ପିଲିପିୟ 2:1 - New Testament in Pengo Parja Language

¹ ଏପେଙ୍ଗ୍ ଯଦି ଖ୍ରୀଷ୍ଟ ହୁଦାଙ୍ଗ୍ ମାହାଆଜି ଏକ୍ ଆତାଦେର୍‌ନା, ଲାଗିଙ୍ଗ୍ ଏପେଙ୍ଗ୍ ସାସ୍ ପାୟାଆନାଦେର୍। ଖ୍ରୀଷ୍ଟ ମିଙ୍ଗେଙ୍ଗ୍ ଲାଡ୍ କିଦ୍‌ନାନା ଲାଗିଙ୍ଗ୍ ଏପେଙ୍ଗ୍ ଶାନ୍ତି ପାୟାଆନାଦେର୍, ଈଶ୍ୱର ଆତ୍ମା ମା ହୁଦାଙ୍ଗ୍ ମାହାଆଜି ମାନାତା, ଆରେ ଖ୍ରୀଷ୍ଟ ମାଙ୍ଗେଙ୍ଗ୍ ଦୟା ଆରେ ଦରମ୍ କିଦ୍‌ନାନା।

ସତ୍‌ ବଚନ୍‌ ପୁନି ନିୟମ୍‌

¹ କ୍ରିସ୍ଟତି ଲାହାଂ ମେହାଆନାକା ହୁକେ ଏପେଙ୍ଗ୍‌ ଜିବୁନ୍‌ତ ବାଡ଼୍‌କାସ୍‌ ଆତାଦେର୍ଣ୍ଣା, ଆରେ ହେୱାନ୍ତି ଜିଉନନାକା ମିଙ୍ଗେଙ୍ଗ୍‌ ଦୁକ୍‌ସାରାୟ୍‌ କିଦ୍‌ନାତା । ଏପେଙ୍ଗ୍‌ ପୁଇପୁୟା ଜିବୁନ୍‌ ଉପ୍‌କାର୍‌ତାଂ ସୁକେ ଜିନାଦେରା ଆରି ହାରି କାଜିଂ ମି ଜିଉନନିତ ବେସି ଦୟାତ ମାନାତ୍‌,

ପିଲିପିୟ 2:1 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:25

ଯିରୁଶାଲାମ ସହର୍‌ତାକେ ଶିମିୟନ୍ ତର୍‍ଦାକାନ୍ ରକାନ୍ ମାଚାନ୍। ହେୱାନ୍ ବେସି ଦରମ୍ ଆରେ ଈଶ୍ୱରତିଙ୍ଗ୍ ହେବାକିନାକାନ୍ ମାଚାନ୍। ଇସ୍ରାଏଲ ଜାତିନି ମାନାୟାରିଙ୍ଗ୍ ଶାନ୍ତି କିଦେଙ୍ଗ୍ ଇମ୍‌ଣି ରକ୍ଷାକିଦ୍ନାକାନ୍‌ ୱାନାକା ମାଚାତ୍, ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଇଚାକିଜି ମାଚାର୍। ଆରେ ପବିତ୍ର ଆତ୍ମା ତା ହୁଦାଙ୍ଗ୍ ମାଚାତ୍।

ଜହନ୍‌ 14:18

ଆନେଙ୍ଗ୍ ମିଙ୍ଗେଙ୍ଗ୍ ଟୁରା ହିମ୍‌ଣା ଲେକେକିଜି ପିସ୍ତି ହାଞ୍ଜୁଙ୍ଗା। ଆନେଙ୍ଗ୍ ଆରେରଗ ମି ଲାଗାୟ୍ ଲେଉଟା ଆଜି ୱାନାଙ୍ଗ୍।

ଜହନ୍‌ 14:27

ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଜି ହାନାଙ୍ଗା। ଇ ଶାନ୍ତି ନାଦି, ଇନାକା ମିଙ୍ଗେଙ୍ଗ୍ ହିଦ୍‌ନାଙ୍ଗା। ପୁର୍ତିନି ଇଲେକେ ଶାନ୍ତି ଆନେଙ୍ଗ୍ ମିଙ୍ଗେଙ୍ଗ୍ ହିଦୁଙ୍ଗା। ଲାଗିଙ୍ଗ୍ ଏପେଙ୍ଗ୍ ମି ମାନ୍ତ ଦୁକ୍ କିଜି ପାଣ୍ଡ୍ରା ଆମାଟ୍।

