ହତ୍‌ତି 13:2 - New Testament in Pengo Parja Language

² ହେ ପଶୁ ଚିତା ବୁର୍‌କା ଲେକେ ଚନ୍‌ଞ୍ଜି ମାଚାତ୍, ମାତର୍ ତାଙ୍ଗେଙ୍ଗ୍ ବାଲୁଲେକେ ପାନାଙ୍ଗ୍ ମାଚିକ୍ ଆରେ ତା ୱେଇ ସିଂହ ବୁର୍‌କା ଲେକେ ମାଚାତ୍। ହେ ପଶୁତିଙ୍ଗ୍ ହେ ଗାଜା ରାଚ୍ ଶୟତାନ୍ ତା ଜାର୍ ଶାକ୍ତିତିଙ୍ଗ୍, ତା ସିଙ୍ଗାସନ୍‌ତିଙ୍ଗ୍, ଆରେ ଗାଜା ଅଦିକାର୍ ହେ ପୁଶୁତିଙ୍ଗ୍‌ ହିତାତ୍।

ସତ୍‌ ବଚନ୍‌ ପୁନି ନିୟମ୍‌

² ର ପସୁ ବିଜାପଲିଆ ବୁର୍କା ଲାକେ ଚଞ୍ଜ୍‌ଜି ମାଚାତ୍‌ । ତା ପାନା ବାଲୁ ପାନା ଲାକେ ଆରି ୱେଇ ସିହଁ ୱେଇ ଲାକେ । ଆଗେ ରଚ୍‌ଚି ନେତେର୍‌ ବାନିନି ଗାଜା ରାଚ୍‌ ଇ ପସୁତିଂ ଜାର୍‌ ସାକ୍ତି, ଗାଦି ଆରି ବେସି କେମ୍‌ତା ହେଲାୟ୍‌ କିତାତ୍‌ ।

ହତ୍‌ତି 13:2 Iomraidhean Croise

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

ହତ୍‌ତି 12:13

ଆରେ ଏଚେକାଡ଼୍‌ଦ ହେ ଗାଜା ରାଚ୍ ଶୟତାନ୍ ଜାର୍‌ତିଙ୍ଗ୍ ପୁଞ୍ଜେଙ୍ଗ୍ ଆଡ଼୍‍ତାତ୍ ତାଙ୍ଗେଙ୍ଗ୍ ସରଗ୍‌ତାଙ୍ଗ୍ ପୁର୍ତିତାକେ ତୁସିହିତାର୍, ହେ ହିମ୍‌ଣା ଜନମ୍ କିଜିମାଚି ହେ କଗ୍‌ଲେଙ୍ଗ୍ ଦାସ୍ତି ବୁଲାଆତାତ୍।

ହତ୍‌ତି 12:15

ତାପାଚେ ହେ ରାଚ୍ ନାଗୁଡ଼୍‌ଲେକେ ତା ୱେଇଦାଙ୍ଗ୍ ହେ କଗ୍‌ଲେଙ୍ଗ୍ ବଡ଼ାୟ୍ କିଜି ଅଦେଙ୍ଗ୍ ଏଜୁଙ୍ଗ୍ ତା ଜପି ୱାକ୍‌ତାତ୍‌।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 13:12

ହେୱାନ୍ ପାର୍ତୁମ୍ ପଶୁ ଶାକ୍ତି ହୁଦାଙ୍ଗ୍ କାମାୟ୍ କିତିଲେକେ ହେୱାନ୍ କିଜି ମାଚାନ୍। ହେୱାନ୍ ଇଚା କିଜି ମାଚାନ୍ ଯେ, ପୁର୍ତିନି ୱିଜାର୍ ମାନାୟାର୍ ହେ ପାର୍ତୁମ୍ ପଶୁତିଙ୍ଗ୍ ପୁଜାକିନି କାଜିଙ୍ଗ୍ ଜବର୍ ଦସ୍ତ୍ କିଜି ମାଚାନ୍ ଇନେରିଙ୍ଗ୍ ଆଗେ ଗାଅ ଆଜି ମାଚାତ୍ ମାତର୍ ପାଚେ ହାର୍ ଆଜି ମାଚାନ୍।

