ହତ୍‌ତି 1:16 - New Testament in Pengo Parja Language

¹⁶ ହେୱାନ୍ ତା ତିନି କେଇଦ ସାତ୍‌ଗଟା ହୁକାଙ୍ଗ୍ ଆସ୍ତି ମାଚାନ୍, ଆରେ ତା ୱେଇଦାଙ୍ଗ୍ ରିକଣ୍ଡାଙ୍ଗ୍ ଦାରା ମାନି ଯୁଜ୍ କିନି କାଣ୍ଡା ହସିମାଚାନ୍‌, ଆରେ ୱେଡ଼ା ବାର୍‌ଟାନି କାରାଲେକେ ତା ମୁମ୍ ଅଜଡ଼୍‌ଆଜି ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

¹⁶ ହେୱାନ୍‌ ଜାର୍‌ ବୁଜ୍‌ଣି କେଇଦ ସାତ୍‍ଗଟା ହୁକାଂ ଆସ୍ତି ମାଚାନ୍‌, ହେୱାନ୍ତି ୱେଇଦାଂ ତିପ୍‌ତିପା ରିଦାରା କାଣ୍ଡା ହସି ମାଚାତ୍‌, ଆରେ ହେୱାନ୍ତି ମୁମ୍‌ ମୁଣ୍ଡାବେଲାନି ୱେଡ଼ା ଲାକେ ଡ଼ିଞ୍ଜି ମାଚାତ୍‌ ।

ହତ୍‌ତି 1:16 Iomraidhean Croise

ମାତିଉ 17:2

ଆରେ ଚେଲାହିର୍ ହୁଡ଼ୁ-ହୁଡ଼ୁ ଯୀଶୁ ରୁପ୍ ବାଦ୍‌ଲାଆତାତ୍। ଆରେ ତା ମୁମ୍ ୱେଡ଼ାଲେକେ ଅଜଡ଼୍ ଆତାତ୍, ଆରେ ତା ହେନ୍ଦ୍ରା ପା ବେସି ଣିଜ୍‍ଚାତ୍।

ପକ୍ୟାତାକା 26:13

ଏ ରାଜା ଆନେଙ୍ଗ୍ ହାନିହିଙ୍ଗ୍ ପାକାପାକି ମୁଣ୍ଡେ ମେଦାଣ୍ ଆତିହିଙ୍ଗ୍ ବାଦାଡ଼୍‌ତାଙ୍ଗ୍ ଆଦିକ୍ ଅଜଡ଼୍ କାଟାକା ନା ଜପି ଆରେ ନା ହାଙ୍ଗ୍‌ଦାକାର୍ ଚାରିବେଣ୍‌ତାଙ୍ଗ୍ ଆତାକା ହୁଡ଼୍‌ତାଙ୍ଗ୍।

ଏପିସିୟ 6:17

ସେନା ଇନେସ୍ ଜାର୍ କାପ୍‌ଡ଼ା ଉଦାର୍ କିଦେଙ୍ଗ୍ ପିତାଡ଼୍‌ନି ହେଲ୍‌ମେଟ୍ ତୁଜ୍‌ନାନ୍, ଶୟ୍‌ତାନ୍‌ତାଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉଦାର୍ କିଦେନ୍। ଯୁଜ୍ କିଦେଙ୍ଗ୍ ସେନା ଇନେସ୍ କାଣ୍ଡା ବ୍ଯବହାର୍ କିନାନ୍, ହେଲେକେ ଈଶ୍ୱର କାତା ଇନାକା ପବିତ୍ର ଆତ୍ମା ହିଦ୍‌ନାତ୍ ହେଦାଙ୍ଗ୍ ବ୍ଯବହାର୍ କିୟାଟ୍।

ଏବ୍ରି 4:12

ଇନେସ୍‌କି ଈଶ୍ୱର କାତାତାକେ ଜିବୁନ୍ ଆରେ ଶାକ୍ତି ମାନାତ୍। ରିପଣ୍ଡାଙ୍ଗ୍ ଦାରା ମାନି ହୁରିତାଙ୍ଗ୍ ପା ଇଦାଙ୍ଗ୍ ଆଦିକ୍ ଦାରା ମାନାତ୍, ଆରେ ମାନ୍ ଆରେ ପାରାଣ୍, ଗାଟିଙ୍ଗ୍ ଆରେ ପେଣ୍‌ନି ରାସ୍‌ତିଙ୍ଗ୍ ଜେକ-ଜେକ କିଜି ବାଗ୍ କିନାତ୍। ଇଦାଙ୍ଗ୍ ମା ମାନ୍ତି ଚିନ୍ତା ଆରେ ବାବ୍‌ନାତିଙ୍ଗ୍ ଚଚ୍‌ଚାନାତ୍।

