ପିଲିପିୟ 1:11 - New Testament in Pengo Parja Language

¹¹ ମାର୍ ଇନେସ୍ ପାଡ଼୍‌ ଆହ୍‌ନାତ୍ ଏପେଙ୍ଗ୍ ପା ଯୀଶୁ ଖ୍ରୀଷ୍ଟ ସାଇଜତାଙ୍ଗ୍ ଦରମ୍ କାମାୟ୍ କିନାଦେର୍। ଏଲେଙ୍ଗ୍ ଆତିସ୍ ମାନାୟାର୍ ଈଶ୍ୱରତିଙ୍ଗ୍ ସନ୍‌ମାନ୍ ଆରେ ଜୟ୍-ଜୟ୍ କିନାର୍।

ସତ୍‌ ବଚନ୍‌ ପୁନି ନିୟମ୍‌

¹¹ ଆରି ଇସ୍ୱର୍‌ତି ଜାଜ୍‌ମାଲ୍‌ ଆରି ୱାରିକିୟ୍‌ କାଜିଂ ମି ଜିବୁନ୍‌ ଜିସୁ କ୍ରିସ୍ଟତି ହିତ୍‌ତାକା ୱିଜ଼ୁ ଦାର୍ମିତ ବାର୍ତି ଆନାଦେର୍‌ ।

ପିଲିପିୟ 1:11 Iomraidhean Croise

ମାତିଉ 5:16

ହେଲେକେ ମି ବଇଟାନି ଅଜଡ଼୍ ମାନାୟ୍ ମୁମ୍‌ଦ ଚଞ୍ଜିଆ ଆୟେତ୍, ଇନେସ୍‌କି ହେୱାର୍ ମି ହାର୍ଦି କାମାୟ୍ ହୁଡ଼୍‌ଜି ସରଗ୍‌ନି ଆବାଙ୍ଗ୍‌ ଜୟ୍-ଜୟ୍ କିନାର୍।

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 15:2

ନାବେ ମାନି ଇମ୍‌ଣି କେନ୍ଦାତାକେ ପାଡ଼୍‌ ଆହ୍‌ୱିତିସ୍, ହେୱାନ୍ ହେଦାଙ୍ଗ୍‌ତିଙ୍ଗ୍ କାତ୍‌ନାନ୍। ଇମ୍‌ଣି କେନ୍ଦାତାକେ ପାଡ଼୍‌ ଆସ୍ତି ମାନାତ୍, ଆଦିକ୍ ପାଡ଼୍‌ ଆହ୍‌ନି କାଜିଙ୍ଗ୍ ହେ କେନ୍ଦାତିଙ୍ଗ୍ ଜାତୁନ୍ କିନାନ୍‌।

ଜହନ୍‌ 15:8

ଏପେଙ୍ଗ୍ ବେସି ପାଡ଼୍‌ ଉବ୍‌ଜାଇ କିୟାଟ୍, ଆରେ ନା ଚେଲାଇଞ୍ଜି ଚଚିୟା ଆଡ। ଇଦାଙ୍ଗ୍ କାଜିଙ୍ଗ୍ ନା ଆବା ଈଶ୍ୱର ଜୟ୍-ଜୟ୍ ପାୟା ଆନାନ୍।

ରୋମିୟ 15:28

ଲାଗିଙ୍ଗ୍ ଆନେଙ୍ଗ୍ ପାର୍ତୁମ୍ ଯିରୁଶାଲାମତାକେ ହାଲ୍‌ଜି ହେୱାରିଙ୍ଗ୍ ସାଇଜ କିନି ଇ ରୁଣ୍ଡାୟ୍ କିତି ଡାବୁକାଙ୍ଗ୍ ହିନାଙ୍ଗ୍। ତାପାଚେ ଆନେଙ୍ଗ୍ ରମ ସହରତାକେ ୱାଜି ମିଙ୍ଗେଙ୍ଗ୍ ମାହାଆଜି ସ୍ପେନ୍ ଦେସ୍‌ତାକେ ହାନାଙ୍ଗ୍।

