ହତ୍‌ତି 12:9 - New Testament in Pengo Parja Language

⁹ ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ସତ୍‌ ବଚନ୍‌ ପୁନି ନିୟମ୍‌

⁹ ହେବେ ସବୁ ଜଗତ୍‌ନି ବୁଲ୍‌କାୟ୍‌କିନି ଦିଆବଲ୍‌ ଆରି ସୟ୍‌ତାନ୍‌ ତର୍‌ଦ ଡାକ୍‌ପୁଟା ଜେ ଆଗେନି ରାଚ୍‌, ହେ ପ୍ଡାନି ନାଗ୍‌, ହେୱାନ୍‌ ତା ଦୁତକ୍‌ ଲାହାଙ୍ଗ୍‌ ପୁର୍ତିତ ୱାଜ଼ି ତୁହ୍ୟାତିକ୍‌ ।

ହତ୍‌ତି 12:9 Iomraidhean Croise

ମାତିଉ 13:39

ଇମ୍‌ଣି ଶାତ୍ରୁ କାଚ୍ରା ୱିତ୍‌ନାନ୍ ହେୱାନ୍‌ନେ ଶୟତାନ। ତାସ୍ ତେଜ୍‌ନି ଦିନ୍‌ନି ଅର୍ତ ଆନାତା ଯୁଗ୍‌ଶେସ୍। ଆରେ ତେଜ୍‌ନାକାର୍‌ ଈଶ୍ୱର ଦୁତ୍‌କୁ।

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାତିଉ 25:41

ତାପାଚେ ରାଜା ତା ଡେବା ବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାନ୍, ‘ନାବେତାଙ୍ଗ୍ ହାଲାଟ୍। ଈଶ୍ୱର ମି କାଜିଙ୍ଗ୍ ଦଣ୍ଡ୍ ବାଚି କିତାନ୍‌ନା। ଏପେଙ୍ଗ୍ ୱିଜୁଦିନ୍ କାଚାଆନି ନାଣିତାକେ ହାନାଦେର୍। ଇନେସ୍‌କି ଶୟତାନ ଆରେ ତା ଦୁତ୍‌କୁକାଜିଙ୍ଗ୍ ରହିଆତାତ୍‌ନା।’

ମାତିଉ 4:1

ପାଚେ ପବିତ୍ର ଆତ୍ମା ଯୀଶୁଙ୍ଗ୍ ଟାଙ୍ଗ୍ରାବାହାତ ଅଶାହାଚାତ୍। ହେବେ ଶୟତାନ ତାଙ୍ଗେଙ୍ଗ୍ ପରିକ୍ଷା କିଜି ମାଚାତ୍,

ମାତିଉ 4:10

ହେବେ ଯୀଶୁ ତାଙ୍ଗେଙ୍ଗ୍ ୱେଚ୍‌ଚାନ୍, “ନାବେତାଙ୍ଗ୍ ଦେହା ଆ ଶୟତାନ, ‘ଲାଗିଙ୍ଗ୍ ଈଶ୍ୱର ସାସ୍ତର୍‌ତାକେ ଲେକା ମାନାତ୍, ଏପେଙ୍ଗ୍ ଜାର୍ ମାପୃତିଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିନାଦେର୍, ଆରେ ହେୱାନିଙ୍ଗ୍‌ନେ ହେବା କିନାଦେର୍।’ ”

ମାତିଉ 4:5

ତାପାଚେ ଶୟତାନ ଯୀଶୁଙ୍ଗ୍ ଯିରୁଶାଲାମ ସହର୍‌ତାକେ ଅଜି ଈଶ୍ୱର ମାନି ମନ୍ଦିର୍‌ନି ଚାତ୍ ଜପି ନିଲି କିତାତ୍,

ମାତିଉ 4:8

ତାପାଚେ, ଶୟତାନ ଯୀଶୁଙ୍ଗ୍ ର ପାନ୍ତି ମାଡ଼ିଜପି ଅସାହାଲ୍‌ଜି ପୁର୍ତିନି ୱିଜୁ ରାଜି ଆରେ ଦନ୍‌ସମ୍ଫତିନି ହଲ୍‌ନାକା ଚଚ୍‌ଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:18

ଇଦାଙ୍ଗ୍ ୱେନ୍‌ଞ୍ଜି ଯୀଶୁ ୱେଚ୍‌ଚାନ୍, “ଆନେଙ୍ଗ୍ ଶୟତାନ୍‌ତିଙ୍ଗ୍ ଆରାୟ୍‌କିଜି ସରଗ୍‌ତାଙ୍ଗ୍ ବିଜ୍‌ଲି ଲେକେ ଆଜି ଆର୍ଦାନାକା ହୁଡ଼୍‌ତାଙ୍ଗ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:16