ଜହନ୍‌ 17:13

ଆନେଙ୍ଗ୍ ନି ଲାଗାୟ୍ ନଙ୍ଗୟ୍ ୱାନାଙ୍ଗା। ମାତର୍ ଆନେଙ୍ଗ୍ ପୁର୍ତିତାକେ ମାନୁ-ମାନୁ ଇ ୱିଜୁ କାଜିଙ୍ଗ୍ ପାର୍ତାନା କିନାଙ୍ଗା। ଆନେଙ୍ଗ୍ ଇୱିଜୁ ୱେଚ୍‌ନାଙ୍ଗା, ଇନେସ୍‌କି ଇ ମାନାୟାର୍ ନାବେ ମାନି ୱାରି ପାୟାଆନାର୍‌। ଆନେଙ୍ଗ୍ ଇଚା କିନାଙ୍ଗା, ନା ୱାରି ହେୱାର୍ କାଜିଙ୍ଗ୍ ପୁରା ଆୟେତ୍।

ପକ୍ୟାତାକା 2:46

ଆରେ ହେୱାର୍ ର ମାନ୍‌ଆଜି ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ମେହାଆଜି ମାଚାର୍। ଆରେ ଇଞ୍ଜ-ଇଞ୍ଜ ରୁଟି ଡିକ୍‌ଚି ୱାରିତାଙ୍ଗ୍ ଆରେ ଶାନ୍ତିତାଙ୍ଗ୍ ତିନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ମାଚାର୍।

ପକ୍ୟାତାକା 4:32

ପାର୍ତିକିନି ମାନାୟାର୍ ର ମାନ୍ ଆରେ ର ଆତ୍ମା ଆଜି ମାଚାର୍। ହେୱାର୍ ବିତ୍ରେତାଙ୍ଗ୍ ଇନେର୍ ପା ଜାର୍ ଦନ୍ ସମ୍ପତିତିଙ୍ଗ୍ ନାଦାଙ୍ଗ୍ ଇଞ୍ଜି ଇନ୍‌ୱାଦାଙ୍ଗ୍ ମାଚାର୍। ମାତର୍ ହେୱାର୍ ୱିଜୁ ବିଷୟତିଙ୍ଗ୍ ହାମାନ୍ ଆଦିକାର୍ ମାଚାତ୍।

ରୋମିୟ 5:5

ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।

ରୋମିୟ 8:26

ଆରେ, ଆସେଙ୍ଗ୍ ଦୁଃକ୍ ଆଜି ମାନିହିଙ୍ଗ୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିଦ୍‌ନାତା, ଇନେସ୍‌କି ଆସେଙ୍ଗ୍ ଇନେସ୍‌କିଜି ପାର୍ତାନା କିୟାଆନାତ୍ ଆରେ ଇନାକାଦିଙ୍ଗ୍ ପାର୍ତାନା କିୟାଆନାତ୍ ହେଦାଙ୍ଗ୍ ଆସେଙ୍ଗ୍ ପୁନ୍‌ୱାତାସ୍‌ନା ପା। ମାତର୍ ପବିତ୍ର ଆତ୍ମା ମା କାଜିଙ୍ଗ୍ ଆଡ଼୍‌ବିସ୍‌ ପାର୍ତାନା କିନାତା ଯେ, ଆସେଙ୍ଗ୍ ହେଦାଙ୍ଗ୍ କାତାତାକେ ବୁଜାୟ୍ କିୟାଆଉତ୍।

