ମାର୍କ 8:21 - New Testament in Pengo Parja Language

²¹ ତାପାଚେ ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ପାତେକ୍ ଏପେଙ୍ଗ୍ ନାଙ୍ଗେଙ୍ଗ୍ ପୁଞ୍ଜୁଦେରା କି?”

ସତ୍‌ ବଚନ୍‌ ପୁନି ନିୟମ୍‌

²¹ ହେବେ ଜିସୁ ହେୱାରିଂ ଇଚାନ୍‌, “ଏପେଙ୍ଗ୍‌ ଇନାକା ନଙ୍ଗ୍‌ ପାତେକ୍‌ ବୁଜା ଆଉଦେରା ।”

ମାର୍କ 8:21 Iomraidhean Croise

ମାର୍କ 6:52

ଯୀଶୁ ପାଞ୍ଚ୍ ହାଜାର୍ ମାନାୟ୍‌ତିଙ୍ଗ୍ ପାଞ୍ଚ୍‌ଗଟା ରୁଟିଙ୍ଗ୍ ଆରେ ରି ମିନ୍‌କୁ ଚିଚ୍‌ପିତି ଗଟ୍‌ନା ହୁଡ଼୍‌ଜି ପା ହେୱାର୍ ଯୀଶୁଙ୍ଗ୍ ପାର୍ତି କିୱାତାର୍, ଇନେସ୍‌କି ହେୱାରିଙ୍ଗ୍ ବୁଜାଆନି ସାକ୍ତି ହିଲାତାତ୍।

ମାର୍କ 8:12

ହେବେତାଙ୍ଗ୍ ଯୀଶୁ ହେୱାର୍ ପାର୍ତି କିୱାକା ହୁଡ଼୍‌ଜି ହାଇ ଇଡ଼୍‌ଜି ୱେଚ୍‌ଚାନ୍, “ନଙ୍ଗୟ୍‌ନି ମାନାୟ୍ ଇନେକିଦେଙ୍ଗ୍ ଚାନିଆଆନି ଚିନା ଡେକ୍ନାରା? ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ନଙ୍ଗୟ୍‌ନି ମାନାୟାରିଙ୍ଗ୍ ଇନା ଚିନା ହିୟାଆଉତ୍।”

ମାର୍କ 8:17

ହେୱାର୍ ପୁସୁର୍ ପାସାର୍ ଆନାକା ପୁନ୍‌ଞ୍ଜି, ଯୀଶୁ ଚେଲାହିରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ନା ବିଷୟରେ ନଙ୍ଗୟ୍ ପେତେକ୍ ପୁନୁଦେରା କି ବୁଜାଆଉଦେରା। ଏପେଙ୍ଗ୍ ବୁଜା ଆଦେଙ୍ଗ୍ ଏଚେକ୍ ଆବ୍‌ଡ଼ୁ ଆନାଦେରାକି? ହେଦାଙ୍ଗ୍ କାଜିଙ୍ଗ୍ ନେ ଏପେଙ୍ଗ୍ ରୁଟି ହିଲେତ୍ ଇଞ୍ଜି ବିତ୍ରେ-ବିତ୍ରେ ବେଣ୍ କିନାଦେରା।

ମାର୍କ 8:22

ଯୀଶୁ ଆରେ ତା ଚେଲାହିର୍ ବେଥ୍‍ସାଇଦା ସହର୍‌ତାକେ ୱାତାର୍। ହେବେ ମାନାୟାର୍ ର କାଣା ମାନାୟ୍‌ତିଙ୍ଗ୍ ଯୀଶୁ କଚଣ୍‌ତ ତାହିୱାତାର୍, ହେୱାନିଙ୍ଗ୍ ଆସ୍‌ପି ହାର୍‌କିଦେଙ୍ଗ୍ ଯୀଶୁଙ୍ଗ୍ ଗୁୱାରି କିତାର୍।

ମାର୍କ 9:19

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ପାର୍ତି କିୱାକାଦେର୍। ଆନେଙ୍ଗ୍ ମିହୁଦାଙ୍ଗ୍ କେତେକ୍ ଦିନ୍ ମାନାଙ୍ଗ୍? ଆରେ ଏପେଙ୍ଗ୍ ପାର୍ତିକିନି ପାତେକ୍ ଆନେଙ୍ଗ୍ ମିହୁଦାଙ୍ଗ୍ ଏଚେକ୍ ଦିନ୍ ମାନାଙ୍ଗ୍? ହେ ହିମ୍‌ଣାତିଙ୍ଗ୍ ନା ଲାଗାୟ୍ ତାହି ୱାଡ।” ହେୱାର୍ ଯୀଶୁତାକେ ହେୱାନିଙ୍ଗ୍ ତାତାର୍।

ଜହନ୍‌ 14:9

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ପିଲିପ, ମିହୁଦାଙ୍ଗ୍ ବେସି ଦିନ୍‌ତାଙ୍ଗ୍ ମାନାଙ୍ଗା। ହେଦାଙ୍ଗ୍ କାଜିଙ୍ଗ୍ ନାଙ୍ଗେଙ୍ଗ୍ ପୁଞ୍ଜ୍‌ନି କାତା। ନାଙ୍ଗେଙ୍ଗ୍ ଇନେର୍ ହୁଡ଼୍‌ଦାତାର୍‌ନା, ହେୱାନ୍ ଆବା ଈଶ୍ୱରତିଙ୍ଗ୍ ପା ହୁଡ଼୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ଇନା କିଦେଙ୍ଗ୍ ଇଞ୍ଜ୍‌ନାଦେରା, ‘ମାଙ୍ଗେଙ୍ଗ୍ ଆବା ଈଶ୍ୱରତିଙ୍ଗ୍ ଚଚ୍‌ଚା ଇଞ୍ଜି?’

୧ କରନ୍ତିୟ 15:34

ଏପେଙ୍ଗ୍ ଟିକ୍ ବିଷୟତିଙ୍ଗ୍ ହାର୍‌ଦାଙ୍ଗ୍ ଚିନ୍ତା କିୟାଟ୍, ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍। ଇନେସ୍‌କି ମି ବିତ୍ରେତାଙ୍ଗ୍ କେତ୍‌ଜାଣ୍ ମାନାର୍ ହେୱାର୍ ଈଶ୍ୱରତିଙ୍ଗ୍ ମୁଡ଼୍‌କେ ପୁନ୍‌ୱାତାର୍‌ନା ଆରେ ହେୱାରିଙ୍ଗ୍ ଲାଜୁ କିଦେଙ୍ଗ୍ ଇ ୱିଜୁ ବିଷୟରେ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା।

୧ କରନ୍ତିୟ 6:5

ଆନେଙ୍ଗ୍ ମିଙ୍ଗେଙ୍ଗ୍ ଲାଜ୍ କିଦ୍‌ନି କାଜିଙ୍ଗ୍ ୱେଚ୍‌ଚାନାଙ୍ଗ୍, ପାକା ମି ବିତ୍ରେ ବୁଦି ମାନି ମାନାୟ୍ ମାନ୍‌ଗାନାନ୍ ହେୱାନ୍ ଇ ରିୟାର୍ ପାର୍ତିକିନି ଟଣ୍ଡାର୍ ବିତ୍ରେ ଇଲେକେ ବିଷୟତିଙ୍ଗ୍ ସମାଦାନ୍ କିଦେଙ୍ଗ୍ ଆଡ୍‌ନାନ୍।