଆତି କାଚ୍‌ଲେଗ୍‌ଦି ହାମ୍‌ଦୁର୍‌ତିଙ୍ଗ୍ ହୁଡ଼୍‌ତାଙ୍ଗ୍। ଆରେ ପା ଆନେଙ୍ଗ୍ ହେ ପଶୁତିଙ୍ଗ୍ ଆରାୟ୍ କିଜି ଜିତାଆତାକାଙ୍ଗ୍‌, ତା ମୁର୍ତିତିଙ୍ଗ୍ ପୁଜା କିୱିତି ମାନାୟାରିଙ୍ଗ୍ ଆରେ ତା ତର୍‌ଦିଙ୍ଗ୍ ଆରେ ଚିନ୍‌ତିଙ୍ଗ୍ ଅୱିତି ମାନାୟାରିଙ୍ଗ୍ ହେ କାଚ୍‌ଲେଗ୍‌ଦି ହାମ୍‌ଦୁର୍ କାଣ୍ଡିତ ନିଲ୍‌ତାକା ହୁଡ଼୍‌ତାଙ୍ଗ୍। ହେୱାର୍ ଈଶ୍ୱର ହିତି ଡୁଡୁଙ୍ଗା ଆସ୍ତି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

² ଆରେ ଆନ୍‌ ହୁଡ଼୍‌ତାଂ, ନାଣିମେହା ର କାଚ୍‌ ଲାକେ ହାମ୍‌ଦୁର୍‌, ଆରେ ଇମ୍‌ଣାକାର୍‌ ପସୁ, ତା ପୁତ୍‌ଡ଼ା ଆରି ତା ତର୍‌ନି ଲମର୍‌ ଜପି ଜିତା ଆତାର୍ଣ୍ଣା, ହେୱାର୍‌ ଇସ୍ୱର୍‌ତି ଗମଣ୍‌ ଆସ୍ତି, ହେ କାଚ୍‌ବାର୍ତି ହାମ୍‌ଦୁର୍‌ ଗୁଟିତ ନିଲ୍‌ତାନ୍ନା ।

ହତ୍‌ତି 15:2 Iomraidhean Croise

ମାତିଉ 3:11

“ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାତିଲେ ଆନେଙ୍ଗ୍ ମିଙ୍ଗେଙ୍ଗ୍ ଏଜୁକାଙ୍ଗ୍ ଡୁବନ୍ ହିଦ୍‌ନାଙ୍ଗା, ମାତର୍ ନା ପାଚେ ଇନେର୍ ୱାନାନା, ହେୱାନ୍ ନା ତାକେତାଙ୍ଗ୍ ବେସି ସାକ୍ତିକାଟାକାନ୍। ଆନେଙ୍ଗ୍ ଚାକର୍ ଲେକେ ଆଜି ତା କାଲ୍‌ନି ପାଣ୍ଡାୟ୍ ଆସ୍ତେଙ୍ଗ୍ ପା ସାମାନ୍ ଆକାୟ୍। ହେୱାନ୍ ମିଙ୍ଗେଙ୍ଗ୍ ପବିତ୍ର ଆତ୍ମା ଆରେ ନାଣିତାଙ୍ଗ୍ ଡୁବନ୍ ହିଦ୍‌ନାନ୍।

୧ ପିତର 1:7

ଇ ୱିଜୁ ଦୁକ୍‌କଷ୍ଟ ପୁନି କିଦ୍‌ନାତ୍ ଯେ, ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା। ଏପେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିନାକା ହନାତାଙ୍ଗ୍ ପା ବେସି ଦାମ୍। ଇନେସ୍‌କି ହନାତିଙ୍ଗ୍ ନାଣିତାକେ କାଡିକିଜି ପରିକ୍ଷା କିନାର୍ ଆରେ ନୁଜ୍‌ନାର୍, ହେଲେକେ ଦୁକ୍‌କଷ୍ଟ ୱାତିସ୍ ପା ଏପେଙ୍ଗ୍ ଯଦି ଯୀଶୁଙ୍ଗ୍ ପାର୍ତି କିଜି ମାନ୍‌ଗାନାଦେର୍। ଲାଗିଙ୍ଗ୍ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଏପେଙ୍ଗ୍ ଗୌରବ, ସନ୍‌ମାନ୍ ଆରେ ଜୟ୍-ଜୟ୍ ପାୟାଆନାଦେର୍।

୧ ପିତର 4:12

ଏ ସାଙ୍ଗ କାଦେର୍, ଏପେଙ୍ଗ୍ ଖ୍ରୀଷ୍ଟ ଲକ୍ ଆତି କାଜିଙ୍ଗ୍ ଇ ଦୁଃକ୍ କଷ୍ଟ ପାୟାଆନାଦେରା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଚାନିଆ ଆମାଟ୍, ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ହାତ୍‌ପା ପାର୍ତି କିନାଦେରା କି ଆକାୟ୍ ଇଞ୍ଜି ଇ ୱିଜୁ ଗଟାଆନାତା, ଏପେଙ୍ଗ୍ ଇଲେକେ ବାବିକିମାଟ୍ ଯେ ଆହା କିୱିତି ବିଷୟ ୱିଜୁ ଗଟାଆନାତା।

