ପିଲିପିୟ 2:3 - New Testament in Pengo Parja Language

³ ଜାର୍ ବିଷୟରେ ନେ ବାବିକିମାଟ୍। ଆରେ ବାଟ୍‌ପାଣିଆ ଆଜି ନିଜେ ଗାଜା ଇଞ୍ଜି ଚଚିୟା ଆମାଟ୍, ମାତର୍ ଜେକନି ମାନାୟାରିଙ୍ଗ୍ ସନ୍‌ମାନ୍ କିଜି ନିଜେ ହିରୁ ଆଜି ମାନାଟ୍।

ସତ୍‌ ବଚନ୍‌ ପୁନି ନିୟମ୍‌

³ ନିଜେତିଂ ବାବିକିନାକାନ୍ କାଜିଂ ନଲେ ପଲ୍ୟା ଗରବ୍‌ କାଜିଂ ଇନାକା କାମାୟ୍‌ କିମାଟ୍‌, ଇଚିସ୍‌ ହୁଦାର୍‌ ଆଜ଼ି ୱିଜ଼ାକାର୍‌ ବିନ୍‌ଲଗାଂ ଜାର୍‌ ତାଙ୍ଗ୍‌ ଗାଜା ମାନେ କିୟାଟ୍‌;

ପିଲିପିୟ 2:3 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:14

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା, ‘ହେ ସିସ୍ତୁଏନ୍‌ନାକାନିଙ୍ଗ୍ ଈଶ୍ୱର ଦରମ୍ ଇଞ୍ଜି ଗାଣାକିତାନ୍। ମାତର୍ ହେ ପାରୁସିଙ୍ଗ୍ ଆକାୟ୍। ହେଦାଙ୍ଗ୍ କାଜିଙ୍ଗ୍ ଇମ୍‌ଣାକାନ୍ ଆନେଙ୍ଗ୍ ଗାଜାକାଙ୍ଗ୍ ଇନାନ୍, ଈଶ୍ୱର ହେୱାନିଙ୍ଗ୍ ୱିଜାକାର୍‌ତାଙ୍ଗ୍ ହିରୁ କିନାନ୍। ଇମ୍‌ଣାକାନ୍ ଆନେଙ୍ଗ୍ ହିରୁ ଇଞ୍ଜି ବାବିକିନାନ୍, ଈଶ୍ୱର ହେୱାନିଙ୍ଗ୍ ୱିଜାକାର୍‌ତାଙ୍ଗ୍ ଗାଜା କିନାନ୍।’ ”

ରୋମିୟ 12:10

ଏପେଙ୍ଗ୍ ଜାର୍ କୁଟୁମ୍‌ନି ମାନାୟାରିଙ୍ଗ୍ ଲାଡ୍ କିନିଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍। ଆରେ ଜାର୍-ଜାର୍‌ତିଙ୍ଗ୍ ସନ୍‌ମାନ୍ ହିବାଆଡ।

ରୋମିୟ 13:13

ଆସେଙ୍ଗ୍ ଦରମ୍ ଆରେ ସତ୍ ଆଜି ୱିଜୁ କାମାୟ୍ କିନି ଦର୍‌କାର୍, ଲାଗିଙ୍ଗ୍ ୱିଜାର୍ ମାନାୟ୍ ମା ବ୍ୟବହାର୍‌ତିଙ୍ଗ୍ ହାର୍ ଇଞ୍ଜି ଇଞ୍ଜ୍‌ନାର୍। ଆସେଙ୍ଗ୍ କାଲିଙ୍ଗ୍ ଉଣି ଦଳ୍‌ତାଙ୍ଗ୍ କି ଦାରି କାମାୟ୍ କିନାକାର୍‌ତାଙ୍ଗ୍, କି ଜେକନି କଗ୍‍ଲେକ୍ ହୁଦାଙ୍ଗ୍ ମାନାକା କି ଗଣ୍ଡ୍‍ଗଲ୍ କିନି ଦଳ୍‌ତାକେ ମାନାକା ଆରେ ଆକାର୍ ଆନି ମାନାୟାର୍ ହୁଦାଙ୍ଗ୍ ମାହା ଆମାଟ୍।

ରୋମିୟ 2:8

ମାତର୍ ଇମ୍‌ଣାକାର୍ ଜାର୍ ପାଇଦା କାଜିଙ୍ଗ୍ ନେ କାମାୟ୍ କିନାର୍, ଆରେ ସତ୍ କାମାୟ୍ କିଉର୍, ମାତର୍ ଅଦରମ୍‌ କାମାୟ୍ କିଦେଙ୍ଗ୍ ଇଚା କିନାର୍। ଈଶ୍ୱର ହେୱାରିଙ୍ଗ୍ ରିସା ଆନାନ୍ ଆରେ ଦଣ୍ଡ୍ ହିନାନ୍।

