ହତ୍‌ତି 13:15 - New Testament in Pengo Parja Language

¹⁵ ହେ ଦୁଇ ନମ୍ବର୍ ପଶୁତିଙ୍ଗ୍ ପାର୍ତୁମ୍ ପଶୁ ମୁର୍ତିତିଙ୍ଗ୍ ଜିବୁନ୍ କିନି ଅଦିକାର୍ ଈଶ୍ୱର ହିଜିମାଚାନ୍। ଲାଗିଙ୍ଗ୍ ହେ ମୁର୍ତି ବେଣ୍‌କିଦେଙ୍ଗ୍ ଆଡ଼୍‍ତାତ୍ ଆରେ ହେ ମୁର୍ତି ୱିଜାର୍ ମାନାୟାରିଙ୍ଗ୍ ଆଦେସ୍ ହିନାତ୍ ଯେ, ତାଙ୍ଗେଙ୍ଗ୍ ପୁଜା କିୱି ମାନାୟାରିଙ୍ଗ୍ ମାର୍ନେ ଅହାଟ୍।

ସତ୍‌ ବଚନ୍‌ ପୁନି ନିୟମ୍‌

¹⁵ ପର୍ତୁମ୍‌ ପସୁତି ଡ଼ିଗାତ ପୁତ୍‌ଡ଼ା ନେଞ୍ଜେନାକା ହିଜ଼ି ତା ଜିବୁନ୍‌ କିନାକା ରିଣ୍ଡାଙ୍ଗ୍‌ ପସୁ ପୁଞ୍ଜିମାଚିକ୍‌ । ୱିଜ଼୍‌ୱି ଡ଼ିଗା କାତା ଇଚାତ୍‌ ଆରି ଇମ୍‌ଣାକାର୍‌ ତା ପୁଜା କିୱାତାର୍‌, ହେୱାରିଂ ଆରେ କିଦେଙ୍ଗ୍‌ ଆଡ଼୍‌ତାର୍‌ ।

ହତ୍‌ତି 13:15 Iomraidhean Croise

ଜାକ୍‌ବ 2:26

ଲାଗିଙ୍ଗ୍ ଆତ୍ମା ହିଲ୍‌ୱିତିସ୍ ଗାଗାଡ଼୍ ଇନେସ୍ ହାଃତି ଲେକେ, ହେଲେକେ ନେ ହାର୍ଦି କାମାୟ୍ କିୱାଦାଙ୍ଗ୍ ପାର୍ତି କିନାକା ପା ହାଃତି ଲେକେ।

ହତ୍‌ତି 13:1

ତାପାଚେ ହାମ୍‌ଦୁର୍ ବିତ୍ରେତାଙ୍ଗ୍ ର ପଶୁ ହସି ୱାନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ତାଙ୍ଗେଙ୍ଗ୍ ସାତ୍‌ଗଟା କାପ୍‍ଡ଼ାଙ୍ଗ୍ ଆରେ ଦଶ୍‌ଗଟା କମଙ୍ଗ୍ ମାଚିକ୍, ହେ ଦଶ୍‌ଗଟା କମକାଙ୍ଗ୍ ଦଶ୍‌ଗଟା ମୁକୁଟ୍ ମାଚିକ୍ ଆରେ ହେ ସାତ୍‌ଗଟା କାପ୍‍ଡ଼ାଙ୍ଗ୍ ଈଶ୍ୱରତିଙ୍ଗ୍ ନିନ୍ଦାକିନି ତର୍‌ ଲେକାଆଜି ମାଚାତ୍।

