ପିଲିପିୟ 2:11 - New Testament in Pengo Parja Language

¹¹ ଆରେ ୱିଜାକାର୍ ଯୀଶୁ ଖ୍ରୀଷ୍ଟ ମାପୃ ଇଞ୍ଜି ୱେଚ୍‌ନାର୍, ଆରେ ଆବା ଈଶ୍ୱରତିଙ୍ଗ୍ ଗୌରବ କିନାର୍।

ସତ୍‌ ବଚନ୍‌ ପୁନି ନିୟମ୍‌

¹¹ ଆରେ, ଆବା ଇସ୍ୱର୍‌ତି ଜାଜ୍‌ମାଲ୍‌ କାଜିଂ ୱିଜ଼ାକାର୍‌ତି ୱେନ୍ଦୁଲ୍ ଜିସୁ କ୍ରିସ୍ଟଙ୍ଗ୍‌ ମାପ୍ରୁ ଇଞ୍ଜି ମାନି କିନିକ୍‌ ।

ପିଲିପିୟ 2:11 Iomraidhean Croise

ମାତିଉ 10:32

ଯୀଶୁ ଆରେରଗ ୱେଚ୍‌ଚାନ୍, “ଇମ୍‌ଣି ମାନାୟ୍ ୱିଜାକାର୍ ଆଗେ ନିଲ୍‌ଚି ନାବେ ପାର୍ତି କିନାଙ୍ଗା ଇଞ୍ଜି ୱେଚ୍‌ନାନ୍, ଆନେଙ୍ଗ୍ ପା ନା ସରଗ୍‌ନି ଆବା ମୁମ୍‌ଦ ଈଶ୍ୱର ଦୁତ୍‌କୁ ଆଗେ ୱେଚ୍‌ନାଙ୍ଗ୍ ଯେ ଇୱାନ୍ ନା ଜାର୍ ଲକ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:11

ନେଞ୍ଜେଙ୍ଗ୍ ଦାଉଦ ରାଜା ବେତଲିହିମ୍ ସହର୍‌ତାକେ ମି କାଜିଙ୍ଗ୍ ଉଦାର୍ କିଦ୍‌ନାକାନ୍ ଜନମ୍ ଆତାନ୍‌ନା ହେୱାନ୍ ଆନାନା ଖ୍ରୀଷ୍ଟ ମାପୃ।

ଜହନ୍‌ 12:42

ମାତର୍ ଯୀଶୁଙ୍ଗ୍ ବେସିହେନି ପାର୍ତି କିତାର୍। ଏଲେଙ୍ଗ୍ କି କେତେକ୍ ଯିହୁଦି ନେତାର୍ ପା ହେୱାନିଙ୍ଗ୍ ପାର୍ତି କିତାର୍। ମାତର୍ ହେୱାର୍ ପାରୁସିଦଳ୍‍ ନିକାରିଙ୍ଗ୍ ପାଣ୍ଡ୍ରାଆଜି ମାଚାର୍। ଲାଗିଙ୍ଗ୍ ହେୱାର୍ ପାର୍ତିକିନି ବିଷୟରେ କୁଲାକୁଲି ୱେଚ୍‌ୱାତାର୍। ଏଚେପାଦ୍ନା ପାରୁସିଦଳ୍‍ ହେୱାରିଙ୍ଗ୍ ପାର୍ତାନା ଇଞ୍ଜାଙ୍ଗ୍ ହପ୍ତାନାର୍ ଇଞ୍ଜି ହେୱାର୍ ପାଣ୍ଡ୍ରା ଆତାର୍।

ଜହନ୍‌ 13:13

ଏପେଙ୍ଗ୍ ନାଙ୍ଗେଙ୍ଗ୍ ଗୁରୁ ଆରେ ମାପୃ ଇଞ୍ଜ୍‌ନାଦେରା। ହେଦାଙ୍ଗ୍ ଟିକ୍, ଇନେସ୍‌କି ଆନେଙ୍ଗ୍ ହେୱାନ୍‌ନେ।

ଜହନ୍‌ 13:14

ଆନେଙ୍ଗ୍ ଯଦି ଗୁରୁ ଆରେ ମାପୃ। ମାତର୍ ମି କାଲ୍‌କୁପାନାତିଙ୍ଗ୍ ର ହଲିଆ ଲେକେ ନୁଜ୍‌ଦାତାଙ୍ଗ୍। ଲାଗିଙ୍ଗ୍ ଏପେଙ୍ଗ୍ ଜାର୍-ଜାର୍ କାଲ୍‌ପାନା ନୁଜ୍‌ନି କାତା।

