ମାର୍କ 5:7 - New Testament in Pengo Parja Language7 ଚେରାଆଜି ୱେଚ୍ଚାନ୍, “ଏ ସରଗ୍ନି ଈଶ୍ୱର ମେହି ଯୀଶୁ, ନା ଲାଗାୟ୍ ନିଦାଙ୍ଗ୍ ଇନା କାମାୟ୍ ମାନାତ୍? ନିଙ୍ଗେଙ୍ଗ୍ ଈଶ୍ୱର ତର୍ଦାଙ୍ଗ୍ ରାଣ୍ ହିଦ୍ନାଙ୍ଗା, ନାଙ୍ଗେଙ୍ଗ୍ କଷ୍ଟ ହିଦ୍ମା।” Faic an caibideilସତ୍ ବଚନ୍ ପୁନି ନିୟମ୍7 ଆରେ ଗାଜା କାଟ୍ତାଂ କିକିରାଡିଂ ଆଜ଼ି ଇଚାନ୍, “ଏ ସତ୍ତି ଗାଜା ଇସ୍ୱର୍ ମେହି ଜିସୁ ! ନି ହୁଦାଂ ନାଦି ଇନାକା ମାନାତ୍ ? ନିଙ୍ଗେଙ୍ଗ୍ ଇସ୍ୱର୍ ତର୍ଦାଂ ରାଣ୍ ହିଦ୍ନାଙ୍ଗା, ନାଙ୍ଗେଙ୍ଗ୍ କସ୍ଟ ହିଦ୍ମା !” Faic an caibideil |
ମାର୍କ 5:7
29 Iomraidhean Croise
ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍କି ହେୱାନ୍ ହାର୍ଦି ମାନାୟ୍ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍ଚାନାନ୍।
ଇନେସ୍କି ଈଶ୍ୱର ହିମ୍ଣାର୍ ନେତେର୍ ଆରେ ଜେଇନି ମାନାୟାର୍, ଲାଗିଙ୍ଗ୍ ଯୀଶୁ ପା ନିଜେ ମାନାୟ୍ ରୁପ୍ ଆଜି ଜନମ୍ ଆଜି ନେତେର୍ ଜେଇନି ମାନାୟ୍ ଆତାନ୍। ଇନେସ୍କି ହେୱାନ୍ ମାନାୟ୍ ରୁପ୍ ଆତି କାଜିଙ୍ଗ୍ ନେ ହାଃଦେଙ୍ଗ୍ ଆଡ଼୍ତାନ୍, ଆରେ ହାଃତି କାଜିଙ୍ଗ୍ ନେ ହେୱାନ୍ ହାଃନିଲେକେ ମାନି ଆଦିକାର୍ନି ଶାକ୍ତି ଇଡ଼୍ଜି ମାଚି ଶୟତାନନି ଶାକ୍ତିତିଙ୍ଗ୍ ବିନାସ୍ କିଦେଙ୍ଗ୍ ଆଡ଼୍ତାନ୍।
ଇ ମଲ୍କିଷେଦକ ଶାଲେମ ସହର୍ନି ରାଜା ମାଚାନ୍, ଆରେ ହେୱାନ୍ ଗାଜା ଈଶ୍ୱରନି ପୁଜାରି ମାଚାନ୍। ତା ତର୍ନି ଅର୍ତ “ନ୍ୟାୟ୍ତାଙ୍ଗ୍ ବିଚାର୍କିନି ରାଜା” ଆରେ ଶାଲେମ ରାଜାନି ଅର୍ତ “ଶାନ୍ତିନି ରାଜା।” ତା ଆୟା ଆବାର୍ ବିଷୟରେ କି, ତା ଲାତ୍ରା ବିଷୟରେ କି, ତା ଜନମ୍ କି ମାରାଣ୍ ବିଷୟରେ ଇନାକା ପା ଦରମ୍ ସାସ୍ତର୍ତାକେ ଲେକାଆୱାତାତ୍ନା। ହେୱାନ୍ ୱିଜୁଦିନ୍ କାଜିଙ୍ଗ୍ ପୁଜାରି। ହେଦାଙ୍ଗ୍ କାଜିଙ୍ଗ୍ ହେୱାନ୍ ରକାନ୍ ଈଶ୍ୱର ମେହି ଲେକେ। ଅବ୍ରାହାମ ଏଚେପାଦ୍ନା ଚାରି ଜାଣ୍ ରାଜାରିଙ୍ଗ୍ ମାର୍ନେ ଅସ୍ତି ୱାଜିମାଚାନ୍, ହେପାଦ୍ନା ମଲ୍କିଷେଦକ ହେୱାନିଙ୍ଗ୍ ଗିଟାଆଜି ଆଶ୍ରିବାଦ୍ କିଜି ମାଚାନ୍। ଅବ୍ରାହାମ ଯୁଜ୍ତାକେ ଜିତାଆଜି ଇନାକା ପାୟାଆଜି ମାଚାନ୍ ହେବେତାଙ୍ଗ୍ ୱିଜୁ ଜିନିଷ୍ତିଙ୍ଗ୍ ମଲ୍କିଷେଦକଙ୍ଗ୍ ଦଶମାଂଶ ହିଜିମାଚାନ୍।
ଆରେ ଈଶ୍ୱର ହିଜିମାଚି ପାଦ୍ତାଙ୍ଗ୍ ଇମ୍ଣି ଦୁତ୍କୁ ୱାରିଆଜି ମାନ୍ୱାଦାଙ୍ଗ୍, ହେୱାର୍ ମାନି ଇଲ୍ ସରଗ୍ତାକେ ପିସ୍ତାର୍ନା, ହେୱାର୍ ବିଷୟରେ ଏପେଙ୍ଗ୍ ବାବିକିଜି ହୁଡ଼ାଟ୍। ଈଶ୍ୱର ହେୱାରିଙ୍ଗ୍ ମାଜ୍ଗା ବାହାତାକେ ୱିଜୁଦିନ୍ କାଜିଙ୍ଗ୍ ହେୱାରିଙ୍ଗ୍ ଗାଜା ବିଚାର୍କିନି ଦିନ୍ତ ୱିଜ୍ୱି ଦଣ୍ଡ୍ ହିନି କାଜିଙ୍ଗ୍ ହେୱାରିଙ୍ଗ୍ ହିକ୍ଡ଼ିଙ୍ଗ୍ତାଙ୍ଗ୍ ଗାଚ୍ଚି ଇଡ଼୍ତାନ୍ନା।
Sanasan