ହତ୍‌ତି 12:1 - New Testament in Pengo Parja Language

¹ ଏଚେପାଦ୍ନା ହେଦାଙ୍ଗ୍ ୱିସ୍ତାତ୍, ବାଦାଡ଼୍‌ତାକେ ର ଚାନିଆଆନି ଚିନ୍ ଚନ୍‌ଞ୍ଚାତ୍। ହେଦାଙ୍ଗ୍ ଇଲେକେ ର କଗ୍‌ଲେ ଲେଞ୍ଜ୍ ଜପି ନିଲ୍‌ଚି ମାଚାତ୍ ଆରେ ୱେଡ଼ାଲେକେ ଚଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାତ୍, ହେଦେଲ୍ ତା କାପ୍‌ଡ଼ାତ ର ମୁକୁଟ୍ ତୁସ୍‌ଦି ମାଚାତ୍ ହେ ମୁକୁଟ୍‌ତାକେ ବାରଗଟା ହୁକାଙ୍ଗ୍ ମାଚିକ୍।

ସତ୍‌ ବଚନ୍‌ ପୁନି ନିୟମ୍‌

¹ ୱିଜ଼୍‌ୱି ଆକାସ୍‌ତ ର ଗାଜା ଚିନ୍‌ ଚଞ୍ଜ୍‌ୟାତାତ୍‌; ରଞ୍ଜେଲ୍‌ କଗ୍‌ଲେ ଲେଞ୍ଜ୍‌ ଜପି ନିଲ୍‌ଚି ମାଚାତ୍‌ ଆରି ୱେଡ଼ା ଅଜଡ଼୍‌ ଉସ୍ପିସ୍‌ ମାଚାତ୍‌ । ତା କାପ୍‌ଡ଼ାତ ବାରଗଟା ହୁକାଂ ରଚ୍‌ଚାକା ର ମୁକୁଟ୍‌ ମାଚାତ୍‌ ।

ହତ୍‌ତି 12:1 Iomraidhean Croise

ମାତିଉ 12:38

ହେପାଦ୍ନା ପଣ୍ଡିତାର୍ ଆରେ ପାରୁସିଦଳ୍‍ ବିତ୍ରେତାଙ୍ଗ୍ କେତ୍‌ଜାଣ୍ ମାନାୟ୍ ଯୀଶୁଙ୍ଗ୍ ୱେଚ୍‌ଚାର୍, “ଏ ଗୁରୁ, ଆପେଙ୍ଗ୍ ନିବେତାଙ୍ଗ୍ ର ଚାନିଆଆନି ଚିନା ହୁଡ଼୍‌ଦେଙ୍ଗ୍ ଇଚା କିନାପା।”

ମାତିଉ 24:30

ତାପାଚେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ୱାନି ଚିନ୍ ବାଦାଡ଼୍‌ତ ଚଞ୍ଜ୍‌ଞ୍ଜାନାତ୍। ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ବାଦାଡ଼୍‌ତାକେ ଶାକ୍ତିତାଙ୍ଗ୍ ଆରେ ଗୌରବ ହୁଦାଙ୍ଗ୍ ୱାନାକା ହୁଡ଼୍‌ଜି ୱିଜୁଜାତିର୍ ମାନାୟାର୍ ଆଡ଼୍‌ବାନାର୍।

ମାର୍କ 13:25

ଆରେ ହୁକାଙ୍ଗ୍ ବାଦାଡ଼୍‌ତାଙ୍ଗ୍ ତାରେନ୍ ଆର୍‍ଦିନିକ୍ ଆରେ ବାଦାଡ଼୍‌ନିବାହା ସାକ୍ତି ହୁଦାଙ୍ଗ୍ ବାଗ୍-ବାଗ୍ ଆନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:11

ଆରେ ବାହା-ବାହାତ ବୁମିକମ୍ପ୍ ଆନାତ୍ ଆରେ କାତାର୍ ଆର୍ନାତ୍ ଆରେ ମାର୍‌ଡି ୱାନାତ୍। ଆରେ ଈଶ୍ୱର ସରଗ୍ ଜପିତାଙ୍ଗ୍ ଚାନିଆଆନି ଚିନା ଚଚ୍‌ଚାନାନ୍। ଆରେ ମାନାୟାର୍ ଇ ଚିନା ହୁଡ଼୍‌ଜି ବେସି ପାଣ୍ଡ୍ରା ଆନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:25