୧ କରନ୍ତିୟ 12:13

ଲାଗିଙ୍ଗ୍ ଆସେଙ୍ଗ୍ ଯିହୁଦି ଆଜି ମାଚିସ୍ କି, ବିନ୍‌ଜାତି ଆଜି ମାଚିସ୍ କି, ଚାକର୍ ଆଜି ମାଚିସ୍ କି, ଆରେ ଚାକର୍ ଆୱାଦାଙ୍ଗ୍ ମାଚିସ୍ ପା ଆସେଙ୍ଗ୍ ୱିଜାକାସ୍ ର ଆତ୍ମା କାଜିଙ୍ଗ୍ ଡୁବନ୍ ଅଜି ଈଶ୍ୱର ଗାଗାଡ଼୍‌ତାକେ ଏକ୍ ଆତାପ୍‌ନା, ଆରେ ଆପେଙ୍ଗ୍ ହେ ଆତ୍ମାତିଙ୍ଗ୍ ନେ ପାୟାଆତାପ୍‌ନା।

୧ କରନ୍ତିୟ 15:31

ଏ ଟଣ୍ଡାର୍‌କାଦେର୍, ଆନେଙ୍ଗ୍ ପାର୍ମାଣ୍ କିଜି ୱେଚ୍‌ଚାନାଙ୍ଗା ଯେ, ଆନେଙ୍ଗ୍ ୱିଜୁଦିନ୍ ମାରାଣ୍ ମୁମ୍‌ଦ ହାନାଙ୍ଗା। ଆରେ ଆନେଙ୍ଗ୍ ଇଦାଙ୍ଗ୍ ହାର୍‌ଦାଙ୍ଗ୍ ପୁଚାଙ୍ଗ୍‌ନା ଯେ, ମା ମାପୃ ଯୀଶୁ ଖ୍ରୀଷ୍ଟ ନା କାଜିଙ୍ଗ୍ ଇଲେକେ କିନାନା, ଆରେ ଆନେଙ୍ଗ୍ ହେଦାଙ୍ଗ୍ କାଜିଙ୍ଗ୍ ବାଟ୍‌ପାଣ୍ ଆନାଙ୍ଗା।

୧ କରନ୍ତିୟ 3:16

ଏପେଙ୍ଗ୍ ପୁଚାଦେର୍‌ନା ଯେ, ଏପେଙ୍ଗ୍ ଈଶ୍ୱର ମାନି ମନ୍ଦିର୍‌, ଆରେ ପବିତ୍ର ଆତ୍ମା ମି ବିତ୍ରେ ମାନାତା।

୨ କରନ୍ତିୟ 13:14

ମା ମାପୃ ଯୀଶୁ ଖ୍ରୀଷ୍ଟ ଦୟା, ଈଶ୍ୱର ଲାଡ୍, ଆରେ ପବିତ୍ର ଆତ୍ମା ମି ୱିଜାଦେର୍ ହୁଦାଙ୍ଗ୍ ମାହାଆଜି ମାନେତ୍।

୨ କରନ୍ତିୟ 2:14

ମାତର୍ ଆନେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ମାହାଆତାସ୍‌ନା, ହେୱାନ୍ ମାଙ୍ଗେଙ୍ଗ୍ ହାଜି ଚଚ୍‌ଚାନାନା ଆରେ ମାଙ୍ଗେଙ୍ଗ୍ ଜିତାୟ୍ କିଦ୍‌ନାନ୍। ନଙ୍ଗୟ୍ ହେ ଖ୍ରୀଷ୍ଟ ବିଷୟନି ଜ୍ଞାନ୍, ର ସେଣ୍ଟ୍‌ଲେକେ ୱିଜୁ ନିପଣ୍ ମା କାଜିଙ୍ଗ୍ ବାସ୍ନା ଆନାତା।

ଗାଲାତିୟ 4:6

ଆରେ ଆସେଙ୍ଗ୍ ତା ହିମ୍‌ଣା ଆତି କାଜିଙ୍ଗ୍, ଈଶ୍ୱର ତା ହିମ୍‌ଣାନି ଆତ୍ମାତିଙ୍ଗ୍ ମା ଗରବ୍ ବିତ୍ରେ ପକ୍ତାତାନ୍‌ନା। ହେ ଆତ୍ମା ଆବା ପିତା ଇଞ୍ଜି କୁକ୍‍ତେଙ୍ଗ୍ ମାଙ୍ଗେଙ୍ଗ୍ ସାହାସ୍ ହିଦ୍‌ନାତା।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