ଇ କଗ୍‌ଲେଙ୍ଗ୍ ଆନେଙ୍ଗ୍ ହାର୍ କିତାଙ୍ଗ୍ ହେଦେଲ୍ ମା ଅବ୍ରାହାମ୍‌ ଲାତ୍ରାନି ଗାଡ଼୍‌ଚେ ମାଚାତ୍। ଶୟତାନ ହେଦେଲିଙ୍ଗ୍ ଅଟ୍‌ର ବାର୍ହୁ ଆତାତ୍ ହଇରାଣ୍ କିଜି ମାଚାତ୍। ଲାଗିଙ୍ଗ୍ ଇନେସ୍ କିଜି ଜମ୍‌ନିଦିନ୍‌ ନାଞ୍ଜିଙ୍ଗ୍ ହେଦେଲ୍ ହାର୍ ଆନାତ୍?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:3

ହେପାଦ୍ନା ଯୀଶୁ ବାଚିକିତି ବାରଜାଣ୍ ଚେଲାହିର୍ ବିତ୍ରେତାଙ୍ଗ୍ ଇଷ୍କାରିତିୟ ଯିହୁଦା ତର୍‍ଦାକାନ୍ ତାକେ ଶୟତାନ ହଟାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:31

ଶିମୋନ, ଶିମୋନ, ‘ହୁଡ଼ା ନିଙ୍ଗେଙ୍ଗ୍ ଶୟତାନ୍ ୱିଜାକାରିଙ୍ଗ୍ ପରିକ୍ଷା କିଦ୍‌ଦେଙ୍ଗ୍ ମାପୃ ତାକେଣ୍ଡାଙ୍ଗ୍ ଆଦେସ୍ ଏନ୍ତାତ୍‌ନା, ହାର୍ଦି ମାନାୟ୍‌ତାଙ୍ଗ୍ ବାନ୍ୟା ମାନାୟ୍‌ତିଙ୍ଗ୍ ଜେକ କିଦେଙ୍ଗ୍, ଇନେସ୍‌କି ଚାଷି ଗହମ୍‌ତାଙ୍ଗ୍ ପଲଙ୍ଗ୍ ଅଲ୍‌ଗା କିତିଲେକେ।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:12

ଈଶ୍ୱର କାତା ଆନାତା ୱିତ୍‍ତି ବିୟାନ୍ ଲେକେ। ମାନାୟାର୍ ଈଶ୍ୱର କାତାତିଙ୍ଗ୍ ୱେନାର୍ ମାତର୍ ଶୟତାନ୍ ୱାଜି ୱେଚି କାତାତିଙ୍ଗ୍ ବାଣାଇ କିନାତ୍, ଇନେସ୍‌କି ହେୱାର୍ ଈଶ୍ୱରତାକେ ପାର୍ତି କିମେର୍ ଆରେ ରକ୍ଷା ପାୟାଆମେର୍ ଇଞ୍ଜି ଶୟତାନ୍ ମାନ୍‌କିନାତ୍। ହେୱାର୍ ହାଜ୍‌ଦ ଆର୍ତି ବିୟାନ୍ ଲେକେ।

ଜହନ୍‌ 12:31

ନଙ୍ଗୟ୍ ଇ ପୁର୍ତିତିଙ୍ଗ୍ ବିଚାର୍‌କିନି ଦିନ୍ ଏକିୱାତାତ୍, ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍‌ତିଙ୍ଗ୍ ବାର୍ତ ତୁସିହିନି ଦିନ୍ ୱାତାତ୍।

ଜହନ୍‌ 14:30

ଆନେଙ୍ଗ୍ ମିହୁଦାଙ୍ଗ୍ ଆରେ ବେସି ବେଣ୍ କିଦ୍‌ଦେଙ୍ଗ୍ ଆଡ଼୍‌ଦୁଙ୍ଗ୍। ଇ ପୁର୍ତିନି ସାସନ୍ କିନାକାନ୍ ୱାନାନା, ଆରେ ନାବେ ହେୱାନ୍‌ତି ଇନାକାପା ଆଦିକାର୍ ହିଲୁତ୍।

ଜହନ୍‌ 16:11

ନ୍ୟାୟ୍ ବିଚାର୍ ବିଷୟରେ ପୁର୍ତିତିଙ୍ଗ୍ ଚଚ୍‍ନାନ୍, ଇନେସ୍‌କି ପୁର୍ତିନି ସାସନ୍ କିନି ଶୟତାନ୍ ବିଚାର୍ ଆତାନେ।

