ହତ୍‌ତି 13:7 - New Testament in Pengo Parja Language

⁷ ହେ ପଶୁତିଙ୍ଗ୍ ଈଶ୍ୱର ପବିତ୍ର ମାନାୟାର୍ ବିରୁଦ୍‌ତାକେ ଯୁଜ୍ କିଜି ଆରାୟ୍ କିଦେଙ୍ଗ୍ ଅଦିକାର୍ ହିଜି ମାଚାର୍। ଆରେ ପା ହେ ପଶୁତିଙ୍ଗ୍ ୱିଜୁ ଦେସ୍ତି ମାନାୟାରିଙ୍ଗ୍, ୱିଜୁ ଜାତିନି ମାନାୟାରିଙ୍ଗ୍, ୱିଜୁ ବାଷାନି ମାନାୟାରିଙ୍ଗ୍ ସାସନ୍ କିନି ଅଦିକାର୍ ହିଜି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

⁷ ଜିସୁ ପୁଇପୁୟା ଲକୁରିଂ ବିରୁଦ୍‌ତ ଜୁଜ୍‌ କିଜ଼ି ହେୱାରିଂ ଆରାୟ୍‌ କିଦେଙ୍ଗ୍‌ ହେୱାନ୍‌ ଆଦିକାର୍‌ ପାୟାତାନ୍‌ ଆରି ଜାଣ୍‌କେ କୁଟୁମ୍‌, ରାଜିନି ବାସାବାସି ଆରି ଜାତି ଜପି ତାଙ୍ଗ୍‌ କେମ୍‌ତା ହିତାର୍‌ ।

ହତ୍‌ତି 13:7 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:6

ଶୟତାନ ଯୀଶୁଙ୍ଗ୍ ୱେଚ୍‌ଚାତ୍, “ଆନେଙ୍ଗ୍ ଇୱିଜୁ ରାଜି ଆରେ ହେବେନି ୱିଜୁ ଦନ୍‌ସମ୍ଫତିନି ହଲ୍‌ନାକା ନିଙ୍ଗେଙ୍ଗ୍ ହିଦ୍‌ନାଙ୍ଗ୍। ହେ ୱିଜୁ ନା ଆଦିକାର୍‌ତାକେ ମାନାତ୍। ଆନେଙ୍ଗ୍ ଇନେରିଙ୍ଗ୍ ମାନ୍ କିନାଙ୍ଗ୍, ହେୱାନିଙ୍ଗ୍ ଇୱିଜୁ ହିଦେଙ୍ଗ୍ ଆଡ୍‌ନାଙ୍ଗ୍।

ଜହନ୍‌ 19:11

ଯୀଶୁ ୱେଚ୍‌ଚାନ୍, “ନା ଜପି ମି ଇମ୍‌ଣି ଆଦିକାର୍ ମାନାତ୍ ଇଞ୍ଜି ଏନେଙ୍ଗ୍ ୱେଚ୍‌ନାୟା, ହେ ଆଦିକାର୍ ଈଶ୍ୱର ନିଙ୍ଗେଙ୍ଗ୍ ହିତ୍‌ତାନ୍‌ନା। ଲାଗିଙ୍ଗ୍ ଇନେର୍ ନାଙ୍ଗେଙ୍ଗ୍ ନି କେଇଦ ହିତ୍‌ତାନ୍‌ନା, ତା ପାପ୍ ଆରେ ଗାଜା।”

ହତ୍‌ତି 10:11

ଲାଗିଙ୍ଗ୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାନ୍, ଏନେଙ୍ଗ୍ ବେସିହେନି ମାନାୟାର୍ କାଜିଙ୍ଗ୍, ବେସି ଜାତିର୍ କାଜିଙ୍ଗ୍, ୱିଜୁ ବାଷା କାଜିଙ୍ଗ୍ ଆରେ ବେସି ରାଜାର୍ କାଜିଙ୍ଗ୍ ଈଶ୍ୱର ୱେଚ୍‌ଚି କାତା ଏନେଙ୍ଗ୍ ୱେନ୍‌ଞ୍ଜି ହେୱାରିଙ୍ଗ୍ ୱେଚ୍‌ନି ଦର୍‌କାର୍।”