ହତ୍‌ତି 1:20

ନା କେଇଦ ମାନି ସାତ୍‌ଗଟା ହୁକାଙ୍ଗ୍ ଆରେ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ବିଷୟନି ଅର୍ତ ଇଲେକେ। ସାତ୍‌ଗଟା ହୁକାଙ୍ଗ୍‌ନି ଅର୍ତ ସାତ୍‌ଗଟା ମଣ୍ଡ୍‌ଲିନି ସାତ୍‌ଗଟା ଦୁତ୍‌କୁ, ଆରେ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ବିଷୟନି ଅର୍ତ ସାତ୍‌ଗଟା ମଣ୍ଡ୍‌ଲି।”

ହତ୍‌ତି 10:1

ତାପାଚେ ଆରେ ରଞ୍ଜି ବେସି ଶାକ୍ତି ମାଚି ଦୁତ୍ ବାଦାଡ଼୍‌ତାଙ୍ଗ୍ ଜୁଜି ୱାନାକା ଆନେଙ୍ଗ୍ ହୁଡ଼୍‌ତାଙ୍ଗ୍, ତା କାପ୍‌ଡ଼ା ଜପି ତୁବ୍‌ଡ଼ାରାଚ୍‌ ମାଚାତ୍। ତା ମୁମ୍ ୱେଡ଼ାଲେକେ ଅଜଡ଼୍ ମାଚାତ୍ ଆରେ କାଲ୍‌କୁ ନାଣି ଆହ୍‌ନି ପଲ୍ ମୁଣ୍ଡାଲେକେ ଚନ୍‌ଞ୍ଜି ମାଚାତ୍।

ହତ୍‌ତି 12:1

ଏଚେପାଦ୍ନା ହେଦାଙ୍ଗ୍ ୱିସ୍ତାତ୍, ବାଦାଡ଼୍‌ତାକେ ର ଚାନିଆଆନି ଚିନ୍ ଚନ୍‌ଞ୍ଚାତ୍। ହେଦାଙ୍ଗ୍ ଇଲେକେ ର କଗ୍‌ଲେ ଲେଞ୍ଜ୍ ଜପି ନିଲ୍‌ଚି ମାଚାତ୍ ଆରେ ୱେଡ଼ାଲେକେ ଚଞ୍ଜ୍‌ନି ହେନ୍ଦ୍ରା ଉସ୍‍ପି ମାଚାତ୍, ହେଦେଲ୍ ତା କାପ୍‌ଡ଼ାତ ର ମୁକୁଟ୍ ତୁସ୍‌ଦି ମାଚାତ୍ ହେ ମୁକୁଟ୍‌ତାକେ ବାରଗଟା ହୁକାଙ୍ଗ୍ ମାଚିକ୍।

ହତ୍‌ତି 19:15

ତା ୱେଇଦାଙ୍ଗ୍ ବେସି ଦାରା ମାନି କାଣ୍ଡା ହସିମାଚାତ୍, ଆରେ ହେ କାଣ୍ଡା ସାଇଜତାଙ୍ଗ୍ ପୁର୍ତିନି ୱିଜୁ ଜାତିନି ମାନାୟାର୍ ହୁଦାଙ୍ଗ୍ ଯୁଜ୍ କିଜି ଆରାୟ୍ କିତାନ୍। ହେୱାନ୍ ହେୱାରିଙ୍ଗ୍ ଲୱା ବେଡ୍‌ଗା ହୁଦାଙ୍ଗ୍ ସାସନ୍ କିନାନ୍। ହେ ୱିଜୁ ଶାକ୍ତିମାନି ଈଶ୍ୱର ତା ଶାତ୍ରୁରିଙ୍ଗ୍ ଅଙ୍ଗୁର୍ କୁଣ୍ଡ୍‌ତାକେ ଅଙ୍ଗୁର୍ ରାସ୍‌ତିଙ୍ଗ୍ ଉସ୍ତିଲେକେ ହେୱାରିଙ୍ଗ୍ ପା ଦଣ୍ଡ୍ ହିନାନ୍।