ଜହନ୍‌ 14:13

ଏପେଙ୍ଗ୍ ନା ତର୍‍ଦାଙ୍ଗ୍ ଇନାକା ଏନ୍‌ନାଦେର୍, ଆନେଙ୍ଗ୍ ହେଦାଙ୍ଗ୍ ମି କାଜିଙ୍ଗ୍ ହିଦ୍‌ନାଙ୍ଗ୍। ଇଦାଙ୍ଗ୍ କାଜିଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତାଙ୍ଗ୍ ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ଜହନ୍‌ 14:23

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଇନେର୍ ଯଦି ନାଙ୍ଗେଙ୍ଗ୍ ଲାଡ୍ କିଦ୍‌ନାନ୍, ଲାଗିଙ୍ଗ୍ ହେୱାନ୍ ନା ଆଦେସ୍‌ତିଙ୍ଗ୍ ମାନି କିନାନ୍। ଆରେ ନା ଆବା ଈଶ୍ୱର ହେୱାନିଙ୍ଗ୍ ଲାଡ୍ କିନାନ୍। ନା ଆବା ଈଶ୍ୱର ଆରେ ଆନେଙ୍ଗ୍ ହେ ମାନାୟ୍‌ତାକେ ୱାନାପ୍ ଆରେ ତା ହୁଦାଙ୍ଗ୍ ମାନ୍‌ଗାନାପ୍।

ଜହନ୍‌ 17:1

ଯୀଶୁ ଇୱିଜୁ କାତା ୱେଚ୍‌ଚି ପାଚେ ସରଗ୍ ନିପଣ୍ ହୁଡ଼୍‌ତାନ୍। ଆରେ ହେୱାନ୍ ପାର୍ତାନା କିତାନ୍, “ଏ ଆବା ଈଶ୍ୱର, ନଙ୍ଗୟ୍ ସମୟ୍ ୱାତାତ୍‌ନା। ଏନେଙ୍ଗ୍ ଜାର୍ ହିମ୍‌ଣାତିଙ୍ଗ୍ ଜୟ୍-ଜୟ୍ କିୟା, ଇନେସ୍‌କି ହିମ୍‌ଣା ନିଙ୍ଗେଙ୍ଗ୍ ଜୟ୍-ଜୟ୍ କିଦେଙ୍ଗ୍ ଆଡ଼୍‌ଦାନାନ୍।

ଜହନ୍‌ 20:28

ଥୋମା ଯୀଶୁଙ୍ଗ୍ ୱେଚ୍‌ଚାନ୍, “ନା ମାପୃ, ନା ଈଶ୍ୱର।”

ଜହନ୍‌ 5:23

ଇମ୍‌ଣାକାନ୍ ମେହିଙ୍ଗ୍ ସନ୍‌ମାନ୍ କିଉନ୍, ତାଙ୍ଗେଙ୍ଗ୍ ପକ୍ତି ଆବାଙ୍ଗ୍ ପା ସନ୍‌ମାନ୍ କିଉଦେର୍।”

ଜହନ୍‌ 9:22

ଯିହୁଦି ନେତାରିଙ୍ଗ୍ ପାଣ୍ଡ୍ରାଆଜି ତେହି ଲାତ୍ରାହି ହେଲେକେ ୱେଚ୍‌ଚାର୍। ମାତର୍ ହେୱାର୍ ଉପାଇକିଜି ୱିସ୍ତି ମାଚାର୍, ଇମ୍‌ଣାକାନ୍ ଯୀଶୁଙ୍ଗ୍ ଖ୍ରୀଷ୍ଟ ଇଞ୍ଜି ପାର୍ତିକିନାର୍, ହେୱାନିଙ୍ଗ୍ ପାର୍ତାନା ଇଞ୍ଜାଙ୍ଗ୍ ବାର୍ତ ହପ୍‌ନାର୍।

ପକ୍ୟାତାକା 10:36

ଈଶ୍ୱର ମା ଇସ୍ରାଏଲ ଜାତିତାକେ ପକ୍ତିତି କାବୁର୍ ଏପେଙ୍ଗ୍ ପୁଚାଦେର୍‌ନା। ଈଶ୍ୱର ତା ଶାନ୍ତିନି ହାର୍ଦିକାବୁର୍ ୱେଚ୍‌ଚାତାନ୍‌ନା। ଇନେସ୍‌କି ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ପାର୍ତି କିଜି ହେୱାର୍ ଈଶ୍ୱର ହୁଦାଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆଡ୍‌ନାର୍। ହେୱାନ୍‌ନେ ୱିଜାକାର୍ ମାପୃ।

ପକ୍ୟାତାକା 2:36

ଲାଗିଙ୍ଗ୍ ୱିଜାକାଦେର୍ ଇସ୍ରାଏଲ ଜାତିରିଙ୍ଗ୍ ହାତ୍‌ପା ପୁନାଟ୍, ଇମ୍‌ଣି ଯୀଶୁଙ୍ଗ୍ ଏପେଙ୍ଗ୍ କୃଶକାଟ୍‌ତାକେ ଅସ୍ତାଦେର୍, ହେୱାନିଙ୍ଗ୍ ଈଶ୍ୱର, ମାପୃ ଆରେ ଖ୍ରୀଷ୍ଟ ଇ ପାଦ୍ ପାୟାଆତାନ୍‌ନା।”

