ମାର୍କ 9:41 - New Testament in Pengo Parja Language

⁴¹ ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏପେଙ୍ଗ୍ ଖ୍ରୀଷ୍ଟ ନିପ୍‌ଣି ମାନାୟ୍ ଇଞ୍ଜି ଇନେର୍ ମିଙ୍ଗେଙ୍ଗ୍ ଗିନାତ ଏଜୁଙ୍ଗ୍ ଉଣ୍ଡେଙ୍ଗ୍ ହିଦ୍‌ନାନ୍, ହେୱାନିଙ୍ଗ୍ ଈଶ୍ୱର ହାତ୍‌ପା ପୁରଷ୍କାର୍ ହିନାନ୍।

ସତ୍‌ ବଚନ୍‌ ପୁନି ନିୟମ୍‌

⁴¹ ଆନ୍‌ ମିଙ୍ଗେଙ୍ଗ୍‌ ହାତ୍‌ପା ଇଞ୍ଜ୍‌ନାଙ୍ଗା, ଏପେଙ୍ଗ୍‌ କ୍ରିସ୍ଟତି ଲକୁ ଇଞ୍ଜି ଇନେର୍‌କି ମିଙ୍ଗେଙ୍ଗ୍‌ ର ଗିନା ଏଜ଼ୁଂ ଉଣ୍ଡେଙ୍ଗ୍‌ ହିତ୍‍ତିସ୍, ହେୱାନ୍‌ ଇନେସ୍‌ କିଜ଼ିପା ଜାର୍‌ ମୁକୁଟ୍‌ ଆରାୟ୍‌ କିଉନ୍‌ ।”

ମାର୍କ 9:41 Iomraidhean Croise

ମାତିଉ 10:42

ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ନାଙ୍ଗେଙ୍ଗ୍ ପାର୍ତିକିନି ହିରୁ ଲଗାଙ୍ଗ୍ ପା ନା ଚେଲାଇଞ୍ଜି ଯଦି ର ଗିଲାସ୍ ଏଜୁଙ୍ଗ୍ ଉଣ୍ଡେଙ୍ଗ୍ ହିନାର୍ ହେୱାନିଙ୍ଗ୍ ଈଶ୍ୱର ହାତ୍‌ପା ପୁରଷ୍କାର୍ ହିନାନ୍।”

ମାତିଉ 25:40

ଏଚେପାଦ୍ନା ଆନେଙ୍ଗ୍ ରାଜା ୱେଚ୍‌ଚାନାଙ୍ଗ୍, ‘ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ଏପେଙ୍ଗ୍ ନାବେ ପାର୍ତିକିନି ଟଣ୍ଡାର୍ ବିତ୍ରେତାଙ୍ଗ୍ ରକାନିଙ୍ଗ୍ ଇନାକା କିତାଦେର୍‌ନା। ହେଦାଙ୍ଗ୍ ଏପେଙ୍ଗ୍ ନା କାଜିଙ୍ଗ୍ କିତାଦେର୍‌ନା।’

ମାର୍କ 4:10

ଯୀଶୁ ରକାନ୍ ମାନିହିଙ୍ଗ୍ ତା ହାଙ୍ଗ୍‌ଦାକାର୍ ବାରଜାଣ୍ ବାଚିକିତି ଚେଲାର୍ ହୁଦାଙ୍ଗ୍ ତା ଲାଗାୟ୍ ୱାତାର୍, ଆରେ ଯୀଶୁ ୱେଚି କାତାତିଙ୍ଗ୍ ବୁଜଆୱାଦାଙ୍ଗ୍ ଆରେରଗ ବୁଜାଇ କିଦା ଇଞ୍ଜି ୱେଚ୍‌ଚାର୍।

ରୋମିୟ 14:15

ଆରେ ଯଦି ଏପେଙ୍ଗ୍ ତିନି କାଜିଙ୍ଗ୍ ଜେକନି ଖ୍ରୀଷ୍ଟାନ୍ ଟଣ୍ଡେନ୍ ଈଶ୍ୱରତିଙ୍ଗ୍ ଲାଡ୍‌ତାଙ୍ଗ୍ ମାନିକିଉନା, ଲାଗିଙ୍ଗ୍ ଏପେଙ୍ଗ୍ ହେଦାଙ୍ଗ୍ ତିନ୍‌ମାଟ୍‌, ଇନେସ୍‌କି ଖ୍ରୀଷ୍ଟ ତା କାଜିଙ୍ଗ୍ ପା ହାଃତାନ୍‌ନା।

