ହତ୍‌ତି 11:6 - New Testament in Pengo Parja Language

⁶ ହେ ଦିନ୍ ହେୱାର୍ ଈଶ୍ୱର କାତା ଶୁଣାୟ୍ କିନାର୍, ଆରେ ଈଶ୍ୱର ହେୱାରିଙ୍ଗ୍ ବାଦାଡ଼୍‌ତାଙ୍ଗ୍ ବାର୍ହା ବନ୍ଦ୍ କିନି ଅଦିକାର୍ ହିନାନ୍, ଆରେ ପା ଈଶ୍ୱର ହେୱାରିଙ୍ଗ୍ ନାଗୁଡ଼୍ ଆରେ ହାମ୍‌ଦୁର୍ ଏଜୁକାଙ୍ଗ୍ ନେତେର୍ ଲେକେ ରାତା କିଦେଙ୍ଗ୍ ଅଦିକାର୍ ହିଜି ମାନାନ୍। ହେୱାର୍ ତା ଜାର୍ ଇଚା ଅନୁସାରେ ପୁର୍ତିତିଙ୍ଗ୍ ନଷ୍ଟ କିଦେଙ୍ଗ୍ ବିନ୍-ବିନ୍ ବିପତ୍ ହିନାର୍।

ସତ୍‌ ବଚନ୍‌ ପୁନି ନିୟମ୍‌

⁶ ଇସ୍ୱର୍‌ତି କାବୁର୍‌ ସୁଣାୟ୍‌ କିନି ୱେଡ଼ାଲିଂ ଆକାସ୍‌ତିଂ ମୁନାକିଜ଼ି ବାର୍‌ହା ଆଦେଂ ବନ୍ଦ୍‌ କିଦେଙ୍ଗ୍‌ କେମ୍‌ତା ହେୱାକ୍‌କାଂ ହିୟାତାତ୍ନା । ଏସ୍‌ ଜାରାଣିକାଂ ନେତେର୍‌ତ ମେହାୟ୍‌ କିଦେଙ୍ଗ୍‌ ଆରି ଜାର୍‌ ଇଚା ଇସାବ୍ରେ ପୁର୍ତିତ ବାର୍‌ବାର୍‌ ମାର୍‌ଡି ଉବ୍‌ଜାୟ୍‌ କିଦେଙ୍ଗ୍‌ ହେୱାରିଂ ଆଦିକାର୍‌ ମାନାତ୍‌ ।

ହତ୍‌ତି 11:6 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:25

ଏପେଙ୍ଗ୍ ଇ ବିଷୟରେ ବାବିକିଜି ହୁଡ଼ାଟ୍, “ଭବିଷ୍ଯତବକ୍ତା ଏଲିୟ ୱେଡ଼ାଲିଙ୍ଗ୍ ତିନ୍ ବାର୍ହୁ ଚଅ ମାସ୍ ପାତେକ୍ ସରଗ୍‌ତାଙ୍ଗ୍ ବାର୍ହା ଆୱାଦାଙ୍ଗ୍ ବେସି ଗାଜା ମାର୍‌ଡି ଆତାତ୍। ହେପାଦ୍ନା ଇସ୍ରାଏଲ ଦେସ୍‌ତ ବେସିହେନି ରାଣ୍ଡିକ୍ ମାଚିକ୍।

ହତ୍‌ତି 11:3

ଆରେ ଆନେଙ୍ଗ୍ ନା ରିଣ୍ଡାଙ୍ଗ୍ ସାକିକାଙ୍ଗ୍ ଶାକ୍ତି ହିନାଙ୍ଗ୍, ଆରେ ହେୱାର୍ ଗାଗାଡ଼୍‌ତାକେ ବାସ୍ତା ଉସ୍‍ପି ନାବେତାଙ୍ଗ୍ ୱେନ୍‌ଞ୍ଜି, ମାନାୟାରିଙ୍ଗ୍ ହେୱାର୍ ୧,୨୬୦ ଦିନ୍ ପାତେକ୍ ଶୁଣାୟ୍ କିନାର୍।

ହତ୍‌ତି 16:3

ତାପାଚେ ଦୁଇ ନମ୍ବର୍ ଦୁତ୍ ତା ଗିନାତାକେ ମାନି ଈଶ୍ୱର ଦଣ୍ଡ୍ ହାମ୍‌ଦୁର୍ ଜପି ୱାକ୍‌ତାତ୍‌। ହେଦାପ୍ରେ ହାମ୍‌ଦୁର୍‌ନି ଏଜୁଙ୍ଗ୍ ହାଃତି ମାନାୟାର୍ ନେତେର୍ ଲେକେ ଆତାତ୍, ଆରେ ହାମ୍‌ଦୁର୍‌ତାକେ ମାନି ଜାତୁଙ୍ଗ୍ ୱିଜୁ ହାଃତିକ୍।

ହତ୍‌ତି 16:4

ତାପାଚେ ତିନ୍ ନମ୍ବର୍ ଦୁତ୍ ତା ଗିନାତାକେ ମାଚି ଈଶ୍ୱର ଦଣ୍ଡ୍‌ତିଙ୍ଗ୍ ନାଗୁଡ଼୍ ଆରେ ଜାରାଣ୍‌ତାକେ ୱାକ୍‌ତାତ୍‌, ଆରେ ହେ ୱିଜୁ ଏଜୁଙ୍ଗ୍ ନେତେର୍ ଆତିକ୍।

ହତ୍‌ତି 8:8

ତାପାଚେ ଦୁଇ ନମ୍ବର୍ ଦୁତ୍ ଏଚେପାଦ୍ନା ତା ମରି ତୁପ୍‌ତାତ୍, ନାଣି ଆସ୍ତିମାଚି ଗାଜା ମାଡ଼ିଲେକେ ର ଗାଜା ଜିନିଷ୍ ହାମ୍‌ଦୁର୍ ଜପି ତୁସିହିତାନ୍। ହେଦାପ୍ରେ ହାମ୍‌ଦୁର୍‌ନି ତିନ୍ ବାଗ୍‌ତାଙ୍ଗ୍ ର ବାଗ୍ ଏଜୁଙ୍ଗ୍ ନେତେର୍ ଆତାତ୍।