ଜହନ୍‌ 8:44

ଶୟତାନ୍ ଆନାନା ମିଞ୍ଜ୍‌ବା ଆରେ ଏପେଙ୍ଗ୍ ତା ମେହି କାଦେର୍। ଏପେଙ୍ଗ୍ ତା ଇଚାତାଙ୍ଗ୍ କାମାୟ୍ କିନାଦେରା। ହେୱାନ୍ ଆଗେତାଙ୍ଗ୍ ମାନାୟ୍ ମାରୁ, ଆରେ ହେୱାନ୍ ଇନାୱେଡ଼ାଙ୍ଗ୍ ପା ସତ୍ ୱେଚ୍‌ୱାତାନ୍‌ନା। ଇନେସ୍‌କି ହେୱାନ୍ ମିଚ୍‌ୱା। ଏଚେପାଦ୍ନା ହେୱାନ୍ ମିଚ୍ କାତା ୱେଚ୍‌ନାନ୍, ହେପାଦ୍ନା ହେୱାନ୍ ଜାର୍‌ତିଙ୍ଗ୍ ୱେଚ୍‌ନାନ୍। ଇନେସ୍‌କି ହେୱାନ୍ ମିଚ୍ ୱେଚ୍‌ନି ମାନାୟ୍, ଆରେ ହେୱାନ୍ ମିଚ୍ ୱେଚ୍‌ନାକାର୍ ତାଞ୍ଜିବା।

ପକ୍ୟାତାକା 26:18

ଲାଗିଙ୍ଗ୍ ହେୱାର୍ କରାପ୍ କାମାୟ୍ ପିସ୍ତି ହାର୍ଦି କାମାୟ୍ କିନାର୍, ଆରେ ଶୟତାନ୍ ଶାକ୍ତିତାଙ୍ଗ୍ ଈଶ୍ୱର ଲାଗାୟ୍ ୱାତିସ୍, ଈଶ୍ୱର ହେୱାର୍ ପାପ୍‌ତିଙ୍ଗ୍ କେମା କିନାନ୍। ଆରେ ନାବେ ପାର୍ତି କିଦେଙ୍ଗ୍ ଇନେରିଙ୍ଗ୍ ଦରମ୍ ମାନାୟ୍ କିତାନ୍‌ନା ହେୱାର୍ ହୁଦାଙ୍ଗ୍ ମାଞ୍ଜେଙ୍ଗ୍ ଈଶ୍ୱର ଆଦିକାର୍ ହିନାନ୍।

ପକ୍ୟାତାକା 5:3

ଇଦାଙ୍ଗ୍ ହୁଡ଼୍‌ଜି ପିତର ୱେଚ୍‌ଚାନ୍, “ଏ ହନନିୟ, ଏନେଙ୍ଗ୍ ଇନା କିଦେଙ୍ଗ୍ ଶୟତାନ୍ ସାଇଜତାଙ୍ଗ୍ ଇନା କିଦେଙ୍ଗ୍ ପବିତ୍ର ଆତ୍ମାତିଙ୍ଗ୍ ମିଚ୍ କାତା ୱେଚ୍‌ଚାଇ। ଏନେଙ୍ଗ୍ ଇନାକା ଜମି ପତି ଡାବୁଙ୍ଗ୍‌ତାଙ୍ଗ୍ ର ବାଗ୍ ଡ଼ୁକ୍‌ଚି ଇଟ୍‌ୱାତାଇ କି?

ରୋମିୟ 16:18

ହେ ଲେଗ୍‌ଦି ମାନାୟାର୍ ମା ମାପୃ ଯୀଶୁ ଖ୍ରୀଷ୍ଟଙ୍ଗ୍‌ ହେବା କିଉରା, ହେୱାର୍ ଜାର୍‌ତିଙ୍ଗ୍‌ ହେବାକିନାରା। ହେୱାର୍ ଦରମ୍ ମାନାୟାରିଙ୍ଗ୍ ଟକାୟ୍ କିଦେଙ୍ଗ୍ ଚିକ୍‌ଣାୟ୍ କିଜି କାତା ଇନାର୍।

ରୋମିୟ 16:20

ଲାଗିଙ୍ଗ୍ ଶାନ୍ତି ହିଦ୍‌ନି ଈଶ୍ୱର ବେଗି ଶୟତାନ ସାକ୍ତିତିଙ୍ଗ୍ ବିନାସ୍ କିଜି ମି ତାରେନ୍ ତାହିୱାନାତ୍, ମା ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା କିଦେନ୍।

୨ କରନ୍ତିୟ 11:14

ମାତର୍ ହେୱାର୍ କାଜିଙ୍ଗ୍ ଆନେଙ୍ଗ୍ ଚାନିଆ ଆଉଙ୍ଗା, ଇନେସ୍‌କି ଶୟତାନ ଜାର୍‌ତିଙ୍ଗ୍ ଅଜଡ଼୍‌ନି ଦୁତ୍ ଇଞ୍ଜି ୱେଚ୍‌ନାତା।