ରୋମିୟ 6:22

ମାତର୍ ନଙ୍ଗୟ୍ ଏପେଙ୍ଗ୍ ପାପ୍‌ନି ଶାକ୍ତିତାଙ୍ଗ୍ ମୁକ୍ତି ପାୟା ଆତାଦେର୍‌ନା ଆରେ ଈଶ୍ୱରତାକେ ଚାକର୍ ଆତାଦେର୍‌ନା। ନଙ୍ଗୟ୍ ଏପେଙ୍ଗ୍ ପବିତ୍ର ଆଦେଙ୍ଗ୍ ଆରେ ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଦରମ୍ କାମାୟ୍ କିନାଦେରା।

୧ କରନ୍ତିୟ 10:31

ଏପେଙ୍ଗ୍ ତିନାଟ୍ କି ଉଣାଟ୍ ଆରେ ଏପେଙ୍ଗ୍ ଇନାକା ପା କିୟାଟ୍, ହେ ୱିଜୁ ଈଶ୍ୱରତିଙ୍ଗ୍ ଗୌରବ କିଦେଙ୍ଗ୍ କିୟାଟ୍।

୨ କରନ୍ତିୟ 9:10

ଟିକ୍ ହେଲେକେ ହେୱାନ୍ ମିଙ୍ଗେଙ୍ଗ୍ ହାର୍‌କିନି କାଜିଙ୍ଗ୍ ହାର୍ ସୁଯଗ୍ ହିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ଗରିବ୍ ମାନାୟାରିଙ୍ଗ୍ ଦାନ୍ ହିଦେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ମାନ୍ ହିଦ୍‌ନାନ୍। ଇନେସ୍‌କି ଈଶ୍ୱରନେ ତାସ୍ କିନାକାରିଙ୍ଗ୍ ବିୟାନ୍ ଆରେ ଚିଞ୍ଜେଙ୍ଗ୍ କାଦି ହିନାନ୍।

ଏପିସିୟ 1:12

ଆସେଙ୍ଗ୍ ଯିହୁଦିକାସ୍ ଆଗେ ଖ୍ରୀଷ୍ଟତାକେ ଆହା କିତାପ୍, ଇନେସ୍ ଆପେଙ୍ଗ୍ ଜୟ୍-ଜୟ୍ କିଜି ଈଶ୍ୱରତିଙ୍ଗ୍ ଗୌରବ କିନାସ୍।

ଏପିସିୟ 1:14

ଇ ପବିତ୍ର ଆତ୍ମା ରଞ୍ଜାଙ୍ଗ୍ ଡିପଜିଟ୍ ଲେକେ ଗେରେଣ୍ଟି ହିଦ୍‌ନାତ୍ ଯେ ଈଶ୍ୱର ମାଙ୍ଗେଙ୍ଗ୍ ତା ଜାର୍ ମାନାୟ୍ କିଦ୍‌ନି କାଜିଙ୍ଗ୍ ମୁକ୍ତି କିତ୍‌ତାନ୍‌ନା ଆରେ ହେୱାନ୍ କିଜିମାଚି ପାର୍ମାଣ୍‌ନି ଆଦିକାର୍ ମାଙ୍ଗେଙ୍ଗ୍ ହିଦ୍‌ନାନ୍। ଲାଗିଙ୍ଗ୍ ଆସେଙ୍ଗ୍ ଜୟ୍-ଜୟ୍ କିଜି ଈଶ୍ୱରତିଙ୍ଗ୍ ଗୌରବ କିନାସ୍।

ଏପିସିୟ 2:10

ଇନେସ୍‌କି ଆସେଙ୍ଗ୍ ନଙ୍ଗୟ୍ ଇନେସାତାସ୍‌ନା ଇଦାଙ୍ଗ୍ ଈଶ୍ୱର ରସ୍ତାତାନ୍‌ନା। ହାର୍ଦି କାମାୟ୍ କିନି କାଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟତାକେ ପୁନି ମାନାୟ୍ ଲେକେ ରସ୍ତାତାନ୍‌ନା। ଆରେ ଇ ଲେକେ ଜିବୁନ୍ କାଟିକିନି କାଜିଙ୍ଗ୍ ଈଶ୍ୱର ଆଗେତାଙ୍ଗ୍ ନେ ମା କାଜିଙ୍ଗ୍ ଜଜ୍‌ନା କିଜି ମାଚାନ୍।

