ହତ୍‌ତି 14:5 - New Testament in Pengo Parja Language

⁵ ହେୱାର୍ ଇନାୱେଡ଼ାଙ୍ଗ୍ ପା ମିଚ୍ ୱେଚ୍‌ୱାତାର୍‌ନା, ହେୱାର୍ ଇନାୱେଡ଼ାଙ୍ଗ୍ ପା ବୁଲ୍ କିୱାତାର୍‌ନା। ଆରେ ହେୱାରିଙ୍ଗ୍ ଇନେର୍ ପା ବୁଲ୍ କିତାର୍‌ନା ଇଞ୍ଜି ଦସ୍ ହିଦେଙ୍ଗ୍ ଆଡୁର୍।

ସତ୍‌ ବଚନ୍‌ ପୁନି ନିୟମ୍‌

⁵ ହେୱାର୍‌ ୱାଇଦ ଇମ୍‌ଣାକା ପା ମିଚ୍‌ କାତା ହିଲୁତ୍‌, ହେୱାର୍‌ ଦସି ଆକାୟ୍‌ ।

ହତ୍‌ତି 14:5 Iomraidhean Croise

ମାତିଉ 12:34

ଏପେଙ୍ଗ୍ ବିସ୍‌ମାନି ରାଚ୍ ଲେକେ! ଆରେ ଏପେଙ୍ଗ୍ ଏଚେକ୍ ବାନ୍ୟା ଆଜି ହାର୍ଦି ବେଣ୍ ଇନେସ୍‌କିଜି ୱେଚ୍‌ଚେଙ୍ଗ୍ ଆଡ୍‌ନାଦେରା? ଇନେସ୍‌କି ଏପେଙ୍ଗ୍ ମି ମାନ୍ ବିତ୍ରେ ଇନାକା ବାବିକିନାଦେରା, ହେଦାଙ୍ଗ୍‌ନେ ୱେଚ୍‌ନାଦେରା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:4

ପିଲାତ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ମାନାୟାରିଙ୍ଗ୍ ୱେଚ୍‌ଚାନ୍, “ଇୱାନ୍‌ତାଙ୍ଗ୍ ଆନେଙ୍ଗ୍ ଇଚ୍‍କେ ପା ବୁଲ୍ ହୁଡ଼ୁଙ୍ଗା,”

ଜହନ୍‌ 1:47

ଯୀଶୁ ନିତନିୟେଲତିଙ୍ଗ୍ ତାପଣ୍ ୱାନାକା ହୁଡ଼୍‌ତାନ୍। ଆରେ ହେୱାନ୍ ପିଲିପତିଙ୍ଗ୍ ୱେଚ୍‌ଚାନ୍, “ଏହେଁ ହୁଡ଼ାଟ୍! ଇୱାନ୍ ରକାନ୍ ଇସ୍ରାଏଲ ଜାତିନି ମାନାୟ୍। ହେୱାନ୍‌ତାକେ ଇନାକା ବାଟ୍‌ପାଣିଆ ବୁଦି ହିଲେତ୍।”

ଏପିସିୟ 5:27

ଆରେ ହେୱାନ୍ ଇନେସ୍ ମଣ୍ଡ୍‌ଲିତିଙ୍ଗ୍ ପବିତ୍ର ଆରେ ବିନା ଦସ୍‌ନି ର ଗୌରବନି ମଣ୍ଡ୍‌ଲି ଲେକେ ଜାର୍‌ତାକେ ଚଚ୍‌ଚେଙ୍ଗ୍ ଆଡ୍‌ନାନ୍। ଇଦାଙ୍ଗ୍ କାଜିଙ୍ଗ୍ ହେୱାନ୍ ମଣ୍ଡ୍‌ଲିତିଙ୍ଗ୍ ଚିନ୍ କିୱାଦାଙ୍ଗ୍ ଆରେ ଇନେସ୍ ଲେଗ୍‌ଦି ଦସ୍‌ତାକେ ମାନ୍‌ୱି କାଜିଙ୍ଗ୍ ଖ୍ରୀଷ୍ଟ ଇଦାଙ୍ଗ୍ କିତାନ୍‌ନା।

କଲସିୟ 1:22

ମାତର୍ ଖ୍ରୀଷ୍ଟ ମାନାୟ୍ ରୁପ୍ ଆଜି କୃଶକାଟ୍‌ତାକେ ହାଃତି କାଜିଙ୍ଗ୍ ଈଶ୍ୱର ମା ହୁଦାଙ୍ଗ୍ ମାହାଆତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଏଚେକାଡ଼୍‌ଦ ଈଶ୍ୱର ମୁମ୍‌ଦ ନିଲ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ପବିତ୍ର ଆରେ ମି ବିରଦ୍‌ତାକେ ଇନେର୍‌ପା ନିନ୍ଦା ବେଣ୍ ୱେଚ୍‌ଚି ଦସି କିଦ୍‌ଦେଙ୍ଗ୍ ଆଡ଼୍‌ଦୁର୍।