୨ କରନ୍ତିୟ 11:3

ମାତର୍ ପାର୍ତୁମ୍ କଗ୍‌ଲେଙ୍ଗ୍ ହବାଙ୍ଗ୍ ଶୟ୍‌ତାନ୍ ରାଚ୍ ହେଲେକେ ଆଜି ଟକାୟ୍ କିତାତ୍। ହେଲେକେ ଶୟ୍‌ତାନ୍ ମିଚ୍ ହିକ୍ଷାହିନି ମାନାୟାର୍‌ଲେକେ ଆଜି ମିଙ୍ଗେଙ୍ଗ୍ ପା ଚାଲାକି କିଜି ଟକାୟ୍ କିଦ୍‌ନାତ୍ ଆରେ ଏପେଙ୍ଗ୍ ଖ୍ରୀଷ୍ଟଙ୍ଗ୍ ହେବା କିନାକା ବନ୍ଦ୍ କିନାଦେର୍ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

୨ କରନ୍ତିୟ 12:7

ମାତର୍ ଈଶ୍ୱର ନାଙ୍ଗେଙ୍ଗ୍ ଚଚ୍‌ଚି ମାନ୍‌ଞ୍ଚି ଚାନିଆଆନି ବିଷୟରେ ଚଞ୍ଜିଆ ଆନି ଦର୍‌କାର୍ ଆକାୟ୍। ଇନେସ୍‌କି ଶୟତାନନି ଡାଣ୍ଡାସି ନା ଗାଗାଡ଼୍‌ତାକେ ର ୱାଡ଼ି କଷ୍ଟ ପାୟା ଆଦେଙ୍ଗ୍ ହିତ୍‌ତାନ୍‌ନା ଆରେ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଦେଙ୍ଗ୍ ଆଡୁଙ୍ଗା।

୨ କରନ୍ତିୟ 2:11

ଲାଗିଙ୍ଗ୍ ଶୟତାନ ମା ଜପି ଜିତା ଆଦେଙ୍ଗ୍ ଆଡୁତ୍, ଇନେସ୍‌କି ଆପେଙ୍ଗ୍ ପୁଚାପ୍‌ନା ଯେ, ହେ ଶୟତାନ ୱିଜୁଦିନ୍ ମାଙ୍ଗେଙ୍ଗ୍ ପାପ୍ କାମାୟ୍ କିୟିକିଦେଙ୍ଗ୍ ଉପାୟ୍ କିନାତା।

୨ କରନ୍ତିୟ 4:4

ଆସେଙ୍ଗ୍ ଶୁଣାୟ୍ କିନି ହାର୍ଦିକାବୁର୍‌ତିଙ୍ଗ୍ ପାର୍ତିକିୱି ମାନାୟାରିଙ୍ଗ୍ ଇ ପୁର୍ତିତିଙ୍ଗ୍ ସାସନ୍ କିନି ଶୟତାନ୍, ତା ମାନ୍‌ତିଙ୍ଗ୍ କଣ୍ଟ୍ରୁଲ୍ କିନାତା ଆରେ ବୁଜା ଆଦେଙ୍ଗ୍ ହିଉତା। ଲାଗିଙ୍ଗ୍ ଈଶ୍ୱରଲେକେ ଚଞ୍ଜ୍‌ନି ଖ୍ରୀଷ୍ଟ ଯୀଶୁ ବିଷୟନି ହାର୍ଦିକାବୁର୍ ଆରେ ତା ଗୌରବତିଙ୍ଗ୍ ବୁଜା ଆଦେଙ୍ଗ୍ ଆଡୁରା।

ଏପିସିୟ 4:14

ଲାଗିଙ୍ଗ୍ ଆସେଙ୍ଗ୍ ହିରୁ ହିମ୍‌ଣା ଲେକେ ଆଜି ମାନୁସ୍, ଆରେ ହିରୁ ଡଙ୍ଗା ଲଉଡ଼ି ଆରେ ଡ଼ୁଇତାକେ ଇନି ଆନି ଆତି ଲେକେ ଆସେଙ୍ଗ୍ ଆଉସ୍। ଇନେସ୍‌କି ଟକୁୱା ମାନାୟାର୍ ମାଙ୍ଗେଙ୍ଗ୍ ଆରେ ଟକାଇ କିଦ୍‌ଦେଙ୍ଗ୍ ଆଡ଼୍‌ଦୁର୍, କି ଚାତୁର୍ ମାନାୟାର୍ ବୁଲ୍ ହିକ୍ଷାତାଙ୍ଗ୍ ମାଙ୍ଗେଙ୍ଗ୍ ବୁଲ୍‌କାଇ କିଦ୍‌ଦେଙ୍ଗ୍ ଆଡ଼୍‌ଦୁର୍।

