ହତ୍‌ତି 11:18 - New Testament in Pengo Parja Language

¹⁸ ବିନ୍‌ଜାତିନି ମାନାୟାର୍ ନିଙ୍ଗେଙ୍ଗ୍ ରିସାଆଜି ମାନ୍‌ଞ୍ଚାର୍। ମାତର୍ ଏନେଙ୍ଗ୍ ହାଃତାକାରିଙ୍ଗ୍ ବିଚାର୍ କିନାକା, ଆରେ ନି ଦାସ୍ ଭବିଷ୍ଯତବକ୍ତାରିଙ୍ଗ୍, ଦରମ୍ ମାନାୟାରିଙ୍ଗ୍, ନିଙ୍ଗେଙ୍ଗ୍ ପାଣ୍ଡ୍ରାଆଜି ପାପ୍ କାମାୟ୍ କିୱାକାରିଙ୍ଗ୍ ଗାଜା ହିରୁ ୱିଜାରିଙ୍ଗ୍, ପୁରଷ୍କାର୍ ହିନି ଦିନ୍ ୱାତାତେ। ଆରେ ପୁର୍ତିତିଙ୍ଗ୍ ବିନାସ୍ କିନି ମାନାୟାରିଙ୍ଗ୍ ଏନେଙ୍ଗ୍ ବିନାସ୍ କିନାୟ୍।

ସତ୍‌ ବଚନ୍‌ ପୁନି ନିୟମ୍‌

¹⁸ ପାର୍ତିକିୱି ଜିହୁଦିର୍‌ ନାସ୍‌କି ଆତାର୍ଣ୍ଣା; ଇନେକିଦେଂକି, ମି ରିସାନି ସମୁ ଏକାୱାତାତ୍‌, ହାତାକାର୍‌ ନଙ୍ଗ୍‌ ବିଚାର୍‌ କିୟାନାର୍‌ । ମି ଆଡ଼ିଏନ୍‌ ବେଣ୍‌ବାକ୍‌ଣାୟ୍‌କିନାକାର୍‌, ଆରି ଇମ୍‌ଣାକାର୍‌ ମିଙ୍ଗେଙ୍ଗ୍‌ ପାଣ୍ଡ୍ରା ଆଦ୍‌ନାର୍‌, ଗାଜାହାରୁ ୱିଜ଼ାର୍‌ ପୁଇପୁୟାତାଂ ନିର୍‌ମଲ୍‌ ଆନାର୍‌ ଆରି ଇମ୍‌ଣାକାର୍‌ ପୁର୍ତିତିଂ ନାସ୍‌ କିତାର୍‌, ହେୱାର୍‌ ପା ନାସ୍‌ ଆନାର୍‌ ।”

ହତ୍‌ତି 11:18 Iomraidhean Croise

ମାତିଉ 5:12

ଲାଗିଙ୍ଗ୍ ୱାରି କିୟାଟ୍ ଆରେ ସାର୍‌ଦା ଆଡୁ, ଇନେସ୍‌କି ମି କାଜିଙ୍ଗ୍ ସରଗ୍‌ତାକେ ଗାଜା ପୁରଷ୍କାର୍ ମାନାତ୍। ହେଲେକେନେ ହେୱାର୍ ଆଗେନି ଭବିଷ୍ଯତବକ୍ତାରିଙ୍ଗ୍ ପା ଇନସ୍ତାକିଜି ମାଚାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:50

ଇମ୍‌ଣାକାର୍ ହେୱାନିଙ୍ଗ୍ ସନ୍‌ମାନ୍ କିନାର୍। ହେୱାନିଙ୍ଗ୍ ତା ନାତି ନିର୍‌ପୁତିତାଙ୍ଗ୍ ଦୟା କିଦ୍‌ନାନ୍।