ଏବ୍ରି 9:14

ମାତର୍ ଏପେଙ୍ଗ୍ ଇଦାଙ୍ଗ୍ ବାବି କିୟାଟ୍ ଯେ ହାଃନି ହାଜ୍‌ଦିଙ୍ଗ୍ ଅଦ୍‌ନି କାମାୟ୍‌ତାଙ୍ଗ୍ ଖ୍ରୀଷ୍ଟ ନେତେର୍ ଆଦିକ୍ କିଜି ମା ଗରବ୍‌ତିଙ୍ଗ୍ ଶୁଚି କିଦ୍‌ନାତ୍, ଆରେ ଆସେଙ୍ଗ୍ ଜିବୁନ୍ ମାନି ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଆଡ୍‌ନାସ୍। ଇନେସ୍‌କି ୱିଜ୍‌ୱି ଆତ୍ମାନି ଶାକ୍ତିତାଙ୍ଗ୍, ମା ପାପ୍ କାଜିଙ୍ଗ୍ ଖ୍ରୀଷ୍ଟ ତା ଜାର୍ ଜିବୁନ୍‌ତିଙ୍ଗ୍ ଈଶ୍ୱର ଲାଗାୟ୍ ର ପୁରାପୁରି ଟିକ୍ ବଲିପୁଜା କିତାନ୍‌ନା।

୧ ପିତର 1:19

ମାତର୍ ଯୀଶୁ ଖ୍ରୀଷ୍ଟତି ବେସି ଦାମ୍‌କିୟା ନେତେର୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା, ହେୱାନ୍ ଦସ୍ ହିଲି ମେଣ୍ଢାଲେକେ ବଲିପୁଜା ଆତାନ୍।

୧ ପିତର 2:22

ହେୱାନ୍ ଇନାୱେଡ଼ାଙ୍ଗ୍ ପା ପାପ୍ କାମାୟ୍ କିୱାତାନ୍‌ନା କି, ଇନେରିଙ୍ଗ୍ ଟକାୟ୍ କିୱାତାନ୍‌ନା।

୧ ପିତର 3:10

ଇନେସ୍‌କି ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଯଦି ଏପେଙ୍ଗ୍ ୱିଜୁନାଞ୍ଜିଙ୍ଗ୍‌ ୱାରି କିଦେଙ୍ଗ୍ ଇଚା କିନାଦେର୍ ଆରେ ୱିଜୁନାଞ୍ଜିଙ୍ଗ୍‌ ୱାରିନି ଦିନ୍ ହୁଡ଼୍‌ଦେଙ୍ଗ୍ ଇଚା କିନାଦେରା, ଲାଗିଙ୍ଗ୍ ଏପେଙ୍ଗ୍ କରାପ୍ ବେଣ୍ ଆରେ ମିଚ୍ କାତା ୱେଚ୍‌ମାଟ୍।

ଜିହୁଦା 1:24

ଈଶ୍ୱର ନେ ମିଙ୍ଗେଙ୍ଗ୍ ଉଜ୍‌ଦି ଗୁର୍‌ନିତାଙ୍ଗ୍‌ ଉଦାର୍ କିଦ୍‌ଦେଙ୍ଗ୍ ଆଡ୍‌ନାନ୍। ଆରେ ତା ଗୌରବନି ମୁମ୍‌ଦ ନିଲି କିଦ୍‌ଦେଙ୍ଗ୍ ଏଚେପାଦ୍ନା ହେୱାନ୍ ମିଙ୍ଗେଙ୍ଗ୍ ତାସିୱାଦ୍‌ନାନ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ପାପ୍‌ନି ଦସ୍ ହିଲ୍‌ୱି ମାନାୟ୍ ଲେକେ ଆରେ ୱାରି ହିଦ୍‌ଦେଙ୍ଗ୍ ଆଡ଼୍‌ଦାନାନ୍। ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଉଦାର୍ କିତ୍‌ତାନ୍‌ନା। ଉବ୍‌ଜାଣ୍ ଆତି ଆରମ୍‌ତାଙ୍ଗ୍ ଗୌରବ, ଜୟ୍-ଜୟ୍ କିନାକା, ଶାକ୍ତି ଆରେ ଆଦିକାର୍ ହେୱାନ୍‌ତି, ଆରେ ନଙ୍ଗୟ୍ ପା ହେୱାନ୍‌ତି, ଆରେ ୱିଜ୍‌ୱିଦିନ୍ କାଜିଙ୍ଗ୍ ହେୱାନ୍‌ତି ମାନ୍‌ଗାନାତ୍। ଆମେନ୍।