ହତ୍‌ତି 11:14 - New Testament in Pengo Parja Language

¹⁴ ଦୁଇ ନମ୍ବର୍ ବିପତ୍ ସେସ୍ ଆତାତ୍, ମାତର୍ ହୁଡ଼ାଟ୍ ତିନ୍ ନମ୍ବର୍ ବିପତ୍ ବେଗି ୱାନାତା।

ସତ୍‌ ବଚନ୍‌ ପୁନି ନିୟମ୍‌

¹⁴ ଜେତି ଦୁକ୍‌ ୱିସ୍ତାତ୍‌; ତିନିଗଟା ଦୁକ୍‌ ବେଗି ୱାନାତା ।

ହତ୍‌ତି 11:14 Iomraidhean Croise

ହତ୍‌ତି 15:1

ତାପାଚେ ସରଗ୍‌ତାକେ ଆରେ ରଞ୍ଜାଙ୍ଗ୍ ଗାଜା ଆରେ ଚାନିଆଆନି ଚିନ୍ ଗଟାଆନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେଦାଙ୍ଗ୍ ଇଲେକେ ମାଚାତ୍ ସାତ୍‌ଗଟା ବିପତ୍‌ତିଙ୍ଗ୍ ସାତ୍‌ଗଟା ଦୁତ୍‌କୁ ଆସ୍ତି ମାଚିକ୍। ଆରେ ହେ ସାତ୍‌ଗଟା ବିପତ୍ ନେ ସେସ୍ ବିପତ୍, ଏଚେକାଡ଼୍‌ଦ ହେ ସାତ୍‌ଗଟା ବିପତ୍ ସେସ୍ ଆନାତ୍‌ ଈଶ୍ୱର ରିସା ଶାନ୍ତି ଆନାତ୍‌।

ହତ୍‌ତି 8:13

ତାପାଚେ ଆନେଙ୍ଗ୍ ଆରେରଗ ହୁଡ଼୍‌ତିହିଙ୍ଗ୍, ବାଦାଡ଼୍‌ତାକେ ର ମୁକ୍‌ରି ଗାଜାକାଟ୍ କିଜି ଉମ୍‌ଜି-ଉମ୍‌ଜି ୱେଚ୍‌ଚି ମାଚାକା ଆନେଙ୍ଗ୍ ୱେଚାଙ୍ଗ୍। ହେଦାଙ୍ଗ୍ ଇଲେକେ ୱେଚ୍‌ଚି ମାଚାତ୍, “ହାୟ୍! କି ବୟାଙ୍କାର୍! ଜେକନି ତିନ୍‌ଗଟା ଦୁତ୍ ମରି ତୁବ୍‌ତିସ୍ ପୁର୍ତିନି ମାନାୟାର୍ ଅବସ୍ତା କେତେ ବୟାଙ୍କାର୍ ଆନାତ୍!”

ହତ୍‌ତି 9:12

ପାଞ୍ଚ୍‌ମାସ୍ ପାଚେ ଇ ବିପତ୍ ସେସ୍ ଆତାତ୍, ମାତର୍ ତାପାଚେ ଆରେ ରିଣ୍ଡାଙ୍ଗ୍ ତାବେତାଙ୍ଗ୍ ଆଦିକ୍ କଷ୍ଟ ହିନି ବିପତ୍ ୱାନାତା।