ଏପିସିୟ 5:9

ଇନେସ୍‌କି ଅଜଡ଼୍‌ନି ପାଡ଼୍‌ ଆନାତା, ହାର୍ କାମାୟ୍, ଦରମ୍ କାମାୟ୍ କିନାକା, ଆରେ ସତ୍ ବ୍ୟବହାର୍ କିୟାଟ୍।

ପିଲିପିୟ 4:17

ଆନେଙ୍ଗ୍ ମିବେତାଙ୍ଗ୍ ୱିଜୁଦିନ୍ ଡାବୁଙ୍ଗ୍ ପାୟା ଆଦେଙ୍ଗ୍ ଇଚା କିଉଙ୍ଗା। ମାତର୍ ଏପେଙ୍ଗ୍ ଏଚେକ୍ ହାର୍ଦି କାମାୟ୍ କିତାଦେର୍‌ନା ଇଦାଙ୍ଗ୍ ପା ରଞ୍ଜାଙ୍ଗ୍ ହାର୍ଦି କାମାୟ୍ ଇଞ୍ଜି ପୁନିକିଦେଙ୍ଗ୍ ଇଚା କିତାଙ୍ଗ୍। ଇଦାଙ୍ଗ୍ କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ପୁରଷ୍କାର୍ ହିଦ୍‌ନାନ୍।

କଲସିୟ 1:10

ଆରେ ଏପେଙ୍ଗ୍ ଇନେସ୍‌କି ମାପୃଙ୍ଗ୍ ୱିଜୁଦିନ୍ ସନ୍‌ମାନ୍ ଆରେ ୱାରି କିତିଲେକେ ଜିବୁନ୍ କାଟିକିନାଦେର୍। ଏପେଙ୍ଗ୍ ୱିଜୁଦିନ୍ ହାର୍ଦି କାମାୟ୍ କିନାଦେର୍, ଆରେ ଈଶ୍ୱରତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ହାର୍‌ଦାଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍।

କଲସିୟ 1:6

ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତି ମାନାୟାର୍ ୱେଚାର୍ ଆରେ ବେସିହେନି ପାର୍ତିକିନାରା। ଏପେଙ୍ଗ୍ ଇନେସ୍ ପାର୍ତୁମ୍ ହାର୍ଦିକାବୁର୍ ୱେନ୍‌ଞ୍ଜି ଆରେ ଈଶ୍ୱରତି ମହାନ୍ ଦୟା ବିଷୟନି ସତ୍ ବିଷୟତିଙ୍ଗ୍ ପୁନ୍‌ଞ୍ଜି ଇନେସ୍ ମି ଜିବୁନ୍ ବାଦ୍‌ଲା ଆତାତ୍‌ନା, ହେଲେକେ ୱିଜୁ ବାହାନି ମାନାୟାରିଙ୍ଗ୍ ଜିବୁନ୍ ବାଦ୍‌ଲାୟ୍ କିନାତା।

୨ ଥେସଲନୀକିୟ 1:12

ଆପେଙ୍ଗ୍ ଇଲେକେ ପାର୍ତାନା କିନାପା ଯେ, ମି କାଜିଙ୍ଗ୍ ମା ମାପୃ ଯୀଶୁଙ୍ଗ୍ ମାନାୟାର୍ ସନ୍‌ମାନ୍ ହିଏର୍‌, ଆରେ ହେୱାର୍ ମିଙ୍ଗେଙ୍ଗ୍ ସନ୍‌ମାନ୍ ହିଦ୍‌ନାର୍ ଯେ, ଏପେଙ୍ଗ୍ ଯୀଶୁଙ୍ଗ୍ ପାର୍ତି କିନାଦେରା। ମା ଈଶ୍ୱର ଆରେ ମାପୃ ଯୀଶୁ ଖ୍ରୀଷ୍ଟ ମାଙ୍ଗେଙ୍ଗ୍ ଦୟା କିଦ୍‌ନାରା।

