ମାର୍କ 6:3 - New Testament in Pengo Parja Language

³ ହେୱାନିଙ୍ଗ୍ ଅପ୍‌ମାନ୍ ହିଜି ୱେଚ୍‌ଚାର୍, “ଇୱାନ୍‌ତ ର ବାଡାଇ, ମରିୟମ ମେହି, ଆରେ ଯାକୁବ, ଯୋଷେପ୍‌, ଯିହୁଦା ଆରେ ଶିମୋନ ଟଣ୍ତାହି, ଆରେ ତା ତଣ୍‍ଦେହିକ୍ ପା ମା ଲାହାଙ୍ଗ୍ ଇବେ ମାନିକା।” ଏନେଙ୍ଗ୍ ୱେଚ୍‌ଚି ଯୀଶୁଙ୍ଗ୍ ପାର୍ତି କିୱାତାର୍।

ସତ୍‌ ବଚନ୍‌ ପୁନି ନିୟମ୍‌

³ ଇୱାନ୍‌ ଜେ ହେ ବାଡାୟ୍‌ ଆକାୟ୍‌ । ଇୱାନ୍‌ ହେ ମରିୟମ୍‌ ମେହି, ଆରି ଜାକୁବ୍‌, ଜସି, ଜିହୁଦା ଆରେ ସିମନ୍‌ ଟଣ୍ଡେନ୍‌ ଆକାୟ୍‌ ପାଚେ, “ଇୱାର୍‌ ତଣ୍‌ଦେହିକ୍‌ ଇବେ ମା ଲାହାଙ୍ଗ୍‌ ରଚେ ହିଲ୍‍ୱିତିକ୍” ଆରେ ଇଦାଂ ଇଞ୍ଜି ତାଙ୍ଗେଙ୍ଗ୍‌ ପାର୍ତି କିୱାତାର୍‌ ।

ମାର୍କ 6:3 Iomraidhean Croise

ମାତିଉ 11:6

ଇନେର୍ ପା ନାଙ୍ଗେଙ୍ଗ୍ ପାର୍ତି କିନାକା ପିସ୍ତୁନ୍ ହେୱାନ୍ ଆଶ୍ରିବାଦ୍‌ନି ମାନାୟ୍ ଆନାର୍।”

ମାତିଉ 12:46

ଏଚେପାଦ୍ନା ଯୀଶୁ ମାନାୟ୍ ଗଉଲି ବିତ୍ରେ ବେଣ୍ ୱେଚ୍‌ନିହିଙ୍ଗ୍, ଯୀଶୁ ତେହି ଆରେ ଟଣ୍ଡାହିର୍ ବାର୍ତ ନିଲ୍‌ଚି ତା ଲାହାଙ୍ଗ୍ ବେଣ୍‌କିଦେଙ୍ଗ୍ ମାନ୍ କିଜି ମାଚାର୍।

ମାର୍କ 15:40

କେତେକ୍ କଗ୍‍ଲେକ୍ ପା ଦେହାତାଙ୍ଗ୍ ହୁଡ଼୍‌ଜି ମାଚିକ୍। ହେୱେକ୍ ବିତ୍ରେତାଙ୍ଗ୍ ମଗ୍‌ଦଲିନି ସହରନି ମରିୟମ, ହିରୁ ଯାକୁବ ଆରେ ଯୋଶି ତେହି ମରିୟମ, ଆରେ, ଶଲମି ମାଚିକ୍।

ମାର୍କ 3:18

ଆନ୍ଦ୍ରିୟ, ପିଲିପ, ବାର୍ଥଲମି, ମାଥିଉ, ଥୋମା, ଆଲ୍‌ପି ମେହି ଯାକୁବ, ଥଦ୍ଦୀୟ, ଦେସ୍‌ତିଙ୍ଗ୍ ହେବାକିନି ଶିମୋନ,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:34

ତାପାଚେ ଶିମିୟନ୍ ହେୱାରିଙ୍ଗ୍ ଆଶ୍ରିବାଦ୍ କିତାନ୍ ଆରେ ଯୀଶୁ ତେହି ମରିୟମତିଙ୍ଗ୍ ୱେଚ୍‌ଚାନ୍, “ଇ ହିମ୍‌ଣା କାଜିଙ୍ଗ୍ କେତେକ୍ ଇସ୍ରାଏଲନି ମାନାୟାର୍ ରକ୍ଷା ପାୟାଆନାର୍‌ ଆରେ କେତେକ୍ ହେନି ଦଣ୍ଡ୍ ପାୟାଆନାର୍‌। ଇୱାନ୍ ଈଶ୍ୱର ପକ୍ତିତି ର ଚିନା ଲେକେ, ମାତର୍ ମାନାୟାର୍ ହେୱାନିଙ୍ଗ୍ ଆହୁର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:23