ହତ୍‌ତି 11:18

ବିନ୍‌ଜାତିନି ମାନାୟାର୍ ନିଙ୍ଗେଙ୍ଗ୍ ରିସାଆଜି ମାନ୍‌ଞ୍ଚାର୍। ମାତର୍ ଏନେଙ୍ଗ୍ ହାଃତାକାରିଙ୍ଗ୍ ବିଚାର୍ କିନାକା, ଆରେ ନି ଦାସ୍ ଭବିଷ୍ଯତବକ୍ତାରିଙ୍ଗ୍, ଦରମ୍ ମାନାୟାରିଙ୍ଗ୍, ନିଙ୍ଗେଙ୍ଗ୍ ପାଣ୍ଡ୍ରାଆଜି ପାପ୍ କାମାୟ୍ କିୱାକାରିଙ୍ଗ୍ ଗାଜା ହିରୁ ୱିଜାରିଙ୍ଗ୍, ପୁରଷ୍କାର୍ ହିନି ଦିନ୍ ୱାତାତେ। ଆରେ ପୁର୍ତିତିଙ୍ଗ୍ ବିନାସ୍ କିନି ମାନାୟାରିଙ୍ଗ୍ ଏନେଙ୍ଗ୍ ବିନାସ୍ କିନାୟ୍।

ହତ୍‌ତି 11:7

ଏଚେପାଦ୍ନା ହେ ରିଣ୍ଡାଙ୍ଗ୍ ସାକି ଈଶ୍ୱର କାତାତିଙ୍ଗ୍ ଶୁଣାୟ୍ କିନାକା ୱିଜ୍‌ନାତ୍, ପାତାଳ୍‌ କୁଣ୍ଡ୍‌ତାଙ୍ଗ୍ ରଞ୍ଜି ରାନ୍‍ତି ପଶୁ ହସି ୱାନାତ୍। ହେ ପଶୁ ତା ହୁଦାଙ୍ଗ୍ ଯୁଜ୍ କିଜି ଆରାୟ୍ କିନାତ୍ ଆରେ ହେ ରିଣ୍ଡାଙ୍ଗ୍ ସାକିକାଙ୍ଗ୍ ମାର୍ନେ ଆହ୍‌ନାତ୍।

ହତ୍‌ତି 12:17

ତାପାଚେ ହେ ଗାଜା ରାଚ୍ ହେ କଗ୍‌ଲେଙ୍ଗ୍ ବେସି ରିସାଆତାତ୍, ଆରେ ତା ମେହିର୍ ବିରୁଦ୍‌ତାକେ, ଇନେର୍ ଈଶ୍ୱର ଆଦେସ୍‌ତିଙ୍ଗ୍ ମାନିକିଜି ମାଚାର୍ ଆରେ ଆପେଙ୍ଗ୍ ଯୀଶୁର୍ ଲକ୍ ଇଞ୍ଜି ୱେଚ୍‌ଚି ମାଚାର୍ ହେୱାର୍ ହୁଦାଙ୍ଗ୍ ଯୁଜ୍ କିଦେଙ୍ଗ୍ ଆରମ୍ କିତାତ୍।

ହତ୍‌ତି 17:15

ତାପାଚେ ଆରେ ର ଦୁତ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, ଇମ୍‌ଣି ନାଗୁଡ଼୍‌ତାକେ ହେ ଦାରି କଗ୍‌ଲେଙ୍ଗ୍‌ ହୁଡ଼୍‌ଜି ମାଚାଦେର୍, ନାଗୁଡ଼୍‌ନି ଅର୍ତ ୱିଜୁଜାତି ଆରେ ୱିଜୁ ବାଷାନି ମାନାୟାର୍।

ହତ୍‌ତି 5:9

ଆରେ ହେୱାର୍ ଇଲେକେ କିଜି ର ପୁନି କେର୍‌କଣ୍ କେର୍‌ତାର, “ନିଦି ନେ ଇ ସାସ୍ତର୍ ଆସ୍ତେଙ୍ଗ୍ ଯଗ୍ୟ ମାନାତ୍ ଆରେ ତା ସିଲ୍ ଡ୍ରିକ୍‌ଚି ରିକ୍‌ତେଙ୍ଗ୍ ଆଡ୍‌ନାନ୍। ଇନେସ୍‌କି ଏନେଙ୍ଗ୍ ମାନାୟାର୍ କାଜିଙ୍ଗ୍ ହାଃଜି ମାଚାୟ୍, ଆରେ ମାନାୟାରିଙ୍ଗ୍ ଉଦାର୍ କିଦେଙ୍ଗ୍ କୃଶକାଟ୍‌ତାକେ ନି ନେତେର୍ ବଡ଼ାୟ୍ କିଜି ମାଚାୟ୍। ଲାଗିଙ୍ଗ୍ ହେୱାର୍ ଈଶ୍ୱର ଲକ୍ ଆତାର୍‌ନା, ଇ ମାନାୟାର୍ ୱିଜୁ ଜାତିର୍‌ତାଙ୍ଗ୍, ୱିଜୁ ବାଷାତାଙ୍ଗ୍, ୱିଜୁ ବାହାତାଙ୍ଗ୍ ଆରେ ୱିଜୁ ଦେସ୍‌ତାଙ୍ଗ୍ ୱାତାର୍‌ନା।