ହତ୍‌ତି 14:17 - New Testament in Pengo Parja Language

¹⁷ ତାପାଚେ ସରଗ୍‌ନି ମନ୍ଦିର୍‌ତାଙ୍ଗ୍ ଆରେ ରଞ୍ଜି ଦୁତ୍ ହସି ୱାତାତ୍, ତା କେଇଦ ପା ରଞ୍ଜାଙ୍ଗ୍ ଦାରା କୱେସ୍ ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

¹⁷ ତା ପାଚେ ଆନ୍‌ ହୁଡ଼୍‌ତାଂ, ଆରେ ରଞ୍ଜେଲ୍‌ ଦୁତ୍‌ ସାର୍ଗେ ବାହା ମନ୍ଦିର୍‌ତାଂ ୱାନାତା; ତା କେଇଦ ପା ର ଡ଼ାହ୍‌ନି କୱେସ୍‌ ମାଚାତ୍‌ ।

ହତ୍‌ତି 14:17 Iomraidhean Croise

ହତ୍‌ତି 11:19

ହେପାଦ୍ନା ସରଗ୍‌ତାକେ ମାନି ଈଶ୍ୱର ମନ୍ଦିର୍‌ନି କାପାଟ୍ ଜେୟା ଆତାତ୍, ଆରେ ହେ ମନ୍ଦିର୍‌ତାକେ ତା ନିୟମ୍ ପେଡ଼ି ମାନାକା ଚନ୍‌ଞ୍ଚାତ୍। ଆରେ ବିଜ୍‌ଲି ଚମ୍‌କା ଆନାକା, ବାରବିନି ସବଦ୍ ଆନାକା, ବାଦାଡ଼୍ ଗାର୍ଜାନ୍ ଆନାକା, ବୁମିକମ୍ପ୍ ଆନାକା ଆରେ ଗାଜା ଆଞ୍ଜ୍‌ଗା ବାର୍ହା ଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍।

ହତ୍‌ତି 14:16

ହେଦାଙ୍ଗ୍ କାଜିଙ୍ଗ୍ ହେ ବାଦାଡ଼୍‌ତାକେ କୁଚ୍‌ଚାକାର୍ କୱେସ୍‌ତାଙ୍ଗ୍ ପୁର୍ତିନି ୱିଜୁ ତାସ୍‌ତିଙ୍ଗ୍ ତେସ୍‌ଦି ରୁଣ୍ଡାୟ୍ କିତାର୍।

ହତ୍‌ତି 14:18

“ତାପାଚେ ପୁର୍ତିତିଙ୍ଗ୍ ନାଣି ହୁଦାଙ୍ଗ୍ ବିନାସ୍ କିନି ସରଗ୍‌ନି ବେଦିତାକେ ମାନି ଦୁତ୍ ଗାଜାକାଟ୍ କିଜି କୱେସ୍ ଆସ୍ତି ଦୁତ୍‌ତିଙ୍ଗ୍ ୱେଚ୍‌ଚାତ୍ କୱେସ୍ ବ୍ୟବହାର୍ କିଜି ପୁର୍ତିନି ଅଙ୍ଗୁର୍ ମାର୍‌ତି ୱିଜୁ ହେନ୍ତି ଅଙ୍ଗୁର୍ ପାଡ଼୍‌ ହଣ୍ଡାଟ୍। ଇନେସ୍‌କି ଅଙ୍ଗୁର୍ ୱିଜୁ ହେନ୍ତାତେ।”

ହତ୍‌ତି 16:1

ତାପାଚେ ସରଗ୍‌ତାକେ ମାନି ମନ୍ଦିର୍‌ତାଙ୍ଗ୍ ହେ ସାତ୍‌ଗଟା ଦୁତ୍‌କୁକାଙ୍ଗ୍ ଗାଜାକାଟ୍ କିଜି ରକାନ୍ ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହାଲାଟ୍ ହେ ସାତ୍‌ଗଟା ଗିନାକାଙ୍ଗ୍ ମାନି ଈଶ୍ୱର ଦଣ୍ଡ୍‌ତିଙ୍ଗ୍ ପୁର୍ତିନି ମାନାୟାର୍ ଜପି ୱାକାଟ୍‌।”

ହତ୍‌ତି 16:17

ତାପାଚେ ସାତ୍ ନମ୍ବର୍ ଦୁତ୍ ତା ଗିନାତାକେ ମାନି ଈଶ୍ୱର ଦଣ୍ଡ୍‌ତିଙ୍ଗ୍ ବାଦାଡ଼୍‌ଜପି ମାହାଇ କିତାତ୍‌ ଆରେ ସରଗ୍‌ତାକେ ମାନି ମନ୍ଦିର୍‌ନି ସିଙ୍ଗାସନତାଙ୍ଗ୍ ରକାନ୍ ଗାଜାକାଟ୍ କିଜି ୱେଚ୍‌ଚି ମାଚାନ୍, “ଇ ୱିଜୁ ସେସ୍ ଆତାତ୍।”