ଏପିସିୟ 4:4

ମା ୱିଜୁ ପାର୍ତି କିନାକାଦେର୍ ର ଗାଗାଡ଼୍‌ନି ଜିନିଷ୍ ଲେକେ, ଆସେଙ୍ଗ୍ ୱିଜାକାସ୍ ହାମାନ୍ ଆତ୍ମା ପାୟାଆତାସ୍‌ନା, ହେଲେକେ ଈଶ୍ୱର ତା ମାନାୟ୍ ଲେକେ କୁକ୍ତିନିହିଙ୍ଗ୍ ଏପେଙ୍ଗ୍ ହାମାନ୍ ଆହା ପାୟା ଆତାଦେର୍‌ନା।

ପିଲିପିୟ 1:8

ଯୀଶୁ ଖ୍ରୀଷ୍ଟନି ଲାଡ୍‌ତାଙ୍ଗ୍ ମିଙ୍ଗେଙ୍ଗ୍ ମାହା ଆଦ୍‌ଦେଙ୍ଗ୍ ବେସି ଇଚା କିଦ୍‌ନାଙ୍ଗା ଇ ବିଷୟରେ ଈଶ୍ୱର ନେ ସାକି ଆନାନ୍।

ପିଲିପିୟ 3:3

ଇନେସ୍‌କି ଆପେଙ୍ଗ୍ ଟିକ୍ ସୁନତ ବିଦି ପାୟାଆତାସ୍‌ନା। ଆପେଙ୍ଗ୍ ଈଶ୍ୱର ଆତ୍ମାତାଙ୍ଗ୍ ଈଶ୍ୱରତିଙ୍ଗ୍ ପୁଜା କିନାପା। ମାନାୟ୍ କିତି ଉପାଇତିଙ୍ଗ୍ ଆପେଙ୍ଗ୍ ଆହା କିୱାଦାଙ୍ଗ୍ ଯୀଶୁ ଖ୍ରୀଷ୍ଟତାକେ ଆହା କିନାପା।

କଲସିୟ 2:2

ହେୱାର୍ ପାର୍ତିତାଙ୍ଗ୍ ସାସ୍ କିଦେଙ୍ଗ୍ ଆରେ ଲାଡ୍‌ତାଙ୍ଗ୍ ଜାର୍-ଜାର୍‌ବିତ୍ରେ ମିତ୍ରଆଜି ମାଞ୍ଜେଙ୍ଗ୍ ଆନେଙ୍ଗ୍ ଇଚା କିନାଙ୍ଗା। ଈଶ୍ୱରତି ଡ଼ୁକ୍‌ତି ବିଷୟ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାର୍ ଆରେ ପୁରାପୁରି ଆହା ଇଡ଼୍‌ଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍‌ନାଙ୍ଗା।

କଲସିୟ 3:12

ଈଶ୍ୱର ମିଙ୍ଗେଙ୍ଗ୍ ପବିତ୍ର ମାନାୟ୍ କିଜି ବାଚି କିତ୍‌ତାନ୍‌ନା ଆରେ ଲାଡ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ଜେକନିକାରିଙ୍ଗ୍ ସାଇଜ କିୟାଟ୍, ଦୟା କିୟାଟ୍ ଜାର୍‌ତିଙ୍ଗ୍ ହିରୁ କିୟାଟ୍, ମି ଆଦିକାର୍ ଚଚ୍‌ମାଟ୍ ଆରେ ସାହାସ୍ ଆସ୍ତି ମାନାଟ୍।