ଆରେ ଇନେର୍ ପା ନାଙ୍ଗେଙ୍ଗ୍ ପାର୍ତି କିଦେଙ୍ଗ୍ ପିସ୍ତୁନ୍, ହେୱାନ୍ ଆଶ୍ରିବାଦ୍ ପାୟା ଆନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:20

ହେ ମାନାୟ୍ ବିତ୍ରେତାଙ୍ଗ୍ ରକାନ୍ ଯୀଶୁଙ୍ଗ୍ ୱେଚ୍‌ଚାନ୍, “ନିଙ୍ଗେଙ୍ଗ୍ ମିଞ୍ଜିୟା, ଟଣ୍ଡାଦିର୍ ଆରେ ତଣ୍‌ଦେଦିକ୍ ବାର୍ତ ନିଲ୍‌ତାର୍‌ନା ନି ଲାହାଙ୍ଗ୍ ବେଣ୍‌କିଦେଙ୍ଗ୍ ମାନ୍ କିନାରା।”

ଜହନ୍‌ 14:22

ତାପାଚେ ଯିହୁଦା ଇୱାନ୍ ଇଷ୍କାରିତିୟ ଯିହୁଦା ଆକାୟ୍, ହେୱାନିଙ୍ଗ୍ ୱେନ୍‌ବାତାନ୍, “ଏ ମାପୃ, ପୁର୍ତିତିଙ୍ଗ୍ ଇନା କିଦେଙ୍ଗ୍ ଚଞ୍ଜିଆନାୟା? ମାତର୍ ଏନେଙ୍ଗ୍ ଇନା କିଦେଙ୍ଗ୍ ମାଙ୍ଗେଙ୍ଗ୍ ଚଚିୟାଆନି କାଜିଙ୍ଗ୍ ଜଜ୍‌ନା କିନାୟା?”

ଜହନ୍‌ 6:42

“ଇୱାନ୍‌ତ ଯୋଷେପ୍‌ ମେହି ଯୀଶୁ! ଲାତ୍ରାହି ଆରେ ତାଞ୍ଜିୟାଙ୍ଗ୍ ତ ଆପେଙ୍ଗ୍ ପୁଚାପ୍‌ନା। ଲାଗିଙ୍ଗ୍ ଇୱାନ୍ ଇନେସ୍ କିଜି ସରଗ୍‌ତାଙ୍ଗ୍ ୱାତାଙ୍ଗ୍‌ନା ଇଞ୍ଜି ୱେଚ୍‌ଚାନାନା?”

ପକ୍ୟାତାକା 1:13

ହେୱାର୍ ହେ ସହର୍ ବିତ୍ରେ ହାଚାର୍। ଆରେ ହେୱାର୍ ମାନି ଇଲ୍‌ନି ଜପ୍‌ଣି ପାଉଜ୍‍ତ ହାଚାର୍। ହେବେ ମାନି ଚେଲାହିର୍ ତର୍‌ ଇଲେକେ ପିତର, ଯୋହନ, ଯାକୁବ, ଆନ୍ଦ୍ରିୟ, ପିଲିପ, ଥୋମା, ବାର୍ଥଲମି, ମାଥିଉ, ଆଲ୍‌ପି ମେହି, ଯାକୁବ, ଦେସ୍ ହେବାକିନି ଶିମୋନ ଆରେ ଯାକୁବ ମେହି ଯିହୁଦା।

ପକ୍ୟାତାକା 12:17

ମାତର୍ ହେୱାନ୍ ହେୱାରିଙ୍ଗ୍ କେଇ ଚଚ୍‌ଚି ଚିମ୍ରା ଆଦେଙ୍ଗ୍ ୱେଚ୍‌ଚାନ୍। ଆରେ ହେୱାନିଙ୍ଗ୍ ମାପୃ ଇନେସ୍ ଜଇଲ୍ ଇଞ୍ଜାଙ୍ଗ୍ ବାର୍ତ ହପ୍ତାନ୍‌, ହେ ୱିଜୁ କାତା ହେୱାରିଙ୍ଗ୍ ୱେଚ୍‌ଚାନ୍। ଆରେ ହେୱାନ୍ ୱେଚ୍‌ଚାନ୍, “ଇୱିଜୁ କାତା ଯାକୁବ ଆରେ ଟଣ୍ଡାରିଙ୍ଗ୍ ୱେଚାଟ୍।” ତାପାଚେ ହେୱାନ୍ ହେବେତାଙ୍ଗ୍ ଜେକନି ବାହାତାକେ ହସିହାଚାନ୍।

