ଫିଲୀମୋନ 1:10 - New Testament in Pengo Parja Language

¹⁰ ଆନେଙ୍ଗ୍ ନିଙ୍ଗେଙ୍ଗ୍ ଅନିସିମ କାଜିଙ୍ଗ୍ ଗୁୱାରି କିଦ୍‌ନାଙ୍ଗା, ହେୱାନ୍ ରକାନ୍ ନା ହିମ୍‌ଣା ଲେକେ। ଆନେଙ୍ଗ୍ ଜଇଲ୍ ଇଞ୍ଜ ବନ୍ଦି ଆଜି ମାଚିହିଙ୍ଗ୍ ପା ହେୱାନ୍ ଖ୍ରୀଷ୍ଟଙ୍ଗ୍ ପାର୍ତିକିନି କାଜିଙ୍ଗ୍ ନା ହିମ୍‌ଣା ଆତାନ୍‌ନା।

ସତ୍‌ ବଚନ୍‌ ପୁନି ନିୟମ୍‌

¹⁰ ନାଦାଂ ଏଲେଙ୍ଗ୍‌ ଗାଚ୍‌ୟା ଆତି ଅବସ୍ତାତ ନାତାଙ୍ଗ୍‌ ହତ୍‌ତି ନା ବପା ଅନିସିମ୍‌ କାଜିଂ ମିଙ୍ଗ୍‌ ଗୱାରି କିଦ୍‌ନାଙ୍ଗା ।

ଫିଲୀମୋନ 1:10 Iomraidhean Croise

ମାର୍କ 9:17

ହେ ମାନାୟାର୍‌ ବିତ୍ରେତାଙ୍ଗ୍ ରକାନ୍ ଯୀଶୁଙ୍ଗ୍ ୱେଚ୍‌ଚାନ୍, “ଏ ଗୁରୁ, ନା ହିମ୍‌ଣାଙ୍ଗ୍ ର କନ୍ଦା ବୁତ୍‍ଡୁତାତ୍‌ନା। ହେୱାନ୍ ବେଣ୍‌କିଦେଙ୍ଗ୍ ଆଡୁନା, ହେ ହିମ୍‌ଣାଙ୍ଗ୍ ଆନେଙ୍ଗ୍ ନି ଲାଗାୟ୍ ତାହିୱାଜି ମାଚାଙ୍ଗ୍।

ରୋମିୟ 12:1

ଲାଗିଙ୍ଗ୍, ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍-ଜାର୍ ଜିବୁନ୍‌ନି ଗାଗାଡ଼୍‌ତିଙ୍ଗ୍, ପବିତ୍ର ଆରେ ଈଶ୍ୱରତିଙ୍ଗ୍ ଆହ୍‌ନିଲେକେ ବଲିପୁଜା ଲେକେ କିୟାଟ୍, ହେଦାଙ୍ଗ୍‌ନେ ଈଶ୍ୱରତିଙ୍ଗ୍ ହେବାକିନି ସତ୍ ଉପାୟ୍।

୧ କରନ୍ତିୟ 4:14

ଆନେଙ୍ଗ୍ ମିଙ୍ଗେଙ୍ଗ୍ ଲାଜ୍ କିଦ୍‌ନି କାଜିଙ୍ଗ୍ ଇ ୱିଜୁ ବିଷୟ ଲେକିକିଉଙ୍ଗା। ମାତର୍ ଏପେଙ୍ଗ୍ ନା ମାଜିର୍‌ଲେକେ, ଆରେ ଆନେଙ୍ଗ୍ ମିଙ୍ଗେଙ୍ଗ୍ ଲାଡ୍ କିଦ୍‌ନାଙ୍ଗା ହେଦାଙ୍ଗ୍ କାଜିଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନି କାଜିଙ୍ଗ୍ ଇ ୱିଜୁ ବିଷୟ ଆନେଙ୍ଗ୍ ଲେକିକିନାଙ୍ଗା।

୧ କରନ୍ତିୟ 4:15

ଯଦି ମିଙ୍ଗେଙ୍ଗ୍ ଦସ୍ ହାଜାର୍ ମାନାୟ୍ ହିକ୍ଷା ହିଦ୍‌ଦେଙ୍ଗ୍ ମାଚିସ୍ ପା। ଆନେଙ୍ଗ୍ ନେ ମି ଆବାଲେକେ ଇନେସ୍‌କି ଆନେଙ୍ଗ୍ ନେ ମିଙ୍ଗେଙ୍ଗ୍ ପାର୍ତୁମ୍ ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆରେ ଏପେଙ୍ଗ୍ ଖ୍ରୀଷ୍ଟ ଯୀଶୁଙ୍ଗ୍ ପାର୍ତି କିତାଦେର୍।