୧ କରନ୍ତିୟ 15:9

ଇ ୱିଜୁ ବିଷୟ ଆନେଙ୍ଗ୍ ୱେଚ୍‌ଚାନାଙ୍ଗା, ଇନେସ୍‌କି ଆନେଙ୍ଗ୍ ୱିଜାର୍ ବାଚିକିତି ଚେଲାର୍‌ତାଙ୍ଗ୍ ହିରୁକାଙ୍ଗ୍ ମାଚାଙ୍ଗ୍। ଆନେଙ୍ଗ୍ ଈଶ୍ୱର ମଣ୍ଡ୍‌ଲିତିଙ୍ଗ୍ ଦୁଃକ୍ କଷ୍ଟ ହିଜି ମାଚାଙ୍ଗ୍, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ତା ଚେଲା ଆନି ଯଗ୍ୟ ହିଲେତ୍।

୧ କରନ୍ତିୟ 3:3

ଏପେଙ୍ଗ୍ ନଙ୍ଗୟ୍ ପାତେକ୍ ପୁର୍ତିନି ମାନାୟାର୍ ବ୍ଯବହାର୍ କିନିଲେକେ ବ୍ଯବହାର୍ କିନାଦେରା। ଏପେଙ୍ଗ୍ ଜାର୍-ଜାର୍‌ବିତ୍ରେ ଆକାର୍ ଆଜି ଗଣ୍ଡ୍‍ଗଲ୍ ଆନାଦେରା, ହେଦାଙ୍ଗ୍ କାଜିଙ୍ଗ୍ ପୁନ୍ୟା ଆନାତା ଯେ, ଏପେଙ୍ଗ୍ ଜାର୍ ଇଚା ଅନୁସାରେ ଜିବୁନ୍ କାଟି କିନାଦେରା, ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ପୁନ୍‌ୱିତି ମାନାୟାର୍‌ଲେକେ ବ୍ଯବହାର୍ କିନାଦେରା।

୨ କରନ୍ତିୟ 12:20

ଆନେଙ୍ଗ୍ ଏଚେପାଦ୍ନା ମିତାକେ ୱାନାଙ୍ଗ୍, ଆନେଙ୍ଗ୍ ମିଙ୍ଗେଙ୍ଗ୍ ଇନେସ୍ ହୁଡ଼୍‌ଦେଙ୍ଗ୍ ଇଚା କିତାଙ୍ଗ୍‌ନା ହେଲେକେ ହୁଡ଼୍‌ଦିୱିତିସ୍, ଆନେଙ୍ଗ୍ ଇନେସ୍ ବ୍ଯବହାର୍ କିଦ୍‌ନାଙ୍ଗ୍ ହେଦାଙ୍ଗ୍‌ତିଙ୍ଗ୍ ଆହୁଦେର୍ ଇଞ୍ଜି ଆନେଙ୍ଗ୍ ପାଣ୍ଡ୍ରାଆନାଙ୍ଗା। ଇନେସ୍‌କି ମି ବିତ୍ରେ ଗଣ୍ଡ୍‍ଗଲ୍, ଆକାର୍, ରିସା, ଲବ୍ ଆନି ବୁଦି, ଲକାର୍ ବିରୁଦ୍‌ତାକେ ଇନାକା, ଲକାର୍ ବିରୁଦ୍‌ତାକେ ଗାଣ୍‌ଜୁ କିନାକା ଆରେ କରାପ୍ ବ୍ୟବହାର୍ କିନି ବିଷୟରେ ଆନେଙ୍ଗ୍ ପାଣ୍ଡ୍ରାଆନାଙ୍ଗା।

ଗାଲାତିୟ 5:15

ମାତର୍ ଏପେଙ୍ଗ୍ ଲାଡ୍ କିବାଆୱାଦାଙ୍ଗ୍, ଏପେଙ୍ଗ୍ ଯଦି ପଶୁ ଲେକେ ଚାବାକାତ୍ରା ଆଜି ଗାଉଦାଉ ଆନାଦେର୍, ଲାଗିଙ୍ଗ୍ ଜାଗ୍ରତ୍ ଆଡ ଯେ ଏପେଙ୍ଗ୍ ଜାର୍-ଜାର୍‌ତିଙ୍ଗ୍ ନଷ୍ଟ କିମାଟ୍।

ଗାଲାତିୟ 5:26

ଆରେ ଜାର୍‌ତିଙ୍ଗ୍ ମାନ୍ ଗାର୍‌ବିୟା ଆମାଟ୍, ଜାର୍-ଜାର୍‌ତିଙ୍ଗ୍ ରିସା ଆମାଟ୍ ଆରେ ଜାର୍-ଜାର୍‌ତିଙ୍ଗ୍ ଆକାର୍ ଆମାଟ୍।

ଏପିସିୟ 4:2

ଇଦାଙ୍ଗ୍‌ନି ଅର୍‌ତ ଯେ ଏପେଙ୍ଗ୍ ଇନାକାପା ଜାର୍‌ତିଙ୍ଗ୍ ହିରୁ ଆଜି କିୟାଟ୍, ମି ଆଦିକାର୍ ଚଚ୍‌ମାଟ୍, ସାସ୍ ଆସ୍ତି ମାନାଟ୍, ଆରେ ଜେକନିକାରିଙ୍ଗ୍ ବ୍ଯବହାର୍‌ତାଙ୍ଗ୍ ରିସା ଆୱାଦାଙ୍ଗ୍ ଜାର୍-ଜାର୍‌ତିଙ୍ଗ୍ ଲାଡ୍ କିୟାଟ୍।