ହତ୍‌ତି 13:12

ହେୱାନ୍ ପାର୍ତୁମ୍ ପଶୁ ଶାକ୍ତି ହୁଦାଙ୍ଗ୍ କାମାୟ୍ କିତିଲେକେ ହେୱାନ୍ କିଜି ମାଚାନ୍। ହେୱାନ୍ ଇଚା କିଜି ମାଚାନ୍ ଯେ, ପୁର୍ତିନି ୱିଜାର୍ ମାନାୟାର୍ ହେ ପାର୍ତୁମ୍ ପଶୁତିଙ୍ଗ୍ ପୁଜାକିନି କାଜିଙ୍ଗ୍ ଜବର୍ ଦସ୍ତ୍ କିଜି ମାଚାନ୍ ଇନେରିଙ୍ଗ୍ ଆଗେ ଗାଅ ଆଜି ମାଚାତ୍ ମାତର୍ ପାଚେ ହାର୍ ଆଜି ମାଚାନ୍।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 14:11

ହେୱାରିଙ୍ଗ୍ କଷ୍ଟ ହିନି ନାଣିନି ଦୁଆଁ ୱିଜୁଦିନ୍ ବାଦାଡ଼୍‌ତାକେ ହାଲ୍‌ଜି ମାନାତ୍। ହେୱାର୍ ୱେଡ଼ା ନାଣା ଦୁଃକ୍ କଷ୍ଟ ପାୟାଆଜି ମାନାର୍, “ଇନେସ୍‌କି ହେୱାର୍ ହେ ପଶୁତିଙ୍ଗ୍ ଆରେ ତା ମୁର୍ତିତିଙ୍ଗ୍ ପୁଜା କିତାର୍, ଆରେ ହେୱାର୍ ପଶୁତି ଚିନ୍‌ତିଙ୍ଗ୍ ପା ଆସ୍ତାର୍।

ହତ୍‌ତି 14:9

ତାପାଚେ ହେ ଦୁଇ ନମ୍ବର୍ ଦୁତ୍ ୱେଚ୍‌ଚି ପାଚେ ତିନ୍ ନମ୍ବର୍ ଦୁତ୍ ୱାଜି ୱେଚ୍‌ଚାତ୍, “ଇମ୍‌ଣି ମାନାୟାର୍ ହେ ପଶୁତିଙ୍ଗ୍ ତା ମୁର୍ତିତିଙ୍ଗ୍ ପୁଜା କିନାର୍ କି ତିନା କେଇଦ କି ନିଦାଣ୍‌ତାକେ ତା ଚିନ୍ ଅନାର୍।”

ହତ୍‌ତି 16:2

ଲାଗିଙ୍ଗ୍ ପାର୍ତୁମ୍ ଦୁତ୍ ମନ୍ଦିର୍‌ତାଙ୍ଗ୍ ୱାଜି ଗିନାତାକେ ମାଚି ଈଶ୍ୱର ଦଣ୍ଡ୍‌ତିଙ୍ଗ୍ ପୁର୍ତିତାକେ ୱାକ୍‌ତାତ୍‌। ଆରେ ହେଦାପ୍ରେ ଇମ୍‌ଣି ମାନାୟାର୍ ପଶୁନି ଚିନ୍ ଅଜିମାଚାର୍ ଆରେ ତା ମୁର୍ତିତିଙ୍ଗ୍ ପୁଜାକିଜି ମାଚାର୍, ହେୱାର୍ ଗାଗାଡ଼୍‌ତାକେ ବେସି ବିସ୍ କିନି ଗାଅ ଆତାତ୍।

ହତ୍‌ତି 16:5

ହେପାଦ୍ନା ୱିଜୁ ଏଜୁଙ୍ଗ୍ ଜପି ଅଦିକାର୍ ମାନି ଦୁତ୍ ୱେଚ୍‌ନାକା ଆନେଙ୍ଗ୍ ୱେଚାଙ୍ଗ୍, “ହେ ପବିତ୍ର ଈଶ୍ୱର, ଏନେଙ୍ଗ୍ ନଙ୍ଗୟ୍ ମାନାୟ୍ ଆରେ ୱିଜୁଦିନ୍ କାଜିଙ୍ଗ୍ ମାନ୍‌ଙ୍ଗାନାୟ୍‌, ଏନେଙ୍ଗ୍ ଟିକ୍ ଦଣ୍ଡ୍ ହିନାୟା।