ରୋମିୟ 14:11

ଇନେସ୍‌କି ଦରମ୍ ସାସ୍ତର୍‌ତାକେ ଲେକାଆତାତ୍‌ନା, “ମାପୃ ୱେଚ୍‌ନାନା, ଆନେଙ୍ଗ୍ ଜିବୁନ୍ ମାଚି କାଜିଙ୍ଗ୍ ୱିଜାର୍ ମାନାୟାର୍ ନାଙ୍ଗେଙ୍ଗ୍ ମେଣ୍ଡାକୁନ୍ଦିକିଜି ଜୱାର୍ କିଦ୍‌ନାର୍। ଆରେ ୱିଜାର୍ ମାନାୟାର୍ ଈଶ୍ୱରତିଙ୍ଗ୍ ଜୟ୍-ଜୟ୍ କିନାର୍।”

ରୋମିୟ 14:9

ଇଦାଙ୍ଗ୍ କାଜିଙ୍ଗ୍ ନେ ଖ୍ରୀଷ୍ଟ ହାଃଜି ଆରେରଗ ଜିବୁନ୍ ଆତାନ୍, ଲାଗିଙ୍ଗ୍ ହେୱାନ୍ ଜିବୁନ୍ ମାନାକାରିଙ୍ଗ୍ ଆରେ ହାଃତାକାର୍ ମାଲିକ୍ ପା ଆନାନ୍।

ରୋମିୟ 15:9

ଆରେ, ହେୱାନ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ପା ୱାଜିମାଚାନ୍, ହେୱାର୍ ଇନେସ୍ ଈଶ୍ୱରତିଙ୍ଗ୍ ଗୌରବ ହିନାର୍, ଇନେସ୍‌କି ଈଶ୍ୱର ହେୱାରିଙ୍ଗ୍ ପା ଦୟା କିତାନ୍‌ନା। ହେଦାଙ୍ଗ୍ କାଜିଙ୍ଗ୍ ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା “ଆନେଙ୍ଗ୍ ନିଙ୍ଗେଙ୍ଗ୍ ବିନ୍‌ଜାତିନି ମାନାୟାର୍ ବିତ୍ରେ ଜୟ୍-ଜୟ୍ କିନାଙ୍ଗ୍। ଆନେଙ୍ଗ୍ ନି ତର୍‌ଦିଙ୍ଗ୍ ଜୟ୍-ଜୟ୍ କିଜି କେର୍‌କଣ୍ କେର୍‌ନାଙ୍ଗ୍‌।”

୧ କରନ୍ତିୟ 12:3

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଯେ, ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟା ଆତାକାର୍ ଯୀଶୁଙ୍ଗ୍ ଅବିଶାପ୍ ହିଦେଙ୍ଗ୍ ଆଡୁର୍, ଆରେ ପବିତ୍ର ଆତ୍ମାତିଙ୍ଗ୍ ଇନେର୍ ପାୟା ଆୱାତାର୍‌ମା ହେୱାର୍ ଯୀଶୁଙ୍ଗ୍ ମାପୃ ଇଞ୍ଜି ୱେଚ୍‌ଚେଙ୍ଗ୍ ଆଡୁର୍।

୧ କରନ୍ତିୟ 15:47

ଈଶ୍ୱର ପାର୍ତୁମ୍ ମାନାୟ୍ ଆଦମତିଙ୍ଗ୍ ଇ ପୁର୍ତିନି ଚିକ୍‌ଲାତାଙ୍ଗ୍ ରସ୍ତାନ୍, ମାତର୍ ଦୁଇ ନମ୍ବର୍ ଆଦମ ଯୀଶୁ ଖ୍ରୀଷ୍ଟ ସରଗ୍‌ତାଙ୍ଗ୍ ୱାଜିମାଚାନ୍।

୧ କରନ୍ତିୟ 8:6

ମାତର୍ ଆପେଙ୍ଗ୍ ପୁଚାପ୍‌ନା ରକାନ୍‌ ନେ ଈଶ୍ୱର ମାନାନ୍‌, ହେୱାନ୍ ଆନାନା ଆବା ଈଶ୍ୱର, ଇନେର୍ ୱିଜୁ ଜିନିଷ୍ ଉବ୍‌ଜାଇ କିତାନ୍‌ନା। ଆରେ ଆସେଙ୍ଗ୍ ତା କାଜିଙ୍ଗ୍ ଜିବୁନ୍ ଆତାସ୍‌ନା। ଆରେ ରକାନ୍‌ ନେ ମାପୃ ମାନାନ୍‌, ହେୱାନ୍ ଯୀଶୁ ଖ୍ରୀଷ୍ଟ ତା କାଜିଙ୍ଗ୍ ଈଶ୍ୱର ୱିଜୁ ଜିନିଷ୍ ରସ୍ତାନ୍‌ନା ଆରେ ତା କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଜିବୁନ୍ ହିତ୍‌ତାନ୍‌ନା।