ଏବ୍ରି 9:27

ୱିଜାକାର୍ ମାନାୟ୍ ରଗ ନେ ହାଃନାର୍। ହାଃତି ପାଚେ, ଈଶ୍ୱର ୱିଜୁ ମାନାୟାରିଙ୍ଗ୍ ବିଚାର୍ କିନାନ୍।

ହତ୍‌ତି 10:7

ମାତର୍ ଏଚେପାଦ୍ନା ସାତ୍ ନମ୍ବର୍ ଦୁତ୍ ମରି ତୁବ୍‌ନାତ୍, ଈଶ୍ୱରତି ଚାନିଆଆନି ଡ଼ୁକ୍‌ତି ଉପାୟ୍ ପୁରାଆନାତ୍। ହେଦାଙ୍ଗ୍ ତା ଦାସ୍‌ରିଙ୍ଗ୍ ଭବିଷ୍ଯତବକ୍ତା ୱେଚ୍‌ଚି ହାର୍ଦିକାବୁର୍ କାତାଲେକେ ଗଟାଆନାତ୍।”

ହତ୍‌ତି 11:2

ମାତର୍ ପିଣ୍ଡାତିଙ୍ଗ୍ ଲାଚ୍‌ମା, ଇନେସ୍‌କି ହେ ବାହା ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍‌ କାଜିଙ୍ଗ୍ ହିତାର୍‌ନା, ହେୱାର୍ ୪୨ ମାସ୍ ପାତେକ୍ ନା ପବିତ୍ର ସହର୍‌ତାକେ ସାସନ୍ କିନାର୍।

ହତ୍‌ତି 13:10

ଇମ୍‌ଣି ମାନାୟାରିଙ୍ଗ୍ ଆଗେତାଙ୍ଗ୍ ଜଇଲ୍ ଇଞ୍ଜ ଇଡ଼୍‌ଦେଙ୍ଗ୍ ବାଚିକିତାର୍‌ନା। ହେୱାରିଙ୍ଗ୍ ବନ୍ଦିକିଜି ଜଇଲ୍ ଇଞ୍ଜ ଇଟ୍‌ନାର୍, ଆରେ ଇମ୍‌ଣି ମାନାୟାରିଙ୍ଗ୍ କାଣ୍ଡା ହୁଦାଙ୍ଗ୍ ମାର୍ନେ ଅସ୍ତେଙ୍ଗ୍ ବାଚି କିତାନ୍‌ନା ହେୱାରିଙ୍ଗ୍ କାଣ୍ଡା ହୁଦାଙ୍ଗ୍ ମାର୍ନେ ଅହ୍‌ନାର୍। ଲାଗିଙ୍ଗ୍ ଇମ୍‌ଣି ମାନାୟାର୍ ଈଶ୍ୱର ଲକ୍ ଆତାର୍‌ନା ହେୱାର୍ ଦୁଃକ୍ କଷ୍ଟ ସମ୍ବାଲି କିଜି ତାଙ୍ଗେଙ୍ଗ୍ ପାର୍ତି କିଜି ମାନି ଦର୍‌କାର୍।

ହତ୍‌ତି 13:16

ହେ ପଶୁ ୱିଜୁ ଗାଜା ଆରେ, ହାଉକାର୍ ଆରେ ଗରିବ୍, ଚାକର୍ ଆରେ ଚାକର୍ ଆୱି ମାନାୟାର୍ ନିଦାଣ୍‌ତାକେ ନଇଲେ ତିନା କେଇଦ ର ଚିନା ଅଦେଙ୍ଗ୍ ଜବର୍ ଦସ୍ତ୍ କିନାତ୍।