ଏବ୍ରି 6:18

ଲାଗିଙ୍ଗ୍ ଈଶ୍ୱର ରଞ୍ଜାଙ୍ଗ୍ ପାର୍ମାଣ୍ ହିତ୍‌ତାନ୍‌ନା ଆରେ ହେୱାନ୍ ରଞ୍ଜାଙ୍ଗ୍ ଶପତ୍ କିତାନ୍‌ନା। ଇ ରିଣ୍ଡାଙ୍ଗ୍ ବିଷୟ ଚେଞ୍ଚ୍ ଆଉତ୍, ଇନେସ୍‌କି ଈଶ୍ୱର ଇନାୱେଡ଼ାଙ୍ଗ୍ ପା ମିଚ୍ କାତା ୱେଚୁନ୍। ଆସେଙ୍ଗ୍ ତା ଲାଗାୟ୍ ରକ୍ଷା ପାୟାଆନି କାଜିଙ୍ଗ୍ ୱାତାସ୍‌ନା, ଲାଗିଙ୍ଗ୍ ମା ମୁମ୍‌ଦ ମାନି ଆହାତିଙ୍ଗ୍ ଆହ୍‌ନି କାଜିଙ୍ଗ୍ ସାହାସ୍ ଆଡ।

୧ ପିତର 1:2

ଆବା ଈଶ୍ୱର ମିଙ୍ଗେଙ୍ଗ୍ ପୁନ୍‌ଞ୍ଜି ମାନ୍‌ଞ୍ଚାନ୍ ଆରେ ବେସି ଆଗେତାଙ୍ଗ୍ ବାଚି କିତ୍‌ତାନ୍‌ନା, ଆରେ ତା ପବିତ୍ର ଆତ୍ମା ମିଙ୍ଗେଙ୍ଗ୍ ପବିତ୍ର କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତା ଆଦେସ୍‌ତିଙ୍ଗ୍ ମାନି କିତାଦେର୍, ଆରେ ହେୱାନ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ନେତେର୍‌ତାଙ୍ଗ୍ ନୁଜ୍‌ଦାନ୍‌ନା। ଈଶ୍ୱର ମିଙ୍ଗେଙ୍ଗ୍ ବେସି ଆରେ ବେସି ଦୟା ଆରେ ଶାନ୍ତି ହିଦେନ୍।

୧ ଯୋହନ 3:24

ଇମ୍‌ଣି ମାନାୟ୍ ଈଶ୍ୱର ଆଦେସ୍‌ତିଙ୍ଗ୍ ମାନି କିନାନ୍। ହେୱାନ୍ ଈଶ୍ୱର ହୁଦାଙ୍ଗ୍ ମାହାଆଜି ମାନାନ୍, ଆରେ ଈଶ୍ୱର ତା ହୁଦାଙ୍ଗ୍ ମାହାଆଜି ମାନାନ୍। ଇନେସ୍‌କି ପବିତ୍ର ଆତ୍ମା ମା ବିତ୍ରେ ମାନାତ୍।

୧ ଯୋହନ 4:12

ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ପା ଇନେର୍ ହୁଡ଼୍‌ୱାତାର୍‌ନା। ମାତର୍ ଯଦି ଆସେଙ୍ଗ୍ ଜାର୍-ଜାର୍‌ବିତ୍ରେ ଲାଡ୍ କିନାସ୍, ଲାଗିଙ୍ଗ୍ ଈଶ୍ୱର ମା ଲାହାଙ୍ଗ୍ ମାନାନ୍, ଆରେ ତା ଲାଡ୍ ମା ବିତ୍ରେ ପୁରା ଆତାତ୍‌ନା।

୧ ଯୋହନ 4:16

ଆପେଙ୍ଗ୍ ପୁଚାପ୍‌ନା, ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନାନା, ଆରେ ଆପେଙ୍ଗ୍ ତାଙ୍ଗେଙ୍ଗ୍ ଆହା କିନାପା। ଇନେର୍ ଲାଡ୍ କିନାନା, ହେୱାନ୍ ଈଶ୍ୱର ଲାହାଙ୍ଗ୍ ମାନ୍‌ଙ୍ଗାନାନ୍ ଆରେ ଈଶ୍ୱର ତା ଲାହାଙ୍ଗ୍ ମାନ୍‌ଙ୍ଗାନାନ୍‌। ଇନେସ୍‌କି ଈଶ୍ୱରନେ ଲାଡ୍।