ଯୀଶୁ ଆରେରଗ ତା ଚେଲାହିରିଙ୍ଗ୍ ୱେଚ୍‌ଚାନ୍, “ୱେଡ଼ା, ଲେଞ୍ଜ୍ ଆରେ ହୁକାଙ୍ଗ୍ ବିତ୍ରେ ର ବିନ୍-ବିନ୍ ଚନ୍‌ଞ୍ଜାନାତ୍। ଆରେ ପୁର୍ତିତାକେ ୱିଜୁ ଜାତିନି ମାନାୟାର୍ ଦୁଃକ୍ ପାୟାଆନାର୍‌। ହାମ୍‌ଦୁର୍ ଆରେ ଲଉଡ଼ି ବୟଙ୍କାର୍ ଗାର୍ଜାନ୍ ଆନାତ୍‌, ହେ ବିଷୟରେ ମାନାୟାର୍ ଇନା କିଦେଙ୍ଗ୍ ଇଲେକେ ଆନାତା ହେୱାର୍ ପୁନ୍‌ଞ୍ଜେଙ୍ଗ୍ ଆଡୁର୍।

ଜହନ୍‌ 3:29

ଇନେର୍ ଯଦି ଡକ୍ରିଙ୍ଗ୍ ଆହ୍‌ନାନ୍ ହେୱାନ୍ ବର। ମାତର୍ ବର ପାର୍ଟି ନିକାର୍ ନିଲ୍‌ଚି ତା କାତା ୱେନାର୍। ଆରେ ହେୱାର୍ ବର ବେଣ୍ ୱେନ୍‌ଞ୍ଜି ବେସି ୱାରିଆ ଆନାର୍। ହେଲେକେ ଆନେଙ୍ଗ୍ ପା ୱାରି ଆନାଙ୍ଗ୍।

ପକ୍ୟାତାକା 2:19

ଆନେଙ୍ଗ୍ ବାଦାଡ଼୍‌ତାକେ ଚାନିଆଆନି କାମାୟ୍ ଚଚ୍‌ଚାନାଙ୍ଗ୍। ଆରେ ପୁର୍ତିତାକେ କେତେକ୍ ବିନ୍-ବିନ୍ ଚିନ୍ ଚଚ୍‌ଚାନାଙ୍ଗ୍। ମାନାୟାର୍ ଅସ୍‌ପା ଆତି ନେତେର୍ ଆରେ ନାଣି ଦୁଆଁ ପୁର୍ତିନି ମାନାୟାର୍ ହୁଡ଼୍‌ନାର୍।

ରୋମିୟ 13:14

ମାତର୍ ମାପୃ ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦେନ୍, ଆରେ ମି କରାପ୍ କାମାୟ୍ କିନି ଚିନ୍ତାୱିଜୁ ପୁରା କିନି କାଜିଙ୍ଗ୍ ବାବିକିମାଟ୍।

ରୋମିୟ 3:22

ତା ଅର୍ତ ଇଲେକେ ଯେ, ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟଙ୍ଗ୍ ମା ପାପ୍ ପିଣ୍‌ଜି ଅନାନ୍ ଇଞ୍ଜି ପାର୍ତି କିନାସ୍, ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିଦ୍‌ନାନ୍। ଆସେଙ୍ଗ୍ ଯିହୁଦି ଆଏସ୍‌ କି ବିନ୍ ଜାତିନିକାସ୍ ଆଏସ୍ ୱିଜାରିଙ୍ଗ୍ ହାମାନ୍ ଅଦିକାର୍ ହିତ୍‌ତାନ୍‌ନା।

