ହତ୍‌ତି 1:10 - New Testament in Pengo Parja Language

¹⁰ ରଇବାର୍ ନାଞ୍ଜିଙ୍ଗ୍ ଆନେଙ୍ଗ୍ ଈଶ୍ୱରତିଙ୍ଗ୍ ଆରାଦାନା କିନିହିଙ୍ଗ୍ ପବିତ୍ର ଆତ୍ମା ନା ଜପି ୱାଜି ନାଙ୍ଗେଙ୍ଗ୍ କଣ୍ଟ୍ରୁଲ୍ ହିତ୍‌ତାତ୍‌। ଏଚେପାଦ୍ନା ପବିତ୍ର ଆତ୍ମା ନା ଜପି ୱାତାତ୍ ଆନେଙ୍ଗ୍ ନା ପାଚ୍‌ବାଗାୟ୍ ମରି ତୁପ୍‌ତିଲେକେ ଗାଜା କାଟ୍‌ତିଙ୍ଗ୍ ୱେଚାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ଆନ୍‌ ମାପ୍ରୁତି ଦିନ୍ତ ପୁଇପୁୟା ଜିବୁନ୍‌ ନା ଜପି ଜୁତ୍‌ତାତ୍‌ ଆରି ନା ପାଚେ ମରି ସବଦ୍‌ ଲାକେ ର ଗାଜା କାଟ୍‌ ଇଦାଂ ଇନାକା ୱେଚାଙ୍ଗ୍‌,

ହତ୍‌ତି 1:10 Iomraidhean Croise

ମାତିଉ 22:43

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଲାଗିଙ୍ଗ୍ ଦାଉଦ ରାଜା ଇନେସ୍‌କିଜି ପବିତ୍ର ଆତ୍ମା କାଜିଙ୍ଗ୍ ତାଙ୍ଗେଙ୍ଗ୍ ମାପୃ ଇନାନ୍?

ଜହନ୍‌ 20:19

ହେ ଦିନ୍ ରଇବାର୍ ମାଚାତ୍। ମିକାହାରେସ୍ ଚେଲାହିର୍ ରବେ ଆତାର୍। ଯିହୁଦି ନେତାର୍ ପାଣ୍ଡ୍ରୁତିଙ୍ଗ୍ ଚେଲାହିର୍ ଇଲ୍‌ନି ୱିଜୁ କାପାଟିଙ୍ଗ୍ ଗେସ୍ତାର୍। ତାପାଚେ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍ ଆରେ ହେୱାରିଙ୍ଗ୍ ୱେଚ୍‌ଚାନ୍, “ମିଙ୍ଗେଙ୍ଗ୍ ଶାନ୍ତି ଆୟେତ୍।”

ଜହନ୍‌ 20:26

ଆଡ଼୍‌ଦିନ୍ ପାଚେ ତା ଚେଲାହିର୍ ଆରେରଗ ଇଲ୍ ବିତ୍ରେ ମାଚାର୍। ଥୋମା ହେୱାର୍ ହୁଦାଙ୍ଗ୍ ମାଚାନ୍। କାପାଟ୍‌ତାକେ କୁଚି ଆହିଆଜି ମାଚାତ୍। ମାତର୍ ଯୀଶୁ ୱାଜି ହେୱାର୍‌ତାକେ ନିଲ୍‌ତାନ୍। ହେୱାନ୍ ୱେଚ୍‌ଚାନ୍, “ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦେନ୍।”

ପକ୍ୟାତାକା 20:7

ସାତ୍‌ଦିନ୍‌ନି ପାର୍ତୁମ୍ ନାଞ୍ଜିଙ୍ଗ୍ ଆପେଙ୍ଗ୍ ପ୍ରବୁବଜ୍ ଚିଞ୍ଜେଙ୍ଗ୍ ରବେ ରୁଣ୍ଡାଆଜି ମାଚାପ୍। ହେପାଦ୍ନା ପାଉଲ ମାନାୟାରିଙ୍ଗ୍ ଶୁଣାୟ୍ କିତାନ୍। ହେୱାନ୍ ୱିଗାଲିଙ୍ଗ୍ ହାନାକା ମାଚିଲେ ମାଦିମାଦାନାଣା ପାତେକ୍ ଶୁଣାୟ୍ କିଦେଙ୍ଗ୍ ଲାଗାତାନ୍।

