ହତ୍‌ତି 14:18 - New Testament in Pengo Parja Language

¹⁸ “ତାପାଚେ ପୁର୍ତିତିଙ୍ଗ୍ ନାଣି ହୁଦାଙ୍ଗ୍ ବିନାସ୍ କିନି ସରଗ୍‌ନି ବେଦିତାକେ ମାନି ଦୁତ୍ ଗାଜାକାଟ୍ କିଜି କୱେସ୍ ଆସ୍ତି ଦୁତ୍‌ତିଙ୍ଗ୍ ୱେଚ୍‌ଚାତ୍ କୱେସ୍ ବ୍ୟବହାର୍ କିଜି ପୁର୍ତିନି ଅଙ୍ଗୁର୍ ମାର୍‌ତି ୱିଜୁ ହେନ୍ତି ଅଙ୍ଗୁର୍ ପାଡ଼୍‌ ହଣ୍ଡାଟ୍। ଇନେସ୍‌କି ଅଙ୍ଗୁର୍ ୱିଜୁ ହେନ୍ତାତେ।”

ସତ୍‌ ବଚନ୍‌ ପୁନି ନିୟମ୍‌

¹⁸ ତା ପାଚେ ଗାର୍‌ଣି ନାଣି ଜପି ଆଦିକାର୍‌ ପାୟାତି ଇନେର୍‌ କେଇଦ ଡ଼ାହ୍‌ନି କୱେସ୍‌ ଅଜ଼ି ମାନି ରି ଦୁତ୍‌ତିଂ କିକିରାଡିଂ କିଜ଼ି ଇଚାତ୍‌, “ଡ଼ାହ୍‌ନି କୱେସ୍‌ ଆହିକିୟା ଆରି ପୁର୍ତିନି ଅଙ୍ଗୁର୍‌ପାଡ଼୍‌ ତ୍ରେଜ଼ାଟ୍‌; ହେୱାଙ୍ଗ୍‌ ହେନ୍ତାତେ ।”

ହତ୍‌ତି 14:18 Iomraidhean Croise

ମାର୍କ 4:29

ତାସ୍ ହେନ୍ତିସ୍ ହେୱାନ୍ କୱେସ୍ ଆସ୍ତି ତେଜ୍‌ନାନ୍।”

ହତ୍‌ତି 16:7

ତାପାଚେ ଆରେ ରକାନ୍ ସରଗ୍‌ନି ବେଦିତାଙ୍ଗ୍ ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, ହେୱାନ୍ ଇଲେକେ ୱେଚ୍‌ଚି ମାଚାନ୍, “ଆଁ, ମାପୃ, ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ ଟିକ୍ ଆରେ ନ୍ୟାୟ୍ ବିଚାର୍ କିନାୟା।”

ହତ୍‌ତି 16:8

ତାପାଚେ ଚାରି ନମ୍ବର୍ ଦୁତ୍ ତା ଗିନାତାକେ ମାନି ଈଶ୍ୱର ଦଣ୍ଡ୍‌ତିଙ୍ଗ୍ ୱେଡ଼ା ଜପି ୱାକ୍‌ତାତ୍‌, ହେଦାଙ୍ଗ୍ କାଜିଙ୍ଗ୍ ୱେଡ଼ା ବେସି ଗରମ୍ ଆଜି ମାନାୟାରିଙ୍ଗ୍ କାଡିକିତାତ୍‌।

ହତ୍‌ତି 8:3

ତାପାଚେ ଆରେ ରଞ୍ଜି ସରଗ୍‌ନି ଦୁତ୍ ଦୁପ୍‌ନି ଆହିକିନି ହନାତାଙ୍ଗ୍ ରସ୍ତି ଗିନା ଆସ୍ତି ୱାତାତ୍ ଆରେ ସରଗ୍‌ନି ବେଦି ଆଗେ ନିଲ୍‌ତାତ୍। ତାଙ୍ଗେଙ୍ଗ୍ ବେସି ଜବର୍ ଦୁପ୍‌ନି ହିଜି ମାଚାର୍, ହେ ଦୁତ୍ ହେ ଦୁପ୍‌ନିତିଙ୍ଗ୍ ଆରେ ଈଶ୍ୱରନି ମାନାୟାର୍ ପାର୍ତାନାତିଙ୍ଗ୍ ମାହାୟ୍‌କିତାତ୍ ଆରେ ହନାତାଙ୍ଗ୍ ରସ୍ତି ବେଦିତାକେ ହିତାତ୍।