ହତ୍‌ତି 19:21

ଆରେ ହେ ପଶୁ ୱିଜୁ ସେନାରିଙ୍ଗ୍ ଡ଼ିଞ୍ଜ୍‌ନି ଗଡ଼ା ଜପି କୁଚ୍‌ଚି ମାଚି ମାନାୟ୍ ତା ୱେଇଦାଙ୍ଗ୍ ହସିମାଚି ଦାରା କାଣ୍ଡା ହୁଦାଙ୍ଗ୍ ମାର୍ନେ ଅସ୍ତାନ୍‌। ଆରେ ବାଦାଡ଼୍‌ତାକେ ଉମ୍‌ନି ୱିଜୁ ପଟିଙ୍ଗ୍ ୱାଜି ହେୱାର୍ ହାଃତି ଗାଗାଡ଼୍‌ତିଙ୍ଗ୍ ପଟ ବାର୍ତି ଆନି ପାତେକ୍ ଚିଚିକ୍।

ହତ୍‌ତି 2:1

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଏପିସ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ନା ତିନି କେଇଦ ସାତ୍‌ଗଟା ହୁକାଙ୍ଗ୍ ଆସ୍ତାଙ୍ଗ୍‌ନା। ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ମାଦି ବୁଲା ଆନାଙ୍ଗା। ଇଦାଙ୍ଗ୍ ନେ ଆନେଙ୍ଗ୍ ୱେଚ୍‌ଚାନାଙ୍ଗା।

ହତ୍‌ତି 2:12

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ପର୍ଗମ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ତାକେ ରିକଣ୍ଡାଙ୍ଗ୍ ଦାରା ମାନି କାଣ୍ଡା ମାନାତ୍।”

ହତ୍‌ତି 2:16

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ପାପ୍ କାମାୟ୍ ପିସ୍ତି ମାନ୍‌ବାଦ୍‌ଲାୟ୍ କିଜି ଈଶ୍ୱରତାକେ ୱାଡ, ଯଦି ଏପେଙ୍ଗ୍ ହେଲେଗ୍‌ଦି କରାପ୍ କାମାୟ୍ କିନାକା ବନ୍ଦ୍ କିଉଦେର୍। ଲାଗିଙ୍ଗ୍ ଆନେଙ୍ଗ୍ ବେଗି ୱାନାଙ୍ଗ୍ ଆରେ ହେଲେକେ ମିଚ୍ ହିକ୍ଷାହିନି ମାନାୟାର୍ ବିରଦ୍‌ତାକେ ନା କାତାହୁଦାଙ୍ଗ୍ ଯୁଜ୍ କିନାଙ୍ଗ୍। ହେ ନା କାତା ରିକଣ୍ଡା ଦାରା ମାନି କାଣ୍ଡା ଲେକେ।

ହତ୍‌ତି 3:1

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ସାର୍ଦ୍ଦୀ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ। ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍‌ତାକେ ଈଶ୍ୱରତି ସାତ୍‌ଗୁଣ୍ ଆତ୍ମାଙ୍ଗ୍ ମାନିକ୍ ଆରେ ଇନେର୍ କେଇଦ ସାତ୍‌ଗଟା ହୁକାଙ୍ଗ୍ ମାନିକ୍।” ଆନେଙ୍ଗ୍ ମି କାମାୟ୍‌ତିଙ୍ଗ୍ ପୁଚାଙ୍ଗ୍‌ନା ଏପେଙ୍ଗ୍ ନାଙ୍ଗେଙ୍ଗ୍ ହାତ୍‌ପା ପାର୍ତି କିନାକାର୍ ଲେକେ ଚଞ୍ଜ୍‌ନାଦେରା, ମାତର୍ ଏପେଙ୍ଗ୍ ହାତ୍‌ପା ନା ଆଦେସ୍‌ତିଙ୍ଗ୍ ମାନି କିଉଦେରା ଆରେ ହାଃତାକାର୍ ଲେକେ ଆତାଦେର୍‌ନା।