ହତ୍‌ତି 14:7 - New Testament in Pengo Parja Language

⁷ ହେୱାନ୍ ଇଲେକେ ଗାଜାକାଟ୍ କିଜି ୱେଚ୍‌ଚାନ୍ “ଏପେଙ୍ଗ୍ ଈଶ୍ୱରତିଙ୍ଗ୍ ପାଣ୍ଡ୍ରାଆଡ ଆରେ ହେୱାନିଙ୍ଗ୍ ଗୌରବ କିୟାଟ୍। ଇନେସ୍‌କି ହେୱାନ୍ ବିଚାର୍‌କିନି ବାହାତାକେ କୁଚ୍‌ଚି ବିଚାର୍‌କିନି ଦିନ୍ ୱାତାତେ। ଏପେଙ୍ଗ୍ ତାଙ୍ଗେଙ୍ଗ୍ ପୁଜା କିୟାଟ୍, ଇନେସ୍‌କି ହେୱାନ୍ ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ଜାରିଆ ଏଜୁଙ୍ଗ୍ ଉବ୍‌ଜାଇ କିତାନ୍‌ନା।”

ସତ୍‌ ବଚନ୍‌ ପୁନି ନିୟମ୍‌

⁷ ହେୱାନ୍‌ ଗାଜା କାଟ୍‌ତାଂ ଇଞ୍ଜି ମାଚାନ୍‌ । “ଇସ୍ୱର୍‌ତିଂ ପାଣ୍ଡ୍ରା ଆଡ ତାଙ୍ଗେଙ୍ଗ୍‌ ଜାଜ୍‌ମାଲ୍‌ କିୟାଟ୍‌, ଇନେକିଦେଂକି ହେୱାର୍‌ତି ବିଚାର୍‌ ସମୁତ ଏକାୱାତାତ୍‌, ଆରେ ଇନେନ୍‌ ସାର୍ଗେ, ପୁର୍ତି, ହାମ୍‌ଦୁର୍‌ ଆରି ହନି ଏସୁଙ୍ଗ୍‌ ଉବ୍‌ଜାଣ୍‌ କିତାନ୍‌ନା ତାଙ୍ଗେଙ୍ଗ୍‌ ଜୱାର୍‌ କିୟାଟ୍‌ ।”

ହତ୍‌ତି 14:7 Iomraidhean Croise

ମାତିଉ 25:13

ଲାଗିଙ୍ଗ୍ ଏପେଙ୍ଗ୍ ପାର୍ତାନାତାକେ ଜାଗ୍ରତ୍ ଆଜି ମାନାଟ୍। ଲାଗିଙ୍ଗ୍ ଏପେଙ୍ଗ୍ ହେ ଦିନ୍ ଇନାୱେଡ଼ାଙ୍ଗ୍ ଇ ଗଟ୍‌ନା ଏକିୱାନାତ୍ ହେଦାଙ୍ଗ୍ ଏପେଙ୍ଗ୍ ପୁନୁଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 17:18

ହେୱାର୍ ହାର୍‌ଆତି ପାଚେ ଆରେ ଲେଉଟା ଆଜି ଈଶ୍ୱରତିଙ୍ଗ୍ ଦନ୍ଯବାଦ୍ କିନି କାଜିଙ୍ଗ୍ ଇନାକା ଇ ରକାନ୍ ଶମିରୋଣ ବିନ୍‌ଜାତିନି ମାନାୟ୍ ମାଚାନ୍?”

ପକ୍ୟାତାକା 14:15

“ଏ ଆଜ୍ଞା କାଦେର୍, ଇନା କିଦେଙ୍ଗ୍ ଇୱିଜୁ କିନାଦେରା? ଆପେଙ୍ଗ୍ ପା ମି ଲେକେ ଦୁକ୍‌ସୁକ୍‌ ପାୟାଆନି ମାନାୟ୍। ଇନେସ୍‌କି ଏପେଙ୍ଗ୍ ଇ ମୁର୍ତି ପୁଜା କିନାକା ପିସ୍ତି ଜିବୁନ୍ ମାନି ଈଶ୍ୱରତାକେ ୱାନାଦେର୍, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମି ଲାଗାୟ୍ ଇ ହାର୍ଦିକାବୁର୍ ଶୁଣାୟ୍ କିଦ୍‌ନାପା। ହେ ଈଶ୍ୱର ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ହେବେ ମାନି ୱିଜୁ ଜିନିଷ୍‌ତିଙ୍ଗ୍ ରସ୍ତାନ୍‌ନା।

୧ ପିତର 4:7

ଇ ପୁର୍ତି ବେଗି ସେସ୍ ଆନାତ୍‌ଦେ। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ପାର୍ତାନା କିଜି ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍।