ହତ୍‌ତି 14:10

ଈଶ୍ୱର ହେୱାରିଙ୍ଗ୍ ବେସି ରିସା ଆନାନ୍ ଆରେ ହେୱାରିଙ୍ଗ୍ ଦଣ୍ଡ୍ ହିନାନ୍, ଆରେ ପା ଇଲେକେ କାମାୟ୍ କିନାକାରିଙ୍ଗ୍ ଈଶ୍ୱର ମେଣ୍ଢା ଇନେର୍‌କି ଯୀଶୁ ଆରେ ସରଗ୍‌ତାକେ ମାନି ପବିତ୍ର ଦୁତ୍‌କୁ ମୁମ୍‌ଦ ନାଣି ଆରେ ଗନ୍ଦକତାକେ ନରକ୍‌ତାକେ କାଡିକିନାତ୍‌।

ହତ୍‌ତି 15:1

ତାପାଚେ ସରଗ୍‌ତାକେ ଆରେ ରଞ୍ଜାଙ୍ଗ୍ ଗାଜା ଆରେ ଚାନିଆଆନି ଚିନ୍ ଗଟାଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେଦାଙ୍ଗ୍ ଇଲେକେ ମାଚାତ୍ ସାତ୍‌ଗଟା ବିପତ୍‌ତିଙ୍ଗ୍ ସାତ୍‌ଗଟା ଦୁତ୍‌କୁ ଆସ୍ତି ମାଚିକ୍। ଆରେ ହେ ସାତ୍‌ଗଟା ବିପତ୍ ନେ ସେସ୍ ବିପତ୍, ଏଚେକାଡ଼୍‌ଦ ହେ ସାତ୍‌ଗଟା ବିପତ୍ ସେସ୍ ଆନାତ୍‌ ଈଶ୍ୱର ରିସା ଶାନ୍ତି ଆନାତ୍‌।

ହତ୍‌ତି 15:7

ଆରେ ତାପାଚେ ଚାରିଗଟା ଜିବୁନ୍ ମାନି ପଶୁ ବିତ୍ରେତାଙ୍ଗ୍ ର ପଶୁ ହେ ସାତ୍‌ଗଟା ଦୁତ୍‌କୁକାଙ୍ଗ୍ ହନାତାଙ୍ଗ୍ ରସ୍ତି ସାତ୍‌ଗଟା ଗିନା ହିତାତ୍‌, ଆରେ ହେ ଗିନାତାକେ ୱିଜୁଦିନ୍ ମାନି ଈଶ୍ୱର ଦଣ୍ଡ୍ ମାଚାତ୍।

ହତ୍‌ତି 18:6

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଏପେଙ୍ଗ୍ ବାବିଲନ୍‌ ସହର୍‌ନି ମାନାୟାରିଙ୍ଗ୍ ଦଣ୍ଡ୍ ହିୟାଟ୍, ଇନେସ୍ ହେୱାର୍ ଜେକନିକାରିଙ୍ଗ୍ ଦଣ୍ଡ୍‌ହିଜି ମାଚାର୍। ହେୱାର୍ ମିଙ୍ଗେଙ୍ଗ୍ ଇନେସ୍ ଦଣ୍ଡ୍‌ହିଜି ମାନ୍‌ଞ୍ଚାର୍ ହେଲେକେ ଡବଲ୍ ଦଣ୍ଡ୍ ହେୱାରିଙ୍ଗ୍ ହିୟାଟ୍। ହେ ସହର୍‌ନି ମାନାୟାର୍ ହେୱାର୍ ଜାର୍‌କିନି କରାପ୍ କାମାୟ୍‌ତିଙ୍ଗ୍ ହିକାୟ୍ କିଜି ମାନ୍‌ଞ୍ଚାର୍, ଲାଗିଙ୍ଗ୍ ହେ ସହର୍‌ନି ମାନାୟାର୍ ପା ଈଶ୍ୱର ଦଣ୍ଡ୍ ଡବଲ୍ ପାୟାଆନି ଦର୍‌କାର୍।