୨ ଥେସଲନୀକିୟ 2:3

ଇନେସ୍‌କି ଇନେର୍‌ପା ମିଙ୍ଗେଙ୍ଗ୍ ଟକାୟ୍ କିଦୁର୍ ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍ ଯେ, ମାପୃ ଯୀଶୁ ୱାୱି ଆଗେ ବେସିହେନି ମାନାୟାର୍ ଈଶ୍ୱରତିଙ୍ଗ୍ ବିରଦ୍ କିନାର୍। ଆରେ ହେ ବିନାସ୍ କିନି ମେହି ଅଦରମ୍‌ନି ମାନାୟ୍ ଚଞ୍ଜିଆ ଆନାନ୍, ହେଲେକେ ଆୱି ପାତେକ୍ ମାପୃ ଯୀଶୁ ପୁର୍ତିତାକେ ୱାଉନ୍।

୧ ତିମତି 2:14

ଆଦମ ଟକାଇ ଆୱାତାନ୍‌ନା ମାତର୍ ହବା ନେ ରାଚ୍‌ତାଙ୍ଗ୍ ଟକାଇ ଆତାତ୍‌ନା। ଇ ଲେକେ ହବା ଈଶ୍ୱର ଆଦେସ୍‌ତିଙ୍ଗ୍ ମାନିକିୱାଦାଙ୍ଗ୍ ହେଦେଲ୍ ପାପି ଆତାତ୍‌ନା।

୨ ତିମଥି 3:13

ମାତର୍ କରାପ୍ ମାନାୟାର୍ ଆରେ ଟକ୍‌ୱା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ କରାପ୍ କାମାୟ୍ କିନାର୍। ହେୱାର୍ ମାନାୟାରିଙ୍ଗ୍ ଟକାଇ କିନାର୍ ଆରେ ନିଜେ ପା ଜେକନିକାର୍‌ତାଙ୍ଗ୍ ଟକାଇ କିୟିଆନାର୍।

ଏବ୍ରି 2:14

ଇନେସ୍‌କି ଈଶ୍ୱର ହିମ୍‌ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍‌କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍‌ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍‌ନି ଶାକ୍ତି ଇଡ଼୍‌ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍‌ତାନ୍।

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

୧ ଯୋହନ 5:19

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ଈଶ୍ୱର ମେହିକାପ୍, ମାତର୍ ଶୟତାନ୍ ଇ ପୁର୍ତିନି ମାନାୟାରିଙ୍ଗ୍ ତା ଅଦିନ୍‌ରେ ଇଡ଼୍‌ତାତ୍‌ନା।

ଜିହୁଦା 1:9

ଈଶ୍ୱରତି ମୁଡ଼୍ ଦୁତ୍ ମୀଖାୟେଲ ଇ ବୁଲ୍ ହିକ୍ଷାହିନି ମାଷ୍ଟେରାର୍‌ତାଙ୍ଗ୍ ଗାଜାକାନ୍‌ ଆତିସ୍‌ପା, ଇୱାର୍ ଲେକେ ବ୍ଯବହାର୍ କିୱାଦାଙ୍ଗ୍ ମାଚାନ୍। ଏଚେପାଦ୍ନା ମୋଶା ଭବିଷ୍ୟତବକ୍ତା ହାଃତି ଗାଗାଡ଼୍ ବିଷୟରେ ଶୟତାନ ମୀଖାୟେଲ ହୁଦାଙ୍ଗ୍ ଜୁକ୍ତି କିବାଆଜି ମାଚାର୍। ମୀଖାୟେଲ ଶୟତାନତିଙ୍ଗ୍ ନିନ୍ଦା କାତା ୱେଚ୍‌ଚି ଦସି କିୱାଦାଙ୍ଗ୍ ମାଚାନ୍, ହେୱାନ୍ ଶୟତାନତିଙ୍ଗ୍ ଏଚେକ୍ ୱେଚ୍‌ଚାନ୍ ଯେ, “ମାପୃ ନିଙ୍ଗେଙ୍ଗ୍ ଦମକ୍ ହିଦେନ୍।”

ହତ୍‌ତି 12:12

ସରଗ୍‌ତାକେ ଏଚେକ୍ ହେନି ମାନାଦେର୍ ୱିଜାଦେର୍ ୱାରିକିନି ଦର୍‌କାର୍, ମାତର୍ ଇମ୍‌ଣି ମାନାୟାର୍ ପୁର୍ତି ଆରେ ହାମ୍‌ଦୁର୍‌ତାକେ ମାନାରା। ହେୱାର୍ ବେସି ଦୁଃକ୍ କଷ୍ଟ ପାୟାଆନାର୍‌, ଇନେସ୍‌କି ହେ ରାଚ୍ ଶୟତାନ୍ ବେସି ରିସାଆଜି ପୁର୍ତିତାକେ ହାଚାତ୍‌ନା ହେୱାନ୍ ପୁଚାନ୍‌ନା ଯେ, ତା ସେସ୍‌ଦିନ୍ ଇକାୱାତାତେ।”