ହତ୍‌ତି 11:13

ଆରେ ଏଚେପାଦ୍ନା ହେୱାର୍ ନିଙ୍ଗ୍‌ଞ୍ଜି ହାଚାର୍, ହେପାଦ୍ନା ପୁର୍ତିତାକେ ରଞ୍ଜି ବୟାଙ୍କାର୍ ବୁମିକମ୍ପ୍ ଆତାତ୍ ଆରେ ହେ ସହର୍‌ନି ୧୦ ବାଗ୍‌ତାଙ୍ଗ୍ ର ବାଗ୍ ବିନାସ୍ ଆତାତ୍। ହେ ବୁମିକମ୍ପ୍ ଆତି କାଜିଙ୍ଗ୍ ସାତ୍ ହାଜାର୍ ମାନାୟାର୍ ହାଃତାର୍, ଆରେ ଏଚେଜାଣ୍ ମାନାୟାର୍ ହାଃୱାଦାଙ୍ଗ୍ ମାଚାର୍ ହେୱାର୍ ପାଣ୍ଡ୍ରା ଆତାର୍, ଆରେ ସରଗ୍‌ତାକେ ମାନି ଈଶ୍ୱରତିଙ୍ଗ୍ ଗୌରବ କିତାର୍।

ହତ୍‌ତି 11:18

ବିନ୍‌ଜାତିନି ମାନାୟାର୍ ନିଙ୍ଗେଙ୍ଗ୍ ରିସାଆଜି ମାନ୍‌ଞ୍ଚାର୍। ମାତର୍ ଏନେଙ୍ଗ୍ ହାଃତାକାରିଙ୍ଗ୍ ବିଚାର୍ କିନାକା, ଆରେ ନି ଦାସ୍ ଭବିଷ୍ଯତବକ୍ତାରିଙ୍ଗ୍, ଦରମ୍ ମାନାୟାରିଙ୍ଗ୍, ନିଙ୍ଗେଙ୍ଗ୍ ପାଣ୍ଡ୍ରାଆଜି ପାପ୍ କାମାୟ୍ କିୱାକାରିଙ୍ଗ୍ ଗାଜା ହିରୁ ୱିଜାରିଙ୍ଗ୍, ପୁରଷ୍କାର୍ ହିନି ଦିନ୍ ୱାତାତେ। ଆରେ ପୁର୍ତିତିଙ୍ଗ୍ ବିନାସ୍ କିନି ମାନାୟାରିଙ୍ଗ୍ ଏନେଙ୍ଗ୍ ବିନାସ୍ କିନାୟ୍।

ହତ୍‌ତି 15:4

ହେ ମାପୃ, ୱିଜୁ ଜାତିନି ମାନାୟାର୍ ନିଙ୍ଗେଙ୍ଗ୍ ପାଣ୍ଡ୍ରା ଆଦ୍‌ନାର୍, ଆରେ ୱିଜାର୍ ମାନାୟାର୍ ନିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାରା, ଇନେସ୍‌କି ଏନେଙ୍ଗ୍‍ନେ ରକାୟ୍ ପବିତ୍ର ଈଶ୍ୱର। ୱିଜୁ ଦେସ୍ତି ମାନାୟାର୍ ନି ଲାଗେ ୱାନାରା ଆରେ ନିଙ୍ଗେଙ୍ଗ୍ ପୁଜା କିଦ୍‌ନାରା, ଇନେସ୍‌କି ହେୱାର୍ ପୁଚାର୍‌ନା ନି କାମାୟ୍ ୱିଜୁ ଦରମ୍।”

ହତ୍‌ତି 16:9

ହେପାଦ୍ନା ମାନାୟାର୍ ୱେଡ଼ା ବେସି ଗରମ୍ ଆଜି ହେୱାର୍ କାଡ଼୍‌ତାର୍‌, ଆରେ ଇମ୍‌ଣି ଈଶ୍ୱର ଇ ୱିଜୁ ଦଣ୍ଡ୍ ହିନାନା ହେୱାନିଙ୍ଗ୍ ହେୱାର୍ ଅବିଶାପ୍ ହିଜି ନିନ୍ଦା କିତାର୍। ହେୱାର୍ ପାପ୍ କାମାୟ୍ ପିସ୍ତି ମାନ୍ ବାଦ୍‌ଲାୟ କିୱାତାର୍ ଆରେ ତାଙ୍ଗେଙ୍ଗ୍ ଗୌରବ ହିୱାତାର୍।

ହତ୍‌ତି 18:10

ହେ ସହର୍‌ନି ମାନାୟାର୍ କଷ୍ଟ ପାୟାଆନାକା ହୁଡ଼୍‌ଜି ଇ ରାଜାର୍ ଲାଗେ ହାଞ୍ଜେଙ୍ଗ୍ ପାଣ୍ଡ୍ରା ଆନାର୍, ଆରେ ଦେହା ନିଲ୍‌ଚି ଇଲେକେ ୱେଚ୍‌ଚି ମାଚାର୍। “ହାୟ୍, ହାୟ୍, ଗାଜା ସହର୍, ବୟଙ୍କାର୍ ବାବିଲନ୍‌ ସହର୍, ର ଘଣ୍ଟା ବିତ୍ରେ ନିଙ୍ଗେଙ୍ଗ୍ ବିପତ୍ ୱାତାତ୍।”

