ହତ୍‌ତି 13:16 - New Testament in Pengo Parja Language

¹⁶ ହେ ପଶୁ ୱିଜୁ ଗାଜା ଆରେ, ହାଉକାର୍ ଆରେ ଗରିବ୍, ଚାକର୍ ଆରେ ଚାକର୍ ଆୱି ମାନାୟାର୍ ନିଦାଣ୍‌ତାକେ ନଇଲେ ତିନା କେଇଦ ର ଚିନା ଅଦେଙ୍ଗ୍ ଜବର୍ ଦସ୍ତ୍ କିନାତ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ଆରେ ହେଦେଲ୍‌ ହାରୁ ଆରି ଗାଜାକାର୍‌, କଡ଼୍‌କାଆଡ଼ିଏନ୍‌ କି ଜାର୍‌ତାରେନ୍‌, ମାଜାନ୍‌, ହିଲ୍‌ୱାକାର୍‌ ହାରିହାରା ୱିଜ଼ାର୍‌ତି ତିନିକେଇଦ କି ନିଦାଣ୍‌ତ ର ଚିନ୍‌ ରଚି କିଦେଙ୍ଗ୍‌ ହେୱାନ୍‌ ମାନାୟାରିଂ ଟାଟାୟ୍‌ କିତାତ୍‌ ।

ହତ୍‌ତି 13:16 Iomraidhean Croise

ପକ୍ୟାତାକା 26:22

ମାତର୍ ଈଶ୍ୱରତାଙ୍ଗ୍ ସାଇଜ ପାୟାଆଜି ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଗାଜାକାର୍‌ ଆରେ ହିରୁକାର୍ ମୁମ୍‌ଦ ଶୁଣାୟ୍ କିଜି ୱାତାଙ୍ଗ୍‌ନା, ଭବିଷ୍ଯତବକ୍ତାର୍ ଆରେ ମୋଶା ଇନା-ଇନାକା ଗଟାଆନାତ୍ ଇଞ୍ଜି ୱେଚ୍‌ଚାର୍‌ନା ହେଦାଙ୍ଗ୍‌ନେ ଆନେଙ୍ଗ୍ ୱେଚ୍‌ନାଙ୍ଗା।

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

ଗାଲାତିୟ 6:17

ନେଞ୍ଜେଙ୍ଗ୍‌ତାଙ୍ଗ୍ ଇନେର୍ ଆରେ ନାଙ୍ଗେଙ୍ଗ୍ ଇ ବିଷୟରେ କଷ୍ଟ ହିଦ୍‌ମେର୍। ଇନେସ୍‌କି ନା ଗାଗାଡ଼୍‌ତ ଯୀଶୁଙ୍ଗ୍ ମାଡ୍‌ହିତି ଚିନା ମାନାତ୍, ହେ ଚିନା ଚଚ୍‌ନାତା ଯେ ଆନେଙ୍ଗ୍ ଯୀଶୁନି ମାନାୟ୍।

ଏପିସିୟ 6:8

ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ ଦାସ୍ ଆୟେନ୍ କି ଦାସ୍ ଆୱାଦାଙ୍ଗ୍ କାମାୟ୍ କିନାକାନ୍, ଇନେର୍ ହାର୍ଦି କାମାୟ୍ କିନାନ୍, ହେୱାନ୍ ମାପୃତାଙ୍ଗ୍ ହେବେନି ପୁରଷ୍କାର୍ ଆୟାଆନାନ୍।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।

୨ ତିମଥି 3:8

ଆରେ ଇନେସ୍ ଯନ୍ନିସ୍ ଆରେ ଯମ୍ୱ୍ରସ୍ ମୋଶାଙ୍ଗ୍ ବିରଦ୍ କିଜି ମାଚାର୍, ହେଲେକେ ମିଚ୍‌ୱା ମାଷ୍ଟେରାର୍ ପା ସତ୍‌ତିଙ୍ଗ୍ ବିରଦ୍ କିନାର୍। ହେୱାର୍ ମାନ୍ ବିତ୍ରେ କରାପ୍ ଚିନ୍ତା ମାନାତ୍ ଆରେ ପାର୍ତିକିନି ବିଷୟରେ ପିସ୍ତାର୍‌ନା।

