ପିଲିପିୟ 1:9 - New Testament in Pengo Parja Language

⁹ ଆନେଙ୍ଗ୍ ମି କାଜିଙ୍ଗ୍ ଇ ପାର୍ତାନା କିନାଙ୍ଗା, ଜ୍ଞାନ୍ ଆରେ ବୁଦିତାଙ୍ଗ୍ ଏପେଙ୍ଗ୍ ଜାର୍-ଜାର୍ କାଜିଙ୍ଗ୍ ବେସି ଲାଡ୍ କିବା ଆଡ।

ସତ୍‌ ବଚନ୍‌ ପୁନି ନିୟମ୍‌

⁹ ଆନ୍‌ ପାର୍ତାନା କିନାଙ୍ଗା, ଇନେସ୍‌ ହାତ୍‌ପା ଗିଆନ୍‌ ଆରି ନ୍ୟାୟ୍‌ ବିଚାର୍‌ ଲାହାଂ ମିଦାଂ ଜିଉନନାକା, ଆଦିକ୍‌ତାଂ ଆଦିକ୍‌ ବାଡା ଆନାତ୍‌ ।

ପିଲିପିୟ 1:9 Iomraidhean Croise

୧ କରନ୍ତିୟ 14:20

ଏ ଟଣ୍ଡାର୍‌କାଦେର୍, ଇ ୱିଜୁ ବିଷୟ ବୁଜା ଆଦେଙ୍ଗ୍ ଏପେଙ୍ଗ୍ ହିମ୍‌ଣାଙ୍ଗ୍ ଲେକେ ଆମାଟ୍। ପାପ୍ ବିଷୟରେ ପୁନ୍‌ୱି ହିମ୍‌ଣା ଲେକେ ଆଡ, ମାତର୍ ଇଲେଗ୍‌ଦି ବିଷୟତିଙ୍ଗ୍ ବୁଜା ଆଦେଙ୍ଗ୍ ଗାଜାକାର୍‌ଲେକେ ଆଡ।

୨ କରନ୍ତିୟ 8:7

ଲାଗିଙ୍ଗ୍ ଆନେଙ୍ଗ୍ ପୁଚାଙ୍ଗ୍‌ନା ଏପେଙ୍ଗ୍ ପାର୍ତି କିଜି ମାନି କାଜିଙ୍ଗ୍ ଏପେଙ୍ଗ୍ ୱିଜୁ ନିପଣ୍ ହାର୍ କାମାୟ୍ କିନାଦେରା। ଈଶ୍ୱର ଆତ୍ମା ମିଙ୍ଗେଙ୍ଗ୍ ତା କାତା ୱେଚ୍‌ଚେଙ୍ଗ୍ ଶାକ୍ତି ହିତ୍‌ତାନ୍‌ନା ହେୱାନ୍ ମିଙ୍ଗେଙ୍ଗ୍ ବୁଦି ହିତ୍‌ତାନ୍‌ନା। ଏପେଙ୍ଗ୍ ମାନାୟାରିଙ୍ଗ୍ ସାଇଜ କିଦେଙ୍ଗ୍ ବେସି ଇଚା କିନାଦେରା ଆରେ ମାଙ୍ଗେଙ୍ଗ୍ ପା ଏପେଙ୍ଗ୍ ଲାଡ୍ କିଦ୍‍ନାଦେରା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ, ଏପେଙ୍ଗ୍ ଜାର୍ ଇଚାତାଙ୍ଗ୍ ବେସି ଦାନ୍ ହିଦେଙ୍ଗ୍ ଉପାୟ୍ କିୟାଟ୍।

ଏପିସିୟ 5:17

ଲାଗିଙ୍ଗ୍ ବୁଦିହିଲ୍‌ୱି ମାନାୟ୍ ଲେକେ ଆୱାଦାଙ୍ଗ୍ ବୁଦି ମାନିଲେକେ ଆଡ, ଆରେ ମାପୃ ଇଚା ଇନାକା ହେଦାଙ୍ଗ୍ ବୁଜାଆଡ।

କଲସିୟ 1:9

ହେଦାଙ୍ଗ୍ କାଜିଙ୍ଗ୍ ହେ କାତା ୱେଚି ଦିନ୍‌ତାଙ୍ଗ୍ ୱିଜୁଦିନ୍ ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା। ଆପେଙ୍ଗ୍ ପାର୍ତାନା କିନାପା ଯେ, ମିଙ୍ଗେଙ୍ଗ୍ ଈଶ୍ୱର ଆତ୍ମା ଜ୍ଞାନ୍ ଆରେ ବୁଦି ହିଦେନ୍, ଇନେସ୍‌କି ଏପେଙ୍ଗ୍ ତା ଇଚାତାଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 3:10