ହତ୍‌ତି 18:17

ମାତର୍ ର ଗଣ୍ଟା ବିତ୍ରେ ହେ ସହର୍‌ନି ୱିଜୁ ଜିନିଷ୍ ବିନାସ୍ ଆତାତ୍, ଆରେ ଜାଜ୍ ଚାଲାଇ କିନି ଡାଇବରାର୍, ପାସିଞ୍ଜେର୍, ଜାଜ୍ ମାଲିକାର୍ ଆରେ ହାମ୍‌ଦୁର୍‌ତାକେ ବେପାର୍ କିନାକାର୍ ଦେହା ନିଲ୍‌ଚି ମାଚାର୍।”

ହତ୍‌ତି 18:19

ହେୱାର୍ ତା କାପ୍‌ଡ଼ାକାଙ୍ଗ୍ ଦୁଡ଼ି ୱାକ୍‌ୟା ଆଜି ବେସି ଦୁଃକ୍ ଆଜି ୱେଚ୍‌ଚି ମାଚାର୍, “ଏଚେ ବୟ୍‌ଙ୍କାର୍ ଏଚେ ବୟ୍‌ଙ୍କାର୍ ଗାଜା ସହର୍! ହେ ସହର୍ ତା ଦନ୍ ସମ୍ଫତିତାଙ୍ଗ୍ ଜାଜ୍‌ନି ମାଲିକାରିଙ୍ଗ୍ ହାଉକାର୍ କିଜି ମାଚାତ୍। ମାତର୍ ର ଗଣ୍ଟା ବିତ୍ରେ ୱିଜୁ ବିନାସ୍ ଆତାତ୍।”

ହତ୍‌ତି 19:5

ତାପାଚେ ସିଙ୍ଗାସନତାଙ୍ଗ୍ ର ମାନାୟ୍ ଇଲେକେ ୱେଚ୍‌ଚି ମାଚାନ୍, “ତାଙ୍ଗେଙ୍ଗ୍ ସନ୍‌ମାନ୍ ହିନି ମାନାୟାର୍ ଗାଜା ହିରୁକାର୍ ପାତେକ୍ ଆରେ ତାଙ୍ଗେଙ୍ଗ୍ ହେବା କିନାକାରିଙ୍ଗ୍ ମା ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ହତ୍‌ତି 4:11

“ମା ମାପୃ, ଈଶ୍ୱର, ଏନେଙ୍ଗ୍ ଜୟ୍-ଜୟ୍ ପାୟାଆନି ଦର୍‌କାର୍। ଏନେଙ୍ଗ୍ ସନ୍‌ମାନ୍ ପାୟାଆନି ଦର୍‌କାର୍ ଆରେ ନିଙ୍ଗେଙ୍ଗ୍ ଶାକ୍ତି ମାଚି କାଜିଙ୍ଗ୍ ୱିଜୁ ଜିନିଷ୍ ଉବ୍‌ଜାଇ କିତାୟ୍‍ନା। ଏନେଙ୍ଗ୍ ଇଚାକିତି କାଜିଙ୍ଗ୍ ହେ ୱିଜୁ ଜିନିଷ୍‌ତିଙ୍ଗ୍ ଉବ୍‌ଜା ଆତାତ୍‌ନା ଆରେ ମାନାତା।”

ହତ୍‌ତି 4:9

ଏଚେପାଦ୍ନା ହେ ଜିବୁନ୍ ମାନି ପଶୁଙ୍ଗ୍ ହେ ସିଙ୍ଗାସନ୍‌ତାକେ କୁଚ୍‌ଚାକାରିଙ୍ଗ୍ ଗୌରବ, ସନ୍‌ମାନ୍ ଆରେ ଦନ୍ଯବାଦ୍ ହିଜି ମାଚାର୍, ଇନେର୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍‌ଙ୍ଗାନାନ୍।

ହତ୍‌ତି 8:10

ତାପାଚେ ଏଚେପାଦ୍ନା ତିନ୍ ନମ୍ବର୍ ଦୁତ୍ ତା ମରି ତୁବ୍‌ତାତ୍, ହେଦାପ୍ରେ ବାଦାଡ଼୍‌ତାଙ୍ଗ୍ ନାଣି ଆସ୍ତି ହୁକାଙ୍ଗ୍ ନାଗୁଡ଼୍ ଆରେ ଜାରାଣ୍‌ନି ତିନ୍ ବାଗ୍‌ତାଙ୍ଗ୍ ର ବାଗ୍ ଜପି ଆର୍‍ତିକ୍। ହେ ହୁକାଙ୍ଗ୍ ଆସ୍ତିମାଚି ନାଣି ହାତ୍ ଲାଇଟ୍ ଲେକେ ମାଚାତ୍।