ହତ୍‌ତି 11:18

ବିନ୍‌ଜାତିନି ମାନାୟାର୍ ନିଙ୍ଗେଙ୍ଗ୍ ରିସାଆଜି ମାନ୍‌ଞ୍ଚାର୍। ମାତର୍ ଏନେଙ୍ଗ୍ ହାଃତାକାରିଙ୍ଗ୍ ବିଚାର୍ କିନାକା, ଆରେ ନି ଦାସ୍ ଭବିଷ୍ଯତବକ୍ତାରିଙ୍ଗ୍, ଦରମ୍ ମାନାୟାରିଙ୍ଗ୍, ନିଙ୍ଗେଙ୍ଗ୍ ପାଣ୍ଡ୍ରାଆଜି ପାପ୍ କାମାୟ୍ କିୱାକାରିଙ୍ଗ୍ ଗାଜା ହିରୁ ୱିଜାରିଙ୍ଗ୍, ପୁରଷ୍କାର୍ ହିନି ଦିନ୍ ୱାତାତେ। ଆରେ ପୁର୍ତିତିଙ୍ଗ୍ ବିନାସ୍ କିନି ମାନାୟାରିଙ୍ଗ୍ ଏନେଙ୍ଗ୍ ବିନାସ୍ କିନାୟ୍।

ହତ୍‌ତି 15:2

ତାପାଚେ ଆନେଙ୍ଗ୍ ରଞ୍ଜାଙ୍ଗ୍ ନାଣିତାକେ ମାହାଆତି କାଚ୍‌ଲେଗ୍‌ଦି ହାମ୍‌ଦୁର୍‌ତିଙ୍ଗ୍ ହୁଡ଼୍‌ତାଙ୍ଗ୍। ଆରେ ପା ଆନେଙ୍ଗ୍ ହେ ପଶୁତିଙ୍ଗ୍ ଆରାୟ୍ କିଜି ଜିତାଆତାକାଙ୍ଗ୍‌, ତା ମୁର୍ତିତିଙ୍ଗ୍ ପୁଜା କିୱିତି ମାନାୟାରିଙ୍ଗ୍ ଆରେ ତା ତର୍‌ଦିଙ୍ଗ୍ ଆରେ ଚିନ୍‌ତିଙ୍ଗ୍ ଅୱିତି ମାନାୟାରିଙ୍ଗ୍ ହେ କାଚ୍‌ଲେଗ୍‌ଦି ହାମ୍‌ଦୁର୍ କାଣ୍ଡିତ ନିଲ୍‌ତାକା ହୁଡ଼୍‌ତାଙ୍ଗ୍। ହେୱାର୍ ଈଶ୍ୱର ହିତି ଡୁଡୁଙ୍ଗା ଆସ୍ତି ମାଚାର୍।

ହତ୍‌ତି 19:18

ହେବେ ରାଜାର୍‌ତି, ହେୱାର୍ ନେତାର୍, ବେସି ଶାକ୍ତିମାନି ସେନାର୍‌ତି, ଗଡ଼ାତିଙ୍ଗ୍, ଆରେ ଗଡ଼ାଙ୍ଗ୍ ଚାଲାଇ କିନାକାର୍, ହାଃତି ଗାଗାଡ଼୍‌ନି ଜାଇତିଙ୍ଗ୍ ୱାଜି ତିନାଟ୍। ଏପେଙ୍ଗ୍ ହେବେ ୱିଜୁ ମାନାୟାର୍ ହାଃତି ଗାଗାଡ଼୍‌ନି ଜାଇ, ଚାକର୍ ଆତି ମାନାୟାର୍ ଜାଇ କି ଚାକର୍ ଆୱିତି ମାନାୟାର୍ ଜାଇ, ଗାଜା କି ହିରୁ ୱିଜୁ ମାନାୟାର୍ ହାଃତି ଗାଗାଡ଼୍‌ନି ଜାଇତିଙ୍ଗ୍ ଚିଞ୍ଜେଙ୍ଗ୍ ଆଡ୍‌ନାଦେର୍।