ହତ୍‌ତି 12:3

ହେଦାପ୍ରେ ବାଦାଡ଼୍‌ତାକେ ଆରେ ରଞ୍ଜାଙ୍ଗ୍ ଚାନିଆଆନି ଚିନ୍ ଆନେଙ୍ଗ୍ ହୁଡ଼୍‌ତାଙ୍ଗ୍। ହେବେ ରାତା କଲର୍ ର ଗାଜା ରାଚ୍ ମାଚାତ୍ ତାଙ୍ଗେଙ୍ଗ୍ ସାତ୍‌ଗଟା କାପ୍‍ଡ଼ାଙ୍ଗ୍ ଆରେ ଦଶ୍‌ଗଟା କମଙ୍ଗ୍ ମାଚିକ୍, ଆରେ ହେ ରାଚ୍ କାପ୍‌ଡ଼ାକାଙ୍ଗ୍ ସାତ୍‌ଗଟା ମୁକୁଟ୍ ମାଚିକ୍ ହେ ରାଚ୍ ନେ ଶୟତାନ୍।

ହତ୍‌ତି 12:7

ତାପାଚେ ସରଗ୍‌ତାକେ ମୀଖାୟେଲ ଆରେ ତା ଦୁତ୍‌କୁ ହେ ଗାଜା ରାଚ୍ ଆରେ ତା ଦୁତ୍‌କୁ ହୁଦାଙ୍ଗ୍ ଯୁଜ୍ କିତାର୍।

ହତ୍‌ତି 12:8

ହେ ଯୁଜ୍‌ତାକେ ହେ ରାଚ୍ ଆରେ ତା ଦୁତ୍‌କୁ ଆରା ଆତିକ୍, ହେୱାର୍ ଆରେ ସରଗ୍‌ତାକେ ମାଞ୍ଜେଙ୍ଗ୍ ଆଡ୍‍ୱିତିକ୍।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 16:14

ଇ ଶୟତାନ୍‌ନି ଆତ୍ମାକାଙ୍ଗ୍ ଚାନିଆ କାମାୟ୍ କିନି ଶାକ୍ତି ମାଚାତ୍, ଆରେ ହେୱାର୍ ପୁର୍ତିନି ୱିଜୁ ଦେସ୍‌ତିଙ୍ଗ୍ ସାସନ୍ କିନି ମାନାୟାରିଙ୍ଗ୍ ମାପୃ ୱିଜୁ ଶାକ୍ତିମାନି ଈଶ୍ୱର ବିଚାର୍‌କିନି ନାଞ୍ଜିଙ୍ଗ୍ ରୁଣ୍ଡାୟ୍ କିତାର୍। ହେୱାର୍ ଈଶ୍ୱର ବିରଦ୍‌ତାକେ ଯୁଜ୍ କିଦେଙ୍ଗ୍ ରୁଣ୍ଡାଆଜି ମାଚାର୍।

ହତ୍‌ତି 18:2

ହେ ଦୁତ୍ ଗାଜାକାଟ୍ କିଜି ୱେଚ୍‌ଚାତ୍, ବାବିଲନ୍‌ ସହର୍ ବିନାସ୍ ଆତାତ୍-ଗାଜା ବାବିଲନ୍‌ ସହର୍ ବିନାସ୍ ଆତାତ୍, ହେଦାଙ୍ଗ୍ ବୁତ୍ଆତ୍ମାଙ୍ଗ୍ ମାନି ବାହାଲେକେ ମାଚାତ୍। ଇନେସ୍‌କି ଇ ବାବିଲନ୍‌ ସହର୍ ୱିଜୁ ଜାତିନି ମାନାୟାରିଙ୍ଗ୍ ଅଙ୍ଗୁର୍ ରାସ୍‌ନି କାଲିଙ୍ଗ୍ ଉଣିଲେକେ ମୁର୍ତି ପୁଜା କିନାକା ହିକାୟ୍ କିତାତ୍। ପୁର୍ତିନି ୱିଜୁ ରାଜାର୍ ତା ହୁଦାଙ୍ଗ୍ ମାହାଆଜି ଗିଣ୍ କାମାୟ୍ କିତାର୍। ଇ କଗ୍‌ଲେ ଦାମିକା ଜିନିଷ୍‌ତିଙ୍ଗ୍ ଇଚାକିଜି ମାଚି କାଜିଙ୍ଗ୍ ପୁର୍ତିନି ୱିଜୁ ବେପ୍‌ରିଆର୍ ହାଉକାର୍ ଆତାର୍। ମାତର୍ ଇ ଲାଜ୍‌ ହିଲ୍‌ୱି ଦାରି କଗ୍‌ଲେଙ୍ଗ୍ ଈଶ୍ୱର ପାଗ୍‌ନାନ୍। ହେବେ ୱିଜୁ ପର୍‌କାର୍ ଶୟତାନ୍ ଆତ୍ମା ହାଲ୍‌ଜି ମାନ୍‌ଗିନିକ୍ ଆରେ ହେଦାଙ୍ଗ୍ କରାପ୍ ଆରେ ଅବସ୍ତା ପଟିଗୁଡା ଲେକେ ଆନାତ୍।”