୧ କରନ୍ତିୟ 1:23

ଏଚେପାଦ୍ନା ଆସେଙ୍ଗ୍ ଯୀଶୁ ଖ୍ରୀଷ୍ଟ ମାଙ୍ଗେଙ୍ଗ୍ ଉଦାର୍ କିଦ୍‌ନି କାଜିଙ୍ଗ୍ କୃଶକାଟ୍‌ତାକେ ହାଃତାନ୍ ଇଞ୍ଜି ଶୁଣାୟ୍ କିନାସା। ଯିହୁଦି ଜାତିନି ମାନାୟାର୍ ମାଙ୍ଗେଙ୍ଗ୍ ଇନସ୍ତା କିଦ୍‌ନାରା ଆରେ ବିନ୍‌ଜାତିନି ମାନାୟାର୍ ଇଦାଙ୍ଗ୍ ବେକାର୍ ଇଞ୍ଜି ୱେଚ୍‌ନାରା।

୧ କରନ୍ତିୟ 9:4

ଆନେଙ୍ଗ୍ ଆରେ ନା ହୁଦାଙ୍ଗ୍ ମାନି ବର୍ଣ୍ଣବା, ଆପେଙ୍ଗ୍ ମିଞ୍ଜ ମାନ୍‌ଞ୍ଜି କାଦି ପିଦି ଚିଞ୍ଜେଙ୍ଗ୍ ଅଦିକାର୍ ମାନାତ୍।

ଗାଲାତିୟ 1:19

ମାତର୍ ହେବେ ମାପୃ ଟଣ୍ଡାହି ଯାକୁବଙ୍ଗ୍ ପିସ୍ତି ଆରେ ଜେକନି ବାଚିକିତି ଚେଲାରିଙ୍ଗ୍ ଇନେରିଙ୍ଗ୍ ପା ହୁଡ଼୍‌ୱାତାଙ୍ଗ୍।

୧ ପିତର 2:4

ଏପେଙ୍ଗ୍ ମାପୃ ଯୀଶୁତାକେ ୱାତାଦେର୍‌ନା। ହେୱାନ୍ ରକାନ୍ ଇଲ୍ ରହ୍‌ନି ପାଉଣ୍ଡେସେନ୍‌ନି ମୁକ୍ୟ କାଲ୍‌ଲେକେ, ଆରେ ହେୱାନ୍ ଜିବୁନ୍ ମାନି କାଲ୍। ବେସିହେନି ମାନାୟାର୍ ତାଙ୍ଗେଙ୍ଗ୍ ମୁନା କିତାର୍, ମାତର୍ ଈଶ୍ୱର ତାଙ୍ଗେଙ୍ଗ୍ ବାଚିକିତାନ୍ ଆରେ ହେୱାନ୍ ବେସି ମୁକ୍ୟ ଇଞ୍ଜି ବାବିକିତାନ୍। ମାନାୟାର୍ ଇନେସ୍ କାଲ୍‌କୁ ହୁଦାଙ୍ଗ୍ ଇଲ୍ ରହ୍‌ନାର୍, ହେଲେକେ ଈଶ୍ୱର ମିଙ୍ଗେଙ୍ଗ୍ ର ଦଳ୍ କିଦ୍‌ନାନା ଆରେ ମି ବିତ୍ରେ ପବିତ୍ର ଆତ୍ମା ମାନ୍‌ଙ୍ଗାନାତ୍। ଇନେସ୍‌କି ଖ୍ରୀଷ୍ଟ ମା କାଜିଙ୍ଗ୍ ଇନାକା କିତାନ୍‌ନା ହେଦାଙ୍ଗ୍ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ପୁଜାରିର୍ କାମାୟ୍ କିଦେଙ୍ଗ୍ ପୁଜାରିର୍ ଲେକେ କିତ୍‌ତାନ୍‌ନା, ହେୱାର୍ ଈଶ୍ୱରତିଙ୍ଗ୍ ୱାରି କିଦେଙ୍ଗ୍ କାମାୟ୍ କିନାର୍।

ଜିହୁଦା 1:1

ଆନେଙ୍ଗ୍ ଯିହୁଦା ଯୀଶୁ ଖ୍ରୀଷ୍ଟତି ରକାନ୍ ଚେଲାହିତଙ୍ଗ୍‌ ଆରେ ଯାକୁବନି ହିରୁ ଟଣ୍ଡାହିତଙ୍ଗ୍‌। ଈଶ୍ୱରତାକେ ପାର୍ତିକିନି କାଜିଙ୍ଗ୍ ଇମ୍‌ଣାକାରିଙ୍ଗ୍ ହେୱାନ୍ କୁକ୍ତାନ୍‌ନା, ହେୱାର୍ ଲାଗାୟ୍ ଇ ଚିଟି ଲେକିକିନାଙ୍ଗା। ଆବା ଈଶ୍ୱର ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଆରେ ଯୀଶୁ ଖ୍ରୀଷ୍ଟତାକେ ମିଙ୍ଗେଙ୍ଗ୍ ହାର୍‌ଦାଙ୍ଗ୍ ଇଡ଼୍‌ଜି ମାଞ୍ଜ୍‌ନାନ୍।