୧ ପିତର 1:21

ଖ୍ରୀଷ୍ଟ ମିଙ୍ଗେଙ୍ଗ୍ ଇନାକା କିତି କାଜିଙ୍ଗ୍ ଏପେଙ୍ଗ୍ ନଙ୍ଗୟ୍ ଈଶ୍ୱରତିଙ୍ଗ୍ ପାର୍ତିକିନାରା, ଆରେ ଈଶ୍ୱର ଖ୍ରୀଷ୍ଟଙ୍ଗ୍ ହାଃତିତାଙ୍ଗ୍ ଆରେରଗ ନିକ୍‌ତି କାଜିଙ୍ଗ୍ ଆପେଙ୍ଗ୍ ତାଙ୍ଗେଙ୍ଗ୍ ପାର୍ତି ଆରେ ଆହା କିଜି ତାଙ୍ଗେଙ୍ଗ୍ ଗୌରବ କିନାପା।

୧ ଯୋହନ 4:15

ଇମ୍‌ଣି ମାନାୟ୍ ଯୀଶୁଙ୍ଗ୍ ଈଶ୍ୱର ମେହି ଇଞ୍ଜି ୱେଚ୍‌ନାନ୍, ଈଶ୍ୱର ତାବେ ମାନାନ୍। ଆରେ ହେୱାନ୍ ଈଶ୍ୱରତାକେ ମାନାନ୍।

୧ ଯୋହନ 4:2

ଇଲେକେ କିୟାଟ୍, ଲାଗିଙ୍ଗ୍ ହେୱାନ୍ ଈଶ୍ୱର ଆତ୍ମା ପାୟାଆତାନ୍‌ନା କି ଆକାୟ୍ ଏପେଙ୍ଗ୍ ପୁନାଦେର୍। ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆସ୍ତି ପୁର୍ତିତାକେ ୱାଜିମାଚାନ୍ ଇଞ୍ଜି ଇମ୍‌ଣି ଭବିଷ୍ଯତବକ୍ତା ୱେଚ୍‌ନାନ୍, ଲାଗିଙ୍ଗ୍ ହେୱାନ୍ ଈଶ୍ୱରତାଙ୍ଗ୍ ପବିତ୍ର ଆତ୍ମା ପାୟାଆତାନ୍‌ନା।

୨ ଯୋହନ 1:7

ଇନେସ୍‌କି କେତେକ୍ ମିଚ୍ ହିକ୍ଷା ହିକାୟ୍ କିଜି ଟକାୟ୍ କିନାକାର୍ ପୁର୍ତିତାକେ ହତ୍‌ତାର୍‌ନା, ହେୱାର୍ ୱେଚ୍‌ନାର୍ ଯୀଶୁ ଖ୍ରୀଷ୍ଟ ମାନାୟ୍ ରୁପ୍ ଆଜି ପୁର୍ତିତାକେ ୱାୱାତାନ୍‌ନା। ଇ ଲେଗ୍‌ଦି ମାନାୟ୍ ଖ୍ରୀଷ୍ଟଙ୍ଗ୍ ବିରଦ୍ କିଜି ମାନାୟାରିଙ୍ଗ୍ ଟକାୟ୍ କିନାକାର୍।

ହତ୍‌ତି 3:5

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିନାର୍ ହେୱାର୍ ପା ହେୱାର୍ ଲେକେ ଡ଼ିଞ୍ଜ୍‌ନି ହେନ୍ଦ୍ରା ଉସ୍‌ପାନାର୍‌। ହେୱାର୍ ତର୍‌ ୱିଜ୍‌ୱି ଜିବୁନ୍ ପାୟାଆନି ମାନାୟାର୍ ବହିତାକେ ଈଶ୍ୱର ଲେକିକିତାନ୍‌ନା, ଆରେ ଆନେଙ୍ଗ୍ ହେୱାର୍ ତର୍‌ଦିଙ୍ଗ୍ ହେ ବହିତାକେ ଲେକିକିତାକା ଲିବାୟ୍ କିଉଙ୍ଗ୍‌। ଆନେଙ୍ଗ୍ ନା ଆବା ଆଗେ ଆରେ ଦୁତ୍‌କୁ ଆଗେ ୱେଚ୍‌ନାଙ୍ଗ୍ ଇୱାର୍ ନାଲକ୍।