ପିଲିପିୟ 4:21 - New Testament in Pengo Parja Language

²¹ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ୱିଜୁ ସାଦୁ ମାନାୟାରିଙ୍ଗ୍ ଜୱାର୍ କିୟାଟ୍। ନା ହୁଦାଙ୍ଗ୍ ମାନି ପାର୍ତିକିନି ଟଣ୍ଡାର୍ ମିଙ୍ଗେଙ୍ଗ୍ ଜୁୱାର୍ କିଦ୍‌ନାରା।

ସତ୍‌ ବଚନ୍‌ ପୁନି ନିୟମ୍‌

²¹ କ୍ରିସ୍ଟ ଜିସୁ ତର୍‌ଦାଂ ସବୁ ସାଦୁରିଂ ଜୱାର୍‌ ଜାଣାୟ୍‌ କିୟାଟ୍‌ । ନା ହାଙ୍ଗ୍‌ଦି ଟଣ୍ଡାର୍‌ ମିଙ୍ଗେଙ୍ଗ୍‌ ଜୱାର୍‌ ଜାଣାୟ୍‌ କିଦ୍‌ନାରା ।

ପିଲିପିୟ 4:21 Iomraidhean Croise

ମାତିଉ 5:47

ଆରେ ଏପେଙ୍ଗ୍ ଯଦି ମି ଟଣ୍ଡାଦିଙ୍ଗ୍ ଜୱାର୍ କିନାଦେର୍, ଲାଗିଙ୍ଗ୍ ଏପେଙ୍ଗ୍ ଜେକନିକାର୍ କିତିତାଙ୍ଗ୍ ପା ଆଦିକ୍‌ବେଶି ଇନାକା କିୱାତାଦେର୍‍ନା। ବିନେନି ଜାତିନି ମାନାୟାର୍ ପା ହେଲେକେ କିନାରା, ଇମ୍‌ଣାକାନ୍ କି ମାପୃ ସାସ୍ତର୍‌ତିଙ୍ଗ୍ ପୁନ୍‌ୱାତାନ୍‌ନା।

୧ କରନ୍ତିୟ 1:2

ଆନେଙ୍ଗ୍ କରନ୍ତିୟ ସହର୍‌ନି ଈଶ୍ୱର ମଣ୍ଡ୍‌ଲିତାକେ ଇ ଚିଟି ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ତା ପବିତ୍ର ମାନାୟ୍ ଆନି କାଜିଙ୍ଗ୍ ବାଚିକିତ୍‌ତାନ୍। ଏଚେଜାଣ୍ ମାନାୟ୍ ଇମ୍‌ଣି ବାହାତାକେ ମାଚିସ୍ ପା ଯୀଶୁ ଖ୍ରୀଷ୍ଟ ମା ମାପୃ ଇଞ୍ଜି ପାର୍ତାନା କିନାରା, ହେୱାରିଙ୍ଗ୍ ପବିତ୍ର କିତିଲେକେ ହେୱାନ୍ ମିଙ୍ଗେଙ୍ଗ୍ ପା ପବିତ୍ର କିତ୍‌ତାନ୍‌ନା। ଇନେସ୍‌କି ଯୀଶୁ ଖ୍ରୀଷ୍ଟ ନେ ମା ୱିଜାକାର୍ ମାପୃ।

ଗାଲାତିୟ 1:2

ନା ହୁଦାଙ୍ଗ୍ ମାନି ଟଣ୍ଡାର୍ ହୁଦାଙ୍ଗ୍ ଆନେଙ୍ଗ୍ ଇ ଚିଟି ଗାଲାତିୟ ଜିଲ୍ଲାତାକେ ମାନି ମଣ୍ଡ୍‌ଲିତିଙ୍ଗ୍ ପକ୍‌ନାଙ୍ଗା।

ଗାଲାତିୟ 2:3

ତିତସ ରକାନ୍ ବିନ୍‌ଜାତିନି ମାନାୟ୍, ହେୱାନ୍ ନା ହୁଦାଙ୍ଗ୍ ମାଚାନ୍। ମାତର୍ ନେତାର୍ ହେୱାନିଙ୍ଗ୍ ସୁନତ ବିଦି ମାନି କିଦେଙ୍ଗ୍ ଜବର୍‌ଦସ୍ତି କିୱାତାର୍।

ଏପିସିୟ 1:1

ଆନେଙ୍ଗ୍ ପାଉଲ ଈଶ୍ୱର ଇଚାତାଙ୍ଗ୍ ଯୀଶୁ ଖ୍ରୀଷ୍ଟନି ରକାଙ୍ଗ୍ ବାଚିକିତି ଚେଲା। ଏପିସ ସହର୍‌ତାକେ ମାନି ସାଦୁ ଆରେ ଖ୍ରୀଷ୍ଟତାକେ ପାର୍ତିକିନି ମାନାୟାର୍ ଲାଗାୟ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା।

ପିଲିପିୟ 1:1

ଆପେଙ୍ଗ୍, ପାଉଲ ଆରେ ତିମତି, ରିକାପ୍ ଯୀଶୁ ଖ୍ରୀଷ୍ଟନି ଦାସ୍। ଫିଲିପ ସହର୍‌ତାକେ ମାନି ଯୀଶୁ ଖ୍ରୀଷ୍ଟନି ୱିଜାକାର୍ ଈଶ୍ୱର ମାନାୟାର୍ ଲାଗାୟ୍, ବିଶପ୍‌ ଆରେ ମଣ୍ଡ୍‌ଲିତାକେ ହେବା କିନାକାର୍ ଲାଗାୟ୍ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା।

ପିଲିପିୟ 4:7

ଲାଗିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଶାନ୍ତି ହିଦ୍‌ନାନ୍। ମାନାୟ୍ ବୁଜାଆନି ଶାନ୍ତିତାଙ୍ଗ୍ ଇ ଶାନ୍ତି ଗାଜା। ଇ ଶାନ୍ତି ମି ଗରବ୍‌ତିଙ୍ଗ୍ ଆରେ ମି ବାବ୍‌ନାତିଙ୍ଗ୍ ଯୀଶୁ ଖ୍ରୀଷ୍ଟତାକେ ଜିଜି ମାଞ୍ଜେଙ୍ଗ୍ ସାଇଜ କିଦ୍‌ନାନ୍।