ଗାଲାତିୟ 4:19

ଏ ନା ଲାଡ୍‌ନି କାଡ଼୍‌ଦେର୍, ର କଗ୍‌ଲେ ହିମ୍‌ଣା ଜନମ୍ କିନିହିଙ୍ଗ୍ ଇନେସ୍ କଷ୍ଟ ପାୟାଆନାତ୍, ହେଲେକେ ଆନେଙ୍ଗ୍ ମି କାଜିଙ୍ଗ୍ ଆରେରଗ କଷ୍ଟ ପାୟାଆନାଙ୍ଗା। ଏପେଙ୍ଗ୍ ପୁରାପୁରି ଖ୍ରୀଷ୍ଟ ଲେକେ ଆୱି ପାତେକ୍, ଆନେଙ୍ଗ୍ ହେ କଷ୍ଟ ପାୟାଆଜି ମାନ୍‌ଙ୍ଗାନାଙ୍ଗ୍।

କଲସିୟ 4:9

ମା ଲାଡ୍‌ନି ପାର୍ତିକିନି ଟଣ୍ଡେନ୍ ଅନିସିମଙ୍ଗ୍ ହେୱାନ୍ ହୁଦାଙ୍ଗ୍ ଆନେଙ୍ଗ୍ ମି ଲାଗାୟ୍ ପକ୍ତାତାଙ୍ଗ୍‌ନା। ଅନିସିମ ରକାନ୍ କାତା ମାନିକିଜି ମାନାକାନ୍, ଆରେ ହେୱାନ୍ ମି ସହର୍‌ନି ମାନାୟ୍। ଇବେ ଗଟାଆତି ବିଷୟତିଙ୍ଗ୍ ଇ ରିକାର୍ ମିଙ୍ଗେଙ୍ଗ୍ ୱେଚ୍‌ଚାନାର୍।

୧ ତିମତି 1:2

ଆନେଙ୍ଗ୍ ଇ ଚିଟି ତିମତି ଲାଗାୟ୍ ଲେକିକିନାଙ୍ଗା। ଏନେଙ୍ଗ୍ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଏନେଙ୍ଗ୍ ନା କାଜିଙ୍ଗ୍ ରକାଇ ହିମ୍‌ଣା ଲେକେ। ଆବା ଈଶ୍ୱର ଆରେ ମା ମାପୃ ଯୀଶୁ ଖ୍ରୀଷ୍ଟ ନିଙ୍ଗେଙ୍ଗ୍ ଆଶ୍ରିବାଦ୍, ଦୟା ଆରେ ଶାନ୍ତି ହିଦେନ୍।

ତୀତସ 1:4

ମା ଆବା ଈଶ୍ୱର ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟ ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍।

ଫିଲୀମୋନ 1:11

ଆଗେ ଅନିସିମ ବେକାରିଆ ମାନାୟ୍ ମାଚାନ୍, ମାତର୍ ନଙ୍ଗୟ୍ ହେୱାନ୍ ମା କାଜିଙ୍ଗ୍ ଉପ୍‌କାର୍‌ନି ମାନାୟ୍ ଆନାନ୍।

ଫିଲୀମୋନ 1:13

ଆନେଙ୍ଗ୍ ପୁଚାଙ୍ଗ୍‌ନା ଯେ ଏନେଙ୍ଗ୍ ନାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ଇଚା କିଦ୍‌ନାୟା। ଲାଗିଙ୍ଗ୍ ଆନେଙ୍ଗ୍ ହାର୍ଦିକାବୁର୍ ଶୁଣାୟ୍ କିଜି ଜଇଲ୍ ଇଞ୍ଜି ମାନିହିଙ୍ଗ୍ ହେୱାନ୍ ନି ବାଦୁଲ୍‌ତ ଇବେ ମାନ୍‌ଞ୍ଜି ନାଙ୍ଗେଙ୍ଗ୍ ସାଇଜ କିଦେନ୍ ଇଞ୍ଜି ଆନେଙ୍ଗ୍ ବାବିକିନାଙ୍ଗା।

୩ ଯୋହନ 1:4

ଏ ନା ମାଜିର୍ କାଦେର୍, ଏପେଙ୍ଗ୍ ଈଶ୍ୱର ହିକାୟ୍ କିତ୍‌ତି ସତ୍ କାମାୟ୍ କିନାଦେରା, ହେଦାଙ୍ଗ୍ ୱେନ୍‌ଞ୍ଜି ଆନେଙ୍ଗ୍ ବେସି ୱାରିୟା ଆତାଙ୍ଗ୍।