ଏପିସିୟ 5:21

ଖ୍ରୀଷ୍ଟଙ୍ଗ୍ ସନ୍‌ମାନ୍ କିନି କାଜିଙ୍ଗ୍ ଜାର୍-ଜାର୍ ମାନା-ମାନି ଆଜି ମାନାଟ୍।

ପିଲିପିୟ 2:14

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା କିନାଦେର୍ ହେଦାଙ୍ଗ୍‌ତିଙ୍ଗ୍ ଗୁଜ୍-ଗୁଜ୍ କିଜି ଜୁକ୍ତି ଆମାଟ୍।

କଲସିୟ 3:12

ଈଶ୍ୱର ମିଙ୍ଗେଙ୍ଗ୍ ପବିତ୍ର ମାନାୟ୍ କିଜି ବାଚି କିତ୍‌ତାନ୍‌ନା ଆରେ ଲାଡ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିୟାଟ୍, ଦୟା କିୟାଟ୍ ଜାର୍‌ତିଙ୍ଗ୍ ହିରୁ କିୟାଟ୍, ମି ଆଦିକାର୍ ଚଚ୍‌ମାଟ୍ ଆରେ ସାହାସ୍ ଆସ୍ତି ମାନାଟ୍।

କଲସିୟ 3:8

ମାତର୍ ନଙ୍ଗୟ୍ ଏପେଙ୍ଗ୍ ରିସା ଆନାକା, ବେସି ରିସା ଆନାକା, ଆକାର୍ ଆନାକା, ନିନ୍ଦାକିନାକା, କରାପ୍ ବେଣ୍ ଇ ୱିଜୁତାଙ୍ଗ୍ ଦେହାଆଡ।

୧ ତିମତି 6:4

ଇ ଲେକେ ବୁଲ୍ ହିକ୍ଷାହିନି ମାନାୟ୍ ବାଟ୍‌ପାଣିଆ ଆରେ ଇନାକା ପା ପୁନ୍‌ୱାଦାଙ୍ଗ୍ ମାନ୍‌ଗାନାନ୍, ଇ ଲେଗ୍‌ଦି ମାନାୟ୍ ଜୁକ୍ତି କିନାର୍ ଆରେ ର କାତାତିଙ୍ଗ୍ ଆଜି ମାଡ୍‌ଗଲ୍ ଆଦେଙ୍ଗ୍ ଇଚାକିନାର୍। ଇଦାଙ୍ଗ୍ କାଜିଙ୍ଗ୍ ଆକାର୍, ଜାର୍-ଜାର୍‌ବିତ୍ରେ ମାଡ୍‌ଗଲ୍, ଜେକନିକାରିଙ୍ଗ୍ ଅପ୍‌ମାନ୍ କିନାକା ଆରେ ବେକାରେ ନିନ୍ଦାକିନାକା ଗଟାଆନାତ୍,

୧ ପିତର 3:8

ସେସ୍ ୱେଡ଼ାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ୱିଜାକାଦେର୍ ର ମାନ୍ କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ କାନିକରମ୍‌ ଆନି ଦର୍‌କାର୍ ଆରେ ର କୁଟୁମ୍‌ନି ମାନାୟାର୍‌ଲେକେ ଜାର୍-ଜାର୍‌ବିତ୍ରେ ଲାଡ୍ କିୟାଟ୍, ଏପେଙ୍ଗ୍ ଜାର୍-ଜାର୍‌ବିତ୍ରେ ଦୟା କିୟାଟ୍ ଆରେ ଦରମ୍ ଆଡ।

୧ ପିତର 5:5

ହେଲେକେ ଏ ଦାଙ୍ଗ୍‌ଣା ହିମ୍‌ଣା କାଦେର୍, ଏପେଙ୍ଗ୍ ମଣ୍ଡ୍‌ଲିନି ପ୍ରାଚିନାର୍ କାତା ମାନିକିଜି ମାନାଟ୍। ଏପେଙ୍ଗ୍ ଦରମ୍‌ଆଜି ଜାର୍-ଜାର୍‌ତିଙ୍ଗ୍ ହେବା କିବା ଆଡ, ଇନେସ୍‌କି ସାସ୍ତର୍‌ତାକେ ଲେକାଆତାତ୍‌ନା, “ଈଶ୍ୱର ବାଟ୍‌ପାଣ୍ ଆନି ମାନାୟାରିଙ୍ଗ୍ ବିରଦ୍ କିନାନ୍, ମାତର୍ ଦରମ୍ ମାନାୟାରିଙ୍ଗ୍ ଈଶ୍ୱର ଦୟା କିନାନ୍।”