ହତ୍‌ତି 12:11

ମା ପାର୍ତିକିନି ଟଣ୍ଡାର୍ ମେଣ୍ଢା ଇନେର୍‌କି ଯୀଶୁ ନେତେର୍ ଶାକ୍ତି ହୁଦାଙ୍ଗ୍, ଇନେର୍ ହେୱାର୍ ପାପ୍ କାଜିଙ୍ଗ୍ ହାଃଜି ମାଚାନ୍, ହେ ଶୟତାନ୍‌ତିଙ୍ଗ୍ ଆରାୟ୍ କିତାର୍। ହେୱାର୍ ତାଙ୍ଗେଙ୍ଗ୍ ଆରାୟ୍ କିତାର୍ ଇନେସ୍‌କି ହେୱାର୍ ଦୁଃକ୍ କଷ୍ଟ ପାୟାଆଜି ହାଃତିସ୍ ପା ହେ ମେଣ୍ଢା ଇନେର୍‌କି ଯୀଶୁଙ୍ଗ୍ ନେ ମା ମାପୃ ଇଞ୍ଜି ୱେଚ୍‌ଚି ମାଚାର୍।

ହତ୍‌ତି 13:1

ତାପାଚେ ହାମ୍‌ଦୁର୍ ବିତ୍ରେତାଙ୍ଗ୍ ର ପଶୁ ହସି ୱାନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ତାଙ୍ଗେଙ୍ଗ୍ ସାତ୍‌ଗଟା କାପ୍‍ଡ଼ାଙ୍ଗ୍ ଆରେ ଦଶ୍‌ଗଟା କମଙ୍ଗ୍ ମାଚିକ୍, ହେ ଦଶ୍‌ଗଟା କମକାଙ୍ଗ୍ ଦଶ୍‌ଗଟା ମୁକୁଟ୍ ମାଚିକ୍ ଆରେ ହେ ସାତ୍‌ଗଟା କାପ୍‍ଡ଼ାଙ୍ଗ୍ ଈଶ୍ୱରତିଙ୍ଗ୍ ନିନ୍ଦାକିନି ତର୍‌ ଲେକାଆଜି ମାଚାତ୍।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 13:17

ଆରେ, ହେ ଚିନା, ତିନା କେଇଦ କି ନିଦାଣ୍‌ତାକେ ଅୱାଦାଙ୍ଗ୍ ମାଚିସ୍ ଇନେର୍ ପା କଡ଼୍‍ଦେଙ୍ଗ୍ କି ପତେଙ୍ଗ୍ ଆଡୁର୍, ହେ ଚିନା ପଶୁ ତର୍‌ କି ନମ୍ବର୍ ଆଜି ମାନ୍‌ଙ୍ଗାନାତ୍।

ହତ୍‌ତି 21:18

ହେ ସହର୍‌ନି ବାଉଣ୍ଡ୍ରି ବେସି ଦାମ୍‌ଦି କାଲ୍‌କୁତାଙ୍ଗ୍ ରହ୍‌ୟା ଆଜିମାଚାତ୍, ଆରେ, ହେ ସହର୍ କିଲେର୍ କାଚ୍ ଗିଲାସ୍‌ଲେକେ ଅର୍ଜିନାଲ୍ ହନାତାଙ୍ଗ୍ ରହ୍‌ୟା ଆଜିମାଚାତ୍।

ହତ୍‌ତି 4:6

ଆରେ ପା ହେ ସିଙ୍ଗାସନ ଆଗେ ହାମ୍‌ଦୁର୍ ଲେକେ ଅହାର୍ ମେଦ୍‌ନି ମାଚାତ୍। ହେଦାଙ୍ଗ୍ କାଚ୍‌ଲେକେ କିଲେର୍ ମାଚାତ୍ ଆରେ ହେ ଗାଜା ସିଙ୍ଗାସନ ହେ ଚବିଶ୍ ଗଟା ସିଙ୍ଗାସନ ମାଦି ମାଚାତ୍। ହେ ସିଙ୍ଗାସନ ଚାରିଗଟା ଗିନାକାଙ୍ଗ୍ ଚାରିଗଟା ଜିବୁନ୍ ମାନି ପଶୁ ମାଚିକ୍ ଆରେ ହେୱାରିଙ୍ଗ୍ ଗାଗାଡ଼୍ ବାର୍ତି କାଣ୍‌କୁ ମାଚିକ୍।

ହତ୍‌ତି 5:8

ଏଚେପାଦ୍ନା ହେୱାନ୍ ସାସ୍ତର୍‌ତିଙ୍ଗ୍ ଅତାନ୍‌, ହେପାଦ୍ନା ହେ ଚାରିଗଟା ଜିବୁନ୍ ମାନି ପଶୁ ଆରେ ଚବିଶ୍ ଜାଣ୍ ପ୍ରାଚିନାର୍ ମେଣ୍ଢା ଇନେର୍‌କି ଯୀଶୁ ଆଗେ ମେଣ୍ଢାକୁନ୍ଦିକିଜି ମୁଣ୍ଡିୟା ଇଡ଼୍‌ତାର୍। ୱିଜାର୍ ପ୍ରାଚିନାର୍‌ ମରି ଆରେ ହନାତାଙ୍ଗ୍ ରସ୍ତି ଦୁପ୍‌ନି ମାନି ଗିନାଙ୍ଗ୍ ଆସ୍ତି ମାଚାର୍ ହେ ଦୁପ୍‌ନି ଅର୍ତ ଈଶ୍ୱର ଲକ୍‌ନି ପାର୍ତାନା।