୨ କରନ୍ତିୟ 11:2

ଈଶ୍ୱର ଚିନ୍ତା କିତିଲେକେ ଆନେଙ୍ଗ୍ ମି କାଜିଙ୍ଗ୍ ଚିନ୍ତା କିନାଙ୍ଗା। ଆନେଙ୍ଗ୍ ମିଙ୍ଗେଙ୍ଗ୍ ଖ୍ରୀଷ୍ଟଙ୍ଗ୍‌ନେ ହିଦ୍‌ଦେଙ୍ଗ୍ ପାର୍ମାଣ୍ କିତାଙ୍ଗ୍‌ନା ହେଦାଙ୍ଗ୍ ଇଲେକେ ଯେ, ର ଆବା ତା ବେଣ୍ଡିଆ ଗାଡ଼୍‌ଚେଙ୍ଗ୍ ବିବା ଆନିହିଙ୍ଗ୍ ତା ଡକ୍ରାହିଙ୍ଗ୍ ସର୍‌ପି କିନାନ୍।

ଗାଲାତିୟ 3:27

ଏପେଙ୍ଗ୍ ଏଚେଜାଣ୍ ଖ୍ରୀଷ୍ଟତାକେ ରବେଆଜି ଡୁବନ୍ ଆତାଦେର୍‌ନା, ଏପେଙ୍ଗ୍ ଖ୍ରୀଷ୍ଟଙ୍ଗ୍ ର ପୁନି ଆଙ୍ଗି ଲେକେ ଉସ୍‌ପାତାଦେର୍‌ନା।

ଗାଲାତିୟ 4:26

ମାତର୍ ଦୁଇ ନମ୍ବର୍ କଗ୍‌ଲେ ଆନାତା ସାରା, ହେଦେଲ୍ ସରଗ୍‌ନି ଯିରୁଶାଲାମ ସହର୍‌ନି କଗ୍‌ଲେ ଲେକେ। ହେଦେଲ୍ ସ୍ୱାଦିନ୍ ପାୟାଆତି କଗ୍‌ଲେ, ଆରେ ହେଦେଲ୍ ମାଞ୍ଜ୍‌ୟା।

ଗାଲାତିୟ 6:14

ମା ମାପୃ ଯୀଶୁ ଖ୍ରୀଷ୍ଟନି କୃଶକାଟ୍‌ତିଙ୍ଗ୍ ପିସ୍ତି, ଆନେଙ୍ଗ୍ ଆରେ ଇନାକାତାକେ ପା ଗର୍ବ କିଉଙ୍ଗ୍। ଇନେସ୍‌କି ଖ୍ରୀଷ୍ଟ କାଜିଙ୍ଗ୍, ଇ ଜଗତ୍‌ତାକେ ମାନି ନା ଇଚା କୃଶକାଟ୍‌ତାକେ ହାଃତାତ୍‌ନା, ଆରେ ନାବେ ମାନି ପୁର୍ତିନି ଇଚା ପା ହାଃତାତ୍‌ନା।

ଏପିସିୟ 5:32

ଇଦାଙ୍ଗ୍‌ ନେ ବେସି କଷ୍ଟନି ଅର୍ତ ମାନାତ୍, ମାତର୍ ଆନେଙ୍ଗ୍ ଖ୍ରୀଷ୍ଟ ଆରେ ମଣ୍ଡ୍‌ଲି ବିଷୟରେ ହାମାନ୍ କିଜି ୱେଚ୍‌ଚାନାଙ୍ଗା।

ହତ୍‌ତି 1:20

ନା କେଇଦ ମାନି ସାତ୍‌ଗଟା ହୁକାଙ୍ଗ୍ ଆରେ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ବିଷୟନି ଅର୍ତ ଇଲେକେ। ସାତ୍‌ଗଟା ହୁକାଙ୍ଗ୍‌ନି ଅର୍ତ ସାତ୍‌ଗଟା ମଣ୍ଡ୍‌ଲିନି ସାତ୍‌ଗଟା ଦୁତ୍‌କୁ, ଆରେ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ବିଷୟନି ଅର୍ତ ସାତ୍‌ଗଟା ମଣ୍ଡ୍‌ଲି।”