ଆରେ ଏପେଙ୍ଗ୍ ପୁନି ଗୁଣ୍‌ତିଙ୍ଗ୍ ଆସ୍ତାଦେର୍‌ନା। ଉବ୍‌ଜାଣ୍ କିତି ଈଶ୍ୱର ବିଷୟରେ ଏପେଙ୍ଗ୍ ଇନେସ୍ ପୁରା ଜ୍ଞାନ୍ ପାୟାଆନାଦେର୍, ହେଦାଙ୍ଗ୍ କାଜିଙ୍ଗ୍ ହେୱାନ୍ ପୁନି ଗୁଣ୍‌ତିଙ୍ଗ୍ ତା ଲେକେନେ ଚଞ୍ଜ୍‌ଞ୍ଜେଙ୍ଗ୍‌ ରହ୍‌ନାନା।

୧ ଥେସଲନୀକିୟ 3:12

ଆରେ ମିଙ୍ଗେଙ୍ଗ୍ ଆପେଙ୍ଗ୍ ଇନେସ୍ କିଜି ବେସି ଲାଡ୍ କିଦ୍‌ନାପା, ହେଲେକେ ଏପେଙ୍ଗ୍ ଜାର୍-ଜାର୍‌ବିତ୍ରେ ବେସି ଲାଡ୍ କିଦେଙ୍ଗ୍ ମାପୃ ମିଙ୍ଗେଙ୍ଗ୍ ଆଦିକ୍ ସାଇଜ କିଦେତ୍।

୧ ଥେସଲନୀକିୟ 4:1

ଏ ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଈଶ୍ୱର ୱାରିୟା ଆନିଲେକେ କାମାୟ୍ କିଜି ଯିବୁନ୍ କାଟିକିୟାଟ୍। ଆଗେ ଇନେସ୍ ଆପେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଆରେ ଏପେଙ୍ଗ୍ ହେଲେକେ କିନାଦେରା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ସାସ୍ ହିଦ୍‌ନାପା, ଲାଗିଙ୍ଗ୍ ଏପେଙ୍ଗ୍ ହେଲେକେ ଆଦିକ୍ କିନାଦେର୍।

୨ ଥେସଲନୀକିୟ 1:3

ଏ ପାର୍ତିକିନି ଟଣ୍ଡାର୍‌କାଦେର୍, ମି କାଜିଙ୍ଗ୍ ଆପେଙ୍ଗ୍ ଈଶ୍ୱରତିଙ୍ଗ୍ ଦନ୍ଯବାଦ୍ ହିନାପା। ହେଲେକେ କିନି ଦର୍‌କାର୍ ଯେ, ଏପେଙ୍ଗ୍ ଯୀଶୁଙ୍ଗ୍ ବେସିହେନି ପାର୍ତି କିନାଦେରା, ଆରେ ଏପେଙ୍ଗ୍ ଜାର୍-ଜାର୍‌ବିତ୍ରେ ବେସି ଲାଡ୍ କିନାଦେରା।

ଫିଲୀମୋନ 1:6

ଈଶ୍ୱର ମାଙ୍ଗେଙ୍ଗ୍ ହିଜି ମାନ୍‌ଞ୍ଚି ହାର୍ଦି ବିଷୟତିଙ୍ଗ୍ ହିକାଆ, ଆରେ ଏନେଙ୍ଗ୍ ପାର୍ତି କିନାକାର୍ ହୁଦାଙ୍ଗ୍ ହାର୍‌ଦାଙ୍ଗ୍ ମାହାଆଜି ମାନା। ଖ୍ରୀଷ୍ଟଙ୍ଗ୍ ସନ୍‌ମାନ୍ ଆନି କାଜିଙ୍ଗ୍ ଇଦାଙ୍ଗ୍ କିୟା ଇଞ୍ଜି ଆନେଙ୍ଗ୍ ପାର୍ତାନା କିନାଙ୍ଗା।

ଏବ୍ରି 5:14

ମାତର୍ ଇମ୍‌ଣାକାନ୍ ଅବ୍ୟାସ୍‌ତାଙ୍ଗ୍ ହାର୍ ଆରେ କରାପ୍‌ତିଙ୍ଗ୍ ଚିନ୍ କିଜି ଜେକ କିଦେଙ୍ଗ୍ ଆଡ୍‌ନାର୍ ଆରେ ଇନାକା ଟିକ୍ ହେଦାଙ୍ଗ୍ କିନାର୍‌, ଇଲେକେ ଗାଜା ମାନାୟାର୍ କାଜିଙ୍ଗ୍ ଆଟ୍‌ୱା କାଦି ଦର୍‌କାର୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୨ ପିତର 3:18

ମାତର୍ ଏପେଙ୍ଗ୍ ମା ମାପୃ ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟନି ଦୟାତିଙ୍ଗ୍ ଆରେ ବୁଦିତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ବୁଜାଆଡ। ଆରେ ହେୱାନିଙ୍ଗ୍ ଏପେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ନଙ୍ଗୟ୍ ଆରେ ୱିଜ୍‌ୱିଦିନ୍ ପାତେକ୍ ଗୌରବ କିୟାଟ୍। ଆମେନ୍।