ହତ୍‌ତି 19:20

ହେ ଯୁଜ୍‌ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍‌କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍‌ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍‌। ଆରେ ଇମ୍‌ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍‌ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍‌ତାକେ ପକାୟ୍ କିତାର୍।

ହତ୍‌ତି 19:5

ତାପାଚେ ସିଙ୍ଗାସନତାଙ୍ଗ୍ ର ମାନାୟ୍ ଇଲେକେ ୱେଚ୍‌ଚି ମାଚାନ୍, “ତାଙ୍ଗେଙ୍ଗ୍ ସନ୍‌ମାନ୍ ହିନି ମାନାୟାର୍ ଗାଜା ହିରୁକାର୍ ପାତେକ୍ ଆରେ ତାଙ୍ଗେଙ୍ଗ୍ ହେବା କିନାକାରିଙ୍ଗ୍ ମା ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ହତ୍‌ତି 20:12

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍‌ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍‌ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍‌ତିଙ୍ଗ୍ ଈଶ୍ୱର ବିଚାର୍ କିତାନ୍।

ହତ୍‌ତି 20:4

ତାପାଚେ ବେସି ଜବର୍ ସିଙ୍ଗାସନକୁ ହୁଡ଼୍‌ତାଙ୍ଗ୍, ଆରେ ହେ ସିଙ୍ଗାସନ୍‌ତାକେ କୁଚ୍‌ଚି ମାଚି ମାନାୟାରିଙ୍ଗ୍ ବିଚାର୍‌କିନି ଅଦିକାର୍ ହିଜି ମାନାନ୍, ଆରେ ପା କେତେକ୍ ହାଃତି ମାନାୟାର୍ ଆତ୍ମାକାଙ୍ଗ୍ ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାରିଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ଚି କାଜିଙ୍ଗ୍ ଆରେ ଈଶ୍ୱର କାତାତିଙ୍ଗ୍ ଶୁଣାୟ୍ କିତି କାଜିଙ୍ଗ୍ ହେୱାରିଙ୍ଗ୍ ହାକ୍‌ତ ହଣ୍‌ଜି ମାର୍ନେ ଅସ୍ତି ମାଚାର୍। ଆରେ ହେ ପଶୁତିଙ୍ଗ୍ କି ତା ମୁର୍ତିତିଙ୍ଗ୍ ପୁଜା କିୱିତି ମାନାୟାର୍ କି ତା ଚିନାତିଙ୍ଗ୍ କେଇଦ କି ନିଦାଣ୍‌ତାକେ ଅୱିତି ଆତ୍ମାଙ୍ଗ୍ ହେବେ ମାନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ଆରେରଗ ଜିବୁନ୍ ଆତାର୍ ଆରେ ଖ୍ରୀଷ୍ଟ ହୁଦାଙ୍ଗ୍ ହାଜାର୍ ବାର୍ହୁ ପାତେକ୍ ସାସନ୍ କିତାର୍।

ହତ୍‌ତି 6:15

ଲାଗିଙ୍ଗ୍ ପୁର୍ତିନି ରାଜାର୍, ସାସନ୍ କିନାକାର୍, ସେନାର୍ ମୁକ୍ୟାର୍, ହାଉକାରିଙ୍ଗ୍, ବେସି ଶାକ୍ତିକାଟି ମାନାୟାର୍ ଆରେ ଚାକରାର୍। ଚାକର୍ ଆୱାତାକାର୍ ପା, ଡ଼ୁଗ୍‌ଦେଙ୍ଗ୍ ପାରାତାକେ ଆରେ ମାଡ଼ିନି କାଲ୍‌କୁ ତାରେନ୍ ୱିଜାକାର୍ ହାଚାର୍।

ହତ୍‌ତି 7:3

“ମାନାଟ୍ ଆସେଙ୍ଗ୍ ଈଶ୍ୱରତିଙ୍ଗ୍ ହେବାକିନି ମାନାୟାର୍ କାପ୍‌ଡ଼ାତ ସିଲ୍ ଇଡ଼୍‌ୱି ପାତେକ୍ ଏପେଙ୍ଗ୍ ପୁର୍ତିନି, ହାମ୍‌ଦୁର୍, କି ମାର୍ ଦେର୍ ବିନାସ୍ କିମାଟ୍।”