ହତ୍‌ତି 13:4

ୱିଜାର୍ ମାନାୟାର୍, ହେ ଗାଜା ରାଚ୍ ଶୟତାନ୍‌ତିଙ୍ଗ୍ ପୁଜା କିତାର୍, ଇନେସ୍‌କି ହେ ରାଚ୍ ଶୟତାନ୍ ହେ ପଶୁତିଙ୍ଗ୍ ହେଲେକେ ଶାକ୍ତି ହିଜିମାଚାତ୍‌। ହେୱାର୍ ହେ ପଶୁତିଙ୍ଗ୍ ପା ପୁଜା କିତାର୍। ହେୱାର୍ ୱେଚ୍‌ଚାର୍, “ଇ ପଶୁତିଙ୍ଗ୍ ଶାକ୍ତି ମାନିଲେକେ ଇନେରିଙ୍ଗ୍ ଶାକ୍ତି ହିଲେତ୍, ଆରେ ଇନେର୍ ପା ଇ ପଶୁ ହୁଦାଙ୍ଗ୍ ଯୁଜ୍ କିଦେଙ୍ଗ୍ ଆଡୁର୍।”

ହତ୍‌ତି 16:10

ତାପାଚେ ପାଞ୍ଚ୍ ନମ୍ବର୍ ଦୁତ୍, ତା ଗିନାତାକେ ମାନି ଈଶ୍ୱର ଦଣ୍ଡ୍ ପଶୁଙ୍ଗ୍ ସିଙ୍ଗାସନ ଜପି ୱାକ୍‌ତାତ୍‌, ଆରେ ହେ ପଶୁଙ୍ଗ୍ ମାନି ଦେସ୍ ମାଜ୍‌ଗା ଆତାତ୍। ଆରେ ମାନାୟାର୍ ବେସି କଷ୍ଟ ଆତି କାଜିଙ୍ଗ୍ ୱେନ୍ଦୁଲ୍ କାପ୍‌ତେଙ୍ଗ୍ ଲାଗାତାର୍।

ହତ୍‌ତି 17:12

ଆରେ ଏପେଙ୍ଗ୍ ହୁଡ଼୍‌ଜି ମାଚି ଦଶ୍‌ଗଟା କମ୍‌ଙ୍ଗ୍‌ନି ଅର୍ତ ଦଶ୍‌ଜାଣ୍ ରାଜାର୍। ହେୱାର୍ ନଙ୍ଗୟ୍ ପାତେକ୍ ସାସନ୍ କିୱାତାର୍‌ନା। ମାତର୍ ହେ ପଶୁ ହୁଦାଙ୍ଗ୍ ସାସନ୍ କିନି କାଜିଙ୍ଗ୍ ର ଗଣ୍ଟା କାଜିଙ୍ଗ୍ ଅଦିକାର୍ ପାୟାଆନାର୍‌।

ହତ୍‌ତି 19:20

ହେ ଯୁଜ୍‌ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍‌କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍‌ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍‌। ଆରେ ଇମ୍‌ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍‌ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍‌ତାକେ ପକାୟ୍ କିତାର୍।

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।

ହତ୍‌ତି 20:2

ହେ ଦୁତ୍ ହେ ଗାଜା ରାଚ୍ ଇନେର୍‌କି ଗାଜା ଶୟତାନ, ତାଙ୍ଗେଙ୍ଗ୍ ଲୱା ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‌ଚି ହାଜାର୍ ବାର୍ହୁ କାଜିଙ୍ଗ୍ ପାତାଳ୍‌ କୁଣ୍ଡ୍‌ତାକେ ତୁସିହିତାନ୍‌।