ହତ୍‌ତି 19:15

ତା ୱେଇଦାଙ୍ଗ୍ ବେସି ଦାରା ମାନି କାଣ୍ଡା ହସିମାଚାତ୍, ଆରେ ହେ କାଣ୍ଡା ସାଇଜତାଙ୍ଗ୍ ପୁର୍ତିନି ୱିଜୁ ଜାତିନି ମାନାୟାର୍ ହୁଦାଙ୍ଗ୍ ଯୁଜ୍ କିଜି ଆରାୟ୍ କିତାନ୍। ହେୱାନ୍ ହେୱାରିଙ୍ଗ୍ ଲୱା ବେଡ୍‌ଗା ହୁଦାଙ୍ଗ୍ ସାସନ୍ କିନାନ୍। ହେ ୱିଜୁ ଶାକ୍ତିମାନି ଈଶ୍ୱର ତା ଶାତ୍ରୁରିଙ୍ଗ୍ ଅଙ୍ଗୁର୍ କୁଣ୍ଡ୍‌ତାକେ ଅଙ୍ଗୁର୍ ରାସ୍‌ତିଙ୍ଗ୍ ଉସ୍ତିଲେକେ ହେୱାରିଙ୍ଗ୍ ପା ଦଣ୍ଡ୍ ହିନାନ୍।

ହତ୍‌ତି 19:18

ହେବେ ରାଜାର୍‌ତି, ହେୱାର୍ ନେତାର୍, ବେସି ଶାକ୍ତିମାନି ସେନାର୍‌ତି, ଗଡ଼ାତିଙ୍ଗ୍, ଆରେ ଗଡ଼ାଙ୍ଗ୍ ଚାଲାଇ କିନାକାର୍, ହାଃତି ଗାଗାଡ଼୍‌ନି ଜାଇତିଙ୍ଗ୍ ୱାଜି ତିନାଟ୍। ଏପେଙ୍ଗ୍ ହେବେ ୱିଜୁ ମାନାୟାର୍ ହାଃତି ଗାଗାଡ଼୍‌ନି ଜାଇ, ଚାକର୍ ଆତି ମାନାୟାର୍ ଜାଇ କି ଚାକର୍ ଆୱିତି ମାନାୟାର୍ ଜାଇ, ଗାଜା କି ହିରୁ ୱିଜୁ ମାନାୟାର୍ ହାଃତି ଗାଗାଡ଼୍‌ନି ଜାଇତିଙ୍ଗ୍ ଚିଞ୍ଜେଙ୍ଗ୍ ଆଡ୍‌ନାଦେର୍।

ହତ୍‌ତି 19:5

ତାପାଚେ ସିଙ୍ଗାସନତାଙ୍ଗ୍ ର ମାନାୟ୍ ଇଲେକେ ୱେଚ୍‌ଚି ମାଚାନ୍, “ତାଙ୍ଗେଙ୍ଗ୍ ସନ୍‌ମାନ୍ ହିନି ମାନାୟାର୍ ଗାଜା ହିରୁକାର୍ ପାତେକ୍ ଆରେ ତାଙ୍ଗେଙ୍ଗ୍ ହେବା କିନାକାରିଙ୍ଗ୍ ମା ଈଶ୍ୱରତିଙ୍ଗ୍ ଜୟ୍-ଜୟ୍ କିୟାଟ୍।”

ହତ୍‌ତି 20:12

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍‌ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍‌ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍‌ତିଙ୍ଗ୍ ଈଶ୍ୱର ବିଚାର୍ କିତାନ୍।

ହତ୍‌ତି 22:12

“ତାପାଚେ ମାପୃ ଯୀଶୁ ୱେଚ୍‌ଚାନ୍‌, ହୁଡ଼ାଟ୍ ଆନେଙ୍ଗ୍ ବେଗି ୱାନାଙ୍ଗା, ୱିଜାର୍ ମାନାୟାର୍ କାମାୟ୍ ଅନୁସାରେ ଆନେଙ୍ଗ୍ ହେୱାରିଙ୍ଗ୍ ପୁରଷ୍କାର୍ ଆୱିତିସ୍ ଦଣ୍ଡ୍ ହିନାଙ୍ଗ୍।”