ତୀତସ 3:14

ହେଲେକେ ଏପେଙ୍ଗ୍ ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍ ଯେ ମାନାୟାର୍ ଇନେସ୍ ହେୱାରିଙ୍ଗ୍ ଦର୍‌କାର୍‌ଆନି ଜିନିଷ୍ ପାୟାଆନାର୍‌, ଇଦାଙ୍ଗ୍ କାଜିଙ୍ଗ୍ ପାର୍ତି କିନାକାର୍ ହାର୍ଦି କାମାୟ୍ କିନି କାଜିଙ୍ଗ୍ ନେ ମାନ୍ କିଜି ମାନେର୍। ଲାଗିଙ୍ଗ୍ ହେୱାର୍ ତା ଜିବୁନ୍‌ତ ଇନାୱେଡ଼ାଙ୍ଗ୍ ପା ପାଡ଼୍‌ ହିଲ୍‌ୱି ଲେକେ ଆଉର୍।

ଏବ୍ରି 12:11

ନଙ୍ଗୟ୍ ସାସନ୍ ପାୟାଆନିହିଙ୍ଗ୍ ଇନେର୍ ପା ୱାରିନି ବିଷୟ ଇଞ୍ଜି ବାବି କିୱାଦାଙ୍ଗ୍ ଦୁକ୍‌ତି ବିଷୟ ଇଞ୍ଜି ବାବିକିଜି ମାନ୍‌ଗାନାର୍। ମାତର୍ ଇମ୍‌ଣାକାର୍ ସାସନ୍ ପାୟାଆନାର୍‌, ହେୱାର୍ ଶାନ୍ତି ଆରେ ଟିକ୍‌ତାକେ ଜିନି ଜିବୁନ୍‌ନି ହିକ୍ଷା ପାୟାଆନାର୍‌।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 2:9

ମାତର୍ ଏପେଙ୍ଗ୍ ହେୱାର୍ ଲେକେ ଆକାୟ୍, ଈଶ୍ୱର ମିଙ୍ଗେଙ୍ଗ୍ ତା ଲକ୍ ଆଦେଙ୍ଗ୍ ବାଚି କିତ୍‌ତାନ୍‌ନା। ହେୱାନ୍ ମିଙ୍ଗେଙ୍ଗ୍ ରାଜା ଈଶ୍ୱର ହେବା କିଦେଙ୍ଗ୍ ପୁଜାରି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ଜାର୍ ଦନ୍‌ଲେକେ ତା ହେବା କିଦେଙ୍ଗ୍ ବାଚି କିତ୍‌ତାନା। ହେୱାନ୍ ମିଙ୍ଗେଙ୍ଗ୍ ମାଜ୍‌ଗା ଲେଗ୍‌ଦି ପାପ୍‌ତାଙ୍ଗ୍ ବିନେ କିତାନ୍‌ନା ଆରେ ଚାନିଆଆନି କାମାୟ୍‌ତିଙ୍ଗ୍ ଶୁଣାୟ୍ କିଦେଙ୍ଗ୍ ତା ଚାନିଆଆନି ଅଜଡ଼୍‌ତାକେ ତାହି ୱାତ୍‌ତାନ୍‌ନା।

୧ ପିତର 4:14

ଏପେଙ୍ଗ୍ ଖ୍ରୀଷ୍ଟାନ୍ ଆତି କାଜିଙ୍ଗ୍ ଯଦି ମାନାୟାର୍ ମିଙ୍ଗେଙ୍ଗ୍ ଇନସ୍ତା କିଦ୍‌ନାର୍ ଏପେଙ୍ଗ୍ ୱାରି କିୟାଟ୍, ଇନେସ୍‌କି ଗୌରବ ପାୟାଆନି ଈଶ୍ୱରତି ପବିତ୍ର ଆତ୍ମା ମି ବିତ୍ରେ ମାନାତା।