୧ କରନ୍ତିୟ 12:3

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟା ଆତାକାର୍ ଯୀଶୁଙ୍ଗ୍ ଅବିଶାପ୍ ହିଦେଙ୍ଗ୍ ଆଡୁର୍, ଆରେ ପବିତ୍ର ଆତ୍ମାତିଙ୍ଗ୍ ଇନେର୍ ପାୟା ଆୱାତାର୍‌ମା ହେୱାର୍ ଯୀଶୁଙ୍ଗ୍ ମାପୃ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍।

୧ କରନ୍ତିୟ 16:2

ଏପେଙ୍ଗ୍ ଆନେଙ୍ଗ୍ ୱାତିସ୍‌ନେ ରମାଟ୍ ଡାବୁଙ୍ଗ୍ ରୁଣ୍ଡାୟ୍ କିଦେଙ୍ଗ୍ କାସି ମାନ୍‌ମାଟ୍, ମାତର୍ ଏପେଙ୍ଗ୍ ଇଲେକେ କିୟାଟ୍ ଯେ ୱିଜୁ ରଇବାର୍ ଚଅଦିନ୍ ଆର୍ଜା ଆତି ୱିଜୁଡାବୁଙ୍ଗ୍ କର୍ଚ କିୱାଦାଙ୍ଗ୍ କେତେକ୍ ଡାବୁଙ୍ଗ୍ ଇଟାଟ୍।

ହତ୍‌ତି 17:3

ଲାଗିଙ୍ଗ୍ ଏଚେପାଦ୍ନା ନାଙ୍ଗେଙ୍ଗ୍ ପବିତ୍ର ଆତ୍ମା କଣ୍ଟ୍ରୁଲ୍ କିତ୍‌ତାତ୍, ହେଦାପ୍ରେ ହେ ଦୁତ୍ ଟାଙ୍ଗ୍ରାବାହାତାକେ ନାଙ୍ଗେଙ୍ଗ୍ ଅସା ହାନ୍ଞ୍ଚାତ୍‌। ହେବେ ରଞ୍ଜାଙ୍ଗ୍ କଗ୍‌ଲେ ରାତା କଲର୍ ପଶୁ ଜପି କୁଚ୍‌ଚାକାଦିଙ୍ଗ୍ ଆନେଙ୍ଗ୍ ହୁଡ଼୍‌ତାଙ୍ଗ୍, ଆରେ ହେ ପଶୁତିଙ୍ଗ୍ ସାତ୍‌ଗଟା କାପ୍‌ଡ଼ାଙ୍ଗ୍‌ ଆରେ ଦଶ୍‌ଗଟା କମଙ୍ଗ୍ ମାନିକ୍ ଆରେ ତା ଗାଗାଡ଼୍ ବାର୍ତି ଈଶ୍ୱରତିଙ୍ଗ୍ ନିନ୍ଦାକିନି ତର୍‌ ଲେକାଆଜି ମାଚାତ୍।

ହତ୍‌ତି 21:10

ପାଚେ ଈଶ୍ୱର ଆତ୍ମା ନାଙ୍ଗେଙ୍ଗ୍ କଣ୍ଟ୍ରୁଲ୍ କିଜି ହେ ଦୁତ୍ ନାଙ୍ଗେଙ୍ଗ୍ ଗାଜା ପାନ୍ତି ମାଡ଼ିତାକେ ଅସା ହାନ୍ଞ୍ଚାତ୍‌, ହେୱାନ୍ ନାଙ୍ଗେଙ୍ଗ୍ ଈଶ୍ୱର ମାନି ସରଗ୍‌ତାଙ୍ଗ୍ ପୁନି ପବିତ୍ର ଯିରୁଶାଲାମ ସହର୍ ଜୁଜି ୱାନାକା ଚଚ୍‌ଚାତାତ୍‌।