ହତ୍‌ତି 17:14

ହେ ୱିଜାର୍ ରାଜାର୍ ମାହାଆଜି ମେଣ୍ଢା ଇନେର୍‌କି ଯୀଶୁ ହୁଦାଙ୍ଗ୍ ଯୁଜ୍ କିନାର୍। ମାତର୍ ହେ ମେଣ୍ଢା ଇନେର୍‌କି ଯୀଶୁ ଆରେ ହେୱାନ୍ ହିର୍‌ବାତାକାର୍, ତା ବାଚିକିତି ମାନାୟାର୍, ଆରେ ତା ଦରମ୍ ମାନାୟାର୍ ହୁଦାଙ୍ଗ୍ ମାହାଆଜି ହେୱାରିଙ୍ଗ୍ ଆରାୟ୍ କିତାର୍, ଇନେସ୍‌କି ହେୱାନ୍ ନେ ୱିଜୁ ମାପୃତାଙ୍ଗ୍ ମାପୃ ଆରେ ୱିଜୁ ରାଜାର୍‌ତାଙ୍ଗ୍ ରାଜା।

ହତ୍‌ତି 17:17

ଇମ୍‌ଣି କଗ୍‌ଲେଙ୍ଗ୍ ନାଗୁଡ଼୍ କାଣ୍ଡିତାକେ କୁଚ୍‍ଚାକା ଏନେଙ୍ଗ୍ ହୁଡ଼୍‌ଜି ମାଚାୟ୍, ହେଦାଙ୍ଗ୍ ରଞ୍ଜାଙ୍ଗ୍ ଗାଜା ସହର୍ ହେ ସହର୍ ପୁର୍ତିନି ୱିଜାର୍ ରାଜାରିଙ୍ଗ୍ ସାସନ୍ କିନାତା। ଇ ୱିଜୁ ବିଷୟ ହେ କଗ୍‌ଲେଙ୍ଗ୍ ଗଟାଆତାତ୍‌ନା, ଇନେସ୍‌କି ଇ ୱିଜୁ କିନି କାଜିଙ୍ଗ୍ ହେୱାର୍ ମାନ୍ତ ଈଶ୍ୱର ଉପାୟ୍ ହିତାନ୍‌ନା। ହେଦାଙ୍ଗ୍ କାଜିଙ୍ଗ୍ ଈଶ୍ୱର ୱେଚ୍‌ଚି ୱିଜୁ କାତା ପୁରା ଆୱି ପାତେକ୍, ହେୱାର୍ ଦଶ୍‌ଜାଣ୍ ରାଜାର୍ ତା ଅଦିକାର୍ ହୁଦାଙ୍ଗ୍ ସାସନ୍ କିନି କାଜିଙ୍ଗ୍ ହେ ପଶୁତିଙ୍ଗ୍ ହିନାର୍।

ହତ୍‌ତି 17:6

ଆନେଙ୍ଗ୍ ହୁଡ଼୍‌ଜି ମାଚାଙ୍ଗ୍ ଯେ, ହେ କଗ୍‌ଲେଙ୍ଗ୍ କାଲିଙ୍ଗ୍ ଉଣିଲେକେ ଈଶ୍ୱର ପବିତ୍ର ମାନାୟାର୍ ନେତେର୍‌ତିଙ୍ଗ୍ ଉଣ୍‌ଜି ମାଚାତ୍। ଇମ୍‌ଣି ମାନାୟାରିଙ୍ଗ୍ ଯୀଶୁ କାଜିଙ୍ଗ୍ ମାର୍ନେ ଅସ୍ତି ମାଚାର୍, ଇନେସ୍‌କି ହେୱାର୍ ଖ୍ରୀଷ୍ଟ କାତା ମାନିକିଜି ମାଚାର୍। ଆରେ ହେ କଗ୍‌ଲେଙ୍ଗ୍ ହୁଡ଼୍‌ଜି ଆନେଙ୍ଗ୍ ଚାନିଆ ଆତାଙ୍ଗ୍।