ହତ୍‌ତି 11:19

ହେପାଦ୍ନା ସରଗ୍‌ତାକେ ମାନି ଈଶ୍ୱର ମନ୍ଦିର୍‌ନି କାପାଟ୍ ଜେୟା ଆତାତ୍, ଆରେ ହେ ମନ୍ଦିର୍‌ତାକେ ତା ନିୟମ୍ ପେଡ଼ି ମାନାକା ଚନ୍‌ଞ୍ଚାତ୍। ଆରେ ବିଜ୍‌ଲି ଚମ୍‌କା ଆନାକା, ବାରବିନି ସବଦ୍ ଆନାକା, ବାଦାଡ଼୍ ଗାର୍ଜାନ୍ ଆନାକା, ବୁମିକମ୍ପ୍ ଆନାକା ଆରେ ଗାଜା ଆଞ୍ଜ୍‌ଗା ବାର୍ହା ଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍।

ହତ୍‌ତି 12:3

ହେଦାପ୍ରେ ବାଦାଡ଼୍‌ତାକେ ଆରେ ରଞ୍ଜାଙ୍ଗ୍ ଚାନିଆଆନି ଚିନ୍ ଆନେଙ୍ଗ୍ ହୁଡ଼୍‌ତାଙ୍ଗ୍। ହେବେ ରାତା କଲର୍ ର ଗାଜା ରାଚ୍ ମାଚାତ୍ ତାଙ୍ଗେଙ୍ଗ୍ ସାତ୍‌ଗଟା କାପ୍‍ଡ଼ାଙ୍ଗ୍ ଆରେ ଦଶ୍‌ଗଟା କମଙ୍ଗ୍ ମାଚିକ୍, ଆରେ ହେ ରାଚ୍ କାପ୍‌ଡ଼ାକାଙ୍ଗ୍ ସାତ୍‌ଗଟା ମୁକୁଟ୍ ମାଚିକ୍ ହେ ରାଚ୍ ନେ ଶୟତାନ୍।

ହତ୍‌ତି 15:1

ତାପାଚେ ସରଗ୍‌ତାକେ ଆରେ ରଞ୍ଜାଙ୍ଗ୍ ଗାଜା ଆରେ ଚାନିଆଆନି ଚିନ୍ ଗଟାଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେଦାଙ୍ଗ୍ ଇଲେକେ ମାଚାତ୍ ସାତ୍‌ଗଟା ବିପତ୍‌ତିଙ୍ଗ୍ ସାତ୍‌ଗଟା ଦୁତ୍‌କୁ ଆସ୍ତି ମାଚିକ୍। ଆରେ ହେ ସାତ୍‌ଗଟା ବିପତ୍ ନେ ସେସ୍ ବିପତ୍, ଏଚେକାଡ଼୍‌ଦ ହେ ସାତ୍‌ଗଟା ବିପତ୍ ସେସ୍ ଆନାତ୍‌ ଈଶ୍ୱର ରିସା ଶାନ୍ତି ଆନାତ୍‌।

ହତ୍‌ତି 21:14

ହେ ସହର୍‌ନି ବାଉଣ୍ଡ୍ରି ବାରଗଟା କାଲ୍‌କୁକାଙ୍ଗ୍ ପାଉଣ୍ଡେସେନ୍ ଆଜି ମାଚାତ୍, ଆରେ ପାଉଣ୍ଡେସେନ୍ ଜପି ମେଣ୍ଢା ଇନେର୍‌କି ଯୀଶୁ ବାଚିକିତି ଚେଲା ବାରଜାଣ୍ ତର୍‌ ଲେକାଆଜି ମାଚାତ୍।

ହତ୍‌ତି 21:23

ହେ ସହର୍‌ତିଙ୍ଗ୍ ଅଜଡ଼୍ କିଦେଙ୍ଗ୍ ବଇଟା କି ୱେଡ଼ା କି ଲେଞ୍ଜ୍ ଦର୍‌କାର୍ ଆକାୟ୍, ଇନେସ୍‌କି ଈଶ୍ୱର ଗୌରବ ନେ ହେ ସହର୍‌ତାକେ ଚମ୍‌କା ଆଜିମାଚାତ୍ ଆରେ ମେଣ୍ଢା ଇନେର୍‌କି ଯୀଶୁ ନେ ହେ ସହର୍‌ତିଙ୍ଗ୍ ଅଜଡ଼୍ କିଜି ମାଚାନ୍।