ହତ୍‌ତି 18:23

ହେବେନି ମାନାୟାର୍ ଇନାୱେଡ଼ାଙ୍ଗ୍ ପା ବଇଟା ଅଜଡ଼୍ ହୁଡ଼୍‌ଦେଙ୍ଗ୍ ଆଡୁର୍, ଆରେ କାଡ଼୍‍ଦେ କି ଗାଡ଼୍‌ଚେ ବିବାଆନି ୱାରି କାବୁର୍ ୱେନ୍ୟା ଆଉତ୍। ଇନେସ୍‌କି ହେ ସହର୍‌ନି ବେପ୍‌ରିଆର୍ ବେସି ଶାକ୍ତି କାଟାକାର୍ ଆଜି ମାନାର୍, ଆରେ ପୁର୍ତିନି ୱିଜୁ ଜାତିନି ମାନାୟାରିଙ୍ଗ୍ ଗୁରୁ ଗୁଣିଆଁ କିଜି ଟକାୟ୍ କିଜି ଦେହା ଇଡ଼୍‌ଜି ମାନାର୍।

ହତ୍‌ତି 19:20

ହେ ଯୁଜ୍‌ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍‌କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍‌ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍‌। ଆରେ ଇମ୍‌ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍‌ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍‌ତାକେ ପକାୟ୍ କିତାର୍।

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।

ହତ୍‌ତି 2:24

ମାତର୍ ଥୁୟତିରା ସହର୍‌ତାକେ ମାନି ବାକି ଲକାର୍ କାଜିଙ୍ଗ୍ ପା ଆନେଙ୍ଗ୍ ର କାତା ୱେଚ୍‌ଚାନାଙ୍ଗା, ହେୱାର୍ ହେ ମିଚ୍ ହିକ୍ଷାତିଙ୍ଗ୍ ମାନି କିଉରା। ହେ କଗ୍‌ଲେ ଚେଲାହିର୍ ଇଦାଙ୍ଗ୍ ନେ ମୁକ୍ୟ ଜିନିଷ୍ ଇଞ୍ଜି ୱେଚ୍‌ଚାନାରା ଇମ୍‌ଣାକା ଶୟତାନତାଙ୍ଗ୍ ୱାତାତ୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ଆନେଙ୍ଗ୍ ୱାନି ପାତେକ୍ ଏପେଙ୍ଗ୍ ନାଙ୍ଗେଙ୍ଗ୍ ଆଦିକ୍ ପାର୍ତିକିଜି ମାନି ଆଦେସ୍ ପିସ୍ତି ଆରେ ଜେକନି ମୁକ୍ୟ ଆଦେସ୍ ହିଦୁଙ୍ଗା।

ହତ୍‌ତି 2:9

“ଆନେଙ୍ଗ୍ ପୁଚାଙ୍ଗ୍‌ନା ଯେ, ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାରା ଆରେ ଏପେଙ୍ଗ୍ ଗରିବ୍। ମାତର୍ ଏପେଙ୍ଗ୍ ଗରବ୍‌ତାକେ ହାଉକାର୍। ଆନେଙ୍ଗ୍ ପୁଚାଙ୍ଗ୍‌ନା ଯେ, ଇମ୍‌ଣି ଯିହୁଦି ଜାତିନି ମାନାୟାର୍ ଜାର୍‌ତିଙ୍ଗ୍ ଈଶ୍ୱର ବାଚି କିତ୍‌ତି ମାନାୟ୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ଆକାୟ୍। ହେୱାର୍ ମି ବିରଦ୍‌ତାକେ କରାପ୍ କାତା ଇନାରା, ଇନେସ୍‌କି ହେୱାର୍ ଶୟତାନ ଦଳ୍‌ନି ମାନାୟାର୍।

ହତ୍‌ତି 20:10

ଲାଗିଙ୍ଗ୍ ଶୟତାନ ଇନେର୍‌କି ମାନାୟାରିଙ୍ଗ୍ ଟକାୟ୍ କିଜି ମାଚାତ୍, ତାଙ୍ଗେଙ୍ଗ୍ ଗନ୍ଦକ ନାଣି ଆହ୍‌ନି କୁଣ୍ଡ୍‌ତାକେ ତୁସିହିନାର୍। ଇମେତାକେ ପାର୍ତୁମ୍ ପଶୁତିଙ୍ଗ୍, ଆରେ ଦୁଇ ନମ୍ବର୍ ପଶୁତିଙ୍ଗ୍ ଇନେର୍‌କି ମିଚ୍ ୱେଚ୍‌ନି ଭବିଷ୍ଯତବକ୍ତାଙ୍ଗ୍ ତୁସିହିନାର୍। ହେବେ ହେୱାର୍ ୱେଡ଼ା ନାଣା ୱିଜୁଦିନ୍ ଦୁଃକ୍ କଷ୍ଟ ପାୟା ଆନିକ୍।

ହତ୍‌ତି 20:8

ଲାଗିଙ୍ଗ୍ ହେ ଶୟତାନ ପୁର୍ତିତାକେ ମାନି ୱିଜୁ ଜାତିନି ମାନାୟାରିଙ୍ଗ୍, ତା ଅର୍ତ, ହାମ୍‌ଦୁର୍‌ନି ବାଲିଆ ଗୋଗ୍ ଆରେ ମାଗୋଗ୍‌ଲେକେ ମାନାୟାରିଙ୍ଗ୍ ଟକାୟ୍ କିନାତ୍ ଆରେ ୱିଜୁ ମାନାୟାରିଙ୍ଗ୍ ଯୁଜ୍ କିଦେଙ୍ଗ୍ ରବେ ରୁଣ୍ଡାୟ୍ କିନାତ୍।

ହତ୍‌ତି 3:9

ଲାଗିଙ୍ଗ୍ ହୁଡ଼ାଟ୍, ଇମ୍‌ଣି ମାନାୟାର୍ ଶୟତାନ ଦଳ୍‌ନି ମାନାୟାର୍ ହେୱାର୍ ଈଶ୍ୱର ବାଚି କିତ୍‌ତି ସତ୍ ଯିହୁଦି ମାନାୟାର୍ ଇଞ୍ଜି ଚଞ୍ଜିଆ ଆନାରା, ମାତର୍ ହେୱାର୍ ସତ୍ ଯିହୁଦି ମାନାୟାର୍ ଆକାୟ୍। ହେୱାର୍ ୱାଜି ମି କାଲ୍‌ପାନାତାକେ ମୁଣ୍ଡିଆ ଇଡ଼୍‌ଦାନାର୍ ଆରେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିନାଙ୍ଗା ଇଞ୍ଜି ହେୱାର୍ ପୁଞ୍ଜ୍‌ନାର୍।”

ହତ୍‌ତି 9:1

ତାପାଚେ ଏଚେପାଦ୍ନା ପାଞ୍ଚ୍ ନମ୍ବର୍ ଦୁତ୍ ମରି ତୁପ୍‌ତାତ୍, ହେପାଦ୍ନା ଆନେଙ୍ଗ୍ ହୁଡ଼୍‌ତାଙ୍ଗ୍ ଯେ, ବାଦାଡ଼୍‌ତାଙ୍ଗ୍ ପୁର୍ତିତାକେ ର ହୁକା ଆର୍‌ଦାତାତ୍‌। ତାଙ୍ଗେଙ୍ଗ୍ ପାତାଳ୍‌ନି କୁଚିକାଡିଙ୍ଗ୍ ହିଜିମାଚାନ୍।

ହତ୍‌ତି 9:20

ମାତର୍ ଇମ୍‌ଣି ମାନାୟାର୍ ନାଣି, ଦୁଆଁ ଆରେ ଗନ୍ଦକ କାଜିଙ୍ଗ୍ ହାଃୱାତାର୍‌ନା। ହେୱାର୍ ପା ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି କରାପ୍ କାମାୟ୍ କିନାକା ବନ୍ଦ୍ କିୱାତାର୍‌ନା। ହେୱାର୍ ମାନାୟାରିଙ୍ଗ୍ ମାର୍ନେ ଆହ୍‌ନିତାଙ୍ଗ୍, ମାନାୟାରିଙ୍ଗ୍ ପାଙ୍ଗାଣ୍ କିନାକା, ଦାରି କାମାୟ୍ କିନିତାଙ୍ଗ୍, ଚରି କିନିତାଙ୍ଗ୍ ମାନ୍‌ବାଦ୍‌ଲାୟ୍ କିୱାତାର୍‌ନା। ଆରେ ହେୱାର୍ ଜାର୍ କେଇଦାଙ୍ଗ୍ ହନା, ରୁପା, ପିତାଡ଼୍, କାଲ୍ ଆରେ ମାର୍‌ତାଙ୍ଗ୍ ରସ୍ତି ମୁର୍ତିଙ୍ଗ୍ ଇନେର୍‌କି ଶୟତାନତିଙ୍ଗ୍ ପୁଜା କିନାକା ବନ୍ଦ୍ କିୱାତାର୍‌ନା ଇମ୍‌ଣି ମୁର୍ତିଙ୍ଗ୍ ହୁଡ଼୍‌ଦେଙ୍ଗ୍ ଆଡୁକ୍, ୱେଞ୍ଜେଙ୍ଗ୍ ଆଡୁକ୍, କି ତାଙ୍ଗ୍‌ଦେଙ୍ଗ୍ ଆଡୁକ୍।