ହତ୍‌ତି 18:20

ଏ ସରଗ୍‌ତାକେ ମାନି ମାନାୟାର୍ ହେ ସହର୍ ବିନାସ୍‌ଆତି କାଜିଙ୍ଗ୍ ୱାରିୟା ଆଡ। ହେ ସାଦୁ ମାନାୟ୍ କାଦେର୍, ଏ ବାଚିକିତି ଚେଲା କାଦେର୍, ଇ ଭବିଷ୍ଯତବକ୍ତା ୱାରି କିୟାଟ୍, ଇନେସ୍‌କି ବାବିଲନ୍‌ ସହର୍‌ନି ମାନାୟାର୍ ମି ବିରଦ୍‌ତାଙ୍ଗ୍ କିଜିମାଚି ପାପ୍ କାଜିଙ୍ଗ୍ ଈଶ୍ୱର ହେ ସହର୍‌ତିଙ୍ଗ୍ ବିନାସ୍ କିତାନ୍।

ହତ୍‌ତି 18:24

ଈଶ୍ୱର ହେ ସହର୍‌ତିଙ୍ଗ୍ ଦଣ୍ଡ୍ ହିତାନ୍ ଭବିଷ୍ଯତବକ୍ତାରିଙ୍ଗ୍, ଈଶ୍ୱର ଲକ୍‌ତିଙ୍ଗ୍ ଆରେ ପୁର୍ତିନି ବିନ୍-ବିନ୍ ବାହାନି ମାନାୟାରିଙ୍ଗ୍ ପା ମାର୍ନେ ଅସ୍ତି ନେତେର୍ ଚଚ୍‌ଚି ମାଚାର୍।

ହତ୍‌ତି 19:20

ହେ ଯୁଜ୍‌ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍‌କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍‌ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍‌। ଆରେ ଇମ୍‌ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍‌ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍‌ତାକେ ପକାୟ୍ କିତାର୍।

ହତ୍‌ତି 20:4

ତାପାଚେ ବେସି ଜବର୍ ସିଙ୍ଗାସନକୁ ହୁଡ଼୍‌ତାଙ୍ଗ୍, ଆରେ ହେ ସିଙ୍ଗାସନ୍‌ତାକେ କୁଚ୍‌ଚି ମାଚି ମାନାୟାରିଙ୍ଗ୍ ବିଚାର୍‌କିନି ଅଦିକାର୍ ହିଜି ମାନାନ୍, ଆରେ ପା କେତେକ୍ ହାଃତି ମାନାୟାର୍ ଆତ୍ମାକାଙ୍ଗ୍ ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାରିଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ଚି କାଜିଙ୍ଗ୍ ଆରେ ଈଶ୍ୱର କାତାତିଙ୍ଗ୍ ଶୁଣାୟ୍ କିତି କାଜିଙ୍ଗ୍ ହେୱାରିଙ୍ଗ୍ ହାକ୍‌ତ ହଣ୍‌ଜି ମାର୍ନେ ଅସ୍ତି ମାଚାର୍। ଆରେ ହେ ପଶୁତିଙ୍ଗ୍ କି ତା ମୁର୍ତିତିଙ୍ଗ୍ ପୁଜା କିୱିତି ମାନାୟାର୍ କି ତା ଚିନାତିଙ୍ଗ୍ କେଇଦ କି ନିଦାଣ୍‌ତାକେ ଅୱିତି ଆତ୍ମାଙ୍ଗ୍ ହେବେ ମାନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ଆରେରଗ ଜିବୁନ୍ ଆତାର୍ ଆରେ ଖ୍ରୀଷ୍ଟ ହୁଦାଙ୍ଗ୍ ହାଜାର୍ ବାର୍ହୁ ପାତେକ୍ ସାସନ୍ କିତାର୍।