ରୋମିୟ 8:9

ମାତର୍ ମିଙ୍ଗେଙ୍ଗ୍ ପାପ୍ କାମାୟ୍ କିନି ଇଚା କଣ୍ଟ୍ରୁଲ୍ କିଦୁତା, ଇନେସ୍‌କି ଯଦି ମି ବିତ୍ରେ ମାନି ଈଶ୍ୱରତି ପବିତ୍ର ଆତ୍ମା କଣ୍ଟ୍ରୁଲ୍ କିନାତା। ଆରେ ଏପେଙ୍ଗ୍ ମାନ୍ତ ଇଟାଟ୍ ଯେ, ଇମ୍‌ଣି ମାନାୟାର୍ ବିତ୍ରେ ଖ୍ରୀଷ୍ଟ ଆତ୍ମା ମାନୁତା, ହେୱାର୍ ସତ୍ ଖ୍ରୀଷ୍ଟାନ୍ ଆକାୟ୍।

୧ କରନ୍ତିୟ 15:23

ମାତର୍ ୱିଜୁ ମାନାୟାର୍ ଟିକ୍ ସମୟରେ ଆରେରଗ ଜିବୁନ୍ ଆନାର୍। ଈଶ୍ୱର ମାଙ୍ଗେଙ୍ଗ୍ ପୁନି କିଦ୍‌ନି କାଜିଙ୍ଗ୍ ଖ୍ରୀଷ୍ଟଙ୍ଗ୍ ଆରେରଗ ପାର୍ତୁମ୍ ଜିବୁନ୍ କିତାନ୍। ଲାଗିଙ୍ଗ୍ ଏଚେପାଦ୍ନା ଖ୍ରୀଷ୍ଟ ଆରେରଗ ୱାନାନ୍ ତା ମାନାୟାରିଙ୍ଗ୍ ଆରେରଗ ଜିବୁନ୍ କିନାନ୍।

୧ କରନ୍ତିୟ 3:23

ଆରେ ଏପେଙ୍ଗ୍ ଖ୍ରୀଷ୍ଟର୍ ଲକ୍ ଆରେ ଖ୍ରୀଷ୍ଟ ଈଶ୍ୱର ଲକ୍।

୨ କରନ୍ତିୟ 10:7

ଏପେଙ୍ଗ୍ ଲକାର୍ ମୁମ୍ ହୁଡ଼୍‌ଜି ବିଚାର୍ କିନାଦେରା। ଯଦି ଇମ୍‌ଣି ମାନାୟ୍ ଖ୍ରୀଷ୍ଟ ଲକ୍ ଆତାଙ୍ଗ୍‌ନା ଇଞ୍ଜି ପୁରାପୁରି ପାର୍ତି କିନାନା, ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟର୍ ଲକ୍ ଇଞ୍ଜି ହେୱାର୍ ପା ମାନିକିନି ଦର୍‌କାର୍, ଇନେସ୍ ହେୱାର୍ ଖ୍ରୀଷ୍ଟର୍ ଲକ୍ ଆତାପ୍‌ନା ଇଞ୍ଜି ବାଟ୍‌ପାଣ୍ ଆନାରା।

ଗାଲାତିୟ 3:29

ଏପେଙ୍ଗ୍ ନଙ୍ଗୟ୍ ଖ୍ରୀଷ୍ଟନି ମାନାୟ୍ କାଦେର୍, ଆରେ ଏପେଙ୍ଗ୍ ହାତ୍‌ପା ଅବ୍ରାହାମନି ମେହି କାଦେର୍। ଈଶ୍ୱର ଅବ୍ରାହାମତିଙ୍ଗ୍ କିଜିମାଚି ପାର୍ମାଣ୍‌ନି ଆଶ୍ରିବାଦ୍‌ତାଙ୍ଗ୍ ଏପେଙ୍ଗ୍ ତା ଅଦିକାର୍ ଆତାଦେର୍।

ଗାଲାତିୟ 5:24

ଇମ୍‌ଣାକାର୍ ଯୀଶୁ ଖ୍ରୀଷ୍ଟନି ମାନାୟ୍, ହେୱାର୍ ତା ଗାଗାଡ଼୍‌ନି ଇଚା ଆରେ କରାପ୍ ଚିନ୍ତାତିଙ୍ଗ୍ ତା କୃଶକାଟ୍‌ତାକେ ଅସ୍ତାର୍‌ନା।