ହତ୍ତି 1:8 - New Testament in Pengo Parja Language8 ମା ମାପୃ ଈଶ୍ୱର ଇଲେକେ ୱେଚ୍ନାନା, “ଆନେଙ୍ଗ୍ ଆଲ୍ପା ଆରେ ଅମେଗା,” ଇ ଅର୍ତ ଆନେଙ୍ଗ୍ ଇ ୱିଜୁ ବିଷୟତିଙ୍ଗ୍ ଆରମ୍ କିତାଙ୍ଗ୍ ଆରେ ଆନେଙ୍ଗ୍ ୱିଜୁ ବିଷୟତିଙ୍ଗ୍ ସେସ୍ କିଦେଙ୍ଗ୍ ଆଡ୍ନାଙ୍ଗ୍। “ଆନେଙ୍ଗ୍ ନେ ୱିଜୁ ଶାକ୍ତିମାନି ଈଶ୍ୱରତଙ୍ଗ୍ ଇନେର୍ ଆଗେ ମାଚାନ୍, ନଙ୍ଗୟ୍ ମାନାନ୍ ଆରେ ପାଚେ ମାନାନ୍।” Faic an caibideilସତ୍ ବଚନ୍ ପୁନି ନିୟମ୍8 ଇନେନ୍ ନଙ୍ଗ୍, “ଆକ୍ତୁ ଆରି ୱାନିଦିନ୍ତ” ଇନେର୍ ସାକ୍ତିକାଟାକାନ୍, ହେ ମାପ୍ରୁ ଇସ୍ୱର୍ ଇନାନ୍ “ଆପ୍ ଆରମ୍ ଆରି ହାରିହାରା ।” Faic an caibideil |
ହତ୍ତି 1:8
29 Iomraidhean Croise
ତା ୱେଇଦାଙ୍ଗ୍ ବେସି ଦାରା ମାନି କାଣ୍ଡା ହସିମାଚାତ୍, ଆରେ ହେ କାଣ୍ଡା ସାଇଜତାଙ୍ଗ୍ ପୁର୍ତିନି ୱିଜୁ ଜାତିନି ମାନାୟାର୍ ହୁଦାଙ୍ଗ୍ ଯୁଜ୍ କିଜି ଆରାୟ୍ କିତାନ୍। ହେୱାନ୍ ହେୱାରିଙ୍ଗ୍ ଲୱା ବେଡ୍ଗା ହୁଦାଙ୍ଗ୍ ସାସନ୍ କିନାନ୍। ହେ ୱିଜୁ ଶାକ୍ତିମାନି ଈଶ୍ୱର ତା ଶାତ୍ରୁରିଙ୍ଗ୍ ଅଙ୍ଗୁର୍ କୁଣ୍ଡ୍ତାକେ ଅଙ୍ଗୁର୍ ରାସ୍ତିଙ୍ଗ୍ ଉସ୍ତିଲେକେ ହେୱାରିଙ୍ଗ୍ ପା ଦଣ୍ଡ୍ ହିନାନ୍।
ହେୱାନ୍ ପା ନାଙ୍ଗେଙ୍ଗ୍ ୱେଚ୍ଚାତାନ୍, “ସ୍ମର୍ଣ୍ଣା ସହର୍ତ ମାନି ମଣ୍ଡ୍ଲିନି ଦୁତ୍ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍ତଙ୍ଗ୍ ଇନେର୍ ୱିଜୁ ଜିନିଷ୍ତିଙ୍ଗ୍ ଆରମ୍ କିତାଙ୍ଗ୍ନା। ଆନେଙ୍ଗ୍ ନେ ହେ ମାନାୟ୍ତଙ୍ଗ୍ ଇନେର୍ ୱିଜୁ ଜିନିଷ୍ତିଙ୍ଗ୍ ସେସ୍ କିଦେଙ୍ଗ୍ ଆଡ୍ନାଙ୍ଗ୍। ଆନେଙ୍ଗ୍ ରଗ ହାଃଜି ମାଚାଙ୍ଗ୍, ମାତର୍ ନଙ୍ଗୟ୍ ଆନେଙ୍ଗ୍ ଜିବୁନ୍ ମାନାଙ୍ଗ୍ ଆରେ ଆନେଙ୍ଗ୍ ୱିଜୁଦିନ୍ କାଜିଙ୍ଗ୍ ଜିବୁନ୍ ମାନ୍ଗାନାଙ୍ଗ୍।”
ଆରେ ପା ହେୱାନ୍ ୱେଚ୍ଚାନ୍, “ଇଦାଙ୍ଗ୍ ସେସ୍ ଆତାତ୍! ଆନେଙ୍ଗ୍ ନେ ଆଲ୍ପା ଆରେ ଅମେଗାନି ଅର୍ତ, ଆରମ୍ ଆରେ ସେସ୍। ଇନେର୍ ୱିଜୁ ଜିନିଷ୍ତିଙ୍ଗ୍ ଉବ୍ଜାଇ କିତାନ୍ନା ଆରେ ୱିଜୁ ଜିନିଷ୍ତିଙ୍ଗ୍ ସେସ୍ କିଦେଙ୍ଗ୍ ଆଡ୍ନାନ୍। ଇମ୍ଣାକାରିଙ୍ଗ୍ ଏସ୍କି ଆନାରା ଆନେଙ୍ଗ୍ ହେୱାରିଙ୍ଗ୍ ଉପ୍କା ଉଣ୍ଡେଙ୍ଗ୍ ଜାରାଣ୍ ଏଜୁଙ୍ଗ୍ ହିନାଙ୍ଗ୍ ହେ ଏଜୁଙ୍ଗ୍ ହେୱାରିଙ୍ଗ୍ ୱିଜ୍ୱି ଜିବୁନ୍ ହିନାତ୍।
ହେ ଚାରିଗଟା ଜିବୁନ୍ ମାନି ପଶୁକାଙ୍ଗ୍ ଚଅଗଟା ଲାକା ମାରାଙ୍ଗ୍ ମାଚିକ୍, ଆରେ ହେୱାର୍ ଗାଗାଡ଼୍ ବାର୍ତି କାଣ୍କୁ ମାଚିକ୍ ଆରେ ହେୱାର୍ ମାରାକାଙ୍ଗ୍ ପା କାଣ୍କୁ ମାଚିକ୍। ହେୱାର୍ ୱିଜୁଦିନ୍ ୱେଡ଼ା ନାଣା ଇଲେକେ ୱେଚ୍ଚି ମାଚାର୍, “ୱିଜୁ ଶାକ୍ତିମାନି ଈଶ୍ୱର ନେ ପବିତ୍ର, ପବିତ୍ର, ମାପୃ ନେ ପବିତ୍ର ଇନେର୍ ୱିଜୁଦିନ୍ ମାଚାନ୍